बुधवार 30 मार्च 1983 की अव्यक्त मुरली

>

30-03-83 om shanti avyakt baapdaada madhuban

kanyaaon ke group mein praan avyakt baapdaada ke madhur mahaavaakya

aaj behad drama ke rachayita baap, behad drama ke wonderful sangamayug ke divya drishya ke andar madhuban ke vishesh drishya ko dekh rahe hain। madhuban stage par har ghadi kitne dilapsanda ramneek part chalte hain। jisko baapdaada door baithe bhi sameep se dekhte rehte hain। is samay stage ke hero actor kaun hain?double paavan aatmaayen,shreshtha aatmaayen। laukik jeevan se bhi pavitra aur aatma bhi pavitra। to double paavan vishesh aatmaon ka hero part madhuban stage par chalta hua dekh baapdaada bhi ati harshit hote hain। kya kya plan banaate ho, kya kya sankalp karte ho, kaun si halchal mein bhi aate ho, yeh himmat aur halchal donon hi khel dekh rahe the। himmat bhi bahut achhi rakhte ho। umang ullaas bhi bahut aata hai lekin saath-saath thoda sa, haan va na ka mix sankalp bhi rehta hai। baapdaada hansi ka khel dekh rahe the। chaahna bahut shreshtha hai ki dikhaayenge,karke dikhaayenge। lekin man ke umang ki chaahna va sankalp chehre par jhalak ke roop mein nahin dikhaai deta hai। shuddh sankalp chehre par chamakti hui dikhaai de woh percentage mein dekha। yeh kyon? iska kaaran? shubh sankalp hai lekin sankalp mein shakti kuchh maatra mein hai। sankalp roopi beej to hai lekin shaktishaali beej jo pratyaksha phal arthaat pratyaksha roop mein raunak dikhaai de, woh abhi aur chaahiye।

sabse jyaada chehre par umang ullaas ki raunak va chamak aane ka saadhan hai, har gun, har shakti, har gyaan ki point ke anubhvon se sampannata। anubhav bade te badi athaarti hai। athaarti ki jhalak chehre par aur chalan par svatah hi aati hai। baapdaada vartamaan ke hero paartadhaariyon ko dekhte hue muskara rahe the। khushi mein naach bhi rahe hain lekin koi koi naachte hain to saare vaayumandal ko hi nacha dete hain। unki act mein raunak dikhaai deti hai। jisko aap log kehte hain ki raas karte-karte macha liya arthaat sabhi ko nacha liya। to aisi raunak vaali jhalak abhi aur dikhaani hai। uska aadhaar sun liya। sunne sunaane vaale to ban hi gaye ho। saath-saath anubhvi moortta banne ka vishesh part bajaao। anubhav ki athaarti vaala kabhi bhi kisi prakaar ki maaya ke bhinna-bhinna royal roopon mein dhokha nahin khaayenge। anubhvi athaarti vaali aatma sada apne ko bharpoor aatma anubhav karegi। nirnay shakti,sahan shakti va kisi bhi shakti se khaali nahin honge। jaise beej bharpoor hota hai vaise gyaan,gun, shaktiyaan sabse bharpoor। isko kaha jaata hai - ‘master almighty athaarti’। aise ke aage maaya jhukegi,na ki jhukaayegi। jaise had ki athaarti vaale vishesh vyaktiyon ke aage sab jhukte hain na। kyonki athaarti ki mahaanta sabko svatah hi jhukaati hai। to vishesh kya dekha? anubhav ki athaarti ki seat par abhi set ho rahe hain। speaker ki seat le li hai lekin ‘‘sarva anubhvon ki athaarti ka aasan’’, abhi yeh lena hai। sunaaya tha na,duniya vaalon ka hai sinhaasan aur aap sabka hai athaarti ka aasan। isi aasan par sada sthit raho। to sahaj yogi, sada ke yogi, svatah yogi hain hi।

abhi to amritvele ka drishya bhi hansane hansaane vaala hai। koi nishaana lagaate lagaate thak jaate hain। koi double jhoolon mein jhoolte hain। koi hathayogi ban karke baithte hain। koi to sirf nemeenaath ho baithte hain। koi koi lagan mein magan bhi hote hain। yaad shabd ke arth swaroop banne mein abhi vishesh attention do। yogi aatma ki jhalak chehre se anubhav ho। jo man mein hota hai woh mastak par jhalak zaroor rehti hai। aise nahin samajhna man mein to hamaara bahut hai। man ki shakti ka darpan chehra arthaat mukhda hai। kitna bhi aap kaho ki ham khushi mein naachte hain lekin chehra udaas dekh koi nahin maanega। khoya-khoya hua chehra aur paaya hua chehra iska antar to jaante ho na। ‘‘pa liya’’ isi khushi ki chamak chehre se dikhaai de। khushka chehra nahin dikhaai de,khushi ka chehra dikhaai de। baapdaada hero paartadhaari bachchon ki mahima bhi gaate hain। phir bhi aajkal ki fashionable duniya se, man se,tan se kinaara kar baap ko sahaara to bana liya। is dridh sankalp ki bahut bahut mubaarak। sada isi sankalp mein jeete raho। baapdaada yeh vardaan dete hain। isi shreshtha bhaagya ki khushi mein, sneh ke pushpa bhi chadhaate hain। saathsaath har bachcha sampanna, baap samaan athaarti ho, is shuddh sankalp ki vidhi bataate hain। badhaai bhi dete hain aur vidhi bhi bataate hain।

sabhi ne samaaroh to mana liya na! sabhi samaaroh manaate sampanna banne ka lakshya lete hue ja rahe ho na! pahle vaale puraane to puraane rahe lekin aap subhaan alla ho jaao। sabka photo to nikla hai na। photo to yaadgaar ho gaya na yahaan। ab deedi daadi bhi dekhengi ki athaarti ke aasan par kaun kaun kitne sthit hue। centre par rehna bhi koi badi baat nahin lekin vishesh paartadhaari ban part bajaana yeh hai kamaal! jo sabhi kahen ki is group ki har aatma baap samaan sampanna swaroop hai। khaali nahin bano। khaali cheez mein halchal hoti hai। sayaane bano arthaat sampanna bano। sirf kumaariyon ke liye nahin hai lekin sabhi ke liye hai। sampanna to sabhi ko banna hai na। jo bhi sabhi aaye hain madhuban ki vishesh saugaat ‘‘sarva anubhvon ki athaarti ka aasan’’, yeh saath mein le jaana। is saugaat ko kabhi bhi apne se alag nahin karna। sabko saugaat hai na ki sirf kumaariyon ko hai। madhuban nivaasiyon ko bhi aaj ki yeh saugaat hai। chaahe kahaan bhi baithe hain lekin baap ke sammukh hain। aane vaale sarva kamal pushpa samaan bachchon ko, madhuban nivaasiyon ko, chaaron or ke desh videsh ke bachchon ko aur vartamaan stage ke hero paartadhaari shreshtha aatmaon ko,sabhi ko ‘anubhvi bhav’ ke vardaan ke saath vardaata baap ki yaad pyaar aur namaste।’’

kumaariyon ne vishesh sankalp liya! vishesh sankalp dvaara vishesh aatmaayen baneen? vishesh sankalp kya liya? sada mahaaveerni ban vijayi rahengi,yahi sankalp liya hai na! sada vijayi, sada mahaaveerni ya thode samay ke liye liya? iske baad kabhi bhi kisi prakaar ki maaya nahin aayegi na! aadhaakalpa ke liye khatma hui,kabhi sankalpon ka takkar to nahin hoga। kabhi vyartha sankalp ka toofaan to nahin aayega? agar baar baar maaya ke vaar se haar khaate to kamzor ho jaate hai। jaise koi baar baar dhakka khaata to uski haddi kamzor ho jaati hai na। phir plaastar lagaana padta। isliye kabhi bhi kamzor ban haar nahin khaana। to mahaaveerni arthaat sankalp kiya aur swaroop ban gaye। aise nahin vahaan jaakar dekhenge, karenge…yeh goonge vaali nahin। jo sankalp liya hai usmein dridh rehna to vijay ka jhanda lahra jaayega। itne dridh sankalp vaali apne apne sthaan par jaayengi to jay jaykaar ho jaayegi। sankalp se sab sahaj ho jaata hai। jo sankalp kiya hai use paani dete rehna। har maas apni result likhna। kabhi bhi kamzor sankalp nahin karna। yeh sanskaar yahaan khatma karke jaana। aage badhengi,vijayi banengi - yeh dridh sankalp karke jaana। achha –

sabhi ki aashaayen poori hui? kumaariyon ki aashaayen poori hui to maataaon ki to hui padi hain। abhi aap log thode aaye ho isliye achha chance mil gaya। is baari sabhi kumaariyon ka ulhana to poora hua। koi complaint nahin, sabhi complete hokar ja rahi ho na! abhi dekhenge, nadiyaan kahaan bahti hain। taalaab banti hain, badi nadi banti hain,chhoti banti hain ya kuaan banta hai। taalaab se bhi chhota kuaan hota hai na। to dekhenge kya banti hain! woh result aayegi na! kumaariyon ko dekhkar aata hai itne hands niklen,maataaon ko dekhkar kahenge ki nikalna thoda mushkil hai। to ab nirvighna hands banna। aise nahin seva bhi karo aur seva ke saath-saath mehnat bhi lete raho, yeh nahin karna। seva ke saath agar complaint nikalti rahe to seva ka phal nahin nikalta। isliye nirvighna hand banna। aise nahin aap hi vighna roop ban, daadi deedi ke saamne aate raho, madadgaar hand banna। khud seva nahin lena। to sada nirvighna rahenge aur seva ko nirvighna badhaayenge - aisa pakka sankalp karke jaana। achha –

prashn:- baap ko kin bachchon par bahut naaj rehta hai?

uttar:- jo bachche kamaai karne vaale hote, aise kamaai karne vaale bachchon par baap ko bahut naaj rehta,ek ek second mein padmon se bhi jyaada kamaai jama kar sakte ho। jaise ek ke aage ek bindi lagaao to 10 ho jaata, phir ek bindi lagaao 100 ho jaata, aise ek second baap ko yaad kiya,second beeta aur bindi lag gai, itni badi kamaai abhi hi jama karte ho phir anek janma tak khaate rahenge।