सोमवार 9 मई 1983 की अव्यक्त मुरली

>

09-05-83 om shanti avyakt baapdaada madhuban

brahman jeevan ka shrringaar smriti, vritti,aur drishti ki svachchhata

svachchha, pavitra,shreshtha tatha poojya banaane vaale,param pavitra avyakt baapdaada bole:-

aaj baapdaada sabhi brahman bachchon ke shreshtha karma ki rekha dekh rahe hain। jis karma ki rekha dvaara hi vartamaan aur bhavishya takdeer ki lakeer kheenchi ja rahi hai। sabhi braahmanon ki karma rekha va karma kahaani va karmon ka khaata dekh rahe the। vaise bhaagya vidhaata baap ke, karmon ke guhya gati ke gyaata baap ke direct varse ke adhikaari bachche hain। saath-saath svayan vidhaata baapdaada ne sabhi bachchon ko golden chance diya hai ki vidhaata ke bachche ho isliye jo jitna bhaagya banaana chaahe, jitna sarva praapti swaroop banna chaahe, harek ko sampoorn adhikaar hai। adhikaar dene mein number nahin hai, freedom hai arthaat sampoorn svatantrata hai। aur saath-saath drama anusaar vardaani samay ka bhi sahayog hai। woh bhi sabhi ko samaan hai। phir bhi itna golden chance milte, behad ki praapti ko bhi nambarvaar ki had mein la dete hain। baap bhi behad ka,varsa bhi behad ka, adhikaar bhi behad ka lekin lene vaale nambarvaar ban jaate hain - aisa kyon? iske sankshep mein do kaaran hain। ek buddhi mein svachchhata nahin, clear nahin। doosra har kadam mein saavdhaan nahin arthaat careful nahin। in do kaarnon se nambarvaar ban jaate hain। mukhya baat svachchhata ki hai। isko hi pavitrata va pahle vikaar par jeet kaha jaata hai। jab brahman jeevan apnaai to brahman jeevan ka mukhya aadhaar kaho, naveenta kaho, alaukikta kaho, jeevan ka shrringaar kaho, woh hai hi shringaar -’pavitrata’। brahman jeevan ki challenge hi hai kaam-jeet। yahi asambhav se sambhav kar dikhaane ki, shreshtha gyaan aur shreshtha gyaan daata ki nishaani hai। jaise naamdhaari braahmanon ki nishaani choti aur janeu hai vaise sachche braahmanon ki nishaani ‘pavitrata aur maryaadaayen’hain। janma ki va jeevan ki nishaani woh to sada kaayam rakhni hoti hai na। pavitrata ki pahli aadhaarmoorta point hai ‘‘smriti ki pavitrata’’। main sirf aatma nahin lekin main shuddh pavitra aatma hoon। aatma shabd to sabhi kehte hain lekin brahman aatma sada yahi kahenge ki - main shuddh pavitra aatma hoon। shreshtha aatma hoon। poojya aatma hoon। vishesh aatma hoon। yeh smriti ki hi pavitrata aadhaar moorta hai। to pahla aadhaar majboot kiya hai? yeh occupation sada smriti mein rehta hai?jaisa occupation vaisa karma svatah hota hai। pahle smriti ki svachchhata chaahiye। uske baad vritti aur drishti। jab smriti mein pavitrata aa gai ki main poojya aatma hoon to poojya aatma ka vishesh gaayan kya hai? sampoorn nirvikaari,sarvagun sampanna, 16kala sampoorn। yahi poojya aatma ki qualification hai। woh svatah hi svayan ko aur sarva ko kis drishti se dekhenge? chaahe alaukik parivaar mein,chaahe laukik parivaar kaho va laukik smriti mein rahne vaali aatmaayen kaho,sabhi ke prati param poojya aatmaayen hain va poojya banaana hai yahi drishti mein rahe। poojya aatmaon arthaat alaukik parivaar ki aatmaon ke prati agar koi bhi apvitra drishti jaati hai to yeh smriti ka foundation kamzor hai। aur yeh maha-maha-mahaapaap hai। kisi bhi poojya aatma prati apvitrata arthaat daihik drishti jaati hai ki yeh sevaadhaari bahut achhe hain, yeh shikshak bahut achhi hai। lekin achchhaai kya hai? achchhaai hai oonchi smriti aur oonchi drishti ki। agar woh oonchaai nahin to achchhaai kaun si hai? yeh bhi sunahri mrigmaaya ka roop hai, yeh service nahin hai, sahayog nahin hai lekin svayan ko aur sarva ko viyogi banaane ka aadhaar hai। yeh baat baar-baar attention rakho।

baap dvaara nimitta bane hue shikshak va seva ke sahayogi bani hui aatmaayen chaahe behen ho ya bhaai ho, lekin sevaadhaari aatmaon ke seva ke mukhya lakshan - ‘tyaag aur tapasya’ hain, isi lakshan ke aadhaar par sada tyaagi aur tapasvi ki drishti se dekho, na ki daihik drishti se। shreshtha parivaar hai to sada shreshtha drishti rakho। kyonki yeh mahaapaap kabhi praapti swaroop ka anubhav kara nahin sakta। sada hi koi na koi karma mein, sankalp mein, sambandh-samparka mein defect va effect isi utraai aur chadhaai mein chalta rahega। kabhi bhi perfect sthiti ka anubhav nahin kar sakega। isliye sada yaad rakho poojya aatma ke badle paap aatma to nahin ban gaye! isi ek vikaar se aur vikaar svatah hi paida ho jaate hain। kaamna poori na hui to krodh saathi pahle aayega। isliye is baat ko halka nahin samjho। ismen albele mat bano। baahar se shubh sambandh hai,seva ka sambandh hai is royal roop ke paap ko badhaao mat। chaahe koi bhi doshi ho is paap ke, lekin doosre ko doshi banaae svayan ko albele mat banaao। ‘‘main doshi hoon’’, jab tak yeh saavdhaani nahin rakhenge tab tak mahaapaap se mukta nahin ho sakenge। kisi bhi prakaar ka, mansa sankalp ka va bol ka va samparka ka vishesh jhukaav hona yeh lagaav ki nishaani hai। aur kuchh nahin karte hain, sirf baat karte hain,yeh baaton ka jhukaav bhi lagaav ki percentage hai। chaahe seva ke sahayog ki taraph bhi vishesh jhukaav hai, yeh bhi lagaav hai। aur jab koi bhi ishaara milta hai to ishaare ko ishaare se khatma kar dena chaahiye। agar jiddha karte ho aur siddha karte ho, spashteekran dene ki koshish karte ho, isse samjho spashteekran apne paap ki karte ho। baat ki nahin karte ho, paap ki lakeer aur lambi karte jaate ho। isliye jab hain hi vishwa parivartan ke kaarya mein to sva-parivartan kar lena yahi samajhdaari ka kaam hai। agar kuchh nahin hai to nahin kar do na। arthaat sva parivartan kar baat ka naam nishaan khatma kar do। yeh kyon,aisa kyon,yeh to chalta hi hai। yeh vaayumandal ki agni mein tel daalna hai। aag ko bhadkaana hai। baat ko badhaana hai। iseelie full stop lagaana chaahiye। hai va nahin hai ki bahas mein nahin jaao। lekin sankalp, bol aur samparka mein parivartan laao। yeh hai vidhi - is paap se bachne ki। samjha! brahman parivaar mein yeh sanskaar naam nishaan maatra na rahen। achha phir sunaayenge ki krodh mahaabhoot kya hai।

yahi vishesh attention dene ki baaten hain। jo bhi aaye ho vishesh bal bharne aaye ho। kisi bhi kamzor sanskaar ko sada ke liye samaapta karne aaye ho to ‘kamzor sanskaar samaapti samaaroh’ karke jaana। yeh samaaroh manaayenge na। hai bhi vishesh puraanon ka group। aap log jab samaaroh manaayenge tab naye bhi umang utsaah mein aayenge। aise nahin ki har varsha yeh samaaroh manaana pade। ek baar ka yeh samaaroh aur phir ‘sampanna samaaroh’! sadaakaal ke liye samaapti ka samaaroh manaayenge na। ismen maataayen bhi aa jaateen, adharkumaar bhi aa jaate। aise nahin sirf paandav manaayenge। kumaariyaan bhi manaayengi, teacher bhi manaayengi। adharkumaariyaan bhi manaayengi। sab milkar yeh samaaroh manaaven। theek hai na। kumaariyaan shaktiyaan hai na! to shakti roop ka samaaroh manaayenge na। achha –

sada svayan prati shubhchintak, sada sva-parivartan ke kaarya mein ‘pahle main’,is paath mein number one aane vaale, sada sankalp, bol aur samparka mein sarva prati behad ke smriti swaroop, sada svachchhata aur saavdhaani mein rahne vaale, aise pavitra poojya aatmaon ko baapdaada ka yaad-pyaar aur namaste।’’

kumaaron se:- sada apne ko har kadam mein saakshi aur sada baap ke saathi - aise anubhav karte ho? jo sada saakshi hoga woh sada hi har karma karte har kadam uthaate karma ke bandhan se nyaare aur baap ke pyaare,to aise saaksheepan anubhav karte ho?koi bhi karmandriyaan apne bandhan mein nahin baandhe isko kaha jaata hai - ‘saakshi’। aise saakshi ho? koi bhi karma apne bandhan mein baandhata hai to usko saakshi nahin kahenge। phansane vaala kahenge। nyaara nahin kahenge। kabhi aankh bhi dhokha na de। shaareerik sambandh mein aana arthaat aankh ka dhokha khaana। to koi bhi karmendriy dhokha na de। saakshi rahen aur sada baap ke saathi rahen। har baat mein baap yaad aave। mahaan aatmaayen bhi nahin, nimitta aatmaayen bhi nahin lekin baba hi yaad aaye। koi bhi baat aati hai to pahle baap yaad aata ya nimitta aatmaayen yaad aati? sada ek baap doosra na koi, aatmaayen sahayogi hain lekin saathi nahin hai, saathi to baap hai। sahayogi ko apna saathi samajhna yeh wrong hai। to sada seva ke saathi lekin seva mein saathi baap hai। nimitta sahayog dete hain, aisa sada smriti swaroop ho! kisi dehdhaari ko saathi banaaya to udti kala ka anubhav nahin ho sakta। isliye har baat mein ‘baba-baba’yaad rahe। kumaar double light hain, sanskaar svabhaav ka bhi bojh nahin। vyartha sankalp ka bhi bojh nahin। isko kaha jaata hai ‘halka’। jitne halke honge utna sahaj udti kala ka anubhav karenge। agar jara bhi mehnat karni padti hai to zaroor koi bojh hai। to ‘baba-baba’ka aadhaar le udte raho। yahi avinaashi aadhaar hai।

roohaani youth group shaantikaari, kalyaankaari group hai। sada vishwa mein shanti sthaapna ke kaarya mein nimitta hain,woh ashaanti phailaane vaale aur aap shanti phailaane vaale। aise apne ko samajhte ho? youth group mein raajneetik logon ki bhi ummeeden hain aur baapdaada ki bhi ummeeden hain। ummeeden poori karne vaale ho na! bachche sada baap ki ummeeden poori karne vaale honge। to saphalta ke sitaare ban government tak yeh aavaaz bulanda karna ki ham vijayi ratna hain! abhi dekhenge ki kaunse group aur kahaan yeh pahle jhanda lahraate hain। kabhi bhi apni shaktiyon ko misayooj nahin karna। sada yeh yaad rakho ki hamaare oopar bahut badi jimmevaari hai। ek kamzor to ek ke peechhe ek ka sambandh hai। ham jimmevaar hain, yeh smriti sada rahe। jo karma aap karenge aapko dekh sab karenge isliye saadhaaran karma nahin, sada shreshtha karma karne vaale, sada achal rahne vaale।

sabhi kumaar first number mein aane vaale ho na। first number ek hota hai ya itne hote hain? achha first division mein aane vaale ho? first aane vaale ki visheshta kya hoti hai,woh jaante ho?first mein aane vaale sada baap samaan honge। samaanta hi sameepta laati hai। sameep arthaat samaan banne vaale hi first division mein aa sakte hain। to baap samaan kab tak banenge? jab vijay maala ke number out ho jaayenge phir kya karenge? koi date fix hai?date fix kaunsi karni hai?date nahin lekin ab ki ghadi। kya ismen mushkil hai? kumaaron ko kaun si mushkil hai?do roti khaana hai aur baap ki seva mein lagna hai,yahi kaam hai na। do roti ke liye nimitta maatra koi kaarya karte ho na। karte ho, lagaav se to nahin karte ho na! nimitta kahne se nahin hota,kumaar kahne se nahin karte,svatantra hain। to sada lakshya rahe baap samaan banna hai। jaise baap light hai vaise double light। auron ko dekhte ho to kamzor hote ho, si father, follow father karna hai। yahi sada yaad rakho। svayan ko sada baap ki chhatrachhaaya ke andar rakho। chhatrachhaaya mein rahne vaale sada maayaajeet ban hi jaate hain। agar chhatrachhaaya ke andar nahin rehte, kabhi andar kabhi baahar to haar hoti hai। chhatrachhaaya ke andar rahne vaale ko mehnat nahin karni padti। svatah hi sarva shaktiyon ki kirnen use maaya jeet banaati hain। ek baap sarva sambandh se mera hai,yahi smriti samartha aatma bana deti hai। kumaar ab aisa jeevan ka naksha taiyaar karke dikhaao jo sab kahen - ‘nirvighna aatmaayen hain to yahaan hain’। sab vighna vinaashak bano। halchal mein aane vaale nahin, vaayumandal ko parivartan karne vaale। shaktishaali vaayumandal banaane vaale bano। sada vijay ka jhanda lahraata rahe। aisa vishesh naksha taiyaar karo। jahaan unity hai vahaan sahaj saphalta hai। lekin giraane mein unity nahin karna, chadhaane mein। sada udti kala mein jaana hai aur sabko le jaana hai - yahi lakshya rahe। kumaar arthaat sada aagyaakaari vaphaadaar। har kadam mein follow father karne vaale। jo baap ke gun woh bachchon ke,jo baap ka karttavya woh bachchon ka, jo baap ke sanskaar woh bachchon ke, isko kaha jaata hai follow father। jo baap ne kiya hai vahi repeat karna hai, kaapi karna hai। is kaapi karne se full marks mil jaayengi। vahaan kaapi karne se marks kat jaati aur yahaan full marks mil jaati। to jo bhi sankalp karo, pahle check karo ki baap samaan hai?agar nahin hai to change kar do। agar hai to practical mein laao। kitna sahajmaarga hai! jo baap ne kiya woh aap karo। aise sada baap ko follow karne vaale hi sada master sarvashaktivaan sthiti mein sthit rehte hain। baap ka varsa hi hai sarvashaktiyaan aur sarvagun। to baap ke vaaris arthaat sarvashaktiyon ke, sarvagunon ke adhikaari। adhikaari se adhikaar ja kaise sakte? agar albele bane to maaya chori kar legi। maaya ko bhi sabse achhe graahak brahman aatmaayen lagti hain। isliye woh bhi apna chance leti hai। aadha kalpa uske saathi rahe, to apne saathiyon ko aise kaise chhodegi। maaya ka kaam hai aana,aapka kaam hai jeet praapta karna, ghabraana nahin। shikaari ke aage shikaar aata hai to ghabraayenge kya? maaya aati hai to jeet praapta karo,ghabraao nahin। achha!

ahamdaabaad, hostel mein rahne vaali kumaariyon ka group :- kumaari jeevan arthaat svatantra jeevan, is svatantrata se kya milta hai aur shreshtha bhaagya banaane vaale se kya milta hai - yeh sada smriti mein rehta hai?ya samajhti ho ki ham to college mein padhne vaali ladkiyaan hain। sada yeh smriti mein rakho - jaisa baap vaisi main। baap kya hai?sevaadhaari hai। to sabhi seva karti ho na! sabhi kumaariyaan baap ki maala ke manke ho?pakka? aur kiske gale ki maala to nahin banengi। jo baap ke gale ki maala ban gai woh doosron ke gale ki maala nahin ban sakti। kya sankalp kiya hai? aur kahaan svapna mein bhi nahin ja sakti। aise pakke? ek baap ke bane aur sarva khazaanon ke adhikaari ban gaye। sarva adhikaar chhodkar do paison ke peechhe jaayenge kya! woh do paise bhi tab milte jab do chamaat lagaate hain। pahle duhkh ki, ashaanti ki chamaat lagti phir do roti khaate। aisi jeevan to pasanda nahin hai na?kumaari jeevan vaise bhi bhaagyavaan hai aur bhi double bhaagyavaan ban gai। abhi sarva practical paper dengi na! woh kaagaj vaala paper nahin। sada shiv shakti hai, combined hain - yeh smriti sada rakhna। kumaariyon ka kahaan-na-kahaan jaana to hota hi hai। agar aisa shreshtha ghar mil jaae to aur kya chaahiye। kumaariyaan sochti hain achha ghar, bharpoor ghar mile। yeh kitna bharpoor ghar hai jahaan koi apraapti nahin। aisa bhaagya to sabko milna chaahiye। vaah mera bhaagya… yahi geet gaao। jaise chandrama ki chaandani sabko priy lagti hai aise gyaan ki roshni dene vaali bano। gyaan chandrama samaan bano। jaise svayan ke bhaagya ka sitaara chamka hai aise hi sada auron ke bhaagya ka sitaara chamkaao। to sabhi aapko baar baar aasheervaad denge।

sabhi kumaariyaan scholarship lengi na। scholarship lena maana - vijaymaala mein aana। aisa teevra purooshaartha ho jo vijaymaala mein aa jaao। itni paalna jo le rahe ho uska return to dengi na। paalna ka return hai - baap samaan banna, skaalrishap lena। to sada yeh dridh sankalp rakho ki vijayi ban vijay maala ke manke banne vaale hain। sabhi is jeevan se santushta ho? kabhi woh jeevan khaana, peena, ghoomna - yeh yaad to nahin aata? doosron ko dekhkar yeh nahin aata ki ham bhi thoda taste to karen। woh jeevan girne ki jeevan hai - yeh jeevan chadhne ki jeevan hai। chadhne se girne ki taraph kaun jaayega! sada ever ready raho। apne reeti se sada taiyaar raho। koi padhaai ki reeti se shauk ka bandhan nahin। jahaan kumaariyon ka saganthan hai vahaan seva mein vriddhi hai hi। jahaan shuddh aatmaayen hain vahaan sada hi shubh kaarya hai। sabhi aapas mein sanskaar milaane ki subject mein paas ho na। koi khitkhit nahin,kahaan bhi drishti vritti nahin! ek baap doosra na koi… vishesh kumaariyon ko is baat mein certificate lena hai। jaise naam hai baal brahmachaarini… vaise sankalp bhi aisa pavitra ho - isko kaha jaata hai - scholarship lena। phir right-hand ho। sada ek baap doosra na koi - aisi shiv shaktiyaan hain। yahi yaad rakhna to kisi bhi prakaar ki maaya vaar nahin karegi। achha।

teachers ke saath :- sabhi nimitta sevaadhaari, apne ko nimitta samajhkar chalte ho?nimitta samajhne vaale sada halke aur sada saphaltaamoorta hote hain। jitna halke honge utna saphalta zaroor hogi। kabhi seva kam hoti kabhi jyaada to bojh to nahin lagta hai na। bhaari to nahin hote, kya hoga, kaise hoga। karaane vaala kara raha hai aur main sirf nimitta ban kaarya kar rahi hoon - yahi sevaadhaari ki visheshta hai। sada sva ke purooshaartha se aur seva se santushta raho tab hi jinhon ke nimitta bante hain unhon mein santushtata hogi। sada santushta rehna aur doosron ko rakhna yahi visheshta hai।

achha - om shanti।

(vidaai ke samay goodmorning)

sarva chaaron or ki shreshtha aatmaon ko va vishesh aatmaon ko baapdaada madhuban vardaan bhoomi mein sammukh dekhte hue yaad pyaar de rahe hain। aur sabhi se goodmorning kar rahe hain। goodmorning arthaat saara din aisa hi shubh aur shreshtha rahe। saara din isi yaad pyaar ki paalna mein rahen। yeh yaad pyaar hi shreshtha paalna hai। isi paalna mein sada raho aur yahi eeshvareey yaad aur pyaar sabhi aatmaon ko dete hue unhon ki bhi shreshtha paalna karo। yaad pyaar paalna ka jhoola hai। jis jhoole mein paalna hoti hai। aur ‘goodmorning’ko shaktishaali amrit kaho, va aushdhi kaho, va shreshtha bhojan kaho, jo bhi kaho। aise shaktishaali banaane ki goodmorning hai aur paalna ka yaad pyaar jhoola hai। isi jhoole mein sada rahen aur isi shakti mein sada rahen। aise sada isi swaroop mein rahne ki sarva bachchon ko goodmorning।

achha।