शुक्रवार 23 दिसंबर 1983 की अव्यक्त मुरली

>

23-12-83 om shanti avyakt baapdaada madhuban

double light ki sthiti se mehnat samaapta

desh-videsh se padhaare lavleen bachchon ke prati baapdaada bole:-

aaj door desh mein rahne vaale baapdaada, doordeshi bachchon se milne ke liye aaye hain। aap sab bhi doordesh se aaye ho to baapdaada bhi doordesh se aaye hain। sabse door se door aur nazdeek se nazdeek baapdaada ka desh hai। door itna hai jo is saakaar duniya ki baaundri se bahut door hai। lok hi doosra hai। aap sabhi saakaar lok se aaye hain aur baapdaada saakaar lok se bhi pare parlok se via sookshm vatan brahma baap ko saath laaye hain। aur nazdeek bhi itna hai jo second mein pahunch sakte ho na। aap logon ko aane mein kitne ghante lagte hain aur kitna mehnat ka kamaaya hua dhan dena pada। kitna samay laga dhan ikaththa karne mein। aur baap ke vatan se aane aur jaane mein kharcha bhi nahin lagta hai। sirf sneh ki poonji, iske dvaara second mein pahunch jaate ho। koi mehnat to nahin lagti hai na। baapdaada jaante hain ki raajya-bhaagya ganvaane ke baad bachche anek janma bhinna-bhinna prakaar ki tan ki, man ki, dhan ki mehnat hi karte rahe hain। kahaan vishwa ke maalik taaj, takhtadhaari,sarva praaptiyon ke bhandaar ke maalik! prakriti bhi daasi! aise raajya adhikaari, raajya bhaagya karne vaale, ab adheen banne se kya kar rahe hain! naukri kar rahe hain! to mehnat hui na। kahaan raaje aur kahaan kamaai karke khaane vaale government ke servant ho gaye। kitne janma shareer ko chalaane ke liye,shareer nirvaah ka karma, man ko baap se lagaane ke liye bhinna-bhinna saadhnaayen, anek prakaar ki bhakti aur dhan ko ikaththa karne ke liye kitne prakaar ke bhinna-bhinna janmon mein bhinna-bhinna kaarya kiye। aise taaj-takhtadhaari sukh-chain se palne vaale ko kya-kya karna pada। to bachchon ki mehnat ko dekh baapdaada ne mehnat se chhudaae sahaj yogi bana diya hai। second mein svaraajya-adhikaari banaaya na। mehnat se chhudaaya na। yeh sab sochte hain ki naukri se to nahin chhudaaya। lekin abhi kuchh bhi karte ho apne liye nahin karte ho। eeshvareey seva ke prati karte ho। abhi mera kaam samajhkar kar nahin karte ho। trustee ban karke karte ho। isliye mehnat muhabbat mein badal gai। baap ki muhabbat mein,seva ki muhabbat mein,milan manaane ki muhabbat mein - mehnat nahin lagti।

doosri baat, karaavanhaar baap hai। nimitta karne vaale aap ho। sarvashaktivaan baap ki shakti se arthaat smriti ke connection se abhi nimitta maatra kaarya karne vaale ho। jaise light ke connection se badi-badi machinery chalti hai। to aadhaar hai light। aap sabhi har karma karte connection ke aadhaar se svayan bhi double light ban chalte rehte ho na। jahaan double light ki sthiti hai vahaan mehnat aur mushkil shabd samaapta ho jaata hai। naukri se nahi chhudaaya lekin mehnat se chhudaaya na। bhaavna aur bhaav badal gaya na। trasteepan ka bhaav aur eeshvareey seva ki bhaavna, to badal gayi na। abhi apna-pan hai? teen pair prithvi to mili hai woh bhi baba ka ghar kehte ho na। mere ghar to nahin kehte ho na। apne ghar mein nahin rehte। baap ke ghar mein rehte ho। baap ke direction se kaarya karte ho। apni ichchha se, apni aavashyaktaaon ke kaaran nahin karte। jo direction baap ka, usmein nishchint aur nyaare hokar karte jo mila baap ka hai va seva arth hai। bhale shareer prati bhi lagaate ho lekin shareer bhi apna nahin hai। woh bhi baap ko de diya na। tan-man-dhan sab baap ko de diya hai na va kuchh rakha hai kinaare karke,aise to nahin ho na। to baapdaada ne bachchon ki janma-janma ki mehnat dekh ab se anek janmon tak mehnat se chhuda diya। yahi nishaani hai baap aur bachchon ke muhabbat ki।

jaise aap sab special milne aaye ho, baapdaada bhi special milne aaye hain। brahma baap ko bhi vatan se le ke aaye hain। brahma baap ka jyaada sneh hai। baap ka to hai hi lekin brahma baap ka jyaada sneh hai। double videshiyon se vishesh sneh kyon hai? brahma bole - videshi bachchon ka bahut samay se aahvaan kiya। kitne varshon se pahle bachchon ka aahvaan kiya। usi aahvaan se videsh se baap ke paas pahunche। to bahut samay jiska aahvaan kiya jaae aur bahut samay ke aahvaan ke baad woh bachche pahunche to zaroor vishesh pyaar hoga na। to brahma baap ne bahut sneh se saakaar roop mein vaaris banne ka,aap sabko aahvaan kiya। samjha। sunte rehte ho na ki kitne varsha pahle aapko janma diya। garbha mein to aa gaye the paida peechhe hue ho saakaar roop mein। isliye brahma baap ko vishesh sneh hai aur bhavishya ki takdeer jaante hue sneh hai।

jaanki daadi ko dekh

sabhi double videshi jaise baap ko dekh karke khush hote hain vaise aapko bhi dekh karke khush hote hain kyonki baap se li hui paalna ka pratyaksha roop saakaar mein aap nimitta bachchon se seekhte hain। isliye vishesh aap se bhi sabhi ka pyaar hai। daadi va deedi jo bhi nimitta aatmaaen hain unhon ki visheshta yahi dikhaai deti jo unmein baap ko dekhenge। yahi baap ki paalna ka vishesh anubhav karte। jab bhi deedi daadi se milte ho to kya dekhte ho! baap saakaar aadhaar se mil rahe hain। aise anubhav hota hai na। yahi vishesh aatmaon ki paalna hai, jo aap gum ho jaayenge aur baap dikhaai denge। kyonki unhon ke har sankalp, har bol mein sada ‘baba-baba’hi rehta hai। to auron ko bhi vo hi baba shabd sunaai va dikhaai deta hai। aaj deedi bhi yaad aa rahi hai। gupta ganga ho gai na। vaise bhi 3 nadiyon mein ek nadi gupta hi dikhaate hain। abhi deedi to daadi mein samaai hui hai na। sookshm roop mein woh bhi apni bhaasna de rahi hai। kyonki karmabandhani aatma nahin hai। seva ke sambandh se part bajaane gai hai। karmabandhani aatmaaen jahaan hain vahaan hi kaarya kar sakti hain। aur karmaateet aatmaaen ek hi samay par chaaron or apna seva ka part baja sakti hain। kyonki karmaateet hain। isliye deedi bhi aap sabke saath hai। karmaateet aatma ko double part bajaane mein koi mushkil nahin। speed bahut teevra hoti hai। second mein jahaan chaahe vahaan pahunch sakti hai। vishesh aatmaaen apna vishesh part sada bajaati hain। isliye hi hava ke muaaphik chali gai na। jaise anaadi avinaashi programme bana hua hi tha। yeh bhi vichitra part tha। shuru se lekar deedi ka vichitra trance ka part raha। ant mein bhi vichitra roop ke trance mein hi transfer ho gai। achha –

sabhi desh-videsh ke chaatrak bachchon ko kalpa ke sikeeldhe bachche ko, sada baap ke sneh mein lavleen rahne vaale lavleen aatmaon ko baapdaada ka yaadap yaar aur namaste।’’

personal mulaakaat

kahaan-kahaan se baapdaada ne chunkar apne allaah ke bageeche mein laga liya। yeh khushi rehti hai na! abhi sabhi roohaani gulaab ban gaye। sada auron ko bhi roohaani khushbu dene vaale ‘roohe gulaab’ ho। koi bhi aap sabke sameep aata hai, samparka mein aata hai to aap sabhi se kya mahsoos karta hai? samajhte hain ki yeh roohaani hain। alaukik hain। laukikta samaapta ho gayi। jo bhi aapki taraph dekhenge unko pharishta roop hi dikhaai de। pharishte ban gaye na। sada double light sthit mein sthit rahne vaale pharishta dikhaai denge। pharishte sada oonche rehte hain। pharishton ko chitra roop mein bhi dikhaayenge to pankh dikhaayenge। kislie? udte panchhi hain na। to panchhi sada oopar ud jaate। to baap mila,ooncha sthaan mila,oonchi sthiti mili aur kya chaahiye!

(videshi bachchon ke return mein)

sabki dil ke pyaar bhare yaad-pyaar patra tatha yaad mili। bachche meethi-meethi rooh-roohaan bhi karte to kabhi-kabhi meethe-meethe ulhane bhi dete hain। kab bulaayenge, kyon nahin hamko madad karte jo ham pahunch jaate। aise ulhane bhi baap ko priy lagte hain। kyonki baap ko nahin kahenge to kisko kahenge! isliye baapdaada ko bachchon ka laad-pyaar achha lagta hai। isliye baap ke pyaare hain aur sada baap ke pyaare hone ke kaaran return mein baap dvaara sneh aur sahayog milta hai।

achha - om shanti