रविवार 25 दिसंबर 1983 की अव्यक्त मुरली

> 25-12-83 om shanti avyakt baapdaada madhuban

sangamayug ke din - bade te bade din mauj manaane ke din

bade din ke avsar par vrikshapti shivbaaba apne lucky sitaaron, bachchon prati bole:-

aaj bade te bada baap bade te bade bachchon ko bade dil ki badhaai de rahe hain। sabhi ‘kismis’se bhi meethe bachchon ko ‘krismis’ki badhaai de rahe hain। bade te bade din - sangayug ke din hain। bure din khatma ho khushi ke utsaah mein rahne ke utsav ka din ‘sangamayug’hai। jis bade din par vrikshapti ‘kalpa-vriksha’ki kahaani sunaate hain। isi sangamayug ke bade din par kalpa vriksha ke foundation mein chamakti hui shreshtha brahman aatmaaen jagamgaati hui saare vriksha ko jagamgaati hain। lucky sitaare, lovely sitaare, vriksha ko ati sundar bana dete hain। vriksha ke dekorshan chaitanya jagamgaate sitaare hain। vriksha mein white aur light pharishte chamakte hue vriksha ko chamkaate hain। isi ka yaadgaar aaj ke din - ‘Christmas tree’ ke roop mein sajaate hain। sangam ke bade din mein utsaah ke utsav ke din mein,raat ko din bana dete hain। andhakaar ko roshni mein badal lete hain। brahman parivaar sangam ke bade din par milkar aatma ka bhojan - ‘brahma bhojan’ pyaar se khaate hain। isliye yaadgaar roop mein bhi saprivaar milkar khaate-peete mauj manaate hain। saare kalpa mein mauj manaane ka din va maujon ka yug - ‘sangamayug’hai। jis sangamayug mein jitna chaahen dil bharkar mauj mana sakte hain। gyaan amrit ka nasha lavleen bana deta hai। is roohaani nashe ka anubhav vishesh bade din par karte hain। sangamayug ke brahm-mahoorta mein amritvele mein shreshtha janma ki aankh kholi aur kya mila! kitne saugaate mileen? aankh kholi boodha baba dekha! saphed-saphed baba dekha! saphed mein laal dekha na! kaun dekha? shanti kartta baap dekha! kitne saugaaten di। itni saugaate di jo janma-janma un saugaaton se hi palte rahenge। kuchh khareed nahin karna padega। sabse badi te badi saugaat heere se bhi moolyavaan sneh ka kangan,eeshvareey jaadu ka kangan diya। jis dvaara jo chaahe jab chaaho sankalp se aahvaan kiya aur praapta hua। apraapta koi vastu nahin braahmanon ke khazaane mein। aisi saugaat aankh kholte hi, sabhi bachchon ko mili। sabko mili hai na। koi rah to nahin gaya na। yeh hai bade din ka mahattva। first brahman aatmaon ka yaadgaar, last dharma tak bhi,nishaani ab tak chal rahi hai। kyonki aap brahman shreshtha aatmaaen saare vriksha ke foundation ho। sarva aatmaon ke daade pardaade to aap hi ho na। aapki yeh shaakhaayen hain। vriksha ka foundation aap bade te bade brahman ho। isliye har dharma ki aatmaayen kisi na kisi roop mein aap aatmaon ko aur aapke sangamayugi reeti rasam ko abhi tak bhi manaate rehte hain। aisi parmapra ki poojya aatmaaen ho। param-aatma se bhi double poojya aap ho। aise svayan ko bade te bade, shreshtha te shreshtha samajhte hue maujon ke din mana rahe ho na! manaane ke din kitne thode se hain। kalpa ke hisaab se ek hi bada din khoob manaao। khushi mein naacho। brahma bhojan khaao aur khushi ke geet gaao। aur koi iphkar hai kya! bephikar baadshaah saara din kya karte hain! mauj manaate hain na। man ki mauj manaao। had ke din ki mauj nahin manaana। behad ke din ki, behad ke begam ki mauj manaao। samjha! brahman sansaar mein aaye ho, kislie?mauj manaane ke liye। achha –

aaj vishesh chaaron or ke double videshi bachchon ko maujon ke din, bade te bade din manaane ki vishesh mubaarak ho। baapdaada vishesh milan ki saugaat dene ke liye aaye hain। abhi to bahut thode ho phir bhi itna door baithna padta hai। jab vriddhi ko praapta honge to phir darshan maatra rah jaayenge। phir milne ka chance nahin hoga। sirf darshan karne ka। drishti,darshan mein badal jaayegi। ant mein jo sirf drishti milegi woh bhakti mein darshan shabd mein badal jaayegi। double videshiyon ko vishesh nasha kaun sa hai?ek geet hai na- oonchi-oonchi deevaaren, oonche-oonche samudra, duniya ke deshon ki deevaaren to hain। to oonche-oonche deshon ki deevaaren, dharma ki deevaaren,knowledge ki deevaaren, maanyataaon ki deevaaren,rasam-rivaaj ki deevaaren,sab paar karte aa gaye ho na। milte to bhaaratvaasi bhi hain, bhaaratvaasiyon ko bhi varsa mila lekin desh ka desh mein mila। itni oonchi deevaaren paar nahin karni padi। sirf bhakti ki deevaar cross ki। lekin double videshi bachchon ne anek prakaar ki oonchi deevaaren paar ki। isliye double nasha hai। anek prakaar ke pardon ki duniya ko paar kiya। isliye paar karne vaale bachchon ko double yaad-pyaar। mehnat to ki hai na। lekin baap ki muhabbat ne mehnat bhula di। achha-

sarvashreshtha poojya aatmaon ko, sarva ko light might dene vaale bade te bade bachchon ko, maujon ke sansaar mein sada roohaani mauj manaane vaale,har din utsav samajhte utsaah mein rahne vaale, behad ki eeshvareey saugaat praapta karne vaale, aise kalpavriksha ke chamakte hue,jagamgaate hue shreshtha sitaaron ko baapdaada ka yaad-pyaar aur namaste।’’

videshi bhaai-bahnon se personal mulaakaat

1. sabhi apne ko sikeeldhe samajhte ho na?kitne sik va prem se baap ne kahaan-kahaan se chunkar ek guldaste mein daala hai। guldaste mein aakar sabhi ‘roohe gulaab’ ban gaye। roohe gulaab arthaat avinaashi khushbu dene vaale। aise apne ko anubhav karte ho? harek ko yahi nasha hai na ki ham baap ko priy hain! harek kahega ki mere jaisa pyaara baap ko aur koi nahin hai। jaise baap jaisa priy aur koi nahin। vaise bachche bhi kahenge। kyonki harek ki visheshta pramaan baap ko sabhi se vishesh sneh hai। nambarvaar hote hue bhi sabhi vishesh snehi hain। bachchon ke moolya ko sirf baap jaanen aur aap jaanon। aur koi nahin jaan sakta। doosre to aap logon ko saadhaaran samajhte hain, lekin koto mein koi aur koi mein bhi koi aap ho। jisko baap ne apna bana liya। baap ka bante hi sarva praaptiyaan ho gai। khazaanon ki chaabi baap ne aap sabko de di। apne paas nahin rakhi। itni chaabiyaan hain jo sabko di hai। yeh master ki (chaabi) aisi hai jo jis khazaane ko lagaana chaaho,lagaao aur khazaana praapta karo। mehnat nahin karni padti। vaise bhi landan raajya ka sthaan hai na। praja banne vaale nahin। sabhi seva mein aage badhne vaale। jahaan praapti hain vahaan seva ke sivaae rah nahin sakte। seva kam arthaat praapti kam। praapti swaroop bina seva ke rah nahin sakte। dekho, aap log kitna bhi desh chhodkar videsh chale gaye to bhi baap ne videsh se bhi dhoondhakar apna bana liya। kitna bhi bhaage phir bhi baap ne to pakad liya na। achha-

Australia group se

sabhi mahaaveer ho na। mahaaveer group arthaat sada ke liye maaya ko vidaai dene vaale। aisi ceremony manaai hai! Australia ko sada baapdaada bahaaduron ka sthaan kehte hain। to Australia nivaasi sada hi maaya ko vidaai dene vaale। kyonki jab baap saath hai to baap ke saath hote maaya aa nahin sakti। sada saath baap hai to vidaai ho gai na। vidaai dene vaale sada santushtamni। svayan bhi santushta, seva se bhi santushta, samparka mein bhi santushta। sabmen santushta। aisi santushta maniyaan sada diltakhtansheen hain। to jo takhtansheen hoga woh sada khushi aur nashe mein rahega। baapdaada - santushta maniyaan , mahaaveer,maayaajeet group dekh rahe hain। sabhi anubhvi aatmaayen dikhaai de rahi hain। sevaadhaari bhi hain। jaise seva ki visheshta mein landan ka vishesh part hai vaise Australia ka bhi vishesh part hai। baapdaada Australia nivaasiyon ko sada seva mein ever ready aur sada seva mein vriddhi ko paane vaale aisa sartiphket dete hain। achha–

vidaai ke samay

abhi aap sab jaag rahe ho, aap sabhi ke liye kahaan na kahaan jaagran hota rehta hai। jab aapke bhakta jaagran karte hain to aapne kiya to kya badi baat hai। sabhi shuru sangam se hi hota hai। jo aap gyaan se karte use woh bhakti se karte hain। bhakti ka foundation bhi sangam par hi padta hai। woh bhaavna aur yeh gyaan। sabhi seva par ja rahe ho, ghar mein ja rahe ho,nahin, jaana arthaat seva ka saboot phir se le aana। khaali haath nahin aana। kam se kam guldasta to bhent kiya jaata hai। guldasta laao ya button। form mein yeh bhi question aid karna ki ek saal mein kitne taiyaar kiye! jo khaali aaye usko doosri baar sartiphket nahin dena। ek saal mein ek to taiyaar karke saath mein lekar aao। achha –