शनिवार 3 मार्च 1984 की अव्यक्त मुरली

>

03-03-84om shanti avyakt baapdaadaamdhuban

double videshi bachchon se baapdaada ki rooh-roohaan

maayaajeet, prakritijeet banaane vaale baapdaada, svaraajya adhikaari bachchon prati bole:-

aaj baapdaada vishesh double videshi bachchon se milne aaye hain। double videshi arthaat sada svadesh, sweet hom ka anubhav karne vaale। sada main svadeshi sweet hom ka rahne vaala, pardesh mein - par-raajya mein svaraajya arthaat aatmik raajya aur sukh ka raajya sthaapna karne gupta roop mein prakriti ka aadhaar le part bajaane ke liye aaye hain। hain svadeshi, part pardesh mein baja rahe hain। yeh prakriti ka desh hai। svadesh aatma ka desh hai। abhi prakriti maaya ke vash mein hai। maaya ka raajya hai। isliye pardesh ho gaya। yahi prakriti aapke maayaajeet hone se aapki sukhmay sevaadhaari ban jaayegi। maayaajeet, prakritijeet hone se apna sukh ka raajya,satopradhaan raajya, sunahri duniya ban jaayegi। yeh spashta smriti aati hai na? sirf second mein chola badli karna hai। puraana chhod naya chola dhaaran karna hai। kitni der lagegi? pharishta so devta banne mein sirf chola badli karne ki deri lagegi। via sweet hom bhi karenge lekin smriti ant mein pharishta so devta bane ki bane, yahi rahegi। devtaai shareer ki, devtaai jeevan ki, devtaaon ke duniya ki,satopradhaan prakriti ke samay ki smriti rehti hai? bhare hue sanskaar anek baar ke raajya ke, devtaai jeevan ke emerge hote hain? kyonki jab tak aap hovanhaar devtaaon ke sanskaar emerge nahin honge to saakaar roop mein sunahri duniya emerge kaise hogi? aapke emerge sankalp se devtaai srishti is bhoomi par pratyaksha hogi। sankalp svatah hi emerge hota hai ya abhi samajhte ho bahut deri hai? devtaai shareer aap dev aatmaon ka aahvaan kar rahe hain। dikhaai de rahe hain apne devtaai shareer?kab dhaaran karenge? puraane shareer se dil to nahin lag gai hai? puraana tight to nahin pahna hua hai?puraana shareer,puraana chola pada hua hai jo samay par second mein chhod nahin sakte। nirbandhan arthaat loose dress pahanna। to double videshiyon ko kya pasanda hota hai - loose va tight? tight to pasanda nahin hai na! bandhan to nahin hai?

apne aap se ever ready ho! samay ko chhodo, samay nahin ginti karo। abhi yeh hona hai, yeh hona hai - woh samay jaane baap jaane। seva jaane baap jaane। sva ki seva se santush ho? vishwa seva ko kinaare rakho,sva ko dekho। sva ki sthiti mein, sva ke svatantra raajya mein, svayan se santushta ho?sva ki raajdhaani theek chala sakte ho? yeh sabhi karmachaari,mantri,mahaamantri sabhi aapke adhikaar mein hain? kahaan adheenta to nahin hai? kabhi aapke hi mantri, mahaamantri dhokha to nahin dete? kahaan andar hi andar gupta apne hi karmachaari maaya ke saathi to nahin ban jaate hain?sva ke raajya mein aap raajaaon ki ruling power controlling power yathaartha roop se kaarya kar rahi hai? aise to nahin ki order karo shubh sankalp mein chalna hai aur chalen vyartha sankalp। order karo sahansheelta ke gun ko aur aave halchal ka avgun। sabhi shaktiyaan,sabhi gun,he sva raaje,aapke order mein hain? yahi to aapke raajya ke saathi hain। to sabhi order mein hain? jaise raaje log order karte aur sabhi second mein ji hajoor kar salaam karte hain, aise controlling power, ruling power hain? ismen ever ready ho?sva ki kamzori, sva ka bandhan dhokha to nahin dega?

aaj baapdaada svaraajya adhikaariyon se sva ke raajya ka haal-chaal poochh rahe hain! raaje baithe ho na? praja to nahin ho na?kisi ke adheen arthaat praja, adhikaari arthaat raaja। to sabhi kaun ho? raaje। raajayogi ya praja yogi?sabhi raajaaon ki darbaar lagi hui hai na? satayug ke raajya sabha mein to bhool jaayenge,ek do ko pahchaanenge nahin ki ham wahin sangamayugi hain। abhi trikaaldarshi ban ek do ko jaante ho, dekhte ho। abhi ka yeh raajya darbaar satayug se bhi shreshtha hai। aisi raajya darbaar sirf sangamayug par hi lagti hai। to sabke raajya ka haalchaal theek hai na? bade aavaaz se nahin bola ki theek hai!

baapdaada ko bhi yeh raajya sabha priy lagti hai। phir bhi roj check karna, apni raajya darbaar roj lagaakar dekhna agar koi bhi karmachaari thoda bhi albela bane to kya karenge? chhod denge usko?aap sabne shuru ke charitra sune hain na! agar koi chhote bachche chanchalta karte the, to unko kya saja dete the? uska khaana banda kar dena ya rassi se baandh dena yeh to common baat hai lekin usko ekaanta mein baithne ki jyaada ghanta baithne ki saja dete the। bachche hain na,bachche to baith nahin sakte। to ek hi sthaan par bina halchal ke 4-5 ghanta baithna uski kitni saja hai। to aisi royal saja dete the। to yahaan bhi koi karmendriy aise vaise kare to antarmukhta ki bhatti mein usko bitha do। baaharmukhta mein aana hi nahin hai, yahi usko saja do। aaye phir andar kar do। bachche bhi karte hain na। bachchon ko bithaao phir aise karte hain, phir bitha dete hain। to aise baaharmukhta se antarmukhta ki aadat pad jaayegi। jaise chhote bachchon ko aadat daalte hain na - baitho,yaad karo। woh aasan nahin lagaayenge phir-phir aap lagaakar bithaayenge। kitni bhi woh taange hilaave to bhi usko kahenge nahin,aise baitho। aise hi antarmukhta ke abhyaas ki bhatti mein achhi tarah se dridhta ke sankalp se baandhakar bitha do। aur rassi nahin baandhani hain lekin dridh sankalp ki rassi,antarmukhta ke abhyaas ki bhatti mein bitha do। apne aapko hi saja do। doosra dega to phir kya hoga? doosre agar aapko kahen yeh aapke karmachaari theek nahin hain, isko saja do। to kya karenge?thoda-sa aayega na - yeh kyon kehta! lekin apne aapko denge to sadaakaal rahenge। doosre ke kahne se sadaakaal nahin hoga। doosre ke ishaare ko bhi jab tak apna nahin banaaya hai tab tak sadaakaal nahin hota। samjha!

raaje log kaise hon? raajya darbaar achhi lag rahi hai na! sab bade raaje ho na! chhote raaje to nahin, bade raaje। achha –

aaj brahma baap khaas double videshiyon ko dekh rooh-roohaan kar rahe the। woh phir sunaayenge। achha - sada maayaajeet, prakritijeet,raajya adhikaari aatmaayen, gunon aur sarva shaktiyon ke khazaanon ko apne adhikaar se kaarya mein lagaane vaale,sada svaraajya dvaara sarva karmachaariyon ko sada ke snehi saathi banaane vaale,sada nirbandhan,ever ready rahne vaale, santushta aatmaon ko baapdaada ka yaadapyaar aur namaste।’’

Australia group se - sada yaad aur seva ka balance rakhne vaale, baapdaada aur sarva aatmaon dvaara blessing lene vaali aatmaayen ho na! yahi brahman jeevan ki visheshta hai jo sada purooshaartha ke saath-saath blessing lete hue badhte rahen। brahman jeevan mein yeh blessing ek lift ka kaam karti hai। is dvaara udti kala ka anubhav karte rahenge।

Australia nivaasiyon se baapdaada ka vishesh sneh hain, kyo? kyonki sada ek anekon ko laane ki himmat aur umang mein rehte hain। yeh visheshta baap ko bhi priy hai। kyonki baap ka bhi kaarya hai - jyaada se jyaada aatmaon ko varse ka adhikaari banaana। to follow father karne vaale bachche vishesh priy hote hain na। aane se hi umang achha rehta hai। yeh ek Australia ki dharni ko jaise vardaan mila hua hai। ek anekon ke nimitta ban jaata hai। baapdaada to har bachche ke gunon ki maala simran karte rehte hain। Australia ki visheshta bhi bahut hai lekin Australia vaale maaya ko bhi thoda jyaada priy hain। jo baap ko priy hote hain, woh maaya ko bhi priy ho jaate hain। kitne achhe-achhe thode samay ke liye hi sahi lekin maaya ke ban to gaye hain na। aap sab to aise kachche nahin ho na! koi chakra mein aane vaale to nahin ho?baapdaada ko abhi bhi woh bachche yaad hain। sirf kya hota hai kisi bhi baat ko poora na samajhne ke kaaran kyon aur kya mein aa jaate hain to maaya ke aane ka darvaaja khul jaata hai। aap to maaya ke darvaaje ko jaan gaye ho na! to na kyon-kya mein jaao aur na maaya ke aane ka chance mile। sada double laak laga rahe। yaad aur seva hi double laak hai। sirf seva single laak hai। sirf yaad,seva nahin to bhi single laak hai। donon ka balance yeh hai - double laak। baapdaada ki T.vi. mein aapka photo nikal raha hai,phir baapdaada dikhaayenge - dekho is photo mein aap ho। achha - phir bhi sankhya mein himmat se, nishchay se achha number hai। baap ko jyaada priy lagte ho isliye maaya se bachne ki yukti sunaai achha-