रविवार 29 अप्रैल 1984 की अव्यक्त मुरली

>

29-04-84om shanti avyakt baapdaadaamdhuban

gyaan soorya ke roohaani sitaaron ki bhinna-bhinna visheshtaaen

gyaan soorya, gyaan chandrama, baapdaada yathaashakti aur shaktishaali sitaaron ke prati bole:-

aaj gyaan soorya gyaan chandrama, apne variety sitaaron ko dekh rahe hain। koi snehi sitaare hain,koi vishesh sahayogi sitaaren hain,koi sahajyogi sitaare hain,koi shreshtha gyaani sitaare hain,koi vishesh seva ke umang vaale sitaare hain। koi mehnat ka phal khaane vaale sitaare hain, koi sahaj saphalta ke sitaare hain। aise bhinna-bhinna visheshtaaon vaale sabhi sitaare hain। gyaan soorya dvaara sarva sitaaron ko roohaani roshni milne kaaran chamakne vaale sitaare to ban gaye। lekin harek prakaar ke sitaaron ki visheshta ki jhalak bhinna-bhinna hai। jaise sthool sitaare bhinna-bhinna grah ke roop mein bhinna-bhinna phal alpakaal ka praapta karaate hain। aise gyaan soorya ke roohaani sitaaron ka bhi sarva aatmaon ko avinaashi praapti ka sambandh hai। jaisa svayan jis visheshtaase sampanna sitaara hai vaisa auron ko bhi usi pramaan phal ki praapti karaane ke nimitta banta hai। jitna svayan gyaan chandrama va soorya ke sameep hain utna auron ko bhi sameep sambandh mein laate hain arthaat gyaan soorya dvaara mili hui visheshtaaon ke aadhaar par auron ko direct visheshtaaon ki shakti ke aadhaar par itna sameep laaya hai jo unhon ka direct gyaan soorya, gyaan chandrama se sambandh ho jaata hai। itne shaktishaali sitaare ho na! agar svayan shaktishaali nahin,sameep nahin to direct connection nahin juta sakte। door hone ke kaaran unheen sitaaron ki visheshta anusaar unhon ke dvaara jitni shakti, sambandh samparka praapta kar sakte hain utni yatha shakti praapti karte rehte hain। direct shakti lene ki shakti nahin hoti hai। isliye jaise gyaan soorya oonche te oonche hain, vishesh sitaare oonche hain। vaise oonchi sthiti ka anubhav nahin kar sakte। yatha shakti, yatha praapti karte hain। jaisi shaktishaali sthiti honi chaahiye vaise anubhav nahin karte।

aisi aatmaon ke sada yahi bol man se va mukh se nikalte ki hona yeh chaahiye lekin hai nahin। banna yeh chaahiye lekin bane nahin hain। karna yeh chaahiye lekin kar nahin sakte। isko kaha jaata hai - yathaashakti aatmaayen। sarva shaktivaan aatmaayen nahin hain। aisi aatmaayen va sva ke va doosron ke vighna vinaashak nahin ban sakte। thoda-sa aage badhe aur vighna aaya। ek vighna mitaaya, himmat mein aaye, khushi mein aaye phir doosra vighna aayega। jeevan ki arthaat purushaarthi ki line sada clear nahin hogi। rookna,badhna is vidhi se aage badhte rahenge। aur auron ko bhi badhaate rahenge। isliye rookne aur badhne ke kaaran teevragti ka anubhav nahin hota। kab chalti kala, kab chadhti kala, kab udti kala। ekras shaktishaali anubhooti nahin hoti। kabhi samasya, kabhi samaadhaan swaroop। kyonki yathaashakti hai। gyaan soorya se sarva shaktiyon ko grahan karne ki shakti nahin। beech ka koi sahaara zaroor chaahiye। isko kaha jaata hai - yatha-shakti aatma।

jaise yahaan oonchi pahaadi par chadhte ho। jis bhi vaahan par aate ho, chaahe bas mein,chaahe kaar mein, to engine powerful hoti hai to teevragti se aur bina koi hava paani ke sahaare seedha hi pahunch jaate ho। aur engine kamzor hai to rook kar paani va hava ka sahaara lena padta hai। naanastaap nahin। stop karna padta hai। aisi yatha shaakti aatmaayen, koi na koi aatmaon ka salvation ka,saadhnon ka aadhaar lene ke bina ek teevragti udti kala ki manzil par pahunch nahin paate hain। kabhi kahenge - aaj khushi kam ho gai,aaj yog itna shaktishaali nahin hai। aaj is dhaarna karne mein samajhte hue bhi kamzor hoon। aaj seva ka umang nahin aa raha hai। kabhi paani chaahiye, kabhi hava chaahiye, kabhi dhakka chaahiye। isko shaktishaali kahenge? hoon to adhikaari,lene mein number one adhikaari hoon। kisi se kam nahin। aur karne mein kya kehte? ham to chhote hain। abhi naye hain। puraane nahin hai। sampoorn thode hi bane hain। abhi samay pada hai। badon ka dosh hai। hamaara nahin hai। seekh rahe hain, seekh jaayenge। baapdaada to sada hi kehte hain। sabhi ko chance dena chaahiye। hamko bhi yeh chance milna chaahiye। hamaara sunna chaahiye। lene mein ham aur karne mein jaise bade karenge। adhikaar lene mein ab aur karne mein kab kar lenge। lene mein bade ban jaate aur karne mein chhote ban jaate। isko kaha jaata hai - yatha-shakti aatma।

baapdaada yeh ramneek khel dekh-dekh muskaraate rehte hain। baap to chatur sujaan hai। lekin master chatur sujaan bhi kam nahin। isliye yatha-shakti aatma se ab master sarvashaktivaan bano। karne vaale bano। svatah hi shaktishaali karma ka phal shubh bhaavna, shreshtha kaamna ka phal svatah hi praapta hoga। sarva praapti svayan hi aapke peechhe parchhaai ke samaan avashya aayegi। sirf gyaan soorya ki praapta hui shaktiyon ki roshni mein chalo to sarva praapti-roopi parchhaai aape hi peechhe-peechhe aayegi। samjha-

aaj yatha-shakti aur shaktishaali sitaaron ki rimjhim dekh rahe the। achha –

sabhi teevragti se bhaag-bhaag kar pahunch gaye hain। baap ke ghar mein pahunche - to bachchon ko kahenge bhale padhaare। jaisa jitna bhi sthaan hai, aapka hi ghar hai। ghar to ek din mein badhega nahin lekin sankhya to badh gai hai na। to samaana padega। sthaan aur samay ko sankhya pramaan hi chalaana padega। sabhi sama gaye ho na! ‘queue’to sabhi baad mein lagegi hi। phir bhi abhi bhi bahut-bahut lucky ho। kyonki paandav bhavan va jo sthaan hai uske andar hi sama gaye। baahar tak to queue nahin gai hai na! vriddhi honi hai, queue bhi lagni hai। sada har baat mein khushi mauj mein raho। phir bhi baap ke ghar mein jaisa dil ka aaraam kahaan mil sakega! isliye sada har haal mein santushta rehna, sangamayug ki vardaani bhoomi ki teen pair prithvi satayug ke mahlon se bhi shreshtha hai। itni baithne ki jagah mili hai yeh bhi bahut shreshtha hai। yeh din bhi phir bhi yaad aayega। abhi phir bhi drishti aur toli to milti hai। phir drishti aur toli dilaane vaale banna padega। vriddhi ho rahi hai yeh bhi khushi ki baat hai na। jo milta, jaise milta sab mein raaji aur vriddhi arthaat kalyaan hai। achha-

karnaatak vishesh sikeeldha ho gaya hai। mahaaraashtra bhi sada sankhya mein mahaan raha hai। dehli ne bhi race ki hai। bhal vriddhi ko paate raho। yu.pi. bhi kisi se kam nahin hai। har sthaan ki apni-apni visheshta hai। woh phir sunaayenge।

baapdaada ko bhi saakaar shareer ka aadhaar lene ke kaaran samay ki seema rakhni padti hai। phir bhi loan liya hua shareer hai। apna to nahin hai। shareer ka jimmevaar bhi baapdaada ho jaata hai। isliye behad ka maalik bhi had mein bandh jaata hai। avyakt vatan mein behad hai। yahaan to sanyam, samay aur shareer ki shakti sab dekhna padta hai। behad mein aao, milan manaao। vahaan koi nahin kahega ki abhi aao abhi jaao va nambarvaar aao। khula nimantran hai athva khula adhikaar hai। chaahe do baje aao, chaahe chaar baje aao। achha -

sada sarva shaktishaali shreshtha aatmaon ko, sada gyaan soorya ke sameep aur samaan oonchi sthiti mein sthit rahne vaali vishesh aatmaon ko, sada har karma karne mein‘‘pahle main’’ka umang-utsaah rakhne vaale himmatvaan aatmaon ko,sada sarva ko shaktishaali aatma baanaane vaale sarva sameep bachchon ko gyaan-soorya,gyaan-chandrama ka yaadapyaar aur namaste।’’

daadiyon se:- baapdaada ko aap bachchon par naaz hai, kis baat ka naaz hain? sadaiv baap apne samaan bachchon ko dekh naaz karte hain। jab bachche baap se bhi vishesh kaarya karke dikhaate to baap ko kitna naaz hoga! din-raat baap ki yaad aur seva yeh donon hi lagan lagi hui hai। lekini mahaaveer bachchon ki visheshta yeh hai ki pahle yaad ko rakhte phir seva ko rakhte। ghodesvaar aur pyaade pahle seva peechhe yaad। isliye pharka pad jaata hai। pahle yaad phir seva karen to saphalta hai। pahle seva ko rakhne se seva mein jo bhi achha-bura hota hai uske roop mein aa jaate hain aur pahle yaad rakhne se sahaj hi nyaare ho sakte hain। to baap ko bhi naaz hai aise samaan bachchon par! saare vishwa mein aise samaan bachche kiske honge? ek-ek bachche ki visheshta varnan karen to bhaagvat ban jaae। shuru se ek mahaarthi ki visheshta varnan karen to bhaagvat ban jaayega। madhuban mein jab gyaan-soorya aur sitaare sangathit roop mein chamakte hain to madhuban ke aakaash ki shobha kitni shreshtha ho jaati hai। gyaan-soorya ke saath sitaare bhi zaroor chaahiye।