सोमवार 7 मई 1984 की अव्यक्त मुरली

>

07-05-84om shanti avyakt baapdaadaamdhuban

balance rakhne se hi blessing ki praapti

pyaar ke saagar, aananda ke saagar shivbaaba, padmaapadma bhaagyavaan bachchon prati bole:-

aaj prem swaroop, yaad swaroop bachchon ko prem aur yaad ka return dene ke liye prem ke saagar baap is pyaar ki mahphil beech aaye hain। yeh roohaani pyaar ki mahphil roohaani sambandh ki milan mahphil hai। jo saare kalpa mein ab hi anubhav karte ho। sivaae is ek janma ke aur kab bhi roohaani baap ka roohaani pyaar mil na sake। yeh roohaani pyaar roohon ko sachchi raahat deta hai। sachchi raah bataata hai। sachchi sarva praapti karaata hai। aisa kabhi sankalp mein bhi aaya tha ki is saakaar srishti mein is janma mein aur aisi sahaj vidhi se aise aatma aur paramatma ka roohaani milan sanmukh hoga? jaise baap ke liye suna tha ki oonche te ooncha bahut tejomay,bade te bada hai, vaise hi milne ki vidhi bhi mushkil aur bade abhyaas se hogi yeh sochte-sochte naaummeed ho gaye the। lekin baap ne naaummeed bachchon ko ummeedvaar bana diya। dilshikasta bachchon ko shaktishaali bana diya। kab milega, woh ab milan ka anubhav kara diya। saare property ka adhikaari bana diya। abhi adhikaari aatmaayen apne adhikaar ko jaante ho na! achhi tarah se jaan liya hai va jaanna hai?

aaj baapdaada bachchon ko dekh rooh-roohaan kar rahe the ki sabhi bachchon ko nishchay bhi sada hai, pyaar bhi hai, yaad ki lagan bhi hai,seva ka umang bhi hai। lakshya bhi shreshtha hai। kisi se bhi poochhenge kya banna hai? to sabhi kahenge ‘lakshmi-naaraayan’banne vaale hain। raam-seeta koi nahin kehte। 16hajaar ki maala bhi dil se pasanda nahin karte। 108 ki maala ke manke banenge। yahi umang sabhi ko rehta hai। seva mein, padhaai mein harek apne ko kisi se bhi kam yogya nahin samajhte hain। phir bhi sada ekras sthiti,sada udti kala ki anubhooti, sada ek mein samaaye hue, deh aur deh ki alpakaal ki praaptiyon se sada nyaare,vinaashi sudh-budh bhoole hue ho, aisi sada ki sthiti anubhav karne mein nambarvaar ho jaate hain। yeh kyon? baapdaada iska vishesh kaaran dekh rahe the। kya kaaran dekha? ek hi shabd ka kaaran hai।

sab kuchh jaante hain aur sab kuchh sabko praapta bhi hai, vidhi ka bhi gyaan hai,siddhi ka bhi gyaan hai। ‘karma aur phal’donon ka gyaan hai। lekin sada balance mein rehna nahin aata। yeh ‘balance ki eeshvareey neeti’samay par nibhaane nahin aati। isliye har sankalp mein,har karma mein baapdaada tatha sarva shreshtha aatmaon ki shreshtha aasheervaad,blessing praapta nahin hoti। mehnat karni padti hai। sahaj saphalta anubhav nahin hoti। kis baat ka balance bhool jaata hai? ek to ‘yaad aur seva’। yaad mein rah seva karna - ‘yeh hai yaad aur seva ka balance’। lekin seva mein rah samay pramaan yaad karna, samay mila yaad kiya,nahin to seva ko hi yaad samajhna isko kaha jaata hai - anbailensa। sirf seva hi yaad hai aur yaad mein hi seva hai। yeh thoda-sa vidhi ka antar siddhi ko badal leta hai। phir jab result poochhte ki yaad ki parsentaj kaisi rahi? to kya kehte? seva mein itne busy the, koi bhi baat yaad nahin thi। samay hi nahin tha ya kehte seva bhi baap ki hi thi, baap to yaad hi tha। lekin jitna seva mein samay aur lagan raheen utna hi yaad ki shaktishaali anubhooti raheen?jitna seva mein svamaan raha utna hi nirmaan bhaav raha? ye balance raha?bahut badi,bahut achhi seva ki yeh svamaan to achha hai lekin jitna svamaan utna nirmaan bhaav rahe। karaavanhaar baap ne nimitta ban seva karaai। yeh hai nimitta,nirmaan bhaav। nimitta bane,seva achhi hui, vriddhi hui, saphalta swaroop banen,yeh svamaan to achha hai lekin sirf svamaan nahin,nirmaan bhaav ka bhi balance ho। yeh balance sada hi sahaj saphalta swaroop bana deta hai। svamaan bhi zaroori hai। deh bhaan nahin, svamaan। lekin svamaan aur nirmaan donon ka balance na hone kaaran svamaan,deh abhimaan mein badal jaata hai। seva hui, saphalta hui, yeh khushi to honi chaahiye। vaah baba! aapne nimitta banaaya mainne nahin kiya, yeh main-pan svamaan ko deh abhimaan mein le aata hai। yaad aur seva ka balance rakhne vaale svamaan aur nirmaan ka bhi balance rakhte। to samjha balance kis baat mein neeche oopar hota hai!

aise hi jimmevaari ke taajdhaari hone ke kaaran har kaarya mein jimmevaari bhi poori nibhaani hai। chaahe laukik so alaukik pravritti hai, chaahe eeshvareey seva ki pravritti hai। donon pravritti ki apni-apni jimmevaari nibhaane mein jitna nyaara utna pyaara! yeh balance ho। har jimmaavaari ko nibhaana yeh bhi aavashyak hai lekin jitni badi jimmevaari utna hi double light। jimmevaari nibhaate hue jimmevaari ke bojh se nyaare ho। isko kehte hain - baap ka pyaara। ghabraave nahin kya karoon, bahut jimmevaari hai। yeh karoon,va nahin। kya karoon, yeh bhi karoon woh bhi karoon,bada mushkil hai। yeh mahsoosta arthaat bojh hai! to double light to nahin hue na। double light arthaat nyaara। koi bhi jimmevaari ke karma ke halchal ka bojh nahin। isko kaha jaata hai - nyaare aur pyaare ka balance rakhne vaale।

doosri baat:- purooshaartha mein chalte-chalte purooshaartha se jo praapti hoti uska anubhav karte karte bahut praapti ke nashe aur khushi mein aa jaate। bas hamne pa liya, anubhav kar liya। mahaaveer, mahaarthi ban gaye, gyaani ban gaye, yogi bhi ban gaye। sevaadhaari bhi ban gaye। yeh praapti bahut achhi hai lekin is praapti ke nashen mein albelaapan bhi aa jaata hai। iska kaaran? gyaani bane,yogi bane,sevaadhaari bane lekin har kadam mein udti kala ka anubhav karte ho? jab tak jeena hai tab tak har kadam mein udti kala mein udna hai। is lakshya se jo aaj karte usmein aur naveenta aai va jahaan tak pahunche vahi seema sampoornata ki seema samajh liya? purooshaartha mein praapti ka nasha aur khushi bhi aavashyak hai lekin har kadam mein unnati va udti kala ka anubhav bhi aavashka hai। agar yeh balance nahin rehta to ablelaapan, blessing praapta kara nahin sakta। isliye purushaarthi jeevan mein jitna paaya uska nasha bhi ho aur har kadam mein unnati ka anubhav bhi ho। isko kaha jaata hai - ‘‘balance’’। yeh balance sada rahe। aise nahin samajhna ham to sab jaan gaye। anubhvi ban gaye। bahut achhi reeti chal rahe hain। achhe bane ho yeh to bahut achha hai lekin aur aage unnati ko paana hai। aise vishesh karma kar sarva aatmaon ke aage nimitta example banna hai। yeh nahin bhoolna। samjha, kin-kin baaton mein balance rakhna hai? is balance dvaara svatah hi blessing milti rehti hai। to samjha number kyon bante hain? koi kis baat ke balance mein koi kis baat ke balance mein albele ban jaate hain।

baambe nivaasi to albele nahin ho na? har baat mein balance rakhne vaale ho na?balance ki kala mein hoshiyaar ho na। balance bhi ek kala hai। is kala mein sampanna ho na! baambe ko kaha hi jaata hai - sampatti sampanna desh। to balance ki sampatti, blessing ki sampatti mein bhi sampanna ho na! nardesaavar ki blessing hai! baambe vaale kya visheshta dikhaayenge?baambe mein malteemilyaniyarsa bahut hai na। to baambe vaalon ko aisi aatmaon ko yeh anubhav karaana aavashyak hai ki roohaani avinaashi padmaapadmapti sarva khazaanon ki khaanon ke maalik kya hota hai, yeh unhon ko anubhav karaao। yeh to sirf vinaashi dhan ke maalik hain, aise logon ko is avinaashi khazaane ka mahatva sunaakar avinaashi sampatti sampanna banaao। vo mahsoos karen ki yeh khazaana avinaashi shreshtha khazaana hai। aisi seva kar rahe ho na! sampatti vaalon ki najar mein yeh avinaashi sampattivaan aatmaayen shreshtha hain,aisa anubhav karen। samjha। aise nahin sochna ki inhon ka part to hai hi nahin। ant mein inhon ke bhi jaagne ka part hai। sambandh mein nahin aayenge,lekin samparka mein aayenge। isliye ab aisi aatmaon ko bhi jagaane ka samay pahunch gaya hai। to jagaao, khoob achhi tarah se jagaao। kyonki sampatti ke nashe ki neend mein soye hue hain। nashe vaalon ko baar-baar jagaana padta hai। ek baar se nahin jaagte। to ab aise nashe mein sone vaali aatmaon ko avinaashi sampatti ke anubhvon se parichit karaao। samjha। baambe vaale to maayaajeet ho na! maaya ko samudra mein daal diya na। tale mein daala hai ya oopar-oopar se?agar oopar koi cheez hoti hai to phir lahron se kinaare aa jaati, tale mein daal diya to svaaha। to maaya phir kinaare to nahin aa jaati hai na? baambe nivaasiyon ko har baat mein example banna hai। har visheshta mein example। jaise baambe ki sundarta dekhne ke liye sabhi door-door se bhi aate hain na! aise door-door se dekhne aayenge। har gun ke practical swaroop example bano। ‘saralta’jeevan mein dekhni ho to is centre mein jaakar is parivaar ko dekho। ‘sahansheelta’dekhni ho to is centre mein is parivaar mein jaakar dekho। ‘balance’ dekhna ho to in vishesh aatmaon mein dekho। aisi kamaal karne vaale ho na! baambe vaalon ko double return karna hai। ek jagat amba maa ki paalna ka aur doosra brahma baap ki vishesh paalna ka। jagat amba maa ki paalna bhi baambe vaalon ko vishesh mili hai। to baambe ko itna return karna padega na। har ek sthaan, harek vishesh aatma dvaara baap ki maa ki vishesh aatmaon ki visheshta dikhaai de - is ko kaha jaata hai - ‘return karna’। achha - bhale padhaare। baap ke ghar mein va apne ghar mein bhale padhaare।

baap to sada bachchon ko dekh harshit hote hain। ek-ek bachcha vishwa ka deepak hai। sirf kul ka deepak nahin, vishwa ka deepak hai। harek vishwa ke kalyaan arth nimitta bane hue hain to vishwa ke deepak ho gaye na! vaise to saara vishwa bhi behad ka kul hai। usi naate se behad ke kul ke deepak bhi kah sakte hain। lekin had ke kul ke nahin। behad ke kul ke deepak kaho va vishwa ke deepak kaho। aise ho na! sada jage hue deepak ho na? timtimaane vaale to nahin! jab light timtimaati hai to dekhne se aankhen kharaab ho jaati hain। achha nahin lagta hai na। to sada jage hue deepak ho na! aise deepkon ko dekh baapdaada sada harshit hote hain। samjha। achha-

sada har karma mein ‘balance’rakhne vaale,sada baap dvaara blessing lene vaale, har kadam mein udti kala ke anubhav karne vaale, sada pyaar ke saagar mein samaaye hue,samaan sthiti mein sthit rahne vaale, padmaapadma bhaagyavaan shreshtha aatmaon ko baapdaada ka yaadapyaar aun namaste।’’

daadiyon se:- sabhi taajdhaari ratna ho na! sada jitna bada taaj utna hi halke se halke। aisa taaj dhaaran kiya hai, is taaj ko dhaaran karke har karma karte hue bhi taajdhaari rah sakte hain। jo ratna jadit taaj hoga woh phir bhi samay pramaan dhaaran karte aur utaarte hain lekin yeh taaj aisa hai jo utaarne ki aavashkata hi nahin। sote hue bhi taajdhaari aur uthte hain to bhi taajdhaari। anubhav hai na! taaj halka hai na?koi bhaari to nahin hain! naam bada - vajan halka hai। sukhdaai taaj hai। khushi dene vaala taaj hai। aisa taajaadhaari baap banaate hain jo janma-janma taaj milta rahe। aise taajdhaari bachchon ko dekh baapdaada to harshit hote hai। baapdaada ne taajposhi ka din abhi se hi mana karke sada ki rasam ka niyam bana diya hai। satayug mein bhi taajposhi divas manaaya jaayega। jo sangam par taajposhi divas manaaya usi ka hi yaadgaar avinaashi chalta rahega। svayan baap saakaar vatan se vaanaprastha hue na! avyakt vatan mein sevaadhaari hain lekin saakaar vatan se no vaanaprastha hue na! saakaar vatan se vaanaprastha ho bachchon ko taaj takhta de aur svayan avyakt vatan mein chale। to taajposhi ka din ho gaya na! vichitra drama hai na। agar jaane ke pahle bataate to wonderful drama nahin hota। aisa vichitra drama hai jiska chitra nahin kheencha ja sakta। vichitra baap ka vichitra part hai। jiska chitra buddhi mein sankalp dvaara bhi nahin kheench sakte, isko kehte hain - ‘vichitra’। isliye vichitra taajposhi hui। baapdaada sada mahaaveer bachchon ko taajposhi karne vaale taajdhaari swaroop mein dekhte hain। baapdaada saath dene mein nahin chhipe lekin saakaar duniya se chhipkar avyakt duniya mein uday ho gaye। saath rahenge,saath chalenge yeh to vaayda hai hi। yeh vaayda kabhi chhoot nahin sakta। isliye to brahma baap intajaar kar rahe hain। nahin to karmaateet ban gaye to ja sakte hain। bandhan to nahin hai na। lekin sneh ka bandhan hai। sneh ke bandhan ke kaaran saath chalne ka vaayda nibhaane ke kaaran baap ko intajaar karna hi hai। saath nibhaana hai aur saath chalna hai। aise hi anubhav hai na। achha harek vishesh hai। visheshta ek-ek ki varnan karen to kitni hogi?maala ban jaayengi। isliye dil mein hi rakhte hain, varnan nahin karte। achha-

party se:- amritvela sada shaktishaali hai? amritvela shaktishaali hai to saara din shaktishaali rahega। amritvela kamzor hai to saara din kamzor। amritvele niyam pramaan to nahin baithte ho? yeh vardaanon ka samay hai। vardaanon ke samay agar koi soya rahe, susti mein rahe va vismriti rahe,kamzor hokar baithe to vardaanon se vanchit rah jaayega। to amritvele ka mahatva sada yaad rehta hai na?us samay neend to nahin karte ho? jhutke to nahin khaate ho na? kabhi-kabhi koi neend ki avastha ko bhi shanti ki avastha samajhte hain। unhon se poochhte hain kaise baithe the to kehte hain - bahut shanti mein! to aisi checking karo - kabhi bhi shaktishaali stage ke beech mein yeh maaya to nahin aati hai। jo shaktishaali hain uske aage maaya kamzor ho jaati hai।

avyakt baapdaada ki personal mulaakaat – yuglon se:-sada pravritti mein rehte is vritti mein rehte ho ki ham nyaare aur sada baap ke pyaare hain! yahi vritti sada pravritti mein rehti hai? vaise pravritti ko par vritti bhi kah sakte hain। par maana nyaare। pravritti mein rehte pravritti ke bandhan se pare arthaat par-vritti va nyaare aur pyaare। aise bandhanmukta ban pravritti ke kaarya ko nibhaane vaale ho na! bandhan mein bandhane vaale nahin lekin bandhanmukta ho karma karne vaale। man ka bhi bandhan nahin। ek hai tan ka bandhan,doosra hai man ka bandhan, teesra hai sambandh ka bandhan, vyavhaar ka bandhan। to sab bandhanon se mukta। nirbandhan aatma bandh nahin sakti। saare bandhan lagan ki agni se bhasma karne vaale। lagan agni hai। agni mein jo cheez daale sab bhasma! aisi bandhanmukta aatma udne ke sivaae rah nahin sakti। bandhan phansaata hai, nirbandhan udaata hai। bandhan ka pinjada khula to panchhi udega na! koi kitna bhi golden pinjada lekar aaye us pinjade mein bhi phansane vaale nahin। yeh maaya sone ka roop dhaaran karke aati hai। ‘sona’maana aakarshan karne vaala। yaadgaar mein bhi dikhaate hain - sona-hiran bankar aai। to sone ka hiran achha to nahin lagta। jab udta panchhi ho gaye to sona ho ya heera ho lekin pinjade ke panchhi nahin ban sakte।

adhar-kumaaron se - sada apne ko vijay ke tilakdhaari aatmaayen anubhav karte ho? vijay ka tilak sada laga hua hai?kabhi mit to nahin jaata? maaya kabhi mita to nahin deti? roj amritvele is vijay ke tilak ko smriti dvaara taaja karo to saara dil vijay ka tilak laga rahega। vijay ka tilak hai to raajya ka, bhaagya ka bhi tilak hai। iseelie bhakta bhi bahut bade-bade tilak lagaate hain। tilak bhakti ki nishaani samajhte hain। prabhu-pyaar hai - iski nishaani tilak laga dete hain। aapko kitne tilak hain?raajya ka tilak, bhaagya ka tilak, vijay ka tilak… yeh sab tilak mile hain na? tilakdhaari hi takhtadhaari hain। baap ka diltakhta jo abhi mila hai aisa takhta bhavishya mein bhi nahin milega। yeh bahut shreshtha takhta hai। takhta mila,tilak mila aur kya chaahiye?