रविवार 26 अगस्त 1984 की अव्यक्त मुरली

>

26-08-84om shanti avyakt baapdaadaamdhuban

daadeeji, mohini behen aur jagdeesh bhaai ko videsh seva par jaane ki chhutti dete hue avyakt baapdaada

gyaan soorya, gyaan chandrama baapdaada gyaan sitaaron bachchon prati bole-

aaj trimoorti milan dekh rahe hain। gyaan soorya, gyaan chandrama aur gyaan sitaaron ka milan ho raha hai। yeh trimoorti milan is brahman sansaar ke vishesh madhuban mandal mein hota hai। aakaash mandal mein chandrama aur sitaaron ka milan hota hai। is behad ke madhuban mandal mein soorya aur chandrama donon ka milan hota hai। in donon ke milan se sitaaron ko gyaan soorya dvaara shakti ka vishesh vardaan milta hai aur chandrama dvaara sneh ka vishesh vardaan milta hai। jisse lovely aur light house ban jaate hain। yeh donon shaktiyaan sada saath-saath rahen। maa ka vardaan aur baap ka vardaan donon sada saphalta swaroop banaate hain। sabhi aise saphalta ke shreshtha sitaare ho। saphalta ke sitaare sarva ko saphalta swaroop banne ka sandesh dene ke liye ja rahe ho। kisi bhi varga vaali aatmaayen jo bhi koi kaarya kar raheen hain, sabhi ka mukhya lakshya yahi hai ki ham apne kaarya mein saphal ho jaaen। aur saphalta kyon chaahte hain, kyonki samajhte hain hamaare dvaara sabhi ko sukh shanti ki praapti ho। chaahe apne naam ke svaartha se karte hain, alpakaal ke saadhnon se karte hain lekin lakshya sva-prati va sarva-prati sukh shanti ka hai। lakshya sabhi ka theek hai lekin lakshya pramaan sva svaartha ke kaaran dhaaran nahin kar sakte hain। isliye lakshya aur lakshan mein antar hone ke kaaran saphalta ko pa nahin sakte। aisi aatmaon ko apne mukhya lakshya ko praapta karne ka sahaj saadhan yahi sunaao -ek shabd ka antar karne se saphalta ka mantra praapta ho jaayega। woh hai - ‘svaartha ke bajaae sarva ke seva-arth’। svaartha lakshya se door kar deta hai। seva arth yeh sankalp lakshya praapta karne mein sahaj saphalta praapta karaata hai। kisi bhi laukik chaahe alaukik kaarya arth nimitta hain,usi apne-apne kaarya mein santushtata va saphalta sahaj pa lenge। is ek shabd ke antar ka mantra har varga vaale ko sunaana।

saare kalah-kalesh, halchal,anek prakaar ke vishwa ke chaaron or ke hangaame is ek shabd - ‘‘svaartha’’ke kaaran hain। isliye seva bhaav samaapta ho gaya hai। jo bhi jis bhi occupation vaale hon jab apna kaarya aarambha karte hain to kya sankalp lete hain? nisvaartha seva ka sankalp karte hain lekin lakshya aur lakshan chalte-chalte badal jaata hai। to mool kaaran chaahe koi bhi vikaar aata hai uska beej hai - ‘‘svaartha’’। to sabhi ko apne lakshya ko praapta karne ki saphalta ki chaabi de aana। vaise bhi log mukhya chaabi hi bhent karte hain। to aap sabhi ko saphalta ki chaabi bhent karne ke liye ja rahi ho aur sab kuchh de dete hain lekin khazaane ki chaabi koi nahin deta hai। jo aur koi nahin deta vahi aap dena। jab sarva khazaanon ki chaabi unke paas ho gai to saphalta hai hi। achha - aaj to sirf milne ke liye aaye hain।

raajtilak to 21 janma milta hi rahega aur smriti ka tilak bhi sangam ke naam-sanskaar ke din baapdaada dvaara mil hi gaya hai। brahman hain hi - smriti ke tilakdhaari aur devta hain raajya tilakdhaari। baaki beech ka pharishta swaroop, uska tilak hai - sampanna swaroop ka tilak, samaan swaroop ka tilak। baapdaada kaun sa tilak lagaayenge? sampanna aur samaan swaroop ka tilak। aur sarva vishashtaaon ki maniyon se saja hua taaj। aise tilakdhaari,taajdhaari pharishte swaroop sada double light ke takhtansheen shreshtha aatmaayen ho। baapdaada isi alaukik shrringaar se ceremony mana rahe hain। taajdhaari ban gaye na! taaj,tilak aur takhta। yahi vishesh ceremony hai। sabhi ceremony manaane aaye ho na। achha!

sabhi desh aur videsh ke saphalta ke sitaaron ko baapdaada saphalta ki maala gale mein daal rahe hain। kalpa-kalpa ke saphalta ke adhikaari vishesh aatmaayen ho। isliye saphalta janma siddha adhikaar, har kalpa ka hai। isi nishchay,nashe mein sada udte chalo। sabhi bachche yaad aur pyaar ki maalaayen har roj bade sneh ki vidhi poorvak baap ko pahunchaate hain। isi ki kaapi bhakta lok bhi roj maala zaroor pahnaate hain। jo sachchi lagan mein magan rahne vaale bachche hain woh amritvele bahut badhiya sneh ke shreshtha sankalpon ke ratnon ki maalaayen,roohaani gulaab ki maalaayen roj baapdaada ko avashya pahnaate hain,to sabhi bachchon ki maalaaon se baapdaada shrringaare hote hain। jaise bhakta log bhi pahla kaarya apne eeshta ko maala se sajaane ka karte hain। pushpa arpan karte hain। aise gyaani tu aatmaayen snehi bachche bhi baapdaada ko apne umang utsaah ke pushpa arpan karte hain। aise snehi bachchon ko sneh ke return mein baapdaada padmaguna sneh ki, vardaanon ki, shaktiyon ki maalaayen daal rahe hain। sabhi ka khushi ka dance bhi baapdaada dekh rahe hain। double light ban ud rahe hain aur udaane ke plan bana rahe hain। sabhi bachche vishesh pahla number apna naam samajh pahle namban mein meri yaad baap dvaara aai hai aise sveekaar karna। naam to anek hain। lekin sabhi nambarvaar yaad ke paatra hain। achha –

madhuban vaale sabhi shaktishaali aatmaaen ho na। athak seva ka part bhi bajaaya aur sva-adhyayan ka part bhi bajaaya। seva mein shaktishaali ban anek janmon ka bhavishya aur vartamaan banaaya। sirf bhavishya nahin lekin vartamaan bhi madhuban vaalon ka naam baala hai। to vartamaan bhi banaaya, bhavishya bhi jama kiya। sabhi ne shaareerik rest le li। ab phir season ke liye taiyaar ho gae, season mein beemaar nahin hona hai,isliye woh bhi hisaab-kitaab poora kiya। achha –

jo bhi aaye hain sabhi ko lottery to mil hi gai। aana arthaat padmaguna jama hona। madhuban mein aatma aur shareer donon ki riphreshmenta hain। achha -’’

jagdeesh bhaai se - seva mein shaktiyon ke saath part bajaane ke nimitta banna yeh bhi vishesh part hai। seva se janma hua, seva se paalna hui aur sada seva mein aage badhte chalo। seva ke aadi mein pahla paandav drama anusaar nimitta bane। isliye yeh bhi vishesh sahayog ka return hai। sahayog sada praapta hai aur rahega। har vishesh aatma ki visheshta hai। usi visheshta ko sada kaarya mein lagaate visheshta dvaara vishesh aatma rahe ho। seva ke bhandaar mein ja rahe ho। videsh mein jaana arthaat seva ke bhandaar mein jaana। shaktiyon ke saath paandavon ka bhi vishesh part hai। sada chance milte rahe hain aur milte rahenge। aise hi sabhi mein visheshta bharna। achha –

mohini behen ke saath:-sada vishesh saath rahne ka part hai। dil se bhi sada saath aur saakaar roop mein shreshtha saath ki vardaani ho। sabhi ko isi vardaan dvaara saath ka anubhav karaana। apne vardaan se auron ko bhi vardaani banaana। mehnat se muhabbat kya hoti hai। mehnat se chhootna aur muhabbat mein rehna - yeh sabko vishesh anubhav ho, isliye ja rahi ho। videshi aatmaayen mehnat nahin karna chaahti hain, thak gai hain। aisi aatmaon ko sada ke liye saath arthaat muhabbat mein magan rahne ka sahaj anubhav karaana। seva ka chance yeh bhi golden lottery hai। sada lottery lene vaali sahaj purushaarthi। mehnat se muhabbat ka anubhav kya hai - aisi visheshta sabhi ko sunaakar swaroop bana dena। jo dridh sankalp kiya woh bahut achha kiya। sada amritvele ye dridh sankalp revise karte rehna। achha –

baambe vaalon ke liye yaad pyaar -baambe mein sabse pahle sandesh dena chaahiye। baambe vaale busy bhi bahut rehte hain। busy rahne vaalon ko bahut samay pahle se sandesh dena chaahiye, nahin to ulhaana denge ki ham to busy the,aapne bataaya bhi nahin। isliye unhon ko abhi se achhi tarah jagaana hai। to baambe vaalon ko kehna ki apne janma ki visheshta ko seva mein vishesh lagaate chalo। isi se saphalta sahaj anubhav karenge। harek ke janma ki visheshta hai,usi visheshta ko sirf har samay kaarya mein lagaao। apni visheshta ko stage par laao। sirf andar nahin rakho, stage par laao। achha –