सोमवार 3 दिसंबर 1984 की अव्यक्त मुरली

>

03-12-84om shanti avyakt baapdaadaamdhuban

sarva samartha shikshak ke shreshtha shikshaadhaari bano

avyakt baap daada bole-

aaj sarvashaktivaan baap apne chaaron or ki shakti sena ko dekh rahe hain। kaun-kaun sada sarva shaktiyon ke shastradhaari mahaaveer vijayi vishesh aatmaayen hain! kaun-kaun sada nahin lekin samay par samay pramaan shastradhaari bante hain। kaun-kaun samay par shastradhaari banne ka prayatna karte hain। isliye kab vaar kar sakte, kab haar kha lete। kab vaar kab haar ke chakra mein chalte rehte hain। aise teenon prakaar ki sena ke adhikaari bachche dekhe। lekin vijayi shreshtha aatmaayen sada pahle se hi ever ready rehti hain। samay pramaan shastradhaari banne mein ‘samay’shikshak ban jaata hai। samay roopi shikshak ke aadhaar par chalne vaale sarvashaktivaan shikshak ki shiksha se ever ready na banne ke kaaran kabhi samay par dhokha bhi kha lete hain। dhokha khaane se smriti ke hosh mein aate hain। isliye sarvashaktivaan shikshak ke shreshtha shikshaadhaari bano। samay roopi shikshak ke shikshaadhaari nahin।

kai bachche baapdaada se rooh-roohaan karte va aapas mein bhi rooh-roohaan karte, saadhaaran roop se yeh bolte rehte ki samay aane par sab theek ho jaayega। samay par dikha denge va samay par kar lenge। lekin aap vishwa-parivartak bachchon ko sampanna shreshtha samay ka aahvaan karne ka kaarya mila hua hai। aap nimitta ho sunahre savere ka samay laane liye। aap samay roopi rachna ke master rachta,samay arthaat yug-parivartak ho। double kaal par vijayi ho। ek kaal arthaat ‘samay’। doosra kaal ‘mrityu’ ke vasheebhoot nahin ho। vijayi ho। amar bhav ke vardaani swaroop ho। isliye samay pramaan karne vaale nahin lekin baap ke pharmaan pramaan chalne vaale। samay to agyaani aatmaon ka bhi shikshak banta hai। aapka shikshak samartha baap hai। koi bhi taiyaari samay ke pahle ki jaati hai na ki us samay। ever ready sarva shastra shaktidhaari saina ke ho। to sada apne ko check karo ki sarva shaktiyon ke shastra dhaaran kiye hue hain?koi bhi shakti arthaat shastra ki kami hogi to maaya usi kamzori ke vidhi dvaara hi vaar karegi। isliye ismen bhi albele nahin banna aur sab to theek hai, thodi si sirf ek baat mein kamzori hai, lekin ek kamzori maaya ke vaar ka raasta ban jaayegi। jaise baap ka bachchon se vaayda hai ki jahaan baap ki yaad hai vahaan sada main saath hoon aise maaya ki bhi challenge hai jahaan kamzori hai vahaan main vyaapak hoon। isliye kamzori ansh maatra bhi maaya ke vansh ka aahvaan kar degi। sarvashaktivaan ke bachche to sab mein sampanna hona hai। baap bachchon ko jo varse ka adhikaar dete hain, va shikshak roop mein eeshvareey padhaai ki praalabdha va degree dete hain, woh kya varnan karte ho? sarvagun sampanna kehte ho va gun sampanna kehte ho? sampoorn nirvikaari, 16 kala sampanna kehte ho, 14 kala nahin kehte ho।100 pratishat sampoorn sukh-shanti ka varsa kehte ho। to banna bhi aisa padega ya ek aadhi kamzori chal jaayegi, aise samajhte ho? hisaab-kitaab bhi gahan hai। bholaanaath bhi hai lekin karmon ki gati ka gyaata bhi hai। deta bhi kane ka ghana karke hai aur hisaab bhi kane-kane ka karta hai। agar ek aadhi kamzori rah jaati hai to praapti mein bhi aadha janma,ek janma peechhe aana padta hai। shreekrishna ke saath-saath va vishwa-mahaaraajan pahle lakshmi-naaraayan ki royal family va sameep ke sambandh mein aa nahin sakenge। jaise sanvat ek-ek-ek se shuru hoga। aise naya sambandh, nai prakriti, number one nai aatmaayen,nai arthaat oopar se utri hui nai aatmaayen, naya raajya, yeh naveenta ke samay ka sukh, satopradhaan number one prakriti ka sukh number one aatmaayen hi pa sakengi। number one arthaat maaya par win karne vaale। to hisaab poora hoga। baap se vardaan va varsa praapta karne ka vaayda yahi kiya hai ki - saath rahenge, saath jeeyenge aur phir vaapis brahma baap ke saath raajya mein aayenge। yeh vaayda nahin kiya hai ki peechhe-peechhe aayenge। samaan banna hi hai,saath rehna hai। sampannata,samaanta sada-saath ke praalabdha ke adhikaari banaati hai। isliye sampanna aur samaan banne ka samay albelepan mein ganvaakar ant samay hosh mein aaye to kya paayenge!

to aaj sabhi ke sarva shaktiyon ke shastran ki checking kar rahe the। result sunaai - teen prakaar ke bachche dekhe। aap sochte hain ki aage chal yeh albelepan ke naaz, itna thoda-sa to chal hi jaayega, itni madad to baap kar hi dega, lekin yeh naaz naajuk samay par dhokha na deve। aur bachche naaz se ulhana na den ki itna to socha nahin tha। isliye naajuk samay saamne aata ja raha hai। bhinna-bhinna prakaar ki halchal badhti hi jaayegi। yeh nishaaniyaan hain samay aane ki। yeh drama mein ishaare hain teevragti se sampanna banne ke। samjha!

aajkal madhuban mein teen taraph ki nadiyon ka mela hai। triveni nadi ka mela hai na! teenon taraph ke aaye hue, lagan se pahunchne vaale bachchon ko vishesh dekh,bachchon ke sneh par baapdaada harshit hote hain। mukh ki bhaasha nahin jaante lekin sneh ki bhaasha jaante hain। karnaatak vaale sneh ki bhaasha ko jaanne vaale hain। aur panjaab vaale kya jaante hain? panjaab mein kya karte hain?vo log khaalistaan ke naare laga rahe hain aur aap kya karte? - ‘daivi raajasthaan ka naara lagaate’। panjaab vaale lalkaar karne mein hoshiyaar hain। to daivi raajasthaan ki lalkaar haahaakaar ki jagah jay-jaykaar karne vaali hai। gujraat vaale kya karte hain?gujraat vaale sada jhoole mein jhoolte hain। apne sangamayugi sameep sthaan ke bhaagya ke bhi jhoole mein jhoolte। khushi mein jhoolte hain ki ham to sabse nazdeek hain। to gujraat bhinna-bhinna jhoolon mein jhoolne vaale hain। variety group bhi hai। variety sabhi ko pasanda aati hai। guldaste mein bhi variety rang, roop,khushbu vaale phool priy lagte hain। achha–

sab taraph se aaye hue sabhi shaktishaali, sada alert rahne vaale, sada sarva shaktiyon ke shastradhaari,sarva aatmaon ko sampoorn sampanna ban shaktiyon ka sahayog dene vaale, shreshtha kaal,shreshtha yug laane vaale,yug-parivartak number one ban number one sampanna raajya bhaagya ke adhikaari - aise sarva shreshtha bachchon ko baapdaada ka yaad pyaar aur namaste।’’

panjaab party se - sada har kadam mein yaad ki shakti dvaara padmon ki kamaai jama karte hue aage badh rahe ho na? har kadam mein padma bhare hue hain - yeh check karte rehte ho? yaad ka kadam bharpoor hai। bina yaad ke kadam bharpoor nahin, kamaai nahin। to har kadam mein kamaai jama karne vaale kamaau bachche ho na! kamaane vaale kamaau bachche hote। ek hain sirf khaaya piya aur udaaya aur ek hain kamaai jama karne vaale। aap kaun se bachche hain? vahaan bachcha kamaata hai apne liye bhi aur baap ke liye bhi। yahaan baap ko to chaahiye nahin। apne liye hi kamaate। sada har kadam mein jama karne vaale, kamaai karne vaale bachche hain, yeh check karo। kyonki samay naajuk hota ja raha hai। to jitni kamaai jama hogi utna aaraam se shreshtha praalabdha ka anubhav karte rahenge। bhavishya mein to praapti hai hi। to is kamaai ki praapti abhi sangam par bhi hogi aur bhavishya mein bhi hogi। to sabhi kamaane vaale ho ya kamaaya aur khaaya!

jaise baap vaise bachche। jaise baap sampanna hai, sampoorn hai vaise bachche bhi sada sampanna rahne vaale। sabhi bahaadur ho na? darne vaale to nahin ho? dare to nahin? thoda-sa dar ki maatra sankalp maatra bhi aai ya nahin?yeh nothing new hai na। kitne baar yeh hua hai,anek baar repeat ho chuka hai। abhi ho raha hai isliye ghabraane ki baat nahin। shaktiyaan bhi nirbhay hain na! shaktiyaan sada vijayi sada nirbhay। jab baap ki chhatrachhaaya ke neeche rahne vaale hain to nirbhay hi honge। jab apne ko akela samajhte ho to bhay hota। chhatrachhaaya ke andar bhay nahin hota। sada nirbhay। shaktiyon ki vijay sada gaai hui hai। sabhi vijayi sher ho na! shiv-shaktiyon ki, paandavon ki vijay nahin hogi to kiski hogi! paandav aur shaktiyaan kalpa-kalpa ke vijayi hain। bachchon se baap ka sneh hai na। baap ke snehi bachchon ko, yaad mein rahne vaale bachchon ko kuchh bhi ho nahin sakta। yaad ki kamzori hogi to thoda-sa sek aa bhi sakta hai। yaad ki chhatrachhaaya hai to kuchh bhi ho nahin sakta। baapdaada kisi na kisi saadhan se bacha dete hain। jab bhakta aatmaon ka bhi sahaara hai to bachchon ka sahaara sada hi hai।

(2) sada himmat aur hullaas ke pankhon se udne vaale ho na! umang-utsaah ke pankh sada svayan ko bhi udaate aur doosron ko bhi udaane ka maarga bataate hain। yeh donon hi pankh sada hi saath rahen। ek pankh bhi dheela hoga to ooncha ud nahin sakenge। isliye yeh donon hi aavashyak hain। himmat bhi, umang hullaas bhi। himmat aisi cheez hai jo asambhav ko sambhav kar sakti hai। himmat mushkil ko sahaj banaane vaali hai। neeche se ooncha udaane vaali hai। to sada aise udne vaale anubhvi aatmaayen ho na! neeche mein aane se to dekh liya kya praapti hui! neeche hi girte rahe lekin ab udti kala ka samay hai। high jump ka bhi samay nahin। second mein sankalp kiya aur uda। aisi shakti baap dvaara sada milti rahegi।

(3) svayan ko sada master gyaan soorya samajhte ho? gyaan soorya ka kaarya hai sarva se agyaan andhere ka naash karna। soorya apne prakaash se raat ko din bana deta hai,to aise master gyaan soorya vishwa se andhakaar mitaane vaale, bhatakti aatmaon ko raasta dikhaane vaale,raat ko din banaane vaale ho na! apna yeh kaarya sada yaad rehta hai? jaise laukik occupation bhoolaane se bhi nahin bhoolta। woh to hai ek janma ka vinaashi kaarya,vinaashi occupation,yeh hai sada ka occupation ki ham master gyaan soorya hain। to sada apna yeh avinaashi occupation ya duty samajh andhakaar mitaakar roshni laani hai। isse svayan se bhi andhakaar samaapta ho prakaash hoga। kyonki roshni dene vaala svayan to prakaashmay ho hi jaata hai। to yeh kaarya sada yaad rakho aur apne aapko roj check karo ki main master gyaan soorya prakaashmay hoon! jaise aag bujhaane vaale svayan aag ke sek mein nahin aate aise sada andhakaar door karne vaale andhakaar mein svayan nahin aa sakte। to ‘main master gyaan soorya hoon yeh nasha va khushi sada rahe’।

kumaaron se avyakt baapdaada ki mulaakaat

kumaar jeevan shreshtha jeevan hai, kumaar jeevan mein baap ke ban gaye aisi apni shreshtha takdeer dekh sada harshit raho aur auron ko bhi harshit rahne ki vidhi sunaate raho। sabse nirbandhan kumaar aur kumaariyaan hain। kumaar jo chaahen woh apna bhaagya bana sakte hain। himmat vaale kumaar ho na! kamzor kumaar to nahin। kitna bhi koi apne taraph aakarshit kare lekin mahaaveer aatmaayen ek baap ke sivaae kahaan bhi aakarshit nahin ho sakti। aise bahaadur ho! kai roop se maaya apna banaane ka prayatna to karegi lekin nishchay buddhi vijayi। ghabraane vaale nahin। achha hai।‘vaah meri shreshtha takdeer’ - bas yahi sada smriti rakhna। hamaare jaisa koi ho nahin sakta - yeh nasha rakho। jahaan eeshvareey nasha hoga vahaan maaya se pare rahenge। seva mein to sada busy rehte ho na! yeh bhi zaroori hai। jitna seva mein busy rahenge utna sahajyogi rahenge lekin yaad sahit seva ho to safety hai। yaad nahin to safety nahin।

(2) kumaar sada nirvighna ho na? maaya aakarshit to nahin karti? kumaaron ko maaya apna banaane ki koshish bahut karti hai। maaya ko kumaar bahut pasanda aate hain। woh samajhti hai mere ban jaaen। lekin aap sab to bahaadur ho na! maaya ke mureed nahin, maaya ko chelenja karne vaale। aadha kalpa maaya ke mureed rahe,mila kya?sab kuchh ganva diya। isliye abhi prabhu ke ban gaye। prabhu ka banna arthaat svarga ke adhikaar ko paana। to sabhi kumaar vijayi kumaar hain! dekhna, kachche nahin hona। maaya ko kumaaron se extra pyaar hai isliye chaaron or se koshish karti hai mere ban jaaen। lekin aap sabne sankalp kar liya। jab baap ke ho gaye to nisphurne ho gaye। ‘sada nirvighna bhav,udti kala bhav’।

(3) kumaar - sada samartha। jahaan samarthi hai vahaan praapti hai। sada sarva praapti swaroop। knowledgeful hone ke kaaran maaya ke bhinna-bhinna roopon ko jaanne vaale। isliye apne bhaagya ko aage badhaate raho। sada ek hi baat pakki karo ki kumaar jeevan arthaat mukta jeevan। jo jeevanmukta hai woh sangamayug ki praapti yukta hoga। sada aage badhte raho aur badhaate raho। kumaaron ko to sada khushi mein naachna chaahiye - vaah kumaar jeevan,vaah bhaagya,vaah drama! vaah baba…yahi geet gaate raho। khushi mein raho to kamzori aa nahin sakti। seva aur yaad donon se shakti bharte raho। kumaar jeevan halki jeevan hai। is jeevan mein apni takdeer banaana yeh sabse bada bhaagya hai। kitne bandhanon mein bandhane se bach gaye। sada apne ko aise double light samajhte hue udti kala mein chalte raho to aage number le lenge। achha - om shanti।