सोमवार 17 दिसंबर 1984 की अव्यक्त मुरली

>

17-12-84om shanti avyakt baapdaadaamdhuban

vyartha ko samaapta karne ka saadhan - samartha sankalpon ka khazaana - gyaan murli

sarva samartha baapdaada bole –

aaj baapdaada sangamayugi alaukik roohaani mahphil mein milan manaane aaye hain। yeh roohaani mahphil, roohaani milan saare kalpa mein abhi hi kar sakte ho। aatmaon se param aatma ka milan! yeh shreshtha milan satayugi srishti mein bhi nahin hoga। isliye is yug ko mahaan yug,maha milan ka yug, sarva praaptiyon ka yug, asambhav se sambhav hone ka yug, sahaj aur shreshtha anubhootiyon ka yug, vishesh parivartan ka yug, vishwa kalyaan ka yug,sahaj vardaanon ka yug kaha jaata hai। aise yug mein mahaan paartadhaari tum aatmaayen ho। aisa mahaan nasha sada rehta hai? saari vishwa jis baap ko ek second ki jhalak dekhne ki chaatrak hai,us baap ke second mein adhikaari banne vaale ham shreshtha aatmaayen hain। yeh smriti mein rehta hai?yeh smriti svatah hi samartha banaati hai। aisi samartha aatmaayen bane ho? samartha arthaat vyartha ko samaapta karnevaale। vyartha hai to samartha nahin। agar mansa mein vyartha sankalp hai to samartha sankalp thahar nahin sakte। vyartha baar-baar neeche le aata hai। samartha sankalp samartha baap ke milan ka bhi anubhav karaata। maaya jeet bhi banaata। saphalta swaroop sevaadhaari bhi banaata। vyartha sankalp sada utsaah umang ko samaapta karta hai। woh sada kyon, kya ki uljhan mein rehta। isliye chhoteechhoti baaton mein svayan se dilshikasta rehta। vyartha sankalp sada sarva praaptiyon ke khazaane ko anubhav karne se vanchit kar deta। vyartha sankalp vaale ke man ki chaahna va man ki ichchhaayen bahut oonchi hoti hain। yeh karoonga, yeh karoon, yeh plan bahut teji se banaate arthaat teevragti se banaate hain। kyonki vyartha sankalpon ki gati fast hoti hai। isliye bahut oonchi-oonchi baaten sochte hain, lekin samartha na hone ke kaaran plan aur practical mein mahaan antar ho jaata hai। isliye dilshikasta ho jaate hain। samartha sankalp vaale sada jo sochenge woh karenge। sochna aur karna donon samaan hoga। sada dhairyavat gati se sankalp aur karma mein saphal honge। vyartha sankalp tej toofaan ki tarah halchal mein laata hai। samartha sankalp sada-bahaar ke samaan hara-bhara bana deta hai। vyartha sankalp energy arthaat aatmik shakti aur samay ganvaane ke nimitta banta hai। samartha sankalp sada aatmik shakti arthaat energy jama karta hai। samay saphal karta hai। vyartha sankalp rachna hote hue bhi,vyartha rachna,aatma rachta ko bhi pareshaan karti hai। arthaat master sarva shaktivaan samartha aatma ki shaan se pare kar deti hai। samartha sankalp se sada shreshtha shaan ke smriti swaroop rehte hain। is antar ko samajhte bhi ho phir bhi kai bachche vyartha sankalpon ki shikaayat abhi bhi karte hain। ab tak bhi vyartha sankalp kyon chalta,iska kaaran?jo baapdaada ne samartha sankalpon ka khazaana diya hai - woh hai gyaan ki murli। murli ka ek-ek mahaavaakya samartha khazaana hai। is samartha sankalp ke khazaane ka mahatva kam hone ke kaaran samartha sankalp dhaaran nahin hota to vyartha ko chance mil jaata hai। har samay ek-ek mahaavaakya manan karte rahen to samartha buddhi mein vyartha aa nahin sakta hai। khaali buddhi rah jaati hai,isliye khaali sthaan hone ke kaaran vyartha aa jaata hai। jab margin hi nahin hogi to vyartha aa kaise sakta? samartha sankalpon se buddhi ko busy rakhne ka saadhan nahin aana arthaat vyartha sankalpon ka aahvaan karna।

busy rakhne ke businessman bano। din-raat in gyaan ratnon ke businessman bano। na phursat hogi na vyartha sankalpon ko margin hogi। to vishesh baat ‘‘buddhi ko samartha sankalpon se sada bharpoor rakho।’’ uska aadhaar hai - roj ki murli sunna,samaana aur swaroop banna। yeh teen stejej hain। sunna bahut achha lagta hai। sunne ke bina rah nahin sakte। yeh bhi stage hai। aisi stage vaale sunne ke samay tak sunne ki ichchha, sunne ka ras hone ke kaaran us samay tak usi ras ki mauj mein rehte hain। sunne mein masta bhi rehte hain। bahut achha! yeh khushi se geet bhi gaate hain। lekin sunna samaapta hua to woh ras bhi samaapta ho jaata hai। kyonki samaaya nahin। samaane ki shakti dvaara buddhi ko samartha sankalpon se sampanna nahin kiya to vyartha aata rehta hai। samaane vaale sada bharpoor rehte hain। isliye vyartha sankalpon se kinaara rehta hai। lekin swaroop banne vaale shaktishaali ban auron ko bhi shaktishaali banaate hain। to woh kami rah jaayegi।

vyartha se to bachte hain, shuddh sankalpon mein rehte hain lekin shakti swaroop nahin ban sakte। swaroop banne vaale sada sampanna, sada samartha, sada shaktishaali kirnon dvaara auron ke bhi vyartha ko samaapta karne vaale hote hain। to apne aap se poochho ki main kaun hoon?sunne vaale,samaane vaale va swaroop banne vaale? shaktishaali aatma second mein vyartha ko samartha mein parivartan kar deti hai। to shaktishaali aatmaayen ho na? to vyartha ko parivartan karo। abhi tak vyartha mein shakti aur samay ganvaate rahenge to samartha kab banenge?bahutkaal ka samartha hi bahut kaal ka sampanna raajya kar sakta hai। samjha।

abhi apne samartha swaroop dvaara auron ko samartha banaane ka samay hai। sva ke vyartha ko samaapta karo। himmat hai na? mahaaraashtra vaale aaye hain to himmat bhi mahaan hai na। jaise mahaaraashtra hai vaise hi mahaan ho na?mahaan sankalp karne vaale ho na? kamzor sankalp vaale nahin। sankalp kiya aur hua। isko kehte hain - mahaan sankalp। aise mahaan aatmaayen ho na! aur panjaab vaale kya sochte hain? panjaab ke bahaadur hain na! maaya ki shakti vaale government ko lalkaar kar rahe hain। eeshvareey shakti vaale maaya ko lalkaar kar rahe hain। maaya ko lalkaar karne vaale ho na! ghabraane vaale to nahin ho na। jaise woh kehte hain hamaara raajya ho, aap bhi maaya ko lalkaar karte ho,garjana se kehte ho ki ab hamaara raajya hai। aise bahaadur ho na। panjaab vaale bhi bahaadur hain। mahaaraashtra vaale mahaan hain aur karnaatak vaalon ki visheshta hai - mahaan bhaavna। bhaavna ke kaaran bhaavna ka phal sahaj milta rehta hai। karnaatak vaale bhaavna dvaara mahaan phal khaane vaale hain। isliye sada khushi mein naachte rehte hain। to khushi ka phal khaane vaale khushanseeb aatmaayen hain। to woh (mahaaraashtra) mahaan sankalpadhaari। aur panjaab mahaan lalkaar karne vaale mahaan raajya adhikaari। aur woh (karnaatak) mahaan phal khaane vaale। teenon hi mahaan ho gaye na!

mahaaraashtra arthaat sabmen mahaan। har sankalp mahaan, swaroop mahaan। karma mahaan। seva mahaan। sabmen mahaan। to aaj ‘mahaan’ ki teen nadiyaan mili hain। mahaan nadiyaan mil gai na। mahaan nadiyon ka mahaasaagar se milan hai। isliye milan mahiphal mein aayen hain। aaj mahiphal bhi manaani hai na। achha - aise sada samartha, sada har mahaavaakya ke swaroop banne vaale, bahut kaal ke samartha,aatmaon ko samartha banaane vaale baapdaada ka sarva samaarthiyon sampanna yaadapyaar aur namaste।’’

daadiyon se - yeh mahaamandali baithi hai। aadi mein ommandali rahi aur ant mein mahaamandali ho gai। sabhi mahaan aatmaon ki mandali hai na। woh apne ko mahaamandaleshvar kahlaate hain aur aap apne ko maha-sevaadhaari kahlaate ho। mahaamandaleshvar va mahaamandaleshvari nahin kahlaate lekin maha-sevaadhaari। to mahaan sevaadhaariyon ki mahaan mandali। maha-sevaadhaari arthaat har sankalp se svatah hi seva ke nimitta bane hue। har sankalp dvaara svatah hi seva ke nimitta bane hue। har sankalp dvaara svatah seva hoti rehti hai। jo svatah yogi hain woh svatah sevaadhaari hain। sirf check karo - ki svatah seva ho rahi hai to anubhav karenge ki seva ke sivaae second aur sankalp bhi ja nahin sakta। chalte-phirte har kaarya karte seva shvaans-shvaans second-second mein seva samaai hui hai। isko kaha jaata hai - ‘svatah sevaadhaari।’aise ho na। abhi vishesh programme se seva karne ki sthiti samaapta hui। svatah seva ke nimitta ban gaye। yeh abhi auron ko chance diya hai। woh programme bhi banaayenge, practical bhi karenge lekin aap logon ki seva abhi svatah sevaadhaariyon ki hai। programme ke samay tak nahin lekin sada hi programme hai। sada hi seva ki stage par ho। aisi mandali hai na। jaise shareer shvaans ke bina chal nahin sakta, aise aatma seva ke bina rah nahin sakti। yeh shvaans chalta hi rehta hai na automatic। aise seva svatah chalti hai। seva hi jaise ki aatma ka shvaans hai। aise hai na? kitne ghante seva ki,yeh hisaab nikaal sakte ho?dharma- karma hai hi seva। chalna bhi seva,bolna bhi seva, karna bhi seva to svatah sevaadhaari,sada ke sevaadhaari। jo bhi sankalp uthta usmein seva samaai hai। har bol mein seva samaai hui hai kyonki vyartha to samaapta ho gaya। to samartha maana seva। aise ko kaha jaata hai - mahaamandali vaale mahaan aatmaayen hain। achha –

sabhi aapke saathi bhi baapdaada ke sammukh hain। om mandali vaale sab mahaamandali vaale, aadi ke sevaadhaari ‘sada sevaadhaari’ hain। baapdaada ke saamne sabhi mahaamandali ki mahaan aatmaayen hain। phir paan ka beeda uthaane vaale to mahaan mandali vaale hi hue na। paan ka beeda uthaaya na। bina kuchh sochne ke, sankalp karne ke, dridh sankalp kiya aur nimitta ban gaye। isko kaha jaata hai - mahaan aatmaayen। mahaan karttavya ke nimitta bane ho। example to bane। bina example dekhe hue vishwa ke liye example ban gaye। turant daan mahaapunya। aisi mahaan aatmaayen ho। achha।

(party se) mahaaraashtra tatha panjaab group

1. aap sab bachche ‘nirbhay’ho na। kyon? kyonki aap sada ‘nivzra’ ho। aapka kisi se bhi vair nahin hai। sabhi aatmaon ke prati bhaai-bhaai ki shubh bhaavna, shubh kaamna hai। aisi shubh bhaavna, kaamna vaali aatmaayen sada nirbhay rehti hain। bhaybheet hone vaale nahin। svayan yogayukta sthiti mein sthit hain to kaisi bhi paristhiti mein safe zaroor hain। to sada safe rahne vaale ho na? baap ki chhatrachhaaya mein rahne vaale sada safe hai। chhatrachhaaya se baahar nikle to phir bhay hai। chhatrachhaaya ke andar nirbhay hain। kitna bhi koi kuchh bhi kare lekin baap ki yaad ek kila hai। jaise kile ke andar koi nahin aa sakta,aise yaad ke kile ke andar safe। halchal mein bhi achal। ghabraane vaale nahin। yeh to kuchh bhi nahin dekha। yeh rehearsal hai। real to aur hai। rehearsal pakka karaane ke liye ki jaati hai। to pakke ho gaye,bahaadur ho gaye? baap se lagan hai to kaisi bhi samasyaaon mein pahunch gaye। samasya jeet ban gaye। lagan nirvighna banne ki shakti deti hai। bas sirf‘mera baba’yeh mahaamantra yaad rahe। yeh bhoola to gaye। yahi yaad raha to sada safe hain।

2. sada apne ko achal adol aatmaayen anubhav karte ho?kisi bhi prakaar ki halchal achal adol sthiti mein vighna nahin daale। aisi vighnavinaashak achal adol aatmaayen bane ho। vighna-vinaashak aatmaayen har vighna ko aise paar karti jaise vighna nahin - ek khel hai। to khel karne mein sada maja aata hai na। koi paristhiti ko paar karna aur khel karna antar hoga na। agar vighna-vinaashak aatmaayen hain to paristhiti khel anubhav hoti hai। pahaad raai ke samaan anubhav hota hai। aise vighna-vinaashak ho, ghabraane vaale to nahin। knowledgeful aatmaayen pahle se hi jaanti hain ki yeh sab to aana hi hai, hona hi hai। jab pahle se pata hota hai to koi baat - badi baat nahin lagti। achaanak kuchh hota hai to chhoti baat bhi badi lagti। pahle se pata hota to badi baat bhi chhoti lagti। aap sab knowledgeful ho na। vaise to knowledgeful ho lekin jab paristhitiyon ka samay hota hai us samay knowledgeful ki sthiti bhoole nahin, anek baar kiya hua ab sirf repeat kar rahe ho। jab nothing new hai to sab sahaj hai। aap sab kile ki pakki eeten ho। ek-ek eent ka bahut mahatva hai। ek bhi eent hilti to saari divaar ko hila deti। to aap eent achal ho,koi kitna bhi hilaane ki koshish kare lekin hilaane vaala hil jaae - aap na hilen। aisi achal aatmaon ko, vighna vinaashak aatmaon ko baapdaada roj mubaarak dete hain। aise bachche hi baap vi mubaarak ke adhikaari hain। aise achal adol bachchon ko baap aur saara parivaar dekhkar harshit hota hai। achha –