सोमवार 7 जनवरी 1985 की अव्यक्त मुरली

>

07-01-85om shanti avyakt baapdaadaamdhuban

naye varsha ka vishesh sankalp

sada daata, bhaagya vidhaata avyakt baapdaada bole

aaj vidhaata baap apne master vidhaata bachchon se milne aaye hain। vidhaata baap har bachche ke chart ko dekh rahe hain। vidhaata dvaara mile hue khajaanon mein se kahaan tak vidhaata samaan master vidhaata bane hain? gyaan ke vidhaata hain?yaad ke shaktiyon ke vidhaata hain?samay pramaan aavashyakta pramaan har shakti ke vidhaata hai? gunon ke vidhaata bane hain? roohaani drishti ke, roohaani sneh ke vidhaata bane hain? samay pramaan har ek aatma ko sahayog dene ke vidhaata bane hain? nirbal ko apne shreshtha sang ke vidhaata, samparka ke vidhaata bane hain? apraapta aatmaon ko tripta aatma banaane ke umang-utsaah ke vidhaata bane hain? yeh chart har master vidhaata ka dekh rahe the।

vidhaata arthaat har samay, har sankalp dvaara dene vaale। vidhaata arthaat pharaakhdil। saagar samaan dene mein badi dil vaale। vidhaata arthaat sivaae baap ke aur kisi aatma se lene ki bhaavna rakhne vaale nahin। sada dene vaale। agar koi roohaani sneh,sahayog dete bhi hain to ek ke badle mein padmaguna dene vaale। jaise baap lete nahin, dete hain। agar koi bachcha apna puraana kakhpan deta bhi hai,uske badle mein itna deta hai jo lena,dena mein badal jaata hai। aise master vidhaata arthaat har sankalp, har kadam mein dene vaala। mahaan daata arthaat vidhaata। sada dene vaala hone kaaran sada nihsvaarthi honge। sva ke svaartha se sada nyaare aur baap samaan sarva ke pyaare honge। vidhaata aatma ke prati svatah hi sarva ka regard ka record hoga। vidhaata svatah hi sarva ki najar mein daata arthaat mahaan honge। aise vidhaata kahaan tak bane hain? vidhaata arthaat raajvanshi। vidhaata arthaat paalanhaar। baap samaan sada sneh aur sahayog ki paalna dene vaale। vidhaata arthaat sada sampanna। to apne aapko check karo ki lene vaale ho va dene vaale master vidhaata ho?

ab samay pramaan master vidhaata ka part bajaana hai। kyonki samay ki sameepta hai arthaat baap samaan banna hai। ab tak bhi apne prati lene ki bhaavna vaale honge to vidhaata kab banenge? abhi dena hi lena hai, jitna denge utna svatah hi badhta jaayega। kisi bhi prakaar ke had ki baaton ke levta nahin bano। abhi tak apne had ki aashaayen poorn karne ki ichchha hogi to vishwa ki sarva aatmaon ki aashaayen kaise poorn karenge?thoda-sa naam chaahiye, maan chaahiye, regard chaahiye, sneh chaahiye, shakti chaahiye। ab tak svaarthi arthaat sva ke arth yeh ichchhaayen rakhne vaale honge to ‘ichchha maatram avidya’ ki sthiti ka anubhav kab karenge? yeh had ki ichchhaayen kabhi bhi achha banne nahin dengi। yeh ichchha bhi royal bhikhaareepan ka ansh hai। adhikaari ke peechhe yeh sab baaten svatah hi aage aati hain। chaahiye-chaahiye ka geet nahin gaate mil gaya,ban gaya,yahi geet gaate hain। behad ke vidhaata ke liye yeh had ki aashaayen va ichchhaayen svayan hi parchhaai ke samaan peechhe-peechhe chalti hain। jab geet gaate ho - ‘paana tha woh pa liya’ phir yeh had ke naam,maan,shaan,paane ka kaise rah jaata hai? nahin to geet ko badli karo। jab 5 tatva bhi aap vidhaata ke aage daasi ban jaate hain, prakriti jeet maayaajeet ban jaate ho,uske aage yeh had ki ichchhaayen aisi hain jaise soorya ke aage deepak। jab soorya ban gaye to in deepkon ki kya aavashyakta hai?chaahiye ki tripti ka aadhaar hai, jo chaahiye woh jyaada se jyaada dete jaao। maan do,lo nahin। regard do,regard lo nahin। naam chaahiye to baap ke naam ka daan do। to aapka naam svatah hi ho jaayega। dena hi lene ka aadhaar hai। jaise bhakti maarga mein bhi yeh rasam chali aai hai, koi bhi cheez ki kami hogi to praapti ke liye usi cheez ka daan karaate hain। to woh dena lena ho jaayega। aise aap bhi daata ke bachche dene vaale devta banne vaale ho। aap sabki mahima dene vaale deva,shanti deva, sampatti deva, kaha karte hain। leva kahkar mahima nahin karte hain। to aaj yeh chart dekh rahe the। devta banne vaale kitne hain aur levta (lene vaale) kitne hain। laukik aashaayen,ichchhaayen to samaapta ho gai। ab alaukik jeevan ki behad ki ichchhaayen samajhte hain ki yeh to gyaan ki hain na। yeh to honi chaahiye na। lekin koi bhi had ki chaahna vaala maaya ka saamna nahin kar sakta hai। maangane se milne vaali yeh cheez hi nahin hai। koi ko kaho mujhe regard do ya regard dilaao। maangane se mile yeh raasta hi wrong hai to manzil kahaan se milegi। isliye ‘master vidhaata’ bano। to svatah hi sab aapko dene aayenge। shaan maangane vaale pareshaan hote hain। isliye master vidhaata ki shaan mein raho। mera mera nahin karo। sab tera-tera। aap tera karenge to sab kahenge tera-tera। mera-mera kahne se jo aata hai woh bhi ganva denge। kyonki jahaan santushtata nahin vahaan praapti bhi apraapti ke samaan hai। jahaan santushtata hai vahaan thoda bhi sarva samaan hai to teraatera kahne se praapti swaroop ban jaayenge। jaise yahaan gumbad ke andar aavaaz karte ho to vahi aavaaz vaapas aata hai। aise is behad ke gumbad ke andar agar aap man se mera kehte ho to sabki taraph se vahi ‘mera’ka hi aavaaz sunte ho!

aap bhi kahenge mera, woh bhi kahega mera। isliye jitna man ke sneh se (matlab se nahin) tera kahenge utna hi man ke sneh se aage vaale aapko ‘tera’kahenge। is vidhi se mere-mere ki had behad mein parivartan ho jaayegi। aur levta ke bajaae master vidhaata ban jaayenge। to is varsha yeh vishesh sankalp karo ki sada master vidhaata banenge। samjha –

mahaaraashtra zone aaya hai, to mahaan banna hai na। mahaaraashtra arthaat sada mahaan ban sarva ko dene vaale banna। mahaaraashtra arthaat sada sampanna raashtra। desh sampanna ho na ho lekin aap mahaan aatmaayen to sampanna ho। isliye mahaaraashtra arthaat mahaadaani aatmaayen।

doosre yu.pi. ke hain। yu.pi. mein bhi patit paavni ganga ka mahatva hai। to sada praapti swaroop hain,tab ‘patit paavni’ ban sakte hain। to yu.pi.vaale bhi paavanta ke bhandaar hain। sada sarva ke prati paavanta ki anchali dene vaale master vidhaata hain। to donon hi mahaan hue na। baapdaada bhi sarva mahaan aatmaon ko dekh harshit hote hain।

double videshi to hain hi double nashe mein rahne vaale। ek yaad ka nasha, doosra seva ka nasha। majority is double nashe mein sada rahne vaale hain। aur yeh double nasha hi anek nashon se bachaane vaala hai। so double videshi bachche bhi donon hi baaton ki race mein number achha le rahe hain। baba aur seva ke geet svapna mein bhi gaate rehte hain। to teenon nadiyon ka sangam hai। ganga,jamuna,sarasvati teenon ho gaye na। sachcha allaah ka aabaad kiya hua sthaan to yahi madhuban hai na। isi allaah ke aabaad kiye hue sthaan par teenon nadiyon ka sangam hai। achha –

sabhi sada master vidhaata, sada sarva ko dene ki bhaavna mein rahne vaale, devta banne vaale, sada tera-tera ka geet gaane vaale sada apraapta aatmaon ko tripta karne vaale, sampanna aatmaon ko vidhaata vardaata baapdaada ka yaadapyaar aur namaste।’’

teachers ke saath mulaakaat -sevaadhaari seva karne se svayan bhi shaktishaali bante hain aur doosron mein bhi shakti bharne ke nimitta bante hain। sachchi roohaani seva sada sva unnati aur auron ki unnati ke nimitta banaati hai। doosre ki seva karne se pahle apni seva karni hoti। doosre ko sunaana arthaat pahle khud sunte, pahle apne kaanon mein jaayega na। sunaana nahin hota, sunna hota hai। to seva se double phaayda hota hai। apne ko bhi aur doosron ko bhi। seva mein busy rehna arthaat sahaj maayaajeet banna। busy nahin rehte tab maaya aati hai। sevaadhaari arthaat sada busy rahne vaali। sevaadhaariyon ko kabhi phursat hi nahin hoti। jab phursat hi nahin to maaya kaise aayegi। sevaadhaari banna arthaat sahaj vijayi banna। sevaadhaari maala mein sahaj aa sakte hain। kyonki sahaj vijayi hain। to vijayi vijay maala mein aayenge। sevaadhaari ka arth hai taaja meva khaane vaale। taaja phal khaane vaale bahut healthy honge। doctor bhi kehte hain taaja phal taaji sabjiyaan khaao। to seva karna maana vitminsa milna। aise sevaadhaari ho na! kitna mahatva hai seva ka। abhi isi baaton ko check karna। aisi seva ki anubhooti ho rahi hai। kitna bhi koi uljhan mein ho - seva khushi mein nachaane vaali hai। kitna bhi koi beemaar ho seva tandaroosta karne vaali hai। aise nahin seva kartekarte beemaar ho gaye। nahin। beemaar ko tandaroosta banaane vaali seva hai। aise anubhav ho। aise vishesh sevaadhaari vishesh aatmaayen ho। baapdaada sevaadhaariyon ko sada shreshtha sambandh se dekhte hain kyonki seva ke liye tyaagi tapasvi to bane hain na। tyaag aur tapasya ko dekh baapdaada sada khush hai।

(2) sabhi sevdhaari arthaat sada seva ke nimitta bani hui aatmaayen। sada apne ko nimitta samajh seva mein aage badhte raho। main sevaadhaari hoon,yeh main-pan to nahin aata hai na। baap karaavanhaar hai,main nimitta hoon। karaane vaala kara raha hai। chalaane vaala chala raha hai - is shreshtha bhaavna se sada nyaare aur pyaare rahenge। agar main karne vaali hoon to nyaare aur pyaare nahin। to sada nyaare aur sada pyaare banne ka sahaj saadhan hai karaavanhaar kara raha hai, is smriti mein rehna। isse saphalta bhi jyaada aur seva bhi sahaj। mehnat nahin lagti। kabhi main-pan ke chakra mein aane vaali nahin। har baat mein baba-baba kaha to saphalta hai। aise sevaadhaari sada aage badhte bhi hain aur auron ko bhi aage badhaate hain। nahin to svayan bhi kabhi udti kala kabhi chadhti kala, kabhi chalti kala। badalte rahenge aur doosre ko bhi shaktishaali nahin bana sakenge। sada baba-baba kahne vaale bhi nahin lekin karke dikhaane vaale। aise sevaadhaari sada baapdaada ke sameep hain। sada vighna vinaashak hain।

(3) teachers arthaat sada sampanna। to sampannata ki anubhooti karne vaali ho na! svayan sarva khajaanon se sampanna honge tab doosron ki seva kar sakenge। apne mein sampannata nahin to doosre ko kya denge। sevaadhaari ka arth hi hai sarva khajaanon se sampanna। sada bharpoorta ka nasha aur khushi। koi ek bhi khajaane ki kami nahin। shakti hai, gun nahin। gun hain shakti nahin - aisa nahin, sarva khajaane se sampanna। jis shakti ka jis samay aahvaan karen, shakti swaroop ban jaaen - isko kaha jaata hai - sampannata। aise ho? jo yaad aur seva ke balance mein rehta hai, kabhi yaad jyaada ho kabhi seva jyaada ho - nahin, donon samaan hon, balance mein rahne vaale ho, vahi sampannata ki blessing ke adhikaari hote hain। aise sevaadhaari ho, kya lakshya rakhti ho? sarva khajaanon mein sampanna, ek bhi gun kam hua to sampanna nahin। ek shakti bhi kam hui to bhi sampanna nahin kahenge। sada sampanna aur sarva mein sampannata donon hi ho। aise ko kaha jaata hai - yogya sevaadhaari। samjha। har kadam mein sampannata। aise anubhvi aatma anubhav ki authority hai। sada baap ke saath ka anubhav ho!

kumaariyon se - sada lucky kumaariyaan ho na। sada apna bhaagya ka chamakta hua sitaara apne mastak par anubhav karte ho! mastak mein bhaagya ka sitaara chamak raha hai na ki chamakne vaala hai। baap ka banna arthaat sitaara chamakna। to ban gaye ya abhi sauda karne ka soch rahi ho? sochne vaali ho ya karne vaali ho?koi sauda tudaane chaahe to toot sakta hai? baap se sauda kar phir doosra sauda kiya to kya hoga? phir apne bhaagya ko dekhna padega। koi lakhapti ka bankar gareeb ka nahin banta। gareeb saahookaar ka banta hai। saahookaar vaala gareeb ka nahin banega। baap ka banne ke baad kahaan sankalp bhi ja nahin sakta - aise pakke ho?jitna sang hoga utna rang pakka hoga। sang kachcha to rang bhi kachcha। isliye padhaai aur seva donon ka sang chaahiye। to sada ke liye pakke achal rahenge। halchal mein nahin aayenge। pakka rang lag gaya to itne hands se itne hi centre khul sakte hain। kyonki kumaariyaan hain hi nirbandhan। auron ka bhi bandhan khatma karengi na। sada baap ke saath pakka sauda karne vaali। himmat hai to baap ki madad bhi milegi। himmat kam to madad bhi kam। achha –

seva mein busy rehna arthaat sahaj maayaajeet banna। busy nahin rehte tab maaya aati hai। sevaadhaari arthaat sada busy rahne vaali। sevaadhaariyon ko kabhi phursat hi nahin hoti। jab phursat hi nahin to maaya kaise aayegi। sevaadhaari banna arthaat sahaj vijayi banna। sevaadhaari maala mein sahaj aa sakte hain। kyonki sahaj vijayi hain।