गुरुवार 11 अप्रैल 1985 की अव्यक्त मुरली

>

11-04-85om shanti avyakt baapdaadaamdhuban

mukhya bhaai-bahnon ki meeting mein avyakt baapdaada ke madhur mahaavaakya

aaj vishesh vishwa-parivartan, aadhaar swaroop, vishwa ke behad seva ke aadhaar swaroop,shreshtha smriti, behad ki vritti, madhur amoolya bol bolne ke aadhaar dvaara auron ko bhi aise umang-utsaah dilaane ke aadhaar swaroop nimitta aur nirmaan swaroop aisi vishesh aatmaon se milne ke liye aaye hain। har ek apne ko aisa aadhaar swaroop anubhav karte ho?aadhaar roop aatmaon ke is sangathan par itni behad ki jimmevaari hai। aadhaar roop arthaat sada svayan ko har samay, har sankalp,karma mein jimmevaar samajh chalne vaale। is sangathan mein aana arthaat behad ke jimmevaari ke taajdhaari banna। yeh sangathan jisko meeting kehte ho, meeting mein aana arthaat sada baap se, seva se, parivaar se, sneh ke shreshtha sankalp ke dhaage mein bandhana aur baandhana, iske aadhaar roop ho। is nimitta sangathan mein aana arthaat svayan ko sarva ke prati example banaana। yeh meeting nahin lekin sada maryaada purooshottam banne ke shubh sankalp ke bandhan mein bandhana hai। in sab baaton ke aadhaar swaroop banna isko kaha jaata hai - aadhaar swaroop sangathan। chaaron or ke vishesh chune hue ratan ikatthe hue ho। chune hue arthaat baap samaan bane hue। seva ka aadhaar swaroop arthaat sva uddhaar aur sarva ke uddhaar swaroop। jitna sva ke uddhaar swaroop honge utna hi sarva ke uddhaar swaroop nimitta banenge। baapdaada is sangathan ke aadhaar roop aur uddhaar roop bachchon ko dekh rahe the aur vishesh visheshta dekh rahe the aadhaar roop bhi ban gaye, uddhaar roop bhi bane। in donon baaton mein saphalta paane ke liye teesri kya baat chaahiye? aadhaar roop hain tabhi to nimantran par aaye hain na। aur uddhaar roop hain tab to plans banaaye hain। uddhaar karna arthaat seva karna। teesri baat kya dekhi? jitne vishesh sangathan ke hain utne udaarchitta। udaardil va udaarchitta ke bol, udaarchitta ki bhaavna kahaan tak hai? kyonki udaarchitta arthaat sada har kaarya mein faraagdil, badi dil vaale। kis baat mein faraagdil va badi dil ho?sarva prati shubh bhaavna dvaara aage badhaane mein faraagdil। tera so mera,mera so tera। kyonki ek hi baap ka hai। is behad ki vritti mein faraagdil। badi dil ho। udaar dil ho arthaat daataapan ki bhaavna ki dil। apne praapta kiye hue gun,shaktiyaan,visheshtaayen sabmen mahaadaani banne mein faraagdil। vaani dvaara gyaan dhan daan karna yeh koi badi baat nahin hai। lekin gun daan va gun dene ke sahayogi banna। yeh daan shabd braahmanon ke liye yogya nahin hai। apne gun se doosre ko gunvaan, visheshta bharne mein sahayogi banna isko kaha jaata hai mahaadaani,faraagdil। aisa udaarchitta banna, udaar dil banna yeh hai brahma baap ko follow father karna। aise udaarchitta ki nishaani kya hogi?

teen nishaaniyaan vishesh hongi। aisi aatma eershya, ghrina aur kritisaaij karna (jisko tonta maarna kehte ho) in teenon baaton se sada mukta hogi। isko kaha jaata udaarchitta। eershya svayan ko bhi pareshaan karti,doosre ko bhi pareshaan karti hai। jaise krodh ko agni kehte hain aise eershya bhi agni jaisa hi kaam karti hai। krodh maha agni hai, eeshya chhoti agni hai। ghrina kabhi bhi shubh chintak,shubh chintan sthiti ka anubhav nahin karaayegi। ghrina arthaat khud bhi girna aur doosre ko bhi giraana। aise kritisaaij karna chaahe hansi mein karo, chaahe serious hokar karo lekin yeh aisa duhkh deta hai jaise koi chal raha ho, usko dhakka dekar giraana। thokar dena। jaise koi gira dete to chhoti chot va badi chot lagne se woh himmatheen ho jaata hai। usi chot ko hi sochte rehte hain, jab tak vo chot hogi tab tak chot dene vaale ko kisi bhi roop mein yaad zaroor karta rahega yeh saadhaaran baat nahin hai। kiske liye kah dena bahut sahaj hai। lekin hansi ki chot bhi duhkh roop ban jaati hai। yeh duhkh dene ki list mein aata hai। to samjha! jitne aadhaar swaroop ho utne uddhaar swaroop, udaardil,udaarchitta banne ke nimitta swaroop। nishaaniyaan samajh li na। udaarchitta faraagdil hoga।

sangathan to bahut achha hai। sabhi naameegraami aaye hue hain। plans bhi achhe- achhe banaaye hain। plan ko practical mein laane ke nimitta ho। jitne achhe plan banaaye hain utne svayan bhi achhe ho। baap ko achhe lagte ho। seva ki lagan bahut achhi hai। seva ka sadaakaal ki saphalta ka aadhaar udaarta hai। sabhi ka lakshya, shubh sankalp bahut achha hai aur ek hi hai। sirf ek shabd add karna hai। ek baap ko pratyaksha karna hai - ek bankar ek ko pratyaksha karna hai। sirf yeh addition karni hai। ek baap ka parichay dene ke liye agyaani log bhi anguli ka ishaara karenge। do anguli nahin dikhaayenge। sahayogi banne ki nishaani bhi ek anguli dikhaayenge। aap vishesh aatmaon ki yahi visheshta ki nishaani chali aa rahi hai।

to is golden jubilee ko manaane ke liye va plan banaane ke liye sada do baaten yaad rahen - ‘‘ekta aur ekaagrata’’। yeh donon shreshtha bhujaayen hain,kaarya karne ki,saphalta ki। ekaagrata arthaat sada nirvyartha sankalp, nirvikalp। jahaan ekta aur ekaagrata hai vahaan saphalta gale ka haar hai। golden jubilee ka kaarya in vishesh do bhujaaon se karna। do bhujaayen to sabhi ko hain। do yeh lagaana to chaturbhuj ho jaayenge। satyanaaraayan aur mahaalakshmi ko chaar bhujaayen dikhaai hain। to abhi satyanaaraayan,mahaalakshmiyaan ho। chaturbhujdhaari ban har kaarya karna arthaat saakshaatkaar swaroop banna। sirf 2bhujaaon se kaam nahin karna। 4 bhujaaon se karna। abhi golden jubilee ka shreegnesh kiya hai na। ganesh ko bhi 4 bhuja dikhaate hain। baapdaada roj meeting mein aate hain। ek chakra mein hi saara samaachaar maaloom ho jaata hai। baapdaada sabhi ka chitra kheench jaate hain। kaise-kaise baithe hain। shareer roop mein nahin। man ki sthiti ke aasan ka photo nikaalte hain। mukh se koi kya bhi bol raha ho lekin man se kya bol rahe hain, woh man ke bol tape karte hain। baapdaada ke paas bhi sabke tape kiye hue kaisetsa hain। chitra bhi hain,donon hain। video,T.vi.aadi jo chaaho woh hai। aap logon ke paas apna cassette to hai na। lekin koi-koi ko apne man ki aavaaz, sankalp ka pata nahin chalta hai। achha!

youth plan sabhi ko achha lagta hai। yeh bhi umang-utsaah ki baat hai। hath ki baat nahin hai। jo dil ka umang hota hai woh svatah hi auron mein bhi umang ka vaataavran banaate hain। to yeh pad yaatra nahin lekin umang ki yaatra hai। yeh to nimitta maatra hai। jo bhi nimitta maatra kaarya karte ho usmein umang-utsaah ki visheshta ho। sabhi ko plan pasanda hai। aage bhi jaise chaar bhujaadhaari ban karke plan practical mein laate rahenge to aur bhi addition hoti rahegi। baapdaada ko sabse achhe te achhi baat yeh lagi ki sabhi ko golden jubilee dhoomdhaam se manaane ka umang-utsaah vaala sankalp ek hai। yeh foundation sabhi ke umang utsaah ke sankalp ka ek hi hai। isi ek shabd ko sada underline lagaate aage badhna। ek hain, ek ka kaarya hai। chaahe kis bhi kone mein ho raha hai,chaahe desh mein ho va videsh mein ho। chaahe kisi bhi zone mein ho,east mein ho,vesta mein ho lekin ek hain,ek ka kaarya hai। aise hi sabhi ka sankalp hai na! pahle yeh pratigya ki hai na। mukh ki pratigya nahin, man mein yeh pratigya arthaat atal sankalp। kuchh bhi ho jaaye lekin tal nahin sakte। atal। aise pratigya sabhi ne ki? jaise koi bhi shubh kaarya karte hain to pratigya karne ke liye sabhi pahle man mein sankalp karne ki nishaani kangan baandhate hain। kaaryakarttaaon ko chaahe dhaage ka, chaahe kiska bhi kangan baandhate hain। to yeh shreshtha sankalp ka kangan hai na। aur jaise aaj sabhi ne bhandaari mein bahut umang-utsaah se shreegnesh kiya। aise hi abhi yeh bhi bhandaari rakho। jis mein sabhi yeh atal pratigya samajh yeh bhi chitki daalen। donon bhandaari saath-saath hongi tab saphalta hogi। aur man se ho, dikhaave se nahin। yahi foundation hai। golden ban golden jubilee manaane ka yeh aadhaar hai। ismen sirf ek slogaan yaad rakhna - ‘‘na samasya banenge na samasya ko dekh dagmag honge।’’svayan bhi samaadhaan swaroop honge aur doosron ko bhi samaadhaan dene vaale। yeh smriti svatah hi golden jubilee ko saphalta swaroop banaati rahegi। jab final golden jubilee hogi to sabhi ko aapke golden swaroop anubhav honge। aap mein golden world dekhenge। sirf kahenge nahin golden duniya aa rahi hai lekin praiktil dikhaayenge। jaise jaadoogar log dikhaate jaate, bolte jaate - yeh dekho… to aapka yeh golden chehra,chamakta hua mastak, chamakti hui aankhen, chamakte hue onth yeh sab golden ej ka saakshaatkaar karaaven। jaise chitra banaate hain na - ek hi chitra mein abhi-abhi brahma dekhe abhi-abhi krishna dekho, vishnu dekho। aise aapka saakshaatkaar ho। abhi-abhi pharishta, abhi-abhi vishwa-mahaaraajan vishvamhaaraani roop। abhi-abhi saadhaaran saphed vastradhaari। yeh bhinna-bhinna swaroop aapke is golden moortta se dikhaai den। samjha!

jab itne chune hue roohaani gulaab ka guldasta ikaththa hua hai। ek roohaani gulaab ki khushbu kitni hoti hai। aur yeh itna bada guldasta kitni kamaal karega! aur ek-ek sitaare mein sansaar bhi hai। akele nahin ho। un sitaaron mein duniya nahin hai। aap sitaaron mein to duniya hai na! kamaal to honi hi hai। hui padi hai। sirf jo ote so arjun bane। baaki arjun arthaat number one। abhi is par inaam dena। poori golden jubilee mein - na samasya bana na samasya ko dekha। nirvighna, nirvikalp,nirvikaari teenon hi visheshta hon। esi golden sthiti mein rahne vaalon ko woh inaam dena। baapdaada ko bhi khushi hai। vishaal buddhi vaale bachchon ko dekh khushi to hogi na। jaise vishaal buddhi vaise vishaal dil। sabhi vishaal buddhi vaale ho tab to plen banaane aaye ho। achha-

sada svayan ko aadhaar swaroop, uddhaar karne vaale swaroop, sada udaarta vaale udaar dil, udaarchitta,sada ek hain ek ka hi kaarya hai, aise ekras sthiti mein sthit rahne vaale, sada ekta aur ekaagrata mein sthit rahne vaale aise vishaal buddhi,vishaal chitta bachchon ko baapdaada ka yaadapyaar aur namaste।’’

mukhya bhaai-bahnon se -sabhi ne meeting ki। shreshtha sankalpon ki siddhi hoti hi hai। sada umang utsaah se aage badhna yahi visheshta hai। mansa seva ki vishesh trial karo। mansa seva jaise ek chumbak hai। jaise chumbak kitni bhi door ki sui ko kheench sakta hai aise mansa seva dvaara ghar baithe sameep pahunch jaayega। abhi aap log baahar jyaada busy rehte ho, mansa seva ko use karo। sthaapna mein jo bhi bade kaarya hue hain to saphalta mansa seva ki hui hai। jaise woh log raamleela ya kuchh bhi kaarya karte hain to kaarya ke pahle apni sthiti ko usi kaarya ke anusaar vrat mein rakhte hain। to aap sabhi bhi mansa seva ka vrit lo। vrat na dhaaran karne se halchal mein jyaada rehte ho। isliye result mein kabhi kaisa kabhi kaisa। mansa seva ka abhyaas jyaada chaahiye। mansa seva karne ke liye light house aur might house sthiti chaahiye। might aur mike donon ikaththa ho। mike ke aage might hokar bolna hai। mike bhi ho might bhi ho। mukh bhi mike hai।

to might hokar mike se bolo। jaise powerful stage mein oopar se utra hoon, avtaar hokar sabke prati woh sandesh de raha hoon। avtaar bol raha hoon। avatrit hua hoon। avtaar ki stage powerful hogi na। oopar se jo utarta hai, uski golden ej sthiti hoti hai na! to jis samay aap apne ko avtaar samjhenge to vahi powerful stage hai। achha-

youth rally ke baare mein tatha youth wing ke baare mein - youth wing bhale banaao। jo bhi karo - santushtata ho, saphalta ho। baaki to seva ke liye hi jeevan hai। apne umang se agar koi kaarya karte hain to usmein koi harja nahin। programme hai,karna hai to woh doosra roop ho jaata hai। lekin apne umang utsaah se karne chaahte hain to koi harja nahin। jahaan bhi jaayenge vahaan jo bhi milenge,jo bhi dekhenge to seva hai hi। sirf bolna hi service nahin hoti lekin apna chehra sada harshit ho। roohaani chehra bhi seva karta hai। lakshya rakhen umang- utsaah se khushi-khushi se roohaani khushi ki jhalak dikhaate hue aage badhen। sirf jabardasti koi ko nahin karna hai। programme bana hai to karna hi hai, aisi koi baat nahin hai, apna umang-utsaah hai to kare, achha hai।

agar koi mein umang nahin hai to bandhe hue nahin hain। harja nahin hai। vaise jo lakshya tha is golden jubilee tak sab area ko cover karne ka to jaise woh paidal chalne vaale apne group mein aayenge vaise bas dvaara aane vaale bhi hon। har zone va har area mein bas dvaara service karte hue dilli pahunch sakte hain। do prakaar ke group bana do। ek bas dvaara aate rahen aur seva karte aaven aur ek paidal dvaara। double ho jaayega। kar sakte hain, youth hain na। unko kahaan na kahaan shakti to lagaani hi hai। seva mein shakti lagegi to achha hai। ismen donon hi bhaav siddha ho jaaen - seva bhi siddha ho aur naam rakha hai padayaatra to woh bhi siddha ho jaae। har state vaale agar unka (padayaatriyon ka) intaravyu lene ka pahle se hi prabandha rakhenge to automatically aavaaz phailega। lekin sirf yeh zaroor hona chaahiye ki roohaani yaatra dikhaai de, padayaatra sirf nahin dikhaai de। roohaaniyat aur khushi ki jhalak ho। to naveetna dikhaai degi। saadhaaran jaise auron ki yaatra nikalti hai, vaise nahin lage lekin aise lage yeh double yaatri hain,ek yaatra nahin karte hain। yaad ki yaatra vaale bhi hain, pad yaatra vaale bhi hain। double yaatra ka prabhaav chehre se dikhaai de to achha hai।

alag-alag group se

1. seva karo aur santushtata lo। sirf seva nahin karna lekin aisi seva karo jismen santushtata ho। sabhi ki duaayen mile। duaaon vaali seva sahaj saphalta dilaati hai। seva to plan pramaan karni hi hai aur khoob karo। khushi umang se karo lekin yeh dhyaan zaroor rakho - jo seva ki usmein duaayen praapta hui?ya sirf mehnat ki? jahaan duaayen hogi vaho mehnat nahin hogi। to abhi yahi lakshya rakho ki jisse bhi samparka mein aayen uski duaaen lete jaaen। jab sabki duaayen lenge tab aadhaakalpa aapke chitra duaayen dete rahenge। aapke chitra se duaaye lene aate hain na। devi ya devta ke paas duaayen lene jaate hain na। to abhi sarva ki duaayen jama karte ho tab chitron dvaara bhi dete rehte ho। function karo,rally karo… bi.aai.Ps, aai Ps service karo, sab kuchh karo lekin duaaon vaali seva karo। (duaayen lene ka saadhan kya hai?) ‘haan ji’ ka paath pakka ho। kabhi bhi kisi ko na na karke himmatheen nahin banaao। maano agar koi wrong bhi ho to usko seedha wrong nahin kaho। pahle use dilaasa do, himmat dilaao। usko haan karke peechhe samjhaao to woh samajh jaayega। pahle se hi na na kahenge to uski jo thodi bhi himmat hogi woh khatma ho jaayegi। wrong to ho bhi sakta hai lekin wrong ko wrong kahenge to woh apne ko wrong kabhi nahin samjhega। isliye pahle use haan kaho,himmat badhaao phir woh svayan judgement kar lega। regard do। yeh vidhi sirf apna lo। wrong bhi ho to pahle achha kaho, pahle usko himmat aaye। koi gira hua ho to kya usko aur dhakka denge ya uthaayenge… use sahaara dekar pahle khada karo। isko kehte hain - ‘udaarta’। sahayogi banne vaalon ko sahayogi banaate chalo। tum bhi aage, main bhi aage। saath-saath chalte chalo। haath milaakar chalo। to saphalta hogi। aur santushtata ki duaayen milegi। aisi duaayen lene mein mahaan bano to seva mein svatah mahaan ho jaayenge।

sevaadhaariyon se - seva karte hue sada apne ko karmayogi sthiti mein sthit rahne ka anubhav karte ho ki karma karte hue yaad kam ho jaati hai aur karma mein buddhi jyaada rehti hai! kyonki yaad mein rahkar karma karne se karma mein kabhi thakaavat nahin hoti। yaad mein rahkar karma karne vaale karma karte sada khushi ka anubhav karenge। karmayogi ban karma arthaat seva karte ho na! karmayog ke abhyaasi sada hi har kadam mein vartamaan aur bhavishya shreshtha banaate hain। bhavishya khaata sada bharpoor aur vartamaan bhi sada shreshtha। aise karmayogi ban seva ka part bajaate ho। bhool to nahin jaata। madhuban mein sevaadhaari hain to madhuban svatah hi baap ki yaad dilaata hai। sarva shaktiyon ka khajaana jama kiya hai na! itna jama kiya hai jo sada bharpoor rahenge। sangamayug par battery sada charge hai। dvaapar se battery dheeli hoti। sangam par sada bharpoor, sada charge hai। to madhuban mein battery bharne nahin aate ho,svej manaane aate ho। baap aur bachchon ka sneh hai isliye milna,sunna,yahi sangamayug ke svej hain। achha –