गुरुवार 27 मार्च 1986 की अव्यक्त मुरली

>

27-03-86om shanti avyakt baapdaadaamdhuban

sada ke snehi bano

sarva snehi baapdaada bole

aaj sneh ka saagar baap apne snehi bachchon se milne ke liye aaye hain। yeh roohaani sneh har bachche ko sahajyogi bana deta hai। yeh sneh saare puraane sansaar ko sahaj bhulaane ka saadhan hai। yeh sneh har aatma ko baap ka banaane mein ekmaatra shaktishaali saadhan hai। sneh brahman jeevan ka foundation hai। sneh - shaktishaali jeevan banaane ka, paalna ka aadhaar hai। sabhi, jo bhi shreshtha aatmaayen baap ke paas sammukh pahunchi hain un sabhi ke pahunchne ka aadhaar bhi - ‘sneh’hai। sneh ke pankhon se udte hue aakar madhuban nivaasi bante hain। baapdaada sarva snehi bachchon ko dekh rahe the ki snehi to sab bachche hain lekin antar kya hai! nambarvaar kyon bante hain, kaaran?snehi sabhi hain lekin koi hain ‘sada snehi’ aur koi hain ‘snehi’। aur teesre hain ‘samay pramaan sneh nibhaane vaale’। baapdaada ne teen prakaar ke snehi dekhe।

jo sada snehi hain woh lavleen hone ke kaaran mehnat aur mushkil se sada oonche rehte hain। na mehnat karni padti, na mushkil ka anubhav hota। kyonki sada snehi hone ke kaaran unhon ke aage prakriti aur maaya donon abhi se daasi ban jaati arthaat sada snehi aatma maalik ban jaati to prakriti, maaya svatah hi daasi roop mein ho jaati। prakriti, maaya ki himmat nahin jo sada snehi ka samay va sankalp apne taraph lagaave। sada snehi aatmaon ka har samay har sankalp hain hi baap ki yaad aur seva ke prati। isliye prakriti aur maaya bhi jaanti hain ki yeh sada snehi bachche sankalp se bhi kab hamaare adheen nahin ho sakte। sarva shaktiyon ke adhikaari aatmaayen hain। sada snehi aatma ki sthiti ka hi gaayan hai - ‘ek baap doosra na koi। baap hi sansaar hai।’

doosra number -snehi aatmaayen, sneh mein rehti zaroor hain lekin sada na hone kaaran kabhi-kabhi man ke sankalp dvaara bhi kahaan aur taraph sneh jaata। bahut thoda beech-beech mein svayan ko parivartan karne ke kaaran kabhi mehnat ka,kabhi mushkil ka anubhav karte। lekin bahut thoda। jab bhi koi prakriti va maaya ka sookshm vaar ho jaata hai to usi samay sneh ke kaaran yaad jaldi aa jaati hai aur yaad ki shakti se apne ko bahut jaldi parivartan bhi kar lete hain। lekin thoda sa samay aur phir bhi sankalp mushkil ya mehnat mein lag jaata hai। kabhi-kabhi sneh saadhaaran ho jaata। kabhi-kabhi sneh mein lavleen rehte। stage mein pharka padta rehta। lekin phir bhi jyaada samay ya sankalp vyartha nahin jaata। isliye snehi hain lekin sada snehi na hone ke kaaran second number ho jaate।

teesre hain - samay pramaan sneh nibhaane vaale। aisi aatmaayen samajhti hain ki sachcha sneh sivaae baap ke aur koi se mil nahin sakta। aur yahi roohaani sneh sada ke liye shreshtha banaane vaala hai। gyaan arthaat samajh poori hai aur yahi snehi jeevan priy bhi lagti hai। lekin koi apni deh ke lagaav ke sanskaar ya koi bhi vishesh puraana sanskaar va kisi vyakti va vastu ke sanskaar va vyartha sankalpon ke sanskaar vash controlling power na hone ke kaaran vyartha sankalpon ka bojh hai। va sangathan ki shakti ki kami hone ke kaaran sangathan mein saphal nahin ho sakte। sangathan ki paristhiti sneh ko samaapta kar apne taraph kheench leti hai। aur koi sada hi dil-shikasta jaldi hote hain। abhi-abhi bahut achhe udte rahenge aur abhi-abhi dekho to apne aap se hi dilshikasta! yeh svayan se dilshikasta hone ka sanskaar bhi sada snehi banne nahin deta। kisi na kisi prakaar ka sanskaar paristhiti ki taraph, prakriti ki taraph aakarshit kar deta hai। aur jab halchal mein aa jaate hain to sneh ka anubhav hone ke kaaran, snehi jeevan priy lagne ke kaaran phir baap ki yaad aati hai। prayatna karte hain ki abhi phir se baap ke sneh mein sama jaaven। to samay pramaan, paristhiti pramaan halchal mein aane ke kaaran kabhi yaad karte hain, kabhi yuddha karte hain। yuddha ki jeevan jyaada hoti। aur sneh mein samaane ki jeevan uske antar mein kam hoti hai। isliye teesra number ban jaate hain। phir bhi vishwa ki sarva aatmaon se teesra number bhi ati shreshtha hi kahenge। kyonki baap ko pahchaana। baap ke bane,brahman parivaar ke bane। oonche te oonchi brahman aatmaayen brahmaakumaar,brahmaakumaari kahlaate। isliye duniya ke antar mein woh bhi shreshtha aatmaayen hain। lekin sampoornata ke antar mein teesra number hain। to snehi sabhi hain lekin nambarvaar hain। number one sada snehi aatmaayen sada kamal pushpa samaan nyaari aur baap ki ati pyaari hain। snehi aatmaayen nyaari hain,pyaari bhi hain lekin baap samaan shaktishaali vijayi nahin hain। lavleen nahin hai lekin snehi hain। unhon ka vishesh yahi slogan hai - tumhaare hain, tumhaaren rahenge। sada yeh geet gaate rehte। phir bhi sneh hai isliye 80gy safe rehte hain। lekin phir bhi ‘kabhi-kabhi’ shabd aa jaata। ‘sada’shabd nahin aata। aur teesre number aatmaayen baar-baar sneh ke kaaran pratigyaayen bhi sneh se karte rehte। bas abhi se aise banna hai। abhi se yeh karenge। kyonki antar to jaante hain na। pratigya bhi karte, purooshaartha bhi karte lekin koi na koi vishesh puraana sanskaar lagan mon magan rahne nahin deta। vighna magan avastha se neeche le aate। isliye ‘sada’shabd nahi aa sakta। lekin kabhi kaise, kabhi kaise hone ke kaaran koi na koi vishesh kamzori rah jaati hai। aisi aatmaayen baapdaada ke aage rooh-roohaan bhi bahut meethi karte hain। hujjat bahut dikhaate। kehte hain direction to aapki hain lekin hamaare taraph se karo bhi aap। aur paaven ham। hujjat se sneh se kehte- jab aapne apna banaaya hai to aap hi jaano। baap kehte hain baap to jaanen lekin bachche maanen to sahi। lekin bachche hujjat se yahi kehte ki ham maanen na maanen aapko maanna hi padega। to baap ko phir bhi bachchon par raham aata hai ki hain to brahman bachche। isliye svayan bhi nimitta bani hui aatmaon dvaara vishesh shakti dete hain। lekin koi shakti lekar badal bhi jaate aur koi shakti milte bhi apne sanskaaron mein masta hone kaaran shakti ko dhaaran nahin kar sakte। jaise koi taakat ki cheez khilaao aur woh khaave hi nahin,to kya karenge!

baap vishesh shakti dete bhi hain aur koi-koi dheere-dheere shaktishaali bante-bante teesre number se doosre number mein aa bhi jaate hain। lekin koi-koi bahut albele hone ke kaaran jitna lena chaahiye utna nahin le sakte। teenon prakaar ke ‘snehi bachche’ hain। title sabhi ka‘snehi bachche’ hain lekin nambarvaar hain।

aaj jarmani vaalon ka tarna hai। saara hi group number one hai na। number one sameep ratna hai। kyonki jo samaan hote hain vo hi sameep rehte hain। shareer se bhale kitna bhi door ho lekin dil se itne najdeek hain jo rehte hi dil mein hain। svayan baap ke diltakhta par rehte hain unhon ke dil mein svatah hi baap ke sivaae aur koi nahin। kyonki vahaan brahman jeevan mein baap ne dil ka hi sauda kiya hai। dil li aur dil di। dil ka sauda kiya hai na। dil se baap ke saath rehte ho। shareer se to koi kahaan, koi kahaan rehte। sabhi ko yahaan rakhen to kya baith karenge! seva ke liye to madhuban mein saath rahne vaalon ko bhi baahar bhejna pada। nahin to vishwa ki seva kaise hoti! baap se bhi pyaar hai to seva se bhi pyaar hai। isliye drama anusaar bhinna-bhinna sthaanon par pahunch gaye ho aur vahaan ki seva ke nimitta ban gaye ho। to yeh bhi drama mein part noondha hua hai। apne hamjinsa ki seva ke nimitta ban gaye। jarmani vaale sada khush rahne vaale hain na। jab baap se sada ka varsa itna sahaj mil raha hai to sada ko chhod thoda sa va kabhi-kabhi ka kyon leven! daata de raha hai to lene vaale kam kyon leven। isliye sada khushi ke jhoole mein jhoolte raho। sada maayaajeet prakriti jeet,vijayi ban vijay ka nagaara vishwa ke aage jor-shor se bajaao।

aajkal ki aatmaayen vinaashi saadhnon mein ya to bahut masta nashe mein choor hain aur ya duhkh ashaanti se thake hue aisi gahri neend mein soye hue hain jo chhota aavaaj sunne vaale nahin hain। nashe mein jo choor hota hai unko hilaana padta hai। gahri neend vaale ko bhi hilaakar uthaana padta hai। to haimbarga vaale kya kar rahe hain? achha hi shaktishaali group hai। sabhi ki baap aur padhaai se preet achhi hai। jinhon ki padhaai se preet hai woh sada shaktishaali rehte। baap arthaat murleedhar se preet maana murli se preet। murli se preet nahin to murleedhar se bhi preet nahin। kitna bhi koi kahe ki mujhe baap se pyaar hai lekin padhaai ke liye time nahin। baap nahin maante। jahaan lagan hoti hai vahaan koi vighna thahar nahin sakte। svatah hi samaapta ho jaayenge। padhaai ki preet,murli se preet vaale,vighnon ko sahaj paar kar lete hain। udti kala dvaara svayan oonche ho jaate। vighna neeche rah jaate। udti kala vaale ke liye pahaad bhi ek patthar samaan hai। padhaai se preet rakhne vaalon ke liye bahaana koi nahin hota। preeti,mushkil ko sahaj kar deti hai। ek murli se pyaar padhaai se pyaar aur parivaar ka pyaar kila ban jaata hai। kile mein rahne vaale safe ho jaate hain। is group ko yeh donon visheshtaayen aage badha rahi hain। aur padhaai aur parivaar ke pyaar kaaran ek do ko pyaar ke prabhaav se sameep bana dete hain। aur phir nimitta aatma (pushpaal) bhi pyaar vaali mili hai। sneh, bhaasha ko bhi nahin dekhta। sneh ki bhaasha sabhi bhaashaaon se shreshtha hai। sabhi unko yaad kar rahe hain। baapdaada ko bhi yaad hai। achha hi pratyaksha pramaan dekh rahe hain। seva ki vriddhi ho rahi hai। jitna vriddhi karte rahenge utna mahaan punya aatma banne ka phal, sarva ki aasheervaad praapta hoti rahegi। punya aatma hi poojya aatma banti hai। abhi punya aatma nahin to bhavishya mein poojya aatma nahin ban sakte। punya aatma banna bhi zaroori hai। achha!