बुधवार 23 दिसंबर 1987 की अव्यक्त मुरली

>

23-12-87om shanti avyakt baapdaadaamdhuban

manan shakti aur magna sthiti

kishmish jaisa meetha banaane vaale, double raajya adhikaari banaane vaale,har roj khushi ki khuraak khilaane vaale baapdaada bole

aaj double taajdhaari, double raajya adhikaari banaane vaale baap vishesh apne double videshi bachchon se milan manaane aaye hain। baapdaada dekh rahe hain ki chaaron or ke double videshi snehi, sahayogi,sada seva ke umang- utsaah se sneh aur seva, donon mein aage badhte ja rahe hain। har ek ke man mein yeh utsaah hai ki humein baapdaada ki pratyakshata ka jhanda lahraana hai। har din utsaah ke kaaran sangamayug ka utsav ke pramaan anubhav kar udte jaata rahe hain। kyonki jahaan har samay utsaah hai, chaahe baapdaada se yaad dvaara milan manaane ka,chaahe seva dvaara pratyakshaphal praapta hone ke anubhav ke utsaah mein - donon utsaah har ghadi, har din utsav ka anubhav karaate hain। duniya ke log vishesh utsaah ke din utsaah anubhav karte hain lekin brahman aatmaon ke liye sangamayug hi utsaah ka yug hai। har din naya utsaah, umang-ullaas,utsaah svatah hi anubhav hota rehta hai। isliye sangamayug ke har din khushi ki khuraak khaate,baap dvaara anek praaptiyon ke gun gaate double light ban sada utsaah mein naachte rehte hain। utsav mein kya karte hain? khaate hain, gaate hain aur naachte hain। abhi videsh mein vishesh Christmas manaane ki taiyaarinyaan kar rahe hain। khaana, gaana,bajaana aur naachna yahi karenge na। aur milan manaayenge। aap har din kya karte ho? amritvele se lekar raat tak yahi kaam karte ho na। seva bhi karte ho,seva arthaat gyaan dance karte ho। baapdaada ke gunon ke geet aatmaon ko sunaate ho। to roj utsav manaate ho na। koi din aisa nahin jo sachche brahman yeh kaarya na karte hon। sangamayug ka har din utsaah bhare utsav ka din hai। woh to ek-do din manaate hain। lekin baapdaada sabhi brahman bachchon ko aise shreshtha banaate hain, aisi golden gift dete hain jo sada ke liye sampanna,sada bharpoor ban jaate ho। vo log Christmas ke din ka intajaar karte hain ki Christmas father aakar aaj gift denge। woh Christmas father ko yaad karte aur aap kishmas jaisa meetha banaane vaale baap ko yaad karte ho। itni gift milti hai jo 21janma yeh gift chalti rehti hai! woh vinaashi gift thoda samay chal samaapta ho jaayegi, yeh avinaashi gift anek janma aapke saath rahegi। jaise vo log Christmas tree ko sajaate hain। baapdaada is behad ke world tree mein aap chamakte hue sitaaron ko, sangamayugi shreshtha dharti ke sitaaron ko avinaashi light-might star sajaate hain। aap stars ka yaadgaar sthool chamakti hui lights ke roop mein dikhaate hain। ya light se sajaate ya phoolon se sajaate hain, yeh kiska yaadgaar hai? roohaani khushboodaar phoolon - brahman aatmaon ka। yeh sab utsav aap sangamayugi braahmanon ke utsaah bhare utsavon ke yaadgaar hain। sangamayug par kalpa vriksha ke chamakte hue sitaare, roohaani gulaab aap brahman aatmaayen ho। apna hi yaadgaar svayan dekh rahe ho। avinaashi baap dvaara avinaashi ratna bante ho, isliye antim janma tak apna yaadgaar dekh rahe ho। double roop ka yaadgaar dekh rahe ho। sangamayug ke roop ka yaadgaar bhinna-bhinna roop se, reeti se dikhaate hain aur doosra bhavishya dev-pad ka yaadgaar dekh rahe hain। na sirf apne roop ka yaadgaar dekhte ho lekin aap shreshtha aatmaon ke shreshtha karmon ka bhi yaadgaar hai। baap aur bachchon ke charitra ka bhi yaadgaar hai। to apna yaadgaar dekh sahaj yaad aa jaata hai na ki har kalpa ham aisi vishesh aatmaayen banti hain। bane the, bane hain aur aage bhi bante rahenge।

baapdaada aise sada yaad mein rahne vaale, jinhon ka yaadgaar abhi hai, aise bachchon ko dekh harshit ho rahe hain। yaad mein rahne vaalon ka yeh yaadgaar hai। yaad ka mahatva yaadgaar dekh rahe ho। to double videshi bachchon ko apna yaadgaar dekh khushi hoti hai na। baapdaada ko double videshi bachchon ko dekh double khushi hoti hai, kyon?ek to kone-kone mein kalpa pahle vaale bichhude hue, khoye hue bachche phir se mil gaye। khoi hui cheez agar mil jaati hai to khushi hoti hai na। baap to sabhi bachchon ko dekh khush hote, chaahe bhaaratvaasi hon,chaahe videshi। doosri baat double videshi bachchon ki hai jo bhinna dharma,bhinna reeti-rasma ke parde ke andar chhipe hue hote bhi is parde ko sahaj samaapta kar baap ke ban gaye। yeh parda hataane ki visheshta hai। parde ke andar se bhi baap ko jaanne ki visheshta double videshiyon ki hai। to double khushi ho gai na। double videshi bachchon ka nishchay aur nasha apna alaukik hai। baapdaada aaj chaaron or ke double videshi bachchon ko vishesh sada utsaah mein rahne vaale,har din utsav manaane vaale, har din vardaata baap dvaara vishesh vardaan va vishesh aasheervaad lene ki diamond gift bade dil se bade din ke liye de rahe hain - sada utsav bhari jeevan bhav, sada sahaj udti kala ke anubhvi shreshtha jeevan bhav। achha!

aaj baapdaada vatan mein teen prakaar ke bachchon ko dekh rahe the। teen prakaar kaun-se dekhe? 1. varnan karne vaale, 2.manan karne vaale, 3. anubhav mein magna rahne vaale। yeh teen prakaar ke bachche desh-videsh ke sabhi bachchon mein dekhe। varnan karne vaale brahman anek dekhe, manan karne vaale beech ki sankhya mein dekhe, anubhav mein magna rahne vaale usse bhi kam sankhya mein dekhe। varnan karna ati sahaj hai, kyonki63 janmon ke sanskaar hain। ek sunna,doosra jo suna woh varnan karna - yeh karte aaye ho। bhakti maarga hai hi sunna ya kirtan dvaara, praarthana dvaara varnan karna। saath-saath deh abhimaan mein aane ke kaaran vyartha bolna - yeh pakke sanskaar rahe hain। jahaan vyartha bol hota hai vahaan vistaar svatah hi hota hai। svachintan antarmukhi banaata hai, parchintan varnan karne ke vistaar mein laata hai। to varnan karne ke sanskaar anek janmon ke hone ke kaaran brahman jeevan mein bhi agyaan se badal gyaan mein to aa jaate hain। gyaan ko varnan karne mein jaldi hoshiyaar ho jaate। varnan karne vaale varnan karne ke samay tak khushi va shakti anubhav karte hain lekin sadaakaal ke liye nahin। mukh se gyaan-daata ka varnan karne ke kaaran shakti aur khushi - yeh gyaan ka pratyakshaphal praapta ho jaata hai lekin shaktishaaleesva roop, sada khushi-swaroop nahin ban sakte। phir bhi gyaan-ratna hain aur direct bhagvaanuvaach hai, isliye yathaashakti praapti swaroop ban jaate hain।

manan karne vaale sada jo bhi sunte hain unko manan kar svayan bhi har gyaan ki point ka swaroop bante hain। manan shakti vaale gun-swaroop, shakti-swaroop,gyaanasva roop aur yaad-swaroop svatah hi ban jaate hain। kyonki manan karna arthaat buddhi dvaara gyaan ke bhojan ko hajam karna hai। jaise sthool bhojan agar hajam nahin hota hai to shakti nahin banti hai, sirf mukh se svaad tak rah jaata hai। aise varnan karne vaalon ko bhi sirf mukh ke varnan tak rah jaata। lekin woh buddhi dvaara manan shakti dvaara dhaaran kar shaktishaali ban jaate hain। manan shakti vaale sarva baaton ke shaktishaali aatmaayen bante hain। manan karne vaale sada svachintan mein busy rahne ke kaaran maaya ke anek vighnon se sahaj mukta ho jaate hain। kyonki buddhi busy hai। to maaya bhi busy dekh kinaara kar leti hai। doosri baat - manan karne se shaktishaali banne ke kaaran svasthiti koi bhi paristhiti mein haar nahin khila sakti। to manan shakti vaala antarmukhi sada sukhi rehta hai। samay pramaan shaktiyon ko kaarya mein lagaane ki shakti hone ke kaaran jahaan shakti hai vahaan maaya se mukti hai। to aise bachche vijayi aatmaon ki list mein aate hain।

teesre bachche - sada sarva anubhvon mein magna rahne vaale। manan karna - yeh second stage hai lekin manan karte hue magna rehna - yeh first stage hai। magna rahne vaale svatah hi nirvighna to rehte hi hain lekin usse bhi oonchi vighna-vinaashak sthiti rehti hai arthaat svayan nirvighna ban auron ke bhi vighnavinaashak ban sahayogi bante hain। anubhav sabse badi te badi athaarti hai। anubhav ki athaarti se baap samaan master almighty athaarti ki sthiti ka anubhav karte hain। magna avastha vaale apne anubhav ke aadhaar se auron ko nirvighna banaane ke example bante hain kyonki kamzor aatmaayen unhon ke anubhav ko dekh svayan bhi himmat rakhti hain, utsaah mein aati hain - ham bhi aise ban sakte hain। magna rahne vaali aatmaayen baap samaan hone ke kaaran svatah hi behad ke vairaag vritti vaali,behad ke sevaadhaari aur behad ke praapti ke nashe mein rahne vaale sahaj ban jaate hain। magna rahne vaali aatmaayen sada karmaateet arthaat karmabandhan se nyaari aur sada baap ki pyaari hain।

magna aatma sada tripta aatma, santushta aatma, sampanna aatma, sampoornata ke ati sameep aatma hai। sada anubhav ki athaarti ke kaaran sahaj yogi,svatah yogi,aisi shreshtha jeevan,nyaari aur pyaari jeevan ka anubhav karte hain। unke mukh se anubhvi bol hone ke kaaran dil mein sama jaate hain aur varnan karne vaale ke bol dimaag tak baithte hain। to samjha, first stage kya hai?manan karne vaale bhi vijayi hain lekin sahaj aur sada mein antar hai। magna rahne vaale sada baap ki yaad mein samaayen hue hote hain। to anubhav ko badhaao lekin pahle varnan se manan mein aao। manan-shakti,magna-sthiti ko sahaj praapta kara leti hai। manan kartekarte anubhav svatah hi badhta jaayega। manan karne ka abhyaas ati aavashyak hai। isliye manan-shakti ko badhaao। sunna aur sunaana to ati sahaj hai। manan-shakti vaale, magna rahne vaale sada poojya; varnan karne vaale sirf gaayan yogya hote hain। to sada apne ko gaayan-poojan yogya banaao। samjha?

sevaadhaari to teenon hain lekin seva ka prabhaav nambarvaar hai। nambarvaar mein nahin aana, number one banna। achha!

sada apne ko double raajya adhikaari, double taajdhaari shreshtha aatma anubhav karne vaale, sada manan-shakti dvaara magna-sthiti ka anubhav karne vaale, sada baap samaan anubhvi,master almighty athaarti sthiti ke anubhvi-moorta banne vaale, sada apne shaktishaali poojya sthiti ko praapta karne vaale - aise number one,sada vijayi bachchon ko baapdaada ka yaadapyaar aur namaste।

videshi bhaai bahinon ke group se

videsh mein rehte svadesh, sva-swaroop ki sada smriti mein rahne vaale ho? jaise baap paramdham se is puraane paraaye desh mein pravesh ho aate hain,aise aap sabhi bhi paramdham nivaasi shreshtha aatmaayen, sahajyogi aatmaayen aise anubhav karti ho ki ham bhi paramdham nivaasi aatmaayen is saakaar shareer mein pravesh kar vishwa ke kaarya arth nimitta hain?aap bhi avatrit hui brahman aatmaayen ho। shoodra jeevan samaapta hui,ab shuddh brahman aatmaayen ho। brahman kabhi apvitra nahin hote। brahman arthaat pavitra। to brahman ho ya mix ho?donon naav mein paanv rakhne vaale nahin। ek hi naav mein donon paanv rakhne vaale। to brahman aatmaayen avatrit aatmaayen hain। vaise bhi jo bhi aatmaayen avtaar ban kar aai hain, avtaar roop se prasiddha hain,woh kislie aati hain? shreshtha parivartan karne ke liye। to aap avtaaron ka kaam kya hai? vishwa-parivartan karna, raat ko din banaana,narka ko svarga banaana। itna bada kaarya karne ke liye avatrit hue ho arthaat brahman bane ho! yeh kaam yaad rehta hai na? laukik service bhi kislie karte ho? income bhi kahaan lagaane ke liye? centre kholne ke liye karte ho va laukik parivaar ke liye karte ho?agar yeh lakshya rehta hai ki kamaai bhi eeshvareey kaarya mein lagaane ke liye karte hain,laukik kaarya karte bhi seva hi yaad rehti hai na?aur kiske direction se karte ho? jab baap ki shreemat pramaan karte ho to jiski shreemat hai vahi yaad aayega na?isliye baapdaada kehte hain laukik kaarya karte bhi sada apne ko trustee samjho। trustee bhi ho aur vaaris bhi ho। chaahe kahaan bhi rehte ho lekin man se samarpit ho to vaaris ho। vaaris ka arth yeh nahin ki madhuban mein aakar raho, lekin seva kshetra par rehte bhi agar man se meraapan nahin hai arthaat samarpit hain to vaaris hain। to surrender ho ya abhi karmabandhan ke andar ho? jab man se samarpit ho gaye to samarpit aatma ko bandhan nahin lagega। kyonki surrender ho gaye maana sabhi bandhanon ko bhi surrender kar diya। agar man ko koi bhi bandhan kheenchata hai to samjho bandhan hai। baaki aata hai aur chala jaata hai to bandhan nahin। to ham avtaar hain,oopar se aaye hain - yeh sada smriti mein rakho। avtaar aatmaayen kabhi shareer ke hisaab-kitaab ke bandhan mein nahin aayengi,videhi ban karke kaarya karengi। shareer ka aadhaar lete hain lekin shareer ke bandhan mein nahin bandhate। to aise bane ho? to sada apne ko shareer ke bandhan se nyaara banaane ke liye avtaar samjho। is vidhi se chalte raho to sada bandhan-mukta nyaare aur sada baap ke pyaare ban jaayenge।

sada apne ko har kadam mein udti kala vaali shreshtha aatmaayen anubhav karte ho? kyonki udti kala mein jaane ka samay ab thoda-sa hai aur girti kala ka samay bahut hai। saara kalpa girte hi aaye ho। udti kala ka samay sirf ab hai। to thode se samay mein sada ke liye udti kala dvaara svayan ka aur sarva ka kalyaan karna hai। thode samay mein bahut bada kaam karna hai। to itni raphtaar se udte rahenge tab yeh saara kaarya sampanna kar sakenge। sirf svayan ka kalyaan nahin karna hai lekin prakriti sahit sarva aatmaon ka kalyaan karna hai। kitni aatmaayen hain! bahut hai na। to jab itna svayan shaktishaali honge tab to doosron ko bhi bana sakenge। agar svayan hi girte-chadhte rahenge to doosron ka kalyaan kya karenge?isliye har kadam mein udti kala। chal to rahe hain, kar to rahe hain - aise nahin। jis raphtaar se chalna chaahiye,us raphtaar se chal rahe hain?kar to rahe hain lekin jis vidhi se karna chaahiye, us vidhi se kar rahe hain? kar to sabhi rahe hain,kisi se poochho - seva karte ho? to sab kahenge - haan, kar rahe hain। lekin vidhi va gati kaun-si hai - yeh jaanna aur dekhna hai। samay tej ja raha hai ya svayan teevragti se ja rahe hain?seva ki bhi teevra vidhi hai ya yathaashakti kar rahe hain?isliye sada udte chalo। udne vaale auron ko uda sakte hain।

(aabu tatha aabu ke 3 gaanvon mein medical wing ki or se svaasthya chetna jaagriti shivir ka aayojan kiya gaya, jismen12 doctor bhaai bahinon ne anek rogiyon ka pareekshan kiya tatha davaaiyaan di। doctors group ke saath baapdaada ki mulaakaat)

seva ka phal - anek aatmaon ki aasheervaad milti rehti hai। seva dvaara jo doosre khush hote hain to unhon ki khushi aasheervaad ban jaati hai। yeh seva aasheervaad praapta karne ki seva hai। to kitni aasheervaaden jama ki? double seva ki - tan bhi khush kiya aur man ke khushi ki vidhi bhi bataai। tan-man khush to sada ke liye jeevan khush ho jaati। to donon khushi dene vaale aap double doctor ho। to double doktari ki na?kyonki chaaron or seva karne se kisi ka bhi ulhana nahin rah jaayega ki humein to pata hi nahin tha। to kone-kone mein sandesh diya?pahle charity biginsa ait hom kiya, headquarter se shuru kiya na। kyonki aabu tatha aabu ke gaanv vaale ulhana nahin de sakenge। yahaan ka prabhaav chaaron or svatah jaata hai। sevaadhaariyon ki seva dekh baap bhi khush hote hain। bahut achha kiya। jaisa socha tha vaisa saphal hua, aage bhi saphalta milti rahegi। yaatra ka programme bhi achha banaaya hai। isliye saphalta to hai hi। himmat vaale bhi ho aur saath-saath umang-utsaah bhi hai। to jahaan himmat,umang-utsaah hai vahaan saphalta hai hi। aur sangathan bhi achha। agar ek akela kare to nahin kar sakta। lekin sangathan ki shakti se ek do ko sahayog milta hai aur jahaan sarva ka sahayog hai vahaan kaarya sahaj hai hi। achha!