बुधवार 7 मार्च 1990 की अव्यक्त मुरली

>

07-03-90 om shanti avyakt baapdaadaamdhuban

ruling tatha controlling power se svaraajya ki praapti

avyakt baapdaada apne bachchon prati bole:-

aaj bachchon ke snehi baapdaada har ek bachche ko vishesh do baaton mein check kar rahe the। sneh ka pratyaksha svarup bachchon ko sampanna aur sampoorn banaana hai। har ek mein ruling power aur controlling power kahaan tak aai hai - aaj yeh dekh rahe the। jaise aatma ki sthool karmenndriyaan aatma ke control se chalti hai, jab chaahe, jaise chaahe aur jahaan chaahe vaise chala sakte hain aur chalaate rehte hain। controlling power bhi hai। jaise haath-paanv sthool shaktiyaan hain aise man-buddhi sanskaar aatma ki sookshm shaktiyaan hain। sookshm shaktiyon ke oopar control karne ki power arthaat man-buddhi ko,sanskaaron ko jab chaahen,jahaan chaahe,jaise chaahen,jitna samay chaahen - aise controlling power,ruling power aai hai? kyonki is brahman-jeevan mein master almighty authority bante ho। is samay ki praapti saara kalpa raajya roop aur pujaari ke roop mein chalti rehti hai। jitna hi aadha kalpa vishwa ki raajya-satta praapta karte ho, us anusaar hi jitna shaktishaali raajya pad va poojya pad milta hai, utna hi bhakti-maarga mein bhi shreshtha pujaari bante ho। bhakti mein bhi shreshtha aatma ki man-buddhi-sanskaaron ke oopar controlling power rehti hai। bhakton mein bhi nambarvaar shaktishaali bhakta bante hain। arthaat jis ishta ki bhakti karne chaahen, jitna samay chaahen, jis vidhi se karne chaahen - aisi bhakti ka phal, bhakti ki vidhi pramaan santushtata,ekaagrata,shakti aur khushi ko praapta karta hai। lekin raajya-pad aur bhakti ki shakti ki praapti ka aadhaar yeh brahman janma hai। to is sangamuyag ka chhota-sa ek janma saare kalpa ke sarva janmon ka aadhaar hai! jaise raajya karne mein vishesh bante ho vaise hi bhakta bhi vishesh bante ho, saadhaaran nahin। bhakta-maala vaale bhakta alag hain lekin aap aapehi poojya aapehi pujaari aatmaon ki bhakti bhi vishesh hai। to aap baapdaada bachchon ke is mool aadhaar janma ko dekh rahe the। aadi se ab tak brahman-jeevan mein ruling power, controlling power sada aur kitni percentage mein rahi hai। ismen bhi pahle apni sookshm shaktiyon ki result ko check karo। result mein kya dikhaai deta hai?is vishesh teen shaktiyon - ``man-buddhi-sanskaar''par control ho to isko hi svaraajya adhikaari kaha jaata hai। to yeh sookshm shaktiyaan hi sthool karmenndriyon ko sanyam aur niyam mein chala sakti hain। result kya dekhi? jab, jahaan,aur jaise - in teenon baaton mein abhi yathaashakti hain। sarvashakti nahin hain lekin yathaashakti। jisko double videshi apni bhaasha mein something (Something) akshar use karte hain। to isko almighty authority kahenge? mighty to hain lekin al hain? vaastav mein isko hi brahman-jeevan ka foundation kaha jaata hai। jiska jitna sva par raajya hai arthaat sva ko chalne aur sarva ko chalaane ki vidhi aati hai, vahi number aage leta hai। is foundation mein agar yathaashakti hai to automatically number peechhe ho jaata hai। jisko svayan ko chalaane aur chalne aata hai woh doosron ko bhi sahaj chala sakta hai arthaat handling power aa jaati hai। sirf doosre ko handling karne ke liye handling power nahin chaahiye। jo apni sookshm shaktiyon ko handle kar sakta hai। woh doosron ko bhi handle kar sakta hai। to sva ke oopar controlling power, ruling power sarva ke liye yathaartha handling power ban jaati hai। chaahe agyaani aatmaon ko seva dvaara handle karo,chaahe brahman-parivaar mein sneh sampanna, santushtata sampanna vyavhaar karo - donon mein saphal ho jaayenge। kayonki kai bachche aise hain jo baap ko jaanna, baap ka banna aur baap se preet ki reeti nibhaana - yeh bahut sahaj anubhav karte hain lekin sabhi brahman-aatmaon se chalna - ismen something kehte hain। iska kaaran kya? baap se nibhaana sahaj kyon lagta hai?kyonki dil ka pyaar atoot hai। pyaar mein nibhaana sahaj hota hai। jisse pyaar hota hai uska kuchh shiksha ka ishaara milna bhi pyaara lagta hai aur sadaiv dil mein anubhav hota hai ki jo kuchh kaha mere kalyaan ke liye kaha। kyonki uske prati dil ki shreshtha bhaavna hoti hai। to jaise aapke dil mein unke prati shreshtha bhaavna hai, vaise hi aapki shubhbhaavna ka return doosre dvaara bhi praapta hota hai। jaise gumbaj mein aavaaj karte ho to vahi lautkar aapke paas aati hai। to jaise baap ke prati atoot, akhanda,atal pyaar hai, shreshtha bhaavna hai,nishchay hai - aise brahman-aatmaaen nambarvaar hote hue bhi aatmik pyaar atoot,akhanda hai?variety chalan,variety sanskaar dekhkar pyaar karte hain woh atoot aur akhanda nahin hota hai। kisi bhi aatma ki apne prati va doosron ke prati chalan arthaat charitra va sanskaar dil-pasand nahin honge to pyaar ki percentage kam ho jaati hai। lekin aatma ka shreshtha aatma ke bhaav se aatmik pyaar usmein percentage nahin hoti hai। kaise bhi sanskaar hon, chalan ho lekin brahman-aatmaon ka saare kalpa mein atoot sambandh hai, eeshvareey parivaar hai। baap ne har aatma ko vishesh chunkar eeshvareey parivaar mein laaya hai। apne-aap nahin aaye hain, baap ne laaya hai। to baap ko saamne rakhne se har aatma se bhi aatmik atoot pyaar ho jaata hai। kisi bhi aatma ki koi baat aapko pasand nahin aati tab hi pyaar mein antar aata hai। us samay buddhi mein yahi rakho ki is aatma ko baap ne pasand kiya hai, avashya koi visheshta hai tab baap ne pasand kiya hai। shuru se baapdaada bachchon ko yeh sunaate rehte hain ki maanon 36 gunon mein kismen 35gun nahin hain lekin ek gun bhi vishesh hai tab baap ne unko pasand kiya hai। baap ne unke 35avgun dekhe va ek hi gun dekha? kya dekha? sabse bade-te-bada gun va visheshta baap ko pahchaanne ki buddhi, baap ke banne ki himmat, baap se pyaar karne ki vidhi hai jo saare kalpa mein dharma-pitaaon mein bhi nahin thi, raajya netaaon mein bhi nahin, dhanvaanon mein bhi nahin lekin us aatma mein hain। baap aap sabse poochhte hain ki aap jab baap ke paas aaye to gun sampanna ho ke aaye the? baap ne aapki kamjoriyon ko dekha kya? himmat badhaai hai na ki aap hi mere the, hain aur sada banenge। to follow father karo na! jab vishesh aatma samajh kisko bhi dekhenge, sambandh-samparka mein aayenge to baap ko saamne rakhne se aatma mein svatah hi aatmik pyaar emerge ho jaata hai। aapke sneh se sarva ke snehi ban jaayenge aur aatmik sneh se sada sabhi dvaara sadbhaavna, sahayog ki bhaavna svatah hi aapke prati duaaon ke roop mein praapta hogi। isko kehte hain। roohaani yathaartha shreshtha handling।

baapdaada aaj muskaara rahe the। bachchon mein teen shabdon ke kaaran controlling power, ruling power kam ho jaati hai। woh teen shabd hain - 1. why (WHY, kyon), 2.vaat (WHAT, kya), 3. vaanta (WANT, chaahiye)। yeh teen shabd khatma kar ek shabd bolo। why aaye to bhi ek shabd bolo - vaah, what shabd aaye to bhi bolo ``vaah''। ``vaah''shabd to aata hai na। vaah baba, vaah main aur vaah drama। sirf ``vaah''bole to yeh teen shabd khatma ho jaayenge। us din bhi sunaaya na ki baapdaada ne kaun sa khel dekha! aap logon ka ek chitra pahle ka banaaya hua hai jismen dikhaaya hai - yogi yog laga raha hai, buddhi ko ekaagrachit kar raha hai,balance rakh raha hai, balance ki taraaju dikhaai hai, jitna buddhi ka balance karta utna koi bandar aakar baith jaata hai। in teenon baaton ka bandar aa jaate hain to balance kya hoga! halchal ho jaayegi, balance nahin rahega। to yeh teen shabd balance ko samaapta kar dete hain,buddhi ko nachaane lagte hain। bandar aaraam se baith sakta hai kya?aur kuchh nahin ho to poonchh ko hi hilaata rahega। to ismen bhi balance na hone ke kaaran baap dvaara har kadam mein jo duaayen milti hain va aatmik sneh kaaran parivaar dvaara jo duaayen milti hain usse vanchit ho jaate hain। jaise baap se sambandh rakhna avashyak hai, aise eeshvareey parivaar se sambandh rakhna bhi ati avashyak hai। saare kalpa mein number one aatma brahma baap aur eeshvareey parivaar ke sambandh-samparka mein aana hai। aise nahin samajhna - achha,baap to hamaara hai, ham baap ke hai। yeh bhi paas with honour ki nishaani nahin hai। kyonki aap sanyaasi aatmaaen nahin ho। rishi-muni ki aatmaaen nahin ho। kinaara karne vaale nahin ho lekin vishwa ka sahaara banne vaali aatmaaen ho। vishwa-kinaara nahin, vishwa-kalyaankaari ho। brahman-aatmaon ki to baat chhodon lekin prakriti ko bhi parivartan karne ke sahaare aap ho! parivaar ke avinaashi pyaar ke dhaage ke beech se nikal nahin sakte ho। vijayi ratna pyaar ke dhaage ke beech se nikal nahin sakte। isliye kabhi bhi kisi bhi baat mein,kisi sthaan mein, kisi seva se, kisi saathi se kinaara karke apni avastha ko achha banaake dikhaaoon - yeh sankalp nahin karna। kehte hain na - ham iske saath nahin chal sakte,uske saath chalenge, is sthaan par unnati nahin hogi, doosre sthaan par hogi,is seva mein vighna hai, doosri seva mein achha hoga। yeh sab kinaara karne ki baaten hain। agar ek baar yeh aadat aapne mein daali to yeh aadat aapko kahaan bhi tikne nahin degi, buddhi ko ekaagra rahne nahin degi। kyonki buddhi ko badalne ki aadat pad gai। yeh bhi kamjori gini jaayegi,unnati nahin gini jaayegi। sadaiv apne mein shubh ummeeden rakho, naaummeed nahin bano। jaise baap ne har bachche mein shubh ummeeden rakhi। kaise bhi hain, baap last number se bhi kabhi dilshikasta nahin bane। sada hi ummeed rakhi। to aap bhi na apne se, na doosre se, na seva mein naaummeed, dilshikasta nahin bano। dilshaah bano। shaah maana phraakdil,sada badi dil। koi bhi kamjor sanskaar nahin dhaaran karo। maaya bhinna-bhinna roop se kamjor banaane ka prayaas karti hai। lekin aap maaya ke bhi knowledgeful ho, na ki adhoori knowledge hai? yeh bhi yaad rakho ki maaya naye-naye roop mein aati hai, puraane roop mein nahin। kyonki woh bhi jaanti hai ki yeh pahchaan lenge। baat vahi hoti hai lekin roop naya dhaaran kar leti hai। samjha! achha!

teachers maaya ke knowledgeful ho?sirf knowledge nahin lekin knowledgeful ho?baap ko pahchaan liya - sirf yeh nahin socho, maaya ko bhi pahchaanna hai। abhi bandhan mein bandh gai ho va kathin lagta hai? meetha bandhan lagta ya thoda mushkil bandhan lagta? sochte ho - yeh to bahut marna padega,baap ke ban gaye ab phir yeh karna hai, yeh karna hai, kahaan tak karenge! agar yeh pata hota to aate hi nahin - aisa soch chalta hai?jahaan pyaar hai vahaan koi mushkil nahin। patanga bhi shama par kurbaan ho jaata hai। to aap shreshtha aatmaaen parmaatma-pyaar ke peechhe mushkil anubhav kar sakti ho kya? jab parvaana kurbaan ho sakta hai to aap kya nahin kar sakti? jis ghadi mushkil anubhav hota hai to zaroor pyaar ki percentage mein antar aa jaata hai, isliye kuchh samay mushkil lagta hai। agar hove hi mushkil to sada mushkil lagna chaahiye,kabhi-kabhi kyon mushkil lagta?paramatma aur aapke beech mein koi baat aa jaati hai, isliye mushkil ho jaata hai aur percentage mein pharka pad jaata hai। woh beech se nikaal do to phir sahaj ho jaae।

baapdaada sada kehte hain teachers arthaat sada svayan himmat mein rahne vaali aur doosron ko himmat dene ke nimitta banne vaali। nahin to teacher bani kyon?teacher maana hi student ke nimitta hain। kamjor ko himmat de aage badhaane ki seva ke nimitta ho। saphal teacher ki pahli nishaani yeh hogi - woh kabhi himmatheen nahin banengi। jo khud himmat mein rehta hai woh doosre ko bhi himmat zaroor deta hai। khud mein hi himmat kam hogi to doosre ko bhi nahin de sakenge। achha!

chaaron or ke himmate bachche madde baap ke adhikaar ko anubhav karne vaale, sada svaraajya ki shaktiyon ko har samay pramaan prayog mein laane vaale, sada baap aur sarva aatmaon ke atoot snehi, sada har kaarya mein,sambandh-samparka mein ``vaah-vaah''ke geet gaane vaale, aisi almighty authority bachchon ko baapdaada ka yaad-pyaar aur namaste।

double videshi bhaai-bahnon ke group se avyakt baapdaada ki mulaakaat

1. sabhi apne ko sada bhaagyavaan aatma samajhte ho? vo log to apne bhaagya ki praapti ke liye kitna saadhan apnaate hain! kabhi sochenge - putravaan ban jaaen,kabhi sochenge - dhanvaan ban jaaen,kabhi sochenge – aayushvaan ban jaaen। aur maangate bhi kisse hain? baap se aur aap poojya aatmaon se। kyonki aap shreshtha aatmaon ko bhaagya dene vaala svayan bhaagyavidhaata baap hai। aapka to maangana poora ho gaya na। ya kabhi-kabhi thoda maangate ho? mera naam ho, mera shaan ho - yeh bhi nahin। svamaan mil gaya। uske aage yeh alpakaal ka maan kya hai! yeh bhi maangane ka sankalp nahin aata, maangana khatma ho gaya na? gyaani tu aatma ho gaye na, bhakta tu aatma nahin। kamjor aatma ko bhi baapdaada bhakta kah dete hain to aap aise bhakta bhi nahin ho na! buddhivaan ho। gyaani tu aatma arthaat buddhivaan aatma। ichchha maatram avidya - aisi aatmaaen ho na?bina maange sab milta hai,maangane ki kya aavashyakta hai। koi kami hoti hai to maangana padta hai। agar svayan hi sarva praapti ho jaaen to maangane ka sankalp bhi nahin uthega। aise ichchha maatram avidya arthaat gyaani tu aatma। ek saath sab kuchh de diya, ek-ek kahne ki jaroorat hi nahin। kyonki baap jaante hain inhon ko maangane bhi nahin aata। thodi-thodi cheej mein hi khush ho jaate hain। abhi to maangane vaale se daata ke bachche maastardaata ban gaye। jo baap se mila hai woh itna mila hai ki maastardaata ban gaye। aise hain na? sabhi pakke ho na?jab baap sarvashaktivaan hain to bachche kachche kaise honge? maaya kitni bhi koshish kare - kachche nahin bana sakti। kyonki aap door se hi jaan lete ho ki maaya aa rahi hai। don't care। woh bhi pahchaan jaati hai ki yeh master sarvashaktivaan hain, yahaan kaam nahin hoga। to khud hi vaapas chali jaati hai। maayaake roop mein vaar nahin kar sakti। woh saphalta ki maala ban jaati hai। to sabhi aise vijayi ho?paandav arthaat vijayi। kabhi kuchh bhi dekho-suno to apne-aapse baat karo ki main vahi paandav hoon,anek baar ki vijayi hoon। yahi khushi hai na? yeh bhi aata hai ya knowledge ke aadhaar se kehte ho?aise to nahin ki baap kehte hain to zaroor hoga hi! aatma mein jo record bhara hua hai woh emerge hota hai na? achha! sabhi khushi ke jhoole mein jhoolne vaale ho na? baap ne aisa jhoola de diya hai jiske liye jagah ki aavashyakta nahin, jahaan chaaho vahaan lagaao, sirf smriti mein hi laana hai। isliye sahaj hai। ismen thakaavat bhi nahin hoti,khushi ka jhoola hai na। khushi mein thakaavat nahin hoti। brahman janma hi khushi ke jhoole mein hua hai aur jaayenge bhi to khushi ke jhoole mein jhoolte-jhoolte jaayenge। aise hi jaayenge ya darda mein jaayenge? aise to nahin samjhenge - haay karmabandhan,karmabhog bahut kada hai! chaahe kitna bhi kada hisaab ho lekin aap chuktu karne vaale hain। to chuktu ka sada nasha rehta hai। kitna bhi puraana kada hisaab ho, lekin jab chuktu hota hai to khushi hoti hai। aise himmat hai ya ghabra jaayenge? thoda-sa darda hoga to ghabraayenge to nahin? jab paramatma ke pyaare ban gaye to use khushi hogi na। achha!

2. roohaani drishti milte hi srishti badal gai na! roohaani drishti se apne-aapko dekha - main kaun aur baap ko dekha ki vahi hamaara baap hai। ismen srishti badal gai। poori srishti badli hai ya thodi-thodi kabhi chhip-chhipkar puraani srishti dekh lete ho? kabhi svapna mein puraani duniya aati hai?svapna bhi badal gaye। kyonki brahman-jeevan arthaat srishti hi badal gai। baap hi sansaar ban gaya! aur kuchh hai kya? sansaar mein vishesh do praapti hain - ek hai vyakti,doosri hai vastu। to baap ne sarva sambandh ke roop mein sansaar mein jo chaahiye woh de diya। sarva sambandh baap se anubhav hote hain? ya koi sambandh vyakti se rah gaye hain? aur vastu se kya mila hai? khushi milti hai,sukh milta hai। baap ne avinaashi praapti karaai hai। to praapti ka anubhav hota hai?vaise bhi dekho - kisi bhi aatma se milte hain,agar koi sada khush rahne vaala hota hai to vo chehra achha lagta hai ya jo khush nahin hota hai woh achha lagta hai? aap sada cheerful rehte ho? nashe se kaho - ham nahin khush honge to kaun khush rahega?baapdaada har ek bachche ka khush chehra dekhna chaahte hain। aapko bhi vahi pasand hai to baap ko bhi vahi pasand hai। isliye baapdaada kehte hain ki yeh geet sada gaate raho -``paana tha vo pa liya, kaam baaki kya raha!'' yeh geeta aapka hai na! baapdaada ne brahman janma hote hi sabko bade-te-bada khazaana ``khushi''di। yeh brahman janma ki gift hai। sirf sambhaalne mein kabhi-kabhi albele ho jaate ho tab sada nahin hota hai। baapdaada ke paas bachchon ke liye hi yeh khazaane hain। jisko jitna chaahiye utna milta hai, hisaab ki baat nahin hai। sabka poora adhikaar hai। achha!

baapdaada ne vidaai ke samay sabhi bachchon ko holi ki mubaarak di

holi bachchon ke liye sada holi hai। sada hi gyaan-rang mein range hue ho, isliye khaas rang lagaane ki aavashyakta hi nahin padti। ye log to lagaate bhi nahin hain na। foreign mein nahin lagaate ho। woh to hua manoranjan। baaki rang mein rangakar Mickey mouse nahin banna hai। sada holeehans ho, holi rahne vaale ho aur holi manaane vaale ho। auron ko bhi holi banaane ka rang daalte ho। sabhi bachchon ko haali ki mubaarak ho aur saath-saath umang-utsaah vaali jeevan mein udne ki bhi mubaarak ho। achha!