गुरुवार 14 अप्रैल 1994 की अव्यक्त मुरली

>

14-04-94 om shanti avyakt baapdaadaamdhuban

sneh ka return hai - svayan ko tarna (parivartan) karna

shubh sankalpon ka mahatva bataane vaale, sneh va shakti moorta baapdaada apne snehi bachchon ki sabha ko dekhte hue bole-

aaj sneh aur shakti moorta baapdaada apne chaaron or ke snehi bachchon ko dekh rahe hain। jitni sabha saakaar mein hai, usse bhi jyaada aakaari roop ki sabha hai। sarva saakaar roopdhaari va aakaar roopdhaari bachchon ko baapdaada sneh ki bhujaaon mein samaaye hue hain। sneh ki bhujaayen kitni badi hain! chaaron or ke sabhi bachche sneh ki bhujaaon mein aise sama jaate hain, jaise nadi saagar mein sama jaati hai। sneh ki bhujaayen, sneh ka saagar behad hai। sabhi bachche, chaahe nambarvaar bhi hain lekin sneh mein sab bandhe hue hain। sarva bachchon mein baapdaada ka sneh samaaya hua hai। sneh ki shakti se hi sabhi aage udte ja rahe hain। sneh ki udaan sarva bachchon ko tan se va man se, dil se baap ke sameep laati hai। sneh ka vimaan second ki gati se baap ke sameep laata hai। gyaan, yog, dhaarna usmein yathaashakti nambarvaar hain lekin sneh mein har ek apne ko number one anubhav karte hain। sneh sarva bachchon ko brahman jeevan pradaan karne ka mool aadhaar hai। agar sabhi bachchon se poochhen ki nirantar yogi ho? nirantar gyaan swaroop ho? gyaani nahin lekin gyaan swaroop ho? to sochenge, kahenge ‘hain to…’ nirantar dhaarna swaroop ho, to kya kahenge? lakshya to hai hi। lekin jab poochhenge ki nirantar snehi ho to kahenge ‘haan ji’। sneh mein sabhi paas hain। koi paas with honour hain, koi paas hain। paas hain na? double videshi, bhaarat vaale sab paas hain? paas nahin hote to paas nahin aate। paas aana siddha karta hai ki paas hain। sneh ka arth hi hai paas rehna aur paas hona aur har paristhiti ko bahut sahaj paas karna। to sabhi teenon mein paas ho na? paas karna bhi sahaj hai na ki paas karne mein kabhi mushkil, kabhi sahaj hai? paas rahne mein to aananda hi aananda hai aur paas karna ismen nambarvaar hain ya sab number one hain? dekho, number one nahin kehte hain, sabhi chup ho gaye maana something hai। lekin samay prati samay sneh ki shakti se paas karna bhi itna hi sahaj ho raha hai aur hona hi hai jaise paas rehna sahaj hai aur jab paas karna sada sahaj ho jaayega to paas hona kya, paas hue hi pade hain। yeh to pakka nishchay hai ki paas hue hi pade hain। sirf repeat karna hai। itna atal nishchay hai na? door baithe bhi sab najdeek ho na! diltakhta par hain। koi naynon ke noor hain, koi dil takhtansheen hain। sabse najdeek nayan hain aur dil hai। aap sabhi om shanti bhavan mein nahin baithe ho lekin baapdaada ke dil takhta par ya naynon mein noore ratna ban samaaye hue ho। samaaya hua kabhi door nahin hota।

is varsha kya karenge? kahne mein to kehte ho ki is varsha ke milan ki antim baari hai। lekin ant, aadi ki yaad jyaada dilaata hai। aadi, madhya ki yaad dilaata hai lekin ant aadi ki yaad dilaata। to ant nahin, lekin aadi hai। teevra gati ke udaan ki aadi hai। jo anaadi raphtaar hai, anaadi swaroop hai aatma swaroop, to anaadi swaroop ki raphtaar kya hai? kitni tej raphtaar hai! aajkal ke bhinna-bhinna science ke saadhnon ke teevra gati se bhi teevra gati। science ke saadhnon ki raphtaar phir bhi science, science dvaara raphtaar ko kat bhi kar sakti, pakad sakti hai lekin aatma ki gati ko koi abhi tak na pakad saka hai, na pakad sakta hai। ismen hi science apne ko fail samajhti hai। aur jahaan science fail hai vahaan silence ki shakti se jo chaaho vo kar sakte ho। to aatma shakti ki udaan ki teevra gati ki aadi karo। chaahe sva parivartan mein, chaahe kisi ki bhi vritti parivartan mein, chaahe vaayumandal parivartan mein, chaahe sambandh-samparka ke parivartan mein abhi teevra gati laao। teevrata ki nishaani hai socha aur hua। aise nahin, socha to hai… ho jaayega…। nahin, socha aur hua, sankalp, bol aur karma teenon shreshtha saath-saath hon। vyartha ko va ulte sankalp ko check karo to uski gati bahut fast hoti hai। abhi-abhi sankalp aaya, abhi-abhi bol liya, abhi-abhi kar bhi liya। sankalp, bol, karma ikaththa-ikaththaabhut fast hota hai। uski gati ka josh itna teevra hota hai jo shreshtha sankalp, karma, maryaada, brahman jeevan ki mahaanta ka hosh samaapta ho jaata hai। vyartha ka josh-satyata ka hosh, yathaarthata ka hosh samaapta kar deta hai aur kuchh samay ke baad jab hosh aata tab sochte hain karna nahin chaahiye tha, yathaartha nahin hai lekin us samay jab josh hota hai to yathaartha ki pahchaan badal kar aythaartha ko yathaartha anubhav karte hain। to vyartha ka josh, hosh ko ækhatma kar deta hai। to is varsha sabhi bachche vishesh vyartha se innocent bano। jaise jab aap aatmaayen apne satayugi raajya mein theen to vyartha va maaya se innocent theen isliye devtaaon ko mahaan aatmaayen, saint kehte hain, aise apne vo sanskaar emerge karo, vyartha ki avidya swaroop bano। samay, shvaas, bol, karma, sarva mein vyartha keeavidya arthaat innocent। jab vyartha ki avidya ho gai to divyata svatah hi sahaj hi anubhav hogi aur anubhav karaayegi। abhi tak yeh nahin socho ki purooshaartha to kar hi rahe hain…। puroosh is rath par kar raha hai to puroosh ban rath dvaara varaana-isko kaha jaata hai purooshaartha। purooshaartha chal raha hai, nahin, lekinpurushaarthi sada ud raha hai। yathaarthapurushaarthi isko kaha jaata hai। purooshaartha ka arth yeh nahin hai ki ek baari ki galti baar-baar karte raho aur purooshaartha ko apna sahaara banaao। yathaarthapurushaartheeho, svabhaav bhi svaabhaavik ho, ati sahaj। abhi mehnat ko kinaare karo। alpakaal ke aadhaaron ka sahaara, jisko kinaara banaakar rakha hai, ye alpakaal ke sahaare ke kinaare abhi chhod do। jab tak ye kinaare hain to sada baap ka sahaara anubhav nahin ho sakta aur baap ka sahaara nahin hai isliye had ke kinaaron ko sahaara banaate hain। chaahe apne svabhaav-sanskaaron ko, chaahe paristhitiyon ko, jo kinaare banaaye hain ye sab alpakaal ke dikhaava-maatra dhokhe vaale hain। dhokhe mein nahin rah jaao। baap ka sahaara chhatrachhaaya hai। alpakaal ki baaten dhokhebaaj hain। maaya ki bahut meethi-meethi baaten sunte rehte hain, bahut sun chuke hain। jaise dvaapar ke shaastra banaane vaale baaten banaane mein bahut hoshiyaar hain, kitni meethi-meethi baaten bana di hain। to baaten nahin banaao, baaten banaane mein sab ek-do se hoshiyaar hain। na baaten banaao, na baaten dekho, na baaten karo। lekin kya karo? baap ko dekho, baap samaan karo, baap samaan bano। jab koi baat saamne aati to baat banaana second mein aa jaata hai। kyonki maaya ki gati bhi teevra hai na। aise sundar roop ki baat bana deti hai jo sunte baap ko to hansi aati hai lekin doosre prabhaavit ho jaate hain-bolte to theek hain, bahut achha hai, baat to theek hai aur svayan ko bhi theek lagte ho। lekin samay ki teevra gati ko dekh ab in kinaaron se teevra udaan karo। ye anek prakaar ki baaten vyartha register ke roll banaati rehti hain। roll ke oopar roll banta jaata hai। isliye isse innocent bano। is innocent stage se bani-banaai seva ki stage aapke saamne aayegi। is varsha ke yathaartha purooshaartha ke pratyakshaphal ki nishaani bani-banaai seva aapke saamne aayegi। vyartha ka saamna karna samaapta karo to seva ki offer saamne aayegi। aap sabhi seva ke nimitta to anek varsha bane, ab auron ko nimitta banaane ki seva ke nimitta bano। mike vo ho aur might aap ho। bahut samay aap mike bane, ab mike auron ko banaao, aap might bano। aapke might se mike nimitta banen। isko kaha jaata hai teevra gati ke udaan ki nishaani। samjha kya karna hai? teevra udaan hai na। ki kabhi teevra, kabhi slow? sada teevra gati ke udaan se udte rahenge। baadlon ko dekh ghabraao nahin। ye baaten hi baadal hain। second mein cross karo। vidhi ko jaano aur second mein vidhi dvaara siddhi ko praapta karo। ek taraph hai riddhi-siddhi ka force aur aapka hai vidhi sampanna siddhi ka force। riddhi-siddhi hai alpakaal aur vidhi-siddhi sadaakaal ke liye।

baapdaada abhi aisa group chaahta hai jo sada mansa mein, vaani mein, bol mein, samparka mein jo ote so arjun। main arjun hoon। main jo karoonga, (‘main’ body conscious ka nahin, main shreshtha aatma hoon) mujhe dekh aur karenge। to jo ote so arjun। jo gaaya hua hai, avval number arthaat arjun, alaukik jan। aisa group baapdaada dekhna chaahte hain। baaton ko nahin dekhen, doosron ko nahin dekhen, doosre ka vyartha nahin sunen। bas, alaukik jan। sankalp, bol aur karma sabmen alaukik, divyata ki jhalak ho। isko kaha jaata hai arjun, alaukik jan। aisa group is varsha mein taiyaar hoga ki doosre varsha mein taiyaar hoga? jo is group mein aana chaahte hain woh haath uthaao। mujhe banna hai, main arjun hoon। phir koi aisa samaachaar nahin aave-kya karen… ho jaata hai… circumstance aise hain… madad nahin milti hai… duaayen nahin milti hain… sahaara nahin milta… jinhon ko kuchh samay chaahiye vo haath uthaao। ek-do maas chaahiye va ek varsha chaahiye। jo bhi group aave unse poochhna phir result sunaana। teachers to pahle। kyonki jo nimitta bante hain unka sookshm vaayumandal, vibrations zaroor jaata hai। padamguna punya bhi milta hai aur padam guna nimitta bhi bante hain। aur shabd to nahin bolenge na। teacher banna bahut achha hai, gaddi to mil jaati hai na!deedi-deedi ka title mil jaata hai na। lekin ijammedaari bhi phir itni hai। is varsha mein kuchh naveenta dikhaao। yeh nahin socho-haath to anek baar utha chuke hain, pratigya bhi bahut varsha kar chuke hain, aise sankalp na sookshm mein aaye, na auron ke prati aaye। ye sankalp bhi dheela karta hai। ye to chalta hi aata hai, ye to hota hi rehta hai… ye vibration bhi kamzor banaata hai। dridh sankalp karo to dridhta saphalta ko avashya laati hai। kamzor sankalp nahin utpanna karo। unko paalne mein bahut time vyartha jaata hai। utpatti bahut jaldi hoti hai। ek second mein sau paida ho jaate hain। aur paalna karne mein kitna samay lagta hai! mitaane mein mehnat bhi lagti, samay bhi lagta aur baapdaada ke vardaan va duaaon se bhi vanchit rah jaate। sarva ki shubh bhaavnaaon ki duaaon se bhi vanchit ho jaate hain। shuddh sankalp ka bandhan, gheraav, aisa baandho sabke liye, chaahe koi thoda kamzor bhi ho, unke liye bhi ye shuddh sankalpon ka gheraav ek chhatrachhaaya ban jaaye, safety ka saadhan ban jaaye, kila ban jaaye। shuddh sankalp ki shakti ko abhi kam pahchaana hai। ek shuddh va shreshtha shaktishaali sankalp kya kamaal kar sakta hai-iski anubhooti is varsha mein karke dekho। pahle abhyaas mein yuddha hogi, vyartha sankalp shuddh sankalp ko kat karega। jaise kaurav-paandav ke teer dikhaate hain na, teer, teer ko raaste mein hi khatma kar deta hai to sankalp, sankalp ko khatma karne ki koshish karta hai, karega lekin dridh sankalp vaale ka saathi baap hai। vijay ka tilak sada hai hi hai। ab isko emerge karo to vyartha svatah hi merge ho jaayega। vyartha ko samay dete ho। kat nahin karte ho lekin uske rang mein rang jaate ho। second se bhi kam samay mein kat karo। shuddh sankalp se samaapta karo। to sarva ke shubh sankalpon ka vaayumandal ka gheraav kamaal karke dikhaayega। pahle se hi yeh nahin socho ki hota to hai nahin, karte to bahut hain, sunte to bahut hain, achha bhi bahut lagta hai, lekin hota nahin hai। yeh bhi vyartha vaayumandal kamzor banaata hain। hona hi hai-dridhta rakho, udaan karo। kya nahin kar sakte ho! lekin pahle sva ke oopar attention। sva ka attention hi tension khatma karega। samjha kya karna hai? koi kahe yeh to hota hi rehta hai, pahle bhi pratigya ki thi-yeh nahin suno। ismen kamzoron ko saath nahin dena, saathi banaana। agar koi aisa-vaisa bolta hai to ek-do mein kehte hain na shubh bolo, shubh socho, shubh karo। achha। sabhi khush raaji hain na, sabhi se baat ki na? yeh bhi baap ka sneh hai। sneh ki nishaani hai vo snehi ki kami nahin dekh sakta। snehi ki galti apni galti samjhega। baap bhi jab bachchon ki koi baat sunte hain to samajhte hain meri baat hai। to snehi, sampanna, sampoorn, samaan dekhna chaahte hain। sabhi sneh mein ek shabd baapdaada ke aage chaahe dil se, chaahe geet se, chaahe bol se, chaahe sankalp se zaroor kehte hain, baapdaada to sabka sunta hai na। sabhi ek baat bahut baar kehte hain ki baba ke sneh ka return kya den? kyonki kya se kya to ban gaye ho na। koton mein koi to ban gaye ho na, koi mein koi nahin bane ho। to koton mein koi to bane ho na। ismen sab paas ho। baap return kya chaahte hain? return karna hai apne ko tarna karna। samjha? bas, yahi return hai। yeh to kar sakte ho na? sneh ke peechhe yeh nahin kar sakte ho! matlab ka sneh to nahin hai na! sneh mein tyaag karne ke liye taiyaar ho? baap jo bhi aagya kare taiyaar ho? sneh mein sab saint-percent ho ya percentage hai? apne ko tarna karne ke liye taiyaar ho? sneh ke peechhe yeh tyaag hai ya bhaagya hai? bhakta to sir utaar kar rakhne ke liye taiyaar hain, aap raavan ka sir utaar kar rakhne ke liye taiyaar ho? shareer ka sir nahin utaaro lekin raavan ka sir to utaaro! paanchon hi sir utaarenge ya ek-do rakhenge? thoda kamzori ka sir rakhenge? chalo paanch nahin, chhatha dikhaate hain na besamjhi ka, vo rakhenge? achha। abhi ek-ek zone haath uthaao।

dilli -dilli vaale kya kamaal karenge, return ka tarna karenge? tyaag ka bhaagya lene mein kitna number aayega? first! sabhi first number lenge, fast jaayenge parivartan karne mein? dilli ka kila majboot hai na।

mahaaraashtra zone - mahaaraashtra kaun-sa number lenge? first! aur first se aage kya hai? A one kaun hoga? mahaaraashtra A one hoga ya one hoga? A one ko aage jaana padega। vaise dilli vaale bhi A one kah sakte hain lekin A one hain ya one hain? one maana win, A one maana double win। mahaaraashtra vaale one se bhi aage A one banna।

karnaatak -ab karnaatak kya karega? sada A one ka naatak dikhaayega aur naatak nahin dikhaana। vaise karnaatak mein naatak bahut hote hain। abhi A one ka naatak dikhaana।

eastern- eastern zone kya kamaal karega? chaaron or A one ka soorya uday karega।

taamilnaadu, kerla - taamilnaadu mein vishesh dance ka mahatva hai। to chaaron or A one ka khushi ka naach dikhaayenge। sab A one।

Indore zone - Indore vaale kya karenge? in-dor ka arth hai antarmukhta। to Indore vaale chaaron or antarmukhta ki shakti ke vibration se chaaron or A one ke vibrations phailaayenge। manjoor hai?

yu.pi. -yu.pi. vaale kya kamaal karenge? yu.pi. ki visheshta hai nadiyon ki mahaanta। sabhi vishesh nadiyaan kahaan hain? yu.pi. mein hain na। to A one banne aur banaane ki nadiyaan bahaayenge। manjoor hai? nadi kahaan se niklegi? kaanpur se ya ilaahaabaad se ya sabka mel hoga? vo teen nadiyaan milti hain na। yu.pi. ke sarva centre ki nadiyaan saath-saath sangam hokar niklen। theek hai na!

gujraat zone - gujraat vaale maan na maan, main tera mehmaan hain। hoshiyaar hain na, to gujraat vaale kya kamaal karenge? mehmaan banne mein hoshiyaar ho na to kamzori ya vyartha ki mehmaani ko jo mehmaan bankar aati hai, yeh kamzori original to hai nahin। to A one banna banaana arthaat vyartha ke mehmaan ko samaapta karna। to gujraat vaale apni shakti se, apne shubh A one shreshtha sankalp se yeh vyartha ki raat gujar - gai yeh shubh samaachaar sunaayenge। gujraat maana raat gujar gai। shreshthata ka din laane vaale। manjoor hai? mehmaan banne mein hoshiyaar, mehmaan ko nikaalne mein bhi hoshiyaar।

raajasthaan -raajasthaan kya karega? samarthata par raajya karega। samjha? vyartha ko khatma kar samarthata par raajya karne vaale raajasthaan। to A one to ho hi gaye na। A one madhuban hai na raajasthaan mein। to A one mein add karo all one।

panjaab, hariyaana - panjaab ne is puraani duniya mein bhi abhi kya kamaal ki hai? aatankavaad ko kamzor kar diya। to panjaab kya kamaal karega? do, teen, chaar, das number ko kamzor karega। is aatankavaad ko khatma karke sada number one। achha!

double videshi - videsh kya karega? videsh vaalekamzori ko apne videsh mein bhej do। bilkul door desh mein bhej do, jo vaapas nahin aave।kamzori, vyartha ko videsh mein bhej, desh ko samartha banaao। bhaarat mein ya desh mein apne samartheeka jhanda lahraao। ismen sada hi ever ready, A one। samjha! kabhi-kabhi vaale ready nahin। ever ready, A one। samjha!

abhi dilli vaale kya kamaal karenge? kyonki dilli seva ka foundation hai। dilli se pahle gareeb nivaaj ki pratha aarambha hui। dilli ne samay ki aavashyakta mein sahayog diya। dilli se pahla number one paandav (jagdeesh) nikla। invention bhi dilli kaaphi number one hokar nikaalti hai। abhi to sab hoshiyaar ho gaye hain lekin nimitta to dilli bani। to ab ote so arjun mein A number। theek hai na। paandav kila majboot karne mein A one। manjoor hai na?achha, sabhi zone se mile। madhuban vaale jo neeche baithe hain, tyaag kiya hai, unhon ko baapdaada diltakhta ki gift sahit vishesh yaad-pyaar aur padamguna mubaarak de rahe hain। saari season madhuban vaalon ne seva ki hai to nirvighna, athak sevaadhaariyon ko, chaahe madhuban nivaasi, chaahe chaaron or ke mehmaannivaaji karne vaale sevaadha-riyon ko baapdaada-sada unnati ko praapta hote hi rahenge, hona hi hai-yeh pragti ka tilak de rahe hain। hospital vaale sabhi doctors va sevaadhaari jo bhi hospital mein hain, vo sab healthy aur happy hain? sthool health nahin, aatmik health। to sada healthy aur sada happy ki mubaarak aur aabu road vaale ya talahti vaale sabhi ko bahut pyaar se receive karte hain aur thande paani ka aaraam dete hain, garam chaay se umang dilaate hain aur bhatke hue ko raah bhi dikhaate hain isliye receive karne vaale, svaagat karne vaale aur mehmaannivaaji karne vaale, sabhi ko baapdaada seva ki mubaarak ke saath ‘sada pragti bhav’ ka vardaan de rahe hain। aabu nivaasi pravritti vaale bhi bahut hain। sada pravritti mein rah shreshtha vibrations phailaane ki mubaarak। aabu nivaasi bhi abhi mehmaannivaaji achhi karte hain। sthaan dete hain na। khush hote hain na sabhi। to sada udte raho aur udaate raho।

gyaan sarovar to hai hi sarovar। sarovar mein jaate hi parivartan ho jaata hai। to gyaan sarovar ko baapdaada aatmaon ki vritti aur jeevan parivartan karne ka sarovar kehte hain। isliye gyaan sarovar mein seva karne vaale sada hi athak bhav aur sada vriddhi ko praapta bhav aatmaayen hain। pragti ki saphalta ka vardaan gyaan sarovar ke sthaan aur sevaadhaariyon ko sada hai hi। achha!

chaaron or ke man ki udaan mein udne vaale madhuban nivaasi avyakt roopdhaari aatmaon ko aur saath-saath sankalp ke vimaan dvaara madhuban mein pahunchne vaali shreshtha aatmaon ko aur chaaron or ke sarvashreshtha snehi, sneh mein tyaag ke bhaagya ka shreshtha sankalp karne vaali aatmaon ko, sada A one ke sankalp ko pratyaksha jeevan mein laane vaale baap ke sameep aatmaon ko baapdaada ka yaad-pyaar aur har ek bhinna-bhinna bhaarat ke desh va videsh ke har ek bachche ko naam sahit visheshta sampanna yaad-pyaar aur namaste।

daadiyon se mulaakaat

har samay ki scene nyaari aur pyaari hai। aap logon ka bachpan ka geet kaun-sa hai? ‘naya din laage, nayi raat laage…’ is geet par nashe se dance karte the na! to naveenta mein maja hai na। vahi-vahi scene badalni to hai hi aur jo badalta hai vo naya hi hota hai। puraana to khatma hota hai, naya hota hai। to har samay ki scene, har samay ki baaten naye te nayi। to naya achha lagta hai ya puraana? naya achha hai na! (yaad puraana karte hain) yaad karte hain lekin pasanda to naya karte hain na। to naya hi hona hai। achha! sabhi khush hain na? tan se, man se khush hi khush hain।

1- ab aatma-shakti ke udaan ke teevragti ki aadi karo to jo sochenge vahi hoga।

2- saint (mahaan) banne ke liye vyartha se innocent bano।

3- vyartha ki avidyaahona hi divyata ki anubhooti ka aadhaar hai।

4- sachchaapurushaartheevah hai jo puroosh ban rath dvaara kaarya karaaye।

5- had ke kinaaron ka sahaara chhod ek baap ko apna sahaara banaao।

6- alpakaal ki baaten dhokhebaaj hain, baap ka sahaara hi chhatrachhaaya hai।

7- vyartha ka saamna karna samaapta karo to seva ki offer saamne aayegi।

8- auron ko mike banaao, aap might bano।

9- teevragti ki udaan mein anek prakaar ki baaten hi baadal hain, unhein second mein cross karo।

10- shuddh sankalpon ka aisa gheraav daalo jokamzor aatmaon ke liye safety ka saadhan ban jaae।

11- shuddh va shreshtha sankalp emerge karo to vyartha svatah merge ho jaayega।