मंगलवार 9 जनवरी 1996 की अव्यक्त मुरली

>

09-01-96 om shanti avyakt baapdaadaamdhuban

‘‘baalak so maalikpan ke nashe mein rahne ke liye man ka raaja bano’’

aaj vishwa ke maalik baap apne chaaron or ke maalik so baalak bachchon ko dekh rahe hain। baalak bhi ho to maalik bhi ho। vishwa ke maalik bhavishya mein banenge lekin baap ke sarva khajaanon ke maalik abhi ho। vishwa raajya adhikaari bhavishya mein banenge lekin svaraajya adhikaari abhi ho। isliye baalak bhi ho aur maalik bhi ho। donon ho na! baalakpan ka nasha sada rehta hi hai। baapdaada ne dekha ki baalakpan ka nasha chaahe emerge roop mein, chaahe merge roop mein majority ko rehta hai। kyonki agar yaad mein baithte ho to bhi kya yaad rehta hai?baba। to ‘baba’ ye sochna va kehna,bachcha hai tab baba kehte hain। aur jo sachche sevaadhaari hain unke mukh se baar-baar kya nikalta hai? baba ne ye kaha,baba ye kehte hain। saare din mein check karo to kitne baari ‘baba-baba’shabd seva mein kehte rehte ho? lekin do prakaar se ‘baba’ shabd kahne vaale hain। ek hai dil se ‘baba’kahne vaale aur doosre hain knowledge ke dimaag se kahne vaale। jo dil se ‘baba’kehte hain unko sada sahaj dil mein baba dvaara pratyaksha praapti khushi aur shakti milti hai aur jo sirf dimaag achha hone ke kaaran knowledge ke pramaan ‘baba-baba’shabd kehte hain unhon ko us samay bolne mein apne ko bhi khushi hoti aur sunne vaalon ko bhi us samay tak khushi hoti, achha lagta lekin sadaakaal ke liye dil mein khushi aur shakti donon ho, vo sada nahin rehti, kabhi rehti,kabhi nahin,kyon? dil se ‘baba’nahin kaha। to baapdaada ne dekha ki baalakpan ka nishchay sabhi ko hai, nasha kabhi hai, kabhi nahin hai। baba ke hain - ye nishchay, ismen majority theek hain। baalak to ho hi lekin sirf baalak nahin ho baalak so maalik ho। double hai।

to maalikpan - ek svaraajya adhikaari maalik aur doosra baap ke sarva khazaanon ke maalik,kyonki sarva khajaanon ko apna banaate ho, mera varsa hai, daata baap hai lekin baap ne diya ki aap varse ke maalik ho। to yeh varsa sabko mila hai? kisko kam, kisko jyaada to nahin mila hai?sabko ek jaisa mila hai na? ya kisko ek karod mila hai aur kisko 10karod, aise to nahin hai na?kyonki baap ke khazaane behad ke hain। kitne bhi bachche ho lekin baap ke khazaane kam hone vaale nahin hain। khula aur sampanna bhandaar hai। isliye baap kisko kam kyon deven! jab hai hi bachchon ke liye to kisko jyaada,kisko kam kyon den! to ek baap ke varse ke adhikaari maalik aur doosra svaraajya ke maalik। to svaraajya mila hai? donon ke maalik ho?pakka hai na?to maalik hokar kitna samay chalte ho?kehte bhi ho ki svaraajya hamaara birth right hai। kehte ho na ya mahaarthiyon ka birth right hai,hamaara thoda hai?svaraajya ka adhikaar sabhi ko mila hai ki thoda-thoda mila hai? is par poora pakka rehna। to check karo ki sva ki sarva karmendriyaan order pramaan hain? karmendriyaan,aap svaraajya adhikaari bachchon ke karmachaari hain na? maalik to nahin hain?aap maalik ho,ye theek hai?ki karmachaari maalik hain aur aap karmachaari ban jaate ho?

to baapdaada ne dekha ki bachchon ki sthiti mein sabse jyaada jo maalikpan bhulaane vaala hai va samay prati samay raaja se apne vash mein karne vaala hai - vo hai man। isliye baap ka mantra bhi hai manmanaabhav। tan-manaabhav,dhan-manaabhav ya buddhi-manaabhav nahin hai। manmanaabhav hai। to man apna prabhaav daal deta hai। man ke vash mein aa jaate hain। dekho koi bhi chhoti si vyartha baat va vyartha vaataavran va vyartha drishya sabka prabhaav pahle kis par padta hai? man par prabhaav padta hai na,phir buddhi usko sahayog deti hai। man aur buddhi agar usi prakaar chalti rehti to sanskaar ban jaata hai। abhi bhi apne ko check karo to mera jo vyartha sanskaar hai vo bana kaise? maano kisi ka sanskaar chhoti si baat mein second mein, man mein feeling aane ka ban gaya hai to ye sanskaar bana kaise? phir kehte hain chaahte nahin hain, sochte bhi hain lekin ho jaata hai। isko kaha jaata hai sanskaarvash। koi ka thode time mein man maayoos ho jaata,thoda sa dekha, suna aur man maayoos ho gaya। phir agar koi poochhega to kya kahenge?kahenge,nahin koi baat nahin,ye mere sanskaar hain। theek ho jaayega,sanskaar hain। lekin bana kaise? man aur buddhi ke aadhaar se sanskaar ban gaya। phir bhinna-bhinna sanskaar hain jo brahman sanskaar nahin hain। baapdaada to sochte hain ki kahlaane mein to kisi se bhi poochhenge ki aap kaun ho? to kya kahenge?brahmaakumaari ya brahmaakumaar hain। to brahma ke bachche kya hue? brahman। lekin jab vyartha sanskaar ke vash ho jaate ho to kya us samay brahmaakumaar,brahman ho ya kshatriy ho?us samay kaun ho?yadi apne se yuddha karte ho - ye nahin, ye nahin… to brahman ho ya kshatriy ho?kai bachche kehte hain do din se mere man mein khushi gum ho gai, pata nahin kyon?vaisai to andar samajhte hain lekin baahar se kehte hain pata nahin kyon! lekin vo din brahman hain ya kshatriy hain? jiski khushi gum ho jaaye to brahman hain?to kya kabhi kshatriy bante ho, kabhi brahman bante ho? sabhi ne kaha na maalik hain, lekin us samay kya hain? maalik hain ya parvash hain?

to baapdaada ne dekha ki maalikpan ko hilaane vaala vishesh man hai। aur aap svaraajya adhikaari raaja ho, man aapka mantri hai। va man maalik hai, aap mantri ho?aap raaja ho na, man to raaja nahin hai?mantri hai,sahayogi hai। to man ka maalikpan - ye sada ho tab kahenge ki svaraajya adhikaari। nahin to kabhi adhikaari, kabhi adheen। iska kaaran kya hai?kyon nahin parivartan hota?jab samajhte bhi ho phir bhi sanskaar ke vash ho jaate ho। isliye pahle man ko control karo। kehte ho raaja hain lekin raaja ka arth hai jismen ruling power ho। agar naam raaja ho aur ruling power nahin to uska kya haal hoga?uska raajya chalega? nahin chalega। to ruling power kitne percentage mein aai hai - ye check karo।

ek galti bahut karte ho uske kaaran bhi sanskaar ke oopar vijay nahin praapta kar sakte, bahut time lagta hai samajhte hain kal se nahin karenge lekin jab kal hota hai to aaj se kal ki baat badi ho jaati hai। to kehte hain kal chhoti baat thi na aaj to bahut badi baat thi। to badi baat hone ke kaaran thoda ho gaya, phir theek kar lenge-ye badon ko va apne dil ko dilaasa dete ho aur ye dilaasa dete hue chalte ho lekin ye dilaasa nahin hai, ye dhokha hai। us samay thode samay ke liye apne ko ya doosron ko dilaasa dena-bas abhi theek ho jaayenge,lekin ye svayan ko dhokha dene ki aadat pakki karte jaate chalte-phirte pharishta swaroop mein rehna-yahi brahma baap ki dil-pasanda gift hai। 99ho। jo us samay pata nahin padta lekin jab practical mein dhokha milta hai tabhi samajhte hain ki haan ye dhokha hi hai। to bhool kya karte ho?jab bade ya chhote ek-do ko shiksha dete hain to kya kehte ho? ye mera svabhaav hai, mera sanskaar hai, koi ka feeling ka, koi ka kinaara karne ka, koi ka baar-baar parchintan karne ka, koi ka parchintan sunne ka, bhinna-bhinna hain, usko to aap baap se bhi jyaada jaante ho। lekin baapdaada kehte hain ki jisko aapne mera sanskaar kaha vo mera hai? kiska hai? (raavan ka) to mera kyon kaha? ye to kabhi nahin kehte ho ki ye raavan ke sanskaar hain। kehte ho mere sanskaar hain। to ye ‘mera’shabd - yahi purooshaartha mein dheela karta hai। ye raavan ki cheez andar chhipaakar kyon rakhi hai?log to raavan ko maarne ke baad jalaate hain,jalaane ke baad jo bhi kuchh bachta hai vo bhi paani mein daal dete hain, aur aapne mera banaakar rakh diya hai! to jahaan raavan ki cheez hogi vahaan ashuddha ke saath shuddh sanskaar ikatthe rahenge kya?aur raajya kiska hai? ashuddha ka। shuddh ka to nahin hai na! to raajya hai ashuddha ka aur ashuddha cheez apne paas sambhaal kar rakh di hai। jaise sona ya heera sambhaal ke rakha ho। isliye ashuddha aur shuddh donon ki yuddha chalti rehti hai to baar-baar brahman se kshatriy ban jaate hain। mera sanskaar kya hai? jo baap ka sanskaar hai,vishesh hai hi vishwa kalyaankaari,shubh chintandhaari। sabke shubh bhaavna, shubh kaamnaadhaari। ye hain original mere sanskaar। baaki mere nahin hain। aur yahi ashuddhi jo andar chhipi hui hai na, vo sampoorn shuddh banne mein vighna daalti hai। to jo banna chaahte ho,lakshya rakhte ho lekin practical mein pharka pad jaata hai।

majority ne socha hai,kaiyon ne to apna sankalp kiya bhi, likha bhi ki is diamond jubilee mein baap samaan diamond banna hi hai। ye sankalp hai ya sochna hai?sochna ho to soch lo! lekin number peechhe milega। kahaavat bhi hai ki jo karega vo paayega। ye to nahin hai na ki jo sochega vo paayega! to sankalp bahut achha karte ho। baapdaada bhi padh karke, sun karke khush hote hain lekin ye raavan ki cheez jo chhipaakar rakhi hai na vo man ka maalik banne nahin deti। meri aadat hai, mera svabhaav hai, mera sanskaar hai,meri nature hai-ye sab raavan ki jaaydaad saath mein, dil mein rakh di hai,to dilaaraam kahaan baithega! raavan ke varse ke oopar baithe kya! to abhi isko mitaao। jab mera shabd bolte ho to yaad karo-mera svabhaav ya meri nature kya hai? aur man ko duniya vaale bhi kehte hain ye ghoda hai, bahut bhaagta hai aur tej bhaagta hai lekin aapka man bhaagna chaahiye?aapko shreemat ka lagaam mazboot hai। agar lagaam theek hai to kuchh bhi halchal nahin ho sakti। lekin karte kya ho? baapdaada to dekhte rehte hain na to hansi bhi aati hai,jaise savaari ko chala rahe ho,lagaam haath mein hai lekin agar chalte-chalte lagaam pakadne vaale ki buddhi ya man koi sidescene ke taraph lag gai to kya hoga?lagaam dheela hoga! aur lagaam dheela hone se man chanchalta zaroor karega। to shreemat ka lagaam sada apne andar smriti mein rakho। jab bhi koi baat ho,man chanchal ho to shreemat ka lagaam tight karo। phir kuchh nahin hoga। phir manzil par pahunch jaayenge। to shreemat har kadam ke liye hai, shreemat sirf brahmachaari bano ye nahin hai। har karma ke liye shreemat hai। chalna, khaana,peena, sunna,sunaana - sabki shreemat hai। hai,ki nahin hai?maano aap parchintan kar rahe ho to kya ye shreemat hai? shreemat ko dheela kiya to man ko chance milta hai chanchal banne ka। phir usko aadat pad jaati hai। to aadat daalne vaala kaun? aap hi ho na! to pahle man ka raaja bano। check karo - andar hi andar ye mantri apna raajya to nahin sthaapan kar rahe hain?jaise aajkal ke raajya mein alag group bana karke aur power mein aa jaate hain। aur pahle vaalon ko hilaane ki koshish karte hain to ye man bhi aise karta hai, buddhi ko bhi apna bana leta hai। mukh ko, kaan ko, sabko apna bana leta hai। to roz check karo, samaachaar poochho-he man mantri tumne kya kiya? kahaan dhokha to nahin diya? kahaan andar hi andar group bana deve aur aapko raaja ki bajaay gulaam bana de! to aisa na ho। dekho brahma baap aadi mein roz ye darbaar lagaate the jismen sabhi sahayogi saathiyon se samaachaar poochhte, ye roz ki brahma baap ki aadi ki dincharya hai। suna hai na?to brahma baap ne bhi mehnat ki hai na! attention rakha tab svaraajya adhikaari so vishwa ke raajya adhikaari bane। shiv baap to hai hi niraakaar lekin brahma baapne to aapke samaan saari jeevan purooshaartha se praalabdha praapta ki। to brahma baap ko follow karo। ye man bahut chanchal hai aur bahut quick hai, ek second mein aapko saara foreign ghumaakar aa sakta hai। to kya suna? baalak so maalik। aise nahin khush rehna-baalak to ban gaye, varsa to mil gaya lekin agar varse ke maalik nahin bane to baalakpan kya hua? baalak ka arth hi hai maalik। lekin svaraajya ke bhi maalik bano। sirf varse ko dekh karke khush nahin ho,svaraajya adhikaari bano। itni chhoti si aankh bindi hai,vo bhi dhokha de deti hai। to maalik nahin hue tabhi dhokha deti hai। to baapdaada sabhi bachchon ko svaraajya adhikaari raaja dekhna chaahte hain। adhikaari,adheen nahin rahega। samjha?kya banenge? baalak so maalik। raavan ki cheez ko to yahaan haal mein hi chhodkar jaana। ye tapasya ka sthaan hai na। to tapasya ko agni kaha jaata hai। to agni mein khatma ho jaayega।

baapdaada ne dekha ki bachchon ka raavan se abhi bhi pyaar hai। dil se chaahte nahin hain lekin rah gaya hai। abhi isko khatma karo। teachers kya karengi?yahin chhodkar jaayengi ya train mein phekengi? kyonki63 janmon ki puraani cheej hai to thodi to preet hai। paandav kya karenge? yahin chhod kar jaayenge ya neeche Abu Road par chhodenge? yahin chhodkar jaana। chhodne ke liye taiyaar ho? dheelaadhaala haan kar rahe ho। baapdaada roz koi na koi bachchon ki baaten check karta hai। aap bhi check karenge tab to change honge na!

achha,ye chance to extra chance mila hai। ye bhi nayon ko ya puraanon ko achaanak ki lottery mili hai। to achaanak ki lottery ka mahatva hota hai। to is lottery ko sada practical karma mein laate hue badhaate rehna। jitna svayan prati ya auron prati kaarya mein lagaayenge utna badhta rahega। to badhaate rehna ye lottery ka din bhoolna nahin। yaad rakhna।

kumaariyon se

kumaariyaan kya karengi?kumaari ka arth hi hai kamaal karne vaali। to kamaal karni hai। kya kamaal karengi?baapdaada sada jab bhi kumaariyon ko dekhte hain to usi nazar se dekhte hain ki ye kamaal karne vaali kumaari hai। chaahe kumaari apna kya bhi kare lekin baapdaada har kumaari mein kamaal karne vaali shubh bhaavna, shubh kaamna rakhte hain। to kumaariyaan kya karengi?kyonki kumaariyaan bahut bandhanon se free hain। agar kumaari purooshaartha mein achhi hai to usko centre mil jaata hai। ek to centre ki sevaadhaari ka bhaagya milta hai aur centre par akele nahin lekin saathi bhi mil jaate hain। kumaaron ko to akela-akela khaana banaana padta hai aur kumaariyon ko chaahe tarna-by-tarna banaao lekin ek-do mein madadgaar to hote hain na! aur doosra kamaane ki koi chinta nahin। agar koi kumaar aapke paas (daadi ke paas) jaata hai to aap naukri chhudaayengi?kahenge naukri karo। to kumaariyon ka to luck hai, kehte hain naukri chhodkar aa jaao। khud kumaari ka lagaav hota hai padhne mein ya naukri mein। to ye to uska bhaagya hua। lekin kumaariyon ko chance to achha hai। aur phir seva ka chance kitna milta hai? jitna karna chaaho utna kar sakte ho।

brahma baap puraane bachchon ke prati ye bol rahe hain ki agar koi kehta hai ki seva hai hi nahin, bahut karte hain lekin seva dikhaai nahin deti hai, koi seva ke liye milta nahin hai to brahma baap kya kehta tha ki jangal pada hua hai aur shikaari kahe ki shikaar nahin milta,ye ho sakta hai! shikaari ko parakhne ki shakti nahin hai, dekhne ki vo jo tez aankh chaahiye,vo nahin hai। baaki jangal mein shikaar na ho ye ho hi nahin sakta। kitni sankhya badh rahi hai। chaahe chhota gaanv hai, chaahe bada shahar hai sab jagah sankhya badh rahi hai। to sankhya badh rahi hai aur seva nahin ho ye kaise ho sakta hai! karne ki vidhi nahin aati। to kumaariyon ko apne aapko nirbandhan banaane ki vishesh seva karni hai। pahle apne ko nirbandhan banaao। kya hai kumaariyaan darti hain centre par rahne se aur kumaar chaahte hain centre par rehna। kaaran kya hai? kamzor aatmaayen hain,nambarvaar to hona hi hai na। to kamjor aatmaon ki kamjori ko dekh ghabra jaate hain। achchhon ko nahin dekhte,jo kamjor hai,usko follow karte hain। iseelie baapdaada ne kaha bhi hai-si father-mother। follow father-mother। na ki kamzor ko follow karo। to kumaariyon ko to dil mein uchhal aani chaahiye। ki bas,seva karen aur seva ke saphalta ka sitaara banen,kamzor nahin।

kumaaron se

kumaaron ko bhi chance milega। jab seva bahut badhegi,itni sab aatmaon ko sandesh dena hai to kya thodi si aatmaayen kar sakengi! to aap logon ko chance milega lekin aap log aise pahle se taiyaar ho jaao। jo teachers ko saptaah course karaana padta hai aur aap ek second mein apni drishti-vritti dvaara parichay de sako। aisi seva kumaaron ko karni hai। abhi dekho baapdaada spashta sunaata hai ki kumaaron ko centre par kyon nahin rakhte hain? kaaran kya hai? dar lagta hai daadiyon ko। aur kabhi-kabhi practical mein nuksaan hote bhi hain। aise hi dar nahin lagta, hota bhi hai। agar kumaar pakke yogi ban jaayen, zara bhi sivaae aatma ke aur koi baat mein jaayen nahin to kumaaron ko bahut sevaakendra mil sakte hain। abhi nuksaan ka dar hai। kyonki raavan ki cheez andar rakhi hai na, isliye dar lagta hai। lekin jo kumaariyon ne itne varsha mein seva ki, kumaar fast seva karenge। chance bahut achha milna hai lekin pahle taiyaar ho jaao। pahle daadiyon ko bephikra banaao। jahaan kumaar-kumaariyaan ikatthe rehte hain na to dar lagta hai, foreign ki baat alag hai,vahaan to female bhi mel hai, mel bhi female hain। vahaan ki baat alag hai। lekin bhaarat mein agar do-teen bhaai centre chalaayen to pahle to log discuss karne ke sivaae aur kuchh nahin karenge। aur josh hota hai na to danda bhi lag sakta hai। isliye aap taiyaar ho jaao,aapko seva bahut milni hai aur jitna kumaariyon ko seva ka chance hai,aise agar aap pakke yogi ban gaye to thode samay mein aapka khaata bhi utna hi jama ho sakta hai। lekin baapdaada ko dil se guarantee dilaao, kaagaj vaala baapdaada nahin maante। aaj kaagaj par paani aur syaahi se nahin, khoon se bhi likhkar dete hain aur ek maas ke baad kumaar se yugal bankar aate hain। to aisi guarantee nahin chaahiye। lekin diamond jubilee mein baapdaada ne dekha ki kumaar bahut achha sabse number one purooshaartha kar rahe hain to kumaar samay ko bhi sameep la sakte hain। samay sameep aa jaayega aur aapki seva hoti jaayegi। lekin baapdaada roz vatan mein check karte hain aise hi nahin koi yahaan kahega to maan lenge। practical baap check karega। phir dekho kumaar first number le sakte hain। samjha? sandesh dene mein to kumaar vaise hi hoshiyaar ho aur dekho jis centre par kumaar nahin aate hain to vahaan seva ki vriddhi nahin hoti hai। aise hai na teachers?teachers kehti hain seva ke liye kisko bhenje! to kumaar abhi bhi seva kar rahe hain lekin sirf ye pakka nishchay kar lo ki ham hain hi yogi aatmaayen। sada yogi hain। shareer ke taraph svapna maatra bhi sankalp nahin jaaye। to kumaar kamaal karna, baapdaada aapka check karke group banaayega। achha!

pravritti vaalon se

pravritti vaalon se baapdaada ko ek shubh aasha hai jo abhi tak pravritti vaalon ne poori nahin ki hai। vo kya hai?seva mein maataayen bahut chaahiye aur jahaan maata hai vahaan daadiyaan bhi nirsankalpa ho jaati hain। lekin pravritti vaali maataayen nikalti bahut kam hain। jaise kumaariyon ki training rakhte hain aise maataaon ko 15din ki training dekar ke ek maas, do maas, teen maas seva ki trial karo,chaahe bhaarat ke kisi bhi desh mein maataayen jo hain vo apne ko free karen,do maas,chaar maas, chhah maas kisi bhi dhang se maataayen seva mein aage aayen to seva bahut kar sakti hain। abhi nimantran hote hue bhi centre nahin khulte hain। kaaran? akeli chhoti-chhoti kumaari samay pramaan nahin rakh sakte। aur maata ho to ek maas mein aap dekho kitne centre khul jaate hain। to maataaon mein ye himmat nahin hai। kisko potra,kisko dhotra, kisko pati, koi na koi bandhan hai। maataaon mein josh aana chaahiye। pravritti ko sambhaalen lekin ek-do mein saathi ban karke,ek-do ke madadgaar banke pahle do maas,teen maas niklo phir seva ka ras baith jaayega to aapko aap hi nirbandhan karega। to pravritti vaale paandav maataaon ke kisi bhi dhang se madadgaar ban maataaon ko seva ke liye svatantra karo। lekin abhi tak yeh aash baap ki pravritti vaalon ne poori nahin ki। diamond jubilee mein karna। samjha pravritti vaalon ne। achha!

double videshiyon se

dekho double videshiyon ko full season mein aane ka chance hai, koi bhi group aisa nahin hai jismen double videshi na ho। to ye extra double videshiyon ko chance mila hua hai। is season mein aana achha lagta hai?indian season mein aane mein maza aata hai? kyonki dekho videsh ko vaise bhi bhaarat desh mein sama hi jaana hai। satayug mein America aur london nahin hoga। bhaarat mein hi sama jaayenge। vishwa ek ho jaayegi। double videsh aur bhaarat ye alag nahin hoga। east aur vesta donon milkar ek vishwa ho jaayega। to peechhe to aana hi hai isliye abhi se apna hak rakh dete hain। achha। bhaarat vaalon ko bhi khushi hoti hai aur aap logon ko bhi khushi hoti hai। donon ko khushi hoti hai। baaki videsh mein bhi jo chaaron or seva chal rahi hai to samaachaar to aate rehte hain to result mein chaaron or umang-utsaah achha hai aur result bhi achhi hai। abhi kuchh taraph ki result mein class mein student badhe hain to ye seva ki saphalta hai। samjha? jinhon ne bhi seva ke patra ya apne avastha ke patra, diamond jubilee ke umang-utsaah ke patra bheje hain un sabhi ko baapdaada return mein padmaguna se bhi jyaada yaad-pyaar de rahe hain। videsh mein bhi abhi student badh rahe hain na! videsh ke chaaron or se aaye hain। aur is varsha desh-videsh donon milkar programme kar rahe hain ye bahut achha hai। aur aise hi sada milkar ek raay se aage badhte rahenge।

(phir baapdaada ne sabhi zone ke bhaai-bahinon se alag-alag haath uthvaakar milan manaaya। dilli mein diamond jubilee ke uplakshya mein nikaali gai jhaankiyon ka samaachaar baapdaada ne suna)

achha hai dilli ka samaachaar bhi suna to diamond jubilee ki jo shuroovaat hai vo bahut achhi hui। to achha hi kiya,dilli vaalon ne chaturaai ki ki pahle karenge to daadiyaan milengi aur saath mein karenge to daadiyaan nahin milengi। chaturaai achhi ki। aur dilli to aap sabki hai na! raajya dilli par karenge ya london mein? dilli sabki hai। kitne baar dilli mein raajya kiya hai?anginat baar। to aapki ho gai na! iseelie sthaapna ki seva bhi dilli mein jamunaaghaat par hui। raajya bhi jamunaaghaat par karna hai to aarambha bhi jamunaaghaat se hua। mehnat ki lekin raajya ka chhaap to laga diya na। to achha hai, aur bhi sab taraph ke bhi programme achhe banaaye hain, abhi practical honge to bahut achha। jo abhi plan bana rahe hain to achhe te achha bana rahe hain aur saphalta to honi hi hai।

achha,peechhe vaale achhe baithe hain? baapdaada to jyaada peechhe hi dekhte hain। kyonki peechhe agar dekhte hain na to aage aapehi aa jaate hain। achha।

chaaron or ke baalak so maalik double adhikaar lene vaale shreshtha aatmaayen,sada svaraajya adhikaari ban apna raajya chalaane vaale bhaagyavaan aatmaayen, sada baap ke sanskaar so mere sanskaar is vidhi se seva mein aage badhne vaale shreshtha sevaadhaari aatmaon ko baapdaada ka yaad pyaar aur namaste।

daadiyon se

jitni zimmevaariyaan badhti hain utna hi extra duaaen aur baap ka pyaar badhta jaata hai na! lekin zimmevaariyaan hain, baap ke hisaab se bahut hain। aapki madadgaar to baap ki bhujaayen hain hi। phir bhi zimmevaariyaan hain aur rahni hai। bahut zimmevaariyaan hai na! aap log kya samajhte ho?ek ke oopar bahut jimmevaariyaan hai na! bahut jimmevaari hai na! (zimmevaari to baba aapki hai ishaara milta ham sab karte hain) ye to achhi baat hai aap double light hain aur double light hone ke kaaran aapko lagti nahin hain। ye extra baap aur maa donon ki andar ki madad hai। kyonki maat-pita jagdamba aur brahma baap donon ki jimmevaariyaan sthool mein aapke oopar hain। sookshm mein to saath hai lekin baahar se to nimitta aap hain। iseelie aapse sabhi ka shuddh pyaar jyaada hai। daadiyon ka bhi hai, vishwa ka bhi hai।

achha। om shanti।