शनिवार 31 जनवरी 1998 की अव्यक्त मुरली

>

31-01-98 om shanti avyakt baapdaadaamdhuban

paas with honour banne ke liye har khazaane ka account check karke jama karo

aaj baapdaada har ek chhote-bade chaaron or ke desh-videsh ke bachchon ka bhaagya dekh harshit ho rahe hain। aisa bhaagya saare kalpa mein sivaae brahman aatmaon ke kisi ka bhi nahin ho sakta। devtaayen bhi brahman jeevan ko shreshtha maante hain। har ek apne jeevan ke aadi se dekho ki hamaara bhaagya janmate hi kitna shreshtha hai। jeevan mein janmate hi maa baap ki paalna ka bhaagya milta hai। uske baad padhaai ka bhaagya milta hai। uske aage guru dvaara mat va vardaan milta hai। aap bachchon ko paalna,padhaai aur shreemat, vardaan dene vaala kaun?param aatma dvaara yeh teenon hi praapta hain। paalna dekho - parmaatma paalna kitne thode koton mein se koi ko milti hai। parmaatma shikshak ki padhaai aapke sivaae kisko bhi nahin milti hai। satguru dvaara shreemat,vardaan aapko hi praapta hai। to apne bhaagya ko achhi tarah se jaante ho? bhaagya ko smriti mein rakhte hue jhoolte rehte ho, geet gaate rehte ho - vaah mera bhaagya!

amritvele se lekar jab uthte ho to parmaatma pyaar mein lavleen hoke uthte ho। parmaatma pyaar uthaata hai। dincharya ki aadi parmaatma pyaar hota hai। pyaar nahin hota to uth nahin sakte। pyaar hi aapke samay ki ghanti hai। pyaar ki ghanti aapko uthaati hai। saare din mein parmaatma saath har kaarya karaata hai। kitna bada bhaagya hai jo svayan baap apna paramdham chhodkar aapko shiksha dene ke liye aate hain। aise kabhi suna ki bhagwan roz apne dhaam ko chhod padhaane ke liye aate hain! aatmaayen chaahe kitna bhi door-door se aayen, paramdham se door aur koi desh nahin hai। hai koi desh?America, aphreeka door hai? paramdham oonche te ooncha dhaam hai। oonche te oonche dhaam se oonche te oonche bhagvan, oonche te oonche bachchon ko padhaane aate hain। aisa bhaagya apna anubhav karte ho?satguru ke roop mein har kaarya ke liye shreemat bhi dete aur saath bhi dete hain। sirf mat nahin dete hain, saath bhi dete hain। aap kya geet gaate ho? mere saath-saath ho ki door ho? saath hai na? agar snate ho to parmaatma teacher se, agar khaate bhi ho to baapdaada ke saath khaate ho। akele khaate ho to aapki galti hai। baap to kehte hain mere saath khaao। aap bachchon ka bhi vaayda hai - saath rahenge, saath khaayenge, saath piyenge, saath soyenge aur saath chalenge… sona bhi akele nahin hai। akele sote hain to bure svapna va bure khyaalaat svapna mein bhi aate hain। lekin baap ka itna pyaar hai jo sada kehte hain mere saath soo, akele nahin soo। to uthte ho to bhi saath, sote ho to bhi saath,khaate ho to bhi saath, chalte ho to bhi saath। agar daphtar mein jaate ho, business karte ho to bhi business ke aap trustee ho lekin maalik baap hai। daphtar mein jaate ho to aap jaante ho ki hamaara director,boss baapdaada hai, yeh nimitta maatra hai, unke direction se kaam karte hain। kabhi udaas ho jaate ho to baap phrend bankar bahlaate hain। phrend bhi ban jaata hai। kabhi prem mein rote ho,aansu aate hain to baap pochhne ke liye bhi aate hain aur aapke aansu dil ke dibbi mein moti samaan sama dete hain। agar kabhi-kabhi natkhat hoke rooth bhi jaate ho, rooste bhi ho bahut meetha-meetha। lekin baap roothe hue ko bhi manaane aate hain। bachche koi baat nahin,aage badho। jo kuchh hua beet gaya, bhool jaao, beeti so beeti karo,aise manaate bhi hain। to har dincharya kiske saath hai?baapdaada ke saath। baapdaada ko kabhi-kabhi bachchon ki baaton par hansi bhi aati hai। jab kehte hain baba aap bhool jaate ho, ek taraph to kehte hain combined hai,combined kabhi bhoolta hai kya? jab saath-saath hai to saath vaala bhool sakta hai kya?to baba kehte hain shaabaas - bachchon mein itni taakat hai jo combined ko bhi alag kar dete hain! hai combined aur thoda sa maaya combined ko bhi alag kar deti hai।

baapdaada bachchon ka khel dekhte yahi kehte hain bachche,apne bhaagya ko sada smriti mein rakho। hota kya hai? sochte ho haan mera bhaagya bahut ooncha hai lekin sochna-swaroop bante ho, smriti-swaroop nahin bante ho। sochte bahut achha ho main to yeh hoon, main to yeh hoon, main to yeh hoon… sunaate bhi bahut achha ho। lekin jo sochte ho, jo kehte ho uska swaroop ban jaao। swaroop banne mein kami pad jaati hai। har baat ka swaroop ban jaao। jo socho woh swaroop bhi anubhav karo। sabse bade te bada hai anubhvi moorta banna। anaadi kaal mein jab paramdham mein hain to sochna swaroop nahin hain, smriti swaroop hain। main aatma hoon,main aatma hoon - yeh bhi sochne ka nahin hai, swaroop hi hai। aadikaal mein bhi is samay ke purooshaartha ka praalabdha swaroop hai। sochna nahin padta - main devta hoon, main devta hoon… swaroop hai। to jab anaadikaal,aadikaal mein swaroop hai to ab bhi ant mein swaroop bano। swaroop banne se apne gun, shaktiyaan svatah hi emerge hote hain। jaise koi bhi occupation vaale jab apne seat par set hote hain to woh occupation ke gun, kartavya automatic emerge hote hain। aise aap sada swaroop ke seat par set raho to har gun,har shakti,har prakaar ka nasha svatah hi emerge hoga। mehnat nahin karni padegi। isko kaha jaata hai braahmanpan ki natural nature, jismen aur sab anek janmon ki natures samaapta ho jaati hain। brahman jeevan ki natural nature hai hi gun swaroop, sarva shakti swaroop aur jo bhi puraani natures hain woh brahman jeevan ki natures nahin hain। kehte aise ho ki meri nature aisi hai lekin kaun bolta hai meri nature? brahman va kshatriy? va past janma ke smriti swaroop aatma bolti hai? braahmanon ki nature - jo brahma baap ki nature woh braahmanon ki nature। to socho jis samay kehte ho meri nature, mera svabhaav aisa hai,kya brahman jeevan mein aisa shabd - meri nature, mera svabhaav… ho sakta hai? agar ab tak mita rahe ho aur past ki nature emerge ho jaati hai to samajhna chaahiye is samay main brahman nahin hoon, kshatriy hoon, yuddha kar raha hoon mitaane ki। to kya kabhi brahman,kabhi kshatriy ban jaate ho? kahlaate kya ho? kshatriy kumaar ya brahmaakumaar?kaun ho?kshatriy kumaar ho kya?brahmaakumaar,brahmaakumaariyaan। doosra naam to hai hi nahin। koi ko aise bulaate ho kya ki he kshatriy kumaar aao? aisa bolte ho ya apne ko kehte ho ki main brahmaakumaar nahin hoon, main kshatriy kumaar hoon? to brahman arthaat jo brahma baap ki nature woh braahmanon ki nature। yeh shabd abhi kabhi nahin bolna, galti se bhi nahin bolna, na sochna, kya karoon meri nature hai! yeh bahaanebaaji hai। yeh kehna bhi apne ko chhudaane ka bahaana hai। naya janma hua, naye janma mein puraani nature,puraana svabhaav kahaan se emerge hota hai? to poore mare nahin hain, thoda jinda hain, thoda mare hain kya? brahman jeevan arthaat jo brahma baap ka har kadam hai woh braahmanon ka kadam ho।

to baapdaada bhaagya ko bhi dekh rahe hain aur itna shreshtha bhaagya, us bhaagya ke aage yeh bol achha nahin hota। is baari mukti varsha mana rahe ho na - kya class karaate ho? mukti varsha hai। to mukti varsha hai ya 99 mein aana hai? 98ka varsha mukti varsha hai? jo samajhte hain yahi varsha mukti varsha hai, woh haath hilaao। dekho haath hilaana bahut sahaj hai। hota kya hai?vaayumandal mein baithe ho na, khushi mein jhoom rahe ho, to haath hila dete ho,lekin dil se haath hilaao,pratigya karo - kuchh bhi chala jaae lekin pratigya mukti varsha ki na jaae। aisi pakki pratigya hai?dekho sambhaalke haath uthaao। is T.vi. mein aave ya na aave, baapdaada ke paas to aapka chitra nikal raha hai। to aise-aise kamjor bol se bhi mukti। bol aise madhur ho, baap samaan ho, sada har aatma ke prati shubh bhaavna ke bol hon, isko kaha jaata hai yuktiyukta bol। saadhaaran bol bhi chalte-phirte hona nahin chaahiye। koi bhi achaanak aa jaae to aisa hi anubhav kare ki yeh bol hain ya moti hain। shubh bhaavna ke bol heere moti samaan hain kyonki baapdaada ne kai baar yeh ishaara de diya hai ki samay pramaan abhi thoda sa samay hai sarva khazaane jama karne ka। agar is samay mein - samay ka khazaana,sankalp ka khazaana,bol ka khazaana,gyaan dhan ka khazaana, yog ki shaktiyon ka khazaana, divya jeevan ke sarva gunon ka khazaana jama nahin kiya to phir aisa jama karne ka samay milna sahaj nahin hoga। saare din mein apne in ek-ek khazaane ka account check karo। jaise sthool dhan ka account check karte ho na, itna jama hai… aise har khazaane ka account jama karo। check karo। sarva khazaane chaahiye। agar paas with honour banne chaahte ho to har khazaane ka jama khaata itna hi bharpoor chaahiye jo 21janma jama hue khaate se praalabdha bhog sako। abhi samay ke tu let ki ghanti nahin baji hai, lekin bajne vaali hai। din aur date nahin bataayenge। achaanak hi out hoga - tu let। phir kya karenge?us samay jama karenge? kitna bhi chaaho samay nahin milega। isliye baapdaada kai baar ishaara de raha hai - jama karo-jama karo-jama karo। kyonki aapka abhi bhi title hai - sarvashaktimaan,shaktivaan nahin hai, sarvashaktimaan। bhavishya mein bhi hai sarvagun sampanna, sirf gun sampanna nahin hai। yeh khazaane jama karna arthaat gun aur shaktiyaan jama ho rahi hain। ek ek khazaane ka gun aur shakti se sambandh hai। jaise saadhaaran bol nahin to madhur bhaashi, yeh gun hai। aise har ek khazaane ka connection hai।

baapdaada ka bachchon se pyaar hai isliye phir bhi baar-baar ishaara de rahe hain kyonki aaj ki sabha mein sab variety hain। chhote bachche bhi hain, teachers bhi hain kyonki teachers hi to samarpan hui hain। kumaariyaan bhi hain, pravritti vaale bhi hain। sab variety hain। achha hai। sabhi ko chance diya hai,yeh bahut achha hai। bachchon ki to kaaphi samay se arji thi। thi na bachche? hamko milne ka chance kab milega? to achha hua - sarva variety ka guldasta baap ke saamne hai। to bachche haath uthaao।

bachchon se to badon ka pyaar hota hi hai। to baap se bhi bachchon ka pyaar hai aur sabhi bachche aaj ke brahman hain kal ke kya banenge?bolo bachche,kal kya banenge? (devta banenge) achha,kaun sa devta banenge,pata hai?bachchon mein se koi devi nahin banega,sab devta banenge?achha hai,bachchon se raunak hoti hai। to aapki raunak ko dekh yeh sabhi khush ho rahe hain, vaah bachche vaah! lekin ek baat yaad rakhna - bachche, brahman aatmaayen bachche, to jo badon ka bhaagya hai na woh bachchon ka bhi bhaagya hai isliye baap ke saath ko kabhi nahin bhoolna। chaahe kitna bhi maaya ki attraction ho lekin baap ko nahin bhoolna। achha sabhi bachche roz class mein jaate hain ya Sunday-Sunday jaate hain? (roz class mein jaane vaalon ne haath uthaaya) yeh roz jaane vaale hain। bahut hain। achha - T.vi. dekhte ho?sabhi hansate hain। dekho, agar achhi baaten dekhte ho to theek hai lekin buri baaten bhi dekhte ho to theek nahin hai। aaj buri baaten na dekhne ka sankalp kar lo ki ham kabhi agar T.vi. dekh bhi rahe hain aur koi buri baat aa jaati hai to banda kar denge। kar sakte ho? jo buri baaten T.vi. mein nahin dekhte hain woh haath uthaao। bahut kam hain। bachchon ka teacher kaun hai? to sabhi teachers bachchon ka chart dekhna। sabhi bachche mukti varsha manaayenge? sachchi dil se haath uthaao। achha। dekho daadiyon ne aapko chance diya hai to daadiyon ko shukriya kiya?kiya ya nahin? chalo kiya to bahut achha lekin kal daadiyon ko pyaar se shukriya karna aur daadiyon ne chance diya hai na to yeh pratigya karna ki ham bhi mukti varsha manaayenge। ladna nahin, josh nahin karna, krodh nahin karna। baapdaada jaante hain - kai chhote-chhote bachche badon se bhi pratigya mein aage jaate hain। to sabhi aage jaakar dikhaana। achha hai bachchon ki mahphil bhi achhi hai। achha।

doosra group hai kumaariyon ka - kumaariyaan bahut hain। (kareeb 2000kumaariyaan aai hain) achha hai kumaariyon ne himmat rakhi hai। kumaariyon ke liye to baapdaada sada hi lucky kumaari jeevan kehte hain। dekho kumaar kehte hain ki kumaari agar teacher banti hain, centre par jaati hain to kumaari jaate hi deedi-deedi kahlaati hain aur kumaar kitne bhi puraane hain to daada-daada koi nahin kehta। kumaariyon ke liye to training hoti hai nikaalen, aur kumaar centre sambhaalne ke liye offer karte hain to daadiyaan sochti hain। to kumaariyon ka bhaagya bahut sahaj bana hua hai। kumaari ne training ki,yogya bani to dahej mein centre mil jaata hai। to kumaari jeevan kitni shreshtha hai,kitne golden chance hain, woh socho। agar abhi se sevaadhaari nahin banenge to bhavishya mein bhi kya banenge?sevaadhaari kise milenge?jo seva karenge unhein milenge। isliye kumaariyon ko apna phaisla jaldi se jaldi karna chaahiye। lekin baapdaada kumaariyon ke liye ek baat sada kehte hain - sachchi sevaadhaari kumaari woh hai jo shakti roop kumaari hai। agar nimitta sevaadhaari shaktishaali nahin hai to auron ko shaktishaali nahin bana sakti। agar kumaari shaktishaali nahin hai, komal hai, ek hoti hai komal aur doosri hoti hai kisi ke prabhaav mein aane vaali। gyaan ka prabhaav daalne vaali nahin lekin koi ke prabhaav mein prabhaavit hone vaali। kumaariyon mein daadiyon ko sada isi ek baat ka dar lagta hai। nimitta bani baap ke oopar prabhaavit karne ke liye lekin svayan prabhaavit ho jaae to kya result niklegi? to baapdaada kehte hain kumaariyaan haan to karti hain, haan jaayenge, niklenge lekin abhi samay ke hisaab se aisi kumaariyaan chaahiye jo jis centre par jaaen us sevaakendra ko nirvighna banaakar rakhen। nirvighna ka certificate svayan ko bhi deven aur saathiyon se bhi leven। to aisi kumaariyaan ho ya thodi si vastu par, koi vyakti par prabhaavit hone vaali ho?kya ho?kya sochti ho? baapdaada ko aisi kumaariyaan chaahiye jo nirvighna kumaari,vighna-vinaashak kumaari, kamjor ko shaktishaali banaane vaali kumaari ho, aise nahin baapdaada va daadiyaan hands karke bhejen aur hands ke bajaae main aur hedak (sardarda) ban jaaen। to aisi kumaariyaan nahin chaahiye। to kya samajhti ho? aisi kumaariyaan taiyaar hain, himmat hai ki ham vighna-vinaashak bankar rahenge?jo aisa banengi woh haath uthaao। dil se utha rahi ho? sangathan mein sharma ke maare to nahin utha rahi ho? jo centres par jaane ke liye taiyaar hain aur aisa vighna-vinaashak banengi, vahi utho baaki baith jaao। jo 18varsha ki aayu se oopar hain aur vighna-vinaashak hoke centre par jaane ke liye taiyaar hain,woh khade ho jaao। yeh sab vighna-vinaashak nimitta sevaadhaari hain? (haan ji) photo nikaalo। abhi daadiyon ko yeh cassette dena,phir aap note karna - kaun-kaun hain? mubaarak ho, mubaarak ho। kumaariyon ko baapdaada bhi mubaarak dete hain lekin right hand banna, left hand nahin banna। achha।

teesra group hai - geeta paathshaala vaalon ka- woh haath uthaao। khade hokar haath hilaao। (kareeb 4000 bhaai-behen hain) bahut hain। achha - geeta paath- shaala ke nimitta bachchon ko bhi baapdaada nimitta sevaadhaari kehte hain। apni pravritti bhi sambhaal rahe hain aur alaukik seva ke nimitta bhi bane hain to double kaam kar rahe hain। lekin geeta paathshaala ke nimitta aatmaon ki visheshta hai sada apne ko har kaarya mein trustee samajhkar chalna। kyonki baapdaada ne dekha ki geeta paathshaala kholne vaale bhinna-bhinna sankalp se geeta paathshaala kholte hain, koi to sachche dil se seva prati geeta paathshaala kholte hain va chalaate hain lekin koi-koi jab vriddhi hoti hai to kahaan-kahaan bhaavnaaon mein bhi mix ho jaata hai। to baapdaada dekhte hain ki koi-koi geeta paathshaala apne parivaar ki paalna arth bhi kholte hain, parivaar ki paalna bhi ho aur nimitta seva bhi ho। to geeta paathshaala ka arth hai trustee banke seva karna kyonki jo bhi aatmaayen aati hain woh baap ke sneh mein aati hain,isliye trustee bankar kaarobaar chalaana bahut aavashyak hai। ekdam nihsvaartha seva ki bhaavna vaalon ko kahenge sachchi geeta paathshaala। baaki baapdaada majority shubh bhaavna se seva nimitta chalaane vaali aatmaon par bahut khush hain ki apna samay saphal kar rahe hain। double kaarya usi shuddh bhaavna se sambhaal rahe hain। aur koi bhaavna mix nahin hai, na naam ki, na laukik parivaar ke paalna ki। to aisi shuddh bhaavna, seva ki bhaavna vaali trustee aatmaon ko baapdaada bahut-bahut-bahut mubaarak dete hain। achhe hain aur achhe hi rahenge। lekin check karna koi bhi aur bhaavna mix nahin ho। seva ki bhaavna ke sivaae aur koi bhaavna aane nahin dena। baaki seva karte ho arthaat anek aatmaon ka kalyaan karte ho। aur dekha gaya hai, geeta paathshaala vaalon ki visheshta hai ki pravritti vaalon ko dekh pravritti vaale himmat rakhte hain। centre par phir bhi sochte hain ki pata nahin hamko bhi chhodna padega lekin pravritti mein rehte seva ke nimitta banne vaale bachchon ko dekh aur bhi pravritti vaalon ko himmat, umang-utsaah aata hai। isliye baapdaada geeta paathshaala vaalon ko bhi bahut-bahut seva ki mubaarak, yaadapyaar de rahe hain। ek haath ki taali bajaao। achha।

chautha group - samarpan vaali teachers ka hai। achha kiya,himmat rakh apne seva ke nimitta banne ko pratyaksha stage par laaya। aur baap ke banne ki, haath mein haath dene ki ceremony 5-6 saal pahle ho gai thi lekin abhi aur haath mein haath pakka kiya,jo chhoot nahin sake। isliye baapdaada samarpan vaali teachers ko badhaai dete hain ki sada haath mein haath,saath mein saath pakka karke vijay maala apne gale mein daalengi। ab jis sthaan par rehti ho us sthaan ko aur svayan ko nirvighna banaana। koi vighna ki report nahin aave। sva ke purooshaartha mein bhi vighna roop nahin banna। kai baar baahar se bhale vighna nahin bhi ho lekin man mein to aata hai na। to na man ka vighna ho, na saathiyon ka vighna ho, na students dvaara koi vighna ho। sva nirvighna,centre nirvighna,saathi nirvighna - yeh teen certificate is mukti varsha mein lena hai। manjoor hai?aur vighna daalen to kya karengi? aap to nirvighna hongi aur koi vighna daalne vaala ho, to kya karengi?vighna vinaashak banengi?to samarpan samaaroh maana sampoornata ka samaaroh। sirf samarpanta ka samaaroh yaad nahin karna,woh bhi yaad karna lekin samay pramaan abhi sampoornata ka divas manaana hi hai, itna dridh nishchay ka kangan baandhakar jaana। baapdaada sabhi teachers ko kah rahe hain,jo bhi sabhi teachers hain chaahe desh ki,chaahe videsh ki woh haath uthaao। achha। aaj videsh bhi bahut hai, welcome ho aane ki videsh ke centres ko। achha –

baapdaada ki teachers ke prati ek shubh bhaavna hai,sunaayen? sirf sunengi ya karengi bhi?sirf sochengi ya swaroop banengi? sunengi,karengi… achha-bahut chhoti si shubh bhaavna hai। badi baat bhi nahin hai,bahut chhoti hai। daadi ne sandesh bheja ki abhi sabhi centres nirvighna ho jaaen uski responsible teachers hain। abhi tak teachers ki kampalensa aati hain। daadiyon ke paas woh file hai na। office vaali eeshu kehti hai centres se itne phaaltu letarsa aate hain jo kichde ka dibba bhar jaata hai। aise hai na? yeh padhne mein bhi time lagta, phir phaadne mein bhi time lagta, phir box mein daalne mein bhi time lagta, to yeh mehnat phaaltu ho gai na। isliye baapdaada ki shubh bhaavna hai ki sabhi teachers baap ke right hands hain,left hand nahin hain, right hand hain। right hands ke sthaan se,centres se aise samaachaar aaven jo vesta box hi bhar jaave - to aisa achha hai? bolo haan ya na? jo samajhte hain is varsha ham har ek teen certificate lenge - sva vighna-vinaashak,centre vighna-vinaashak aur saathi vighna vinaashak। yeh teen certificate lene ke liye jo taiyaar hain woh teachers haath uthaao। jo centre par paandav rehte hain, woh bhi haath uthaao। (sabhi ne haath uthaaya) thainkyu।

abhi vesta paper box khaali rahenge। padhna nahin padega। yeh (eeshu) kehti hai letarsa khol-kholkar haath thak jaata hai। to iseelie chaahe yahaan baithe hain,chaahe videsh mein sun rahe hain, chaahe desh mein sun rahe hain, chaahe murli sunenge। lekin baapdaada ki saare vishwa ki nimitta teachers ke prati yeh shubh bhaavna hai ki yeh varsha koi complaint nahin aani chaahiye। complaint ke file khatma ho jaaen। baapdaada ke paas bhi bahut file hain। to is varsha complaint ke file khatma। sab fine ban jaaen। fine se bhi refine। pasanda hai na?koi kaisa bhi ho unke saath chalne ki vidhi seekho। koi kya bhi karta ho, baar-baar vighna roop ban saamne aata ho lekin yeh vighnon mein samay lagaana, aakhir yeh bhi kab tak? iska bhi samaapti samaaroh to hona hai na?to doosre ko nahin dekhna। yeh aise karta hai, mujhe kya karna hai?agar woh pahaad hai to mujhe kinaara karna hai,pahaad nahin hatna hai। yeh badle to ham badlen - yeh hai pahaad hate to main aage badhoon। na pahaad hatega na aap manzil par pahunch sakenge। isliye agar us aatma ke prati shubh bhaavna hai, to ishaara diya aur man-buddhi se khaali। khud apne ko us vighna swaroop banne vaale ke soch-vichaar mein nahin daalo। jab nambarvaar hain to nambarvaar mein stage bhi nambarvaar honi hi hai lekin hamko number one banna hai। aise vighna va vyartha sankalp chalaane vaali aatmaon ke prati svayan parivartan hokar unke prati shubh bhaavna rakhte chalo। time thoda lagta hai, mehnat thodi lagti hai lekin aakhir jo sva-parivartan karta hai, vijay ki maala usi ke gale mein padti hai। shubh bhaavna se agar usko parivartan kar sakte ho to karo, nahin to ishaara do,apni responsibility khatma kar do aur sva parivartan kar aage udte chalo। yeh vighna roop bhi sone ka lagaav ka dhaaga hai। yeh bhi udne nahin dega। yeh bahut maheen aur bahut satyata ke parde ka dhaaga hai। yahi sochte hain yeh to sachchi baat hai na। yeh to hota hai na। yeh to hona nahin chaahiye na। lekin kab tak dekhte,kab tak rookte rahenge? ab to svayan ko maheen dhaagon se bhi mukta karo। mukti varsha manaao। isliye bachchon ki jo aashaayen hain,umang hai, utsaah hai, iske sabhi function manaakar baapdaada poore kar rahe hain। lekin is varsha ka antim function mukti varsha ka function ho। function mein daadiyon ko saugaat bhi dete ho। to baapdaada ko is mukta varsha ke function mein svayan ke sampoornata ki gift dena। achha।

mahaaraashtra ke sevaadhaariyon se - yeh rasam achhi banaai hai। achha hai,seva se sabhi ko brahman parivaar ke sameep aane ka chance milta hai। nirvighna seva hui to haath uthaao। mahaaraashtra ke sevaadhaariyon ne behad ki seva ki to behad ki duaayen li। aapke khaate mein behad ki duaayen jama ho gai। sabne seva ka laabh uthaaya na। sabhi ko achha laga na। bahut achha। mahaaraashtra ke mukhya sevaadhaari utho। baapdaada sabhi mahaaraashtra ke nimitta sevaadhaariyon ko nirvighna sevaadhaari ki mubaarak dete hain। achha। security vaalon ko roz daadiyon se goodmorning ya good night karni chaahiye। unhon ki seva jyaada hai। achha। security vaalon ne nirvighna apna tarna poora kiya hai,yeh bahut himmat ka kaam hai।

(double videshi kehte hain ek mela ham bhi sambhaal sakte hain) kam se kam sabhi videsh ka khaana to khaayenge। achha hai jo seva ki offer karte hain usko pahle hi in-advance aaphreen hai।

double videshi vishesh aatmaayen pahunch gai hain aur pahunchte jaayenge। baapdaada videsh ki chaaron or ki seva dekh,umang-utsaah dekh harshit hote hain kyonki jab videsh seva aarambha hui to jo bhi mushkil baaten lagti thi woh abhi itni sahaj ho gai hain jo sabhi seva mein udte rehte hain। pahle sochte the videsh mein bada programme karen to sunne vaalon se haal bharna bahut mushkil hai। vi.aai.pi. ki seva bahut mushkil hai। lekin abhi kya kehte hain?abhi to yu.N. tak bhi pahunch gaye hain। to bahut sahaj ho gaya hai na। baapdaada sada kehte hain kitne bhi bade hon, unhon ke paas power hai, aapke paas parmaatma will power hai। paramatma ne powers ki will ki hai, to will power hai। to parmaatma will power ke aage powers parivaartit hona koi badi baat nahin hai sirf svayan mein ek sankalp ho - hona hi hai। yeh to nahin hoga, woh to nahin hoga, pata nahin kya hoga… yeh parmaatma touching unhon ki buddhi mein jaane se rookaavat ban jaati hai। chaahe desh mein, chaahe videsh mein - kyon, kaisa,aisa to nahin,is sankalp se kabhi bhi koi kaarya arth saamne nahin jaao। kyon, kya,aisa, vaisa - yeh pahle aapas mein soch ke final karo, woh baat alag hai lekin jab saamne jaate ho to sada dridh sankalp se jaao - hona hi hai। aakhir to sabhi ko jhukna hi hai। to videsh bhi seva mein ud raha hai, bhaarat ki seva aur videsh ki seva donon udti kala mein hain। abhi seva mein sakaash de, buddhiyon ko parivartan karne ki seva add karo। phir dekho saphalta aapke saamne svayan jhukegi। theek hai na? videsh mein anubhav hai na? achha hai। sevaaon ka samaachaar baapdaada ke paas pahunchta hai। vighna bhi aate hain, lekin aage ka parda vighna ka hota hai, parde ke andar kalyaan samaaya hua drishya chhipa hua hota hai। mansa-vaacha ki shakti se vighna ka parda hata do to andar kalyaan ka drishya dikhaai de।

baaki sabhi videsh ke centres ke bachche bahut achhe-achhe card bhi bhejte hain,patra bhi bhejte hain, koi aata hai to bahut-bahut yaadapyaar bhi bhejte hain। baapdaada bhi card ko regard dete hain। dil se bhejte hain, dikhaave se nahin bhejen। dikhaave se bhejna woh economy honi chaahiye aur dil se bhejte hain to uska koi moolya nahin hai। to har ek ke sign kiye hue bahut card baapdaada ke paas har utsav ke pahunchte hain। bhaaratvaasiyon ke bhi pahunchte hain। baapdaada sabhi cards aur patron ka ek hi javaab dete hain - mubaarak ho, badhaaeeyaan ho, sada saphal raho aur auron ko bhi saphalta swaroop banaate udo। chalo nahin, udo। achha – jo door baithe sun rahe hain unhon ko bhi baapdaada ek-ek desh ko naam sahit, har ek sevaakendra ki visheshta sahit sammukh vaalon se bhi pahle yaadapyaar de rahe hain। saadhan achha nikaala hai aur bhi nikalte rahenge। aage chalkar dekhenge bhi। yeh to centres sun rahe hain, woh bhi din aayega jo chaaron or baap ka sandesh sabhi taraph pahunchega। science bhi sab aapke liye hi invention kar rahi hai। iseelie baapdaada science ke saadhan nikaalne vaale bachchon ko bhi sneh se mubaarak dete hain। dimaag to chalaate hain। science vaale bhi aayenge, aapki anchali lenge। phir aapki seva mein bhavishya mein aayenge। achha।

baapdaada sabhi sevaakendron mein seva ke liye direction de rahe hain ki sitambar aur aktoobar yeh do maas bade-bade programme karo। jitna bhi aavaaz phaila sakte ho, sabhi konon mein aavaaz phailaao। koi bhi kona rah nahin jaaye। bade-bade programmes mein bhi lakshya rakho, aisi koi vidhi banaao jo sirf sunke nahin jaayen lekin banne ki shubh ichchha lekar jaayen। kuchh anubhav karke jaayen। vartamaan samay vaayumandal bhi chaaron or sahayogi hai isliye saphalta sahaj praapta hone ka samay hai। khoob aavaaz phailaao aur saath-saath jo chhote-chhote sthaan hain, jismen bade function karne ki himmat nahin hai, vahaan chhote-chhote groups ka chaahe 10-12 ho lekin yog shivir ke programme rakho। agar sthaan nahin hai to koi saath mein sthaan le sakte ho to lo, agar woh bhi nahin hai to ek din ka bhi shivir rakho। agar chhutti ka ek din bhi rakhte ho aur unhon ko anubhav achha hota hai to woh aapehi doosre Sunday ko bhi offer karenge। dekha jaata hai yog shivir student banaata hai। conference aur sneh milan,chhote-chhote sneh milan bhi sameep laate hain lekin bade programme prabhaavit karte hain। naam baala hota hai। advertise achhi ho jaati hai। to donon hi zaroori hain lekin chhote sthaan aur chhote centres ya to chhote-chhote sneh milan karo va yog shivir ka chhota sa programme rakho।

uske saath baapdaada har brahman ki sva-unnati ke prati jahaan-jahaan jab sahaj maas nikal sakta hai,mausam ke anusaar, prabandha ke anusaar ek maas sva-unnati,sarva khazaanon ko jama karne ke abhyaas ki bhatthi ho। ek maas sva- unnati ke liye bhi nikaalna zaroori hai। usmein kuchh naveenta nikaalo। jaise abhi bhatthiyaan hoti rahi hain, woh bhi achhi hain lekin kuchh usmein naveenta add karo। kuchh samay antarmukhta ka maun, man ka maun bhi ho। mukh ka maun to duniya bhi rakhti hai lekin yahaan vyartha sankalp se man ka maun hona chaahiye। jaise traffic control karte ho to vyartha ki traffic ko control karte ho vaise beechbi cha mein ek din man ke vyartha ka traffic control karo। gyaan ke manan ke saath shubh bhaavna, shubh kaamna ke sankalp, sakaash dene ka abhyaas, yeh man ke maun ka ya traffic control ka beech-beech mein din mukrar karo। agar kisko chhutti nahin bhi milti ho,ek din saptaah mein to chhutti milti hai, usi pramaan apne- apne sthaan ke programme fix karo। lekin ek maas vishesh ekaantavaasi aur khazaanon ke economy ka programme avashya rakho। eknaami aur economy। baaki baapdaada apne niyam pramaan November se aarambha karenge। dekha gaya ki rath ke dridh sankalp,himmat aur sambhaal se yeh varsha nirvighna samaapta hua hai aur ho jaayega। to abhi bhi bachchi ka umang hai, jab rath taiyaar hai to rathvaan ko aane mein kya hai। haan beech-beech mein rest ka dekhna। rath ko rest bhi dena,aisa nahin ki kaam mein jyaada laga do। achha hai rest ke time rest, seva ke samay seva।

amritvele jo mukhya planning buddhi hain unhon ko baapdaada kaarya ke nimitta banaata hai, unhon ko nai vidhiyaan seva ki touch hongi, sirf apni buddhi ko baap ke havaale karke baitho। buddhivaanon ki buddhi aapki buddhi ko touch karenge। yeh planning buddhi vaalon ko vardaan milna hi hai। nimitta bano। theek hai na paandav। dekho sab planning buddhi vaale baithe hain, teachers bhi, videshi bhi, bhaarat vaale bhi to kya ho jaayega? bahut-bahut achha hoga। baaki garmi aur barsaat mein chhote-chhote sneh milan kar sakte ho। shaantivan mein bhi, baapdaada ne pahle bhi kaha tha ki kaeeyon ke mitra sambandhi,sameep vaale yog shivir karne chaahte hain to unhon ko thoda sa haalon mein kam sankhya karke aur jo har haal mein kamre chhote-chhote banaaye hain, jahaan abhi teachers rehti hain vahaan agar koi aise vi.aai.pi. hain to un kamron mein bhi alag mein rakh sakte hain aur bahut bada haal hai to double kanaat ki partition bhi kar sakte hain kyonki abhi season tak to bana nahin sakte hain lekin peechhe kuchh prabandha kar bhi sakte hain। aur jo yahaan alag mein ek bahnon ka, ek bhaaeeyon ka bhavan banaaya hai, vahaan bhi agar brahman aatmaayen apne ko set kar saken, to vishesh vi.aai.pi. ko is varsha mein set kar sakte ho। aisa koi vi.aai.pi. special hai to। baaki brahman to apne ko adjust bhi kar sakte hain aur yog shivir ke group to saathi teachers hi le aati hain। baaki doosri season mein to vi.aai.pi. ke taiyaar ho hi jaayenge। jo zone apne zone ka riphreshar course shaantivan mein karna chaahte hain, usko shaantivan ka chance mil sakta hai। yahaan-vahaan sthaan dhoondhane ke bajaae chaahe sankhya kam bhi ho phir bhi jo sukh-saadhan yahaan hai woh baahar nahin mil sakta। to zone vaalon ko offer hai। apna group le aave aur refresh kar jaaye kyonki yahaan phir bhi daadiyaan to milengi। vahaan to daadiyaan jaaven nahin jaaven, yahaan yeh chance mil sakta hai। aur jo group offer kare, jaise youth hain ya pravritti vaale hain, agar4-6 zone milke group bana saken to bana sakte hain kyonki oopar to varga ki seva hogi lekin neeche chhote-chhote group ke bhi aise programme kar sakte ho। shaantivan ko busy rakho। jo chance lena chaahe woh le sakte hain। mitra-sambandhiyon ki seva dil se kar sakte hain। achha।

chaaron or ke parmaatma paalna, padhaai aur shreemat ke bhaagya ke adhikaari vishesh aatmaon ko,sada sochna aur swaroop banna donon samaan karne vaale baap samaan aatmaon ko,sada parmaatma will power dvaara svayan mein aur seva mein sahaj saphalta praapta karne vaale nimitta sevaadhaari bachchon ko, sada baap ko combined roop mein anubhav karne vaale, sada saath nibhaane vaale saathi bachchon ko baapdaada ka yaadapyaar aur namaste। achha –

sabhi theek rahe hue hain, koi takleeph hui hai?takleeph nahin hui na? khush hain? bachche khush hain? bahut khush hain, naach rahe hain bachche। kumaariyaan khush hain? kumaariyaan bhi mauj mein hain। teachers sabse khush hain aur paandav khushi mein ud rahe hain, bahut achha।

daadiyon se:- bachche kehte hain ji baba,to baap bhi kehte hain ji bachche। baap aur bachchon ka yahi to sneh ka dhaaga hai।

jagdeesh bhaai se -tabiyat achhi hai। abhi bahut kaam karna hai। abhi paandavon ko milkar koi naye plan banaane hain। naveenta ke nimitta banna hai। aadi se koi na koi kaarya ke liye nimitta bante aaye hain, sabhi ki visheshta hai isliye abhi bhi aur touching hoti rahegi। achha hai dilli mein bhi dhoom machaani hai। dilli ka sevaadhaari paandav pahla nimitta bane hue ho। dilli se naam baala hoga na। sabhi ke sakaash se dilli se naam baala to karna hi hai। koi aise plan banaao, baambe,dilli nai invenshansa nikaalo। madhuban mein to sevaayen draamaanusaar badhti hi jaati hain aur badhti jaani hain। yeh wings ka seva ka plan bhi achha chal raha hai aur chalta rahega। jo nimitta banta hai usko seva ki saphalta ka share mil jaata hai। isliye nimitta bante jaao aur sheyarsa jama karte jaao। achha hai jo bhi chaaron or nimitta bante hain unhon ko extra lift mil jaati hai। sva ka purooshaartha to hai lekin yeh gift mein lift milti hai। videsh vaalon ko bhi seva ki gift milti rehti hai। bhaarat vaale videsh ko bhi sakaash de rahe hain। to achha hai, achhe-achhe paandav bhi hain,achhi-achhi shaktiyaan bhi hain। sena bahut achhi sundar hai। baapdaada to har ek ki visheshta ki dil mein mahima karte rehte hain। aise hai na?