बुधवार 31 अक्टूबर 2007 की अव्यक्त मुरली

>

31-10-07 om shanti avyakt baapdaada madhuban

‘‘apne shreshtha svamaan ke phakhur mein rah asambhav ko sambhav karte bephikra baadshaah bano’’

aaj baapdaada apne chaaron or ke shreshtha svamaandhaari vishesh bachchon ko dekh rahe hain। har ek bachche ka svamaan itna vishesh hai jo vishwa mein koi bhi aatma ka nahin hai। aap sabhi vishwa ki aatmaon ke poorvaj bhi ho aur poojya bhi ho। saare srishti ke vriksha ki jad mein aap aadhaarmoorta ho। saare vishwa ke poorvaj pahli rachna ho। baapdaada har ek bachche ki visheshta ko dekh khush hote hain। chaahe chhota bachcha hai,chaahe bujurga maataayen hain,chaahe pravritti vaale hain। har ek ki alag-alag visheshtaayen hain। aajkal kitne bhi bade te bade saainsadaan hain, duniya ke hisaab se vishesh hain lekin prakritijeet to banen, chandramaan tak bhi pahunch gaye lekin itni chhoti si jyoti swaroop aatma ko nahin pahchaan sakte। aur yahaan chhota sa bachcha bhi main aatma hoon, jyoti bindu ko jaanta hai। phalak se kehta hai main aatma hoon। kitne bhi bade mahaatmaayen hain aur brahman maataayen hain,maataayen phalak se kehti hamne paramatma ko pa liya। pa liya hai na! aur mahaatmaayen kya kehte? paramatma ko paana bahut mushkil hai। pravritti vaale challenge karte hain ki ham sab pravritti mein rehte, saath rehte pavitra rehte hain kyonki hamaare beech mein baap hai। isliye donon saath rehte bhi sahaj pavitra rah sakte hain kyonki pavitrata hamaara svadharma hai। par dharma mushkil hota hai, sva dharma sahaj hota hai। aur log kya kehte? aag aur kapoos saath mein rah nahin sakte। bada mushkil hai aur aap sab kya kehte? bahut sahaj hai। aap sabka shuru shuru ka ek geet tha - kitne bhi seth, svaami hain lekin ek alpha ko nahin jaana hai। chhoti si bindi aatma ko nahin jaana lekin aap sabhi bachchon ne jaan liya, pa liya। itne nishchay aur phakhur se bolte ho, asambhav sambhav hai। baapdaada bhi har ek bachche ko vijayi ratna dekh harshit hote hain kyonki himmate bachche madde baap hai। isliye duniya liye jo asambhav baaten hain woh aapke liye sahaj aur sambhav ho gai hain। phakhur rehta hai ki ham paramatma ke direct bachche hain। is nashe ke kaaran,nishchay ke kaaran parmaatma bachche hone ke kaaran maaya se bhi bache hue ho। bachcha banna arthaat sahaj bach jaana। to bachche ho aur sab vighnon se, samasyaaon se bache hue ho।

to apne itne shreshtha svamaan ko jaante ho na! kyon sahaj hai? kyonki aap silence ki shakti dvaara, parivartan shakti ko kaarya mein lagaate ho। negative ko positive mein parivartan kar lete ho। maaya kitne bhi samasya ke roop mein aati hai lekin aap parivartan ki shakti se, silence ki shakti se samasya ko samaadhaan swaroop bana dete ho। kaaran ko nivaaran roop mein badal dete ho। hai na itni taakat, course bhi karaate ho na! negative ko positive karne ki vidhi sikhaate ho। yeh parivartan shakti baap dvaara varse mein mili hai। ek hi shakti nahin,sarvashaktiyaan parmaatma varsa mila hai,iseelie baapdaada har roj kehte hain,har roj murli sunte ho na! to har roj baapdaada yahi kehte- baap ko yaad karo aur varse ko yaad karo। baap ki yaad bhi sahaj kyon aati hai?jab varse ki praapti ko yaad karte to baap ki yaad praapti ke kaaran sahaj aa jaati hai। har ek bachche ko yeh roohaani phakhur rehta hai,dil mein geet gaate hain - paana tha vo pa liya। sabhi ke dil mein yeh svatah hi geet bajta hai na! phakhur hai na! jitna is phakhur mein rahenge to phakhur ki nishaani hai, bephikra honge। agar kisi bhi prakaar ka sankalp mein,bol mein ya sambandh-samparka mein phikar rehta hai to phakhur nahin hai। baapdaada ne bephikra baadshaah banaaya hai। bolo, bephikra baadshaah ho? hai, haath uthaao jo bephikar baadshaah hain?bephikar ki kabhi kabhi phikar aa jaata hai? achha hai। jab baap bephikra hai,to bachchon ko kya phikar hai। baapdaada ne to kah diya hai sab phikra va kisi bhi prakaar ka bojh hai to baapdaada ko de do। baap saagar hai na। to bojh saara sama jaayega। kabhi baapdaada bachchon ka ek geet sunke muskaraata hai। pata hai kaun sa geet?kya karen,kaise karen… kabhi kabhi to gaate ho। baapdaada to sunta rehta hai। lekin baapdaada sabhi bachchon ko yahi kehte hain he meethe bachche, laadle bachche saakshi-drishta ke sthiti ki seat par set ho jaao aur seat par set hoke khel dekho, bahut maja aayega, vaah! trikaaldarshi sthiti mein sthit ho jaao। seat se neeche aate isliye upset hote ho। set raho to upset nahin honge।

yeh teen cheezen bachchon ko pareshaan karti hain। kaun si teen cheezen? -chanchal man, bhatakti buddhi aur kya kehte hain?puraane sanskaar। baapdaada ko bachchon ki ek baat sunke hansi aati hai,pata hai kaun si baat hai? kehte hain baba kya karen, mere puraane sanskaar hain na! baapdaada muskaraata hai। jab kah hi rahe ho, mere sanskaar, to mera banaaya hai?to mere par to adhikaar hota hi hai। jab puraane sanskaar ko mera bana diya, to mera to jagah lega na। kya yeh brahman aatma kah sakti hai mere sanskaar? mera-mera kaha hai to mere ne apni jagah bana di hai। aap brahman mera nahin kah sakte। yeh past jeevan ke sanskaar hain। shoodra jeevan ke sanskaar hain। brahman jeevan ke nahin hai। to mera-mera kaha hai to woh bhi mere adhikaar se baith gaye hain। brahman jeevan ke shreshtha sanskaar jaante ho na! aur yeh sanskaar jinko aap puraane kehte ho, woh bhi puraane nahin hain, aap shreshtha aatmaon ka puraane te puraana sanskaar anaadi aur aadi sanskaar hai। yeh to dvaapar madhya ke sanskaar hain। to madhya ke sanskaar ko samaapta kar dena, baap ki madad se koi mushkil nahin hai। hota kya hai? ki samay par baap combined hai,use combined jaan,combined ka arth hi hai samay par sahayogi। lekin samay par sahayog na lene ke kaaran madhya ke sanskaar mahaan ban jaate hain।

baapdaada jaante hain ki sabhi bachche baap ke pyaar ke paatra hain,adhikaari hain। baba jaante hain ki pyaar ke kaaran hi sabhi pahunch gaye hain। chaahe videsh se aaye hain, chaahe desh se aaye hain, lekin sabhi parmaatma pyaar ki aakarshan se apne ghar mein pahunche hain। baapdaada bhi jaante hain pyaar mein majority paas hain। videsh se pyaar ke plen mein pahunch gaye ho। bolo, sabhi pyaar ki dor mein bandhe hue yahaan pahunch gaye ho na! yeh parmaatma pyaar dil ko aaraam dene vaala hai। achha - jo pahli baar yahaan pahuche hain woh haath uthaao। haath hilaao। bhale padhaare। abhi baapdaada ne hom work diya tha, yaad hai homework? yaad hai? baapdaada ke paas kai taraph se result aai hai। lekin abhi kya karna hai?sabhi ki result nahin aai hai। koi ki kitne percent mein bhi aai hai। baapdaada kya chaahte hain? baapdaada yahi chaahte hain ki sab poojyaneey aatmaaye hain। to poojyaneey aatmaon ka vishesh lakshan dua dena hi hai। to aap sabhi jaante ho ki aap sabhi poojyaneey aatmaayen hai,to yeh dua dena, dua dena arthaat dua lena understood ho jaata hai। jo dua deta hai,jisko dete hain uski dil se baar-baar dene vaale ke liye dua nikalti hai। to poojya aatmaayen aapka to niji sanskaar hai - dua dena। anaadi sanskaar hai dua dena। jab aapke jad chitra bhi dua de rahe hain to aap chaitanya poojya aatmaayen dua dena yeh to natural sanskaar hai। isko kaho mera sanskaar। madhya dvaapar ke sanskaar natural ho gaya hai। nature ho gaya hai। vaastav mein yeh sanskaar dua dene ka natural nature hai। jab kisi ko dua dete hain,to woh aatma kitni khush hoti hai, woh khushi ka vaayumandal kitna sukhdaai hota hai! to jinhonne bhi kiya hai un sabko, chaahe aaye hain, chaahe nahin aaye hain,lekin baapdaada ke saamne hain। to unhon ko baapdaada mubaarak de rahe hain। kiya hai aur apni natural nature banaate hue aage bhi karte, karaate rehna। aur jinhonne thoda bahut kiya bhi hai,nahin bhi kiya hai to woh sabhi apne ko sada main poojya aatma hoon, main baap ki shreemat par chalne vaali vishesh aatma hoon,is smriti ko baar-baar apni smriti aur swaroop mein laana kyonki har ek se jab poochhte hain ki aap kya banne vaale ho? to sab kehte hain ham lakshmi-naaraayan banne vaale hain। raam-seeta mein koi nahin haath uthaata। jab lakshya hai, 16 kala banne ka। to 16kala arthaat parampoojya, poojya aatma ka kartavya hi hai dua dena। yeh sanskaar chalte phirte sahaj aur sada ke liye banaao। ho hi poojya। ho hi 16 kala। lakshya to yahi hai na!

baapdaada khush hai ki jinhonne bhi kiya hai, unhonne apne mastak mein vijay ka tilak baap dvaara laga diya। saath mein seva ke samaachaar bhi baapdaada ke paas sabki taraph se, vargo ki taraph se, centres ki taraph se bahut achhi result sahit pahunch gaye hain। to ek homework karne ki mubaarak aur saath mein seva ki bhi mubaarak। padam-padamguna hai। baap ne dekha ki gaanv-gaanv mein sandesh dene ki seva bahut achhe tareeke se majority area mein ki hai, to yeh seva bhi merciful bankar seva ke umang-utsaah mein result bhi achhi dikhaai di hai। jinhonne bhi mehnat nahin,lekin baap se pyaar arthaat sandesh dene se pyaar, to pyaar ke muhabbat mein seva ki hai to baap ki bhi padam padamguna pyaar ka return sab sevaadhaariyon ko svatah hi praapta hai,hoga। saath mein sabhi ne apni pyaari daadi ko bahut sneh se yaad karte hue, daadi ko pyaar ka return de rahe hain, yeh pyaar ki khushbu baapdaada ke paas bahut achhi tarah se pahunch gai hai। aur abhi bhi jo bhi madhuban mein kaarya chal rahe hain, chaahe videshiyon ke,chaahe bhaarat ke woh sab kaarya bhi ek do ke sahayog,sammaan ke aadhaar se bahut achhe saphal hue hain aur aage bhi hone vaale kaarya saphal hue pade hain kyonki saphalta to aapke gale ka haar hai। baap ke gale ke bhi haar ho, baap ne yaad dilaaya tha ki kabhi bhi haar khaana nahin kyonki aap baap ke gale ke haar ho। to gale ka haar kabhi haar nahin kha sakta। to haar banna hai ya haar khaani hai? nahin na! haar banna achha hai na! to haar kabhi nahin khaana। haar khaane vaale to anek karodon aatmaayen hain,aap haar banke gale mein piroye gaye ho। aise hai na! to sankalp karo baap ke pyaar mein kitna bhi maaya toofaan saamne laaye lekin master sarvashaktivaan aatmaon ke aage toofaan bhi tohpha ban jaayega। aisa vardaan sada yaad karo। kitna bhi ooncha pahaad ho, pahaad badal ke rooi ban jaayega। abhi samay ki sameepta pramaan vardaanon ko har samay anubhav mein laao। anubhav ki authority bano। jab chaaho tab apne ashareeri banne ki, pharishta swaroop banne ki exercise karte raho। abhi-abhi brahman, abhi-abhi pharishta, abhi-abhi ashareeri, chalte phirte, kaamkaaj karte hue bhi ek minute, do minute nikaal abhyaas karo। check karo jo sankalp kiya,vahi swaroop anubhav kiya?achha।

chaaron or ke sada shreshtha svamaandhaari,sada svayan ko parampoojya aur poorvaj anubhav karne vaale,sada apne ko har subject mein anubhvi swaroop banaane vaale, sada baap ke diltakhta nasheen,bhrikuti ke takhtansheen, sada shreshtha sthiti ke anubhvon mein sthit rahne vaale, chaaron or ke sabhi bachchon ko yaadapyaar aur namaste।

sabhi taraph se sabhi ke patra, email,samaachaar sabhi baapdaada ke paas pahunch gaye hain, to seva ka phal aur bal, sabhi sevaadhaariyon ko praapta hai aur hota rahega। pyaar ke patra bhi bahut aate hain, parivartan ke patra bhi bahut aate hain। parivartan ki shakti vaalon ko baapdaada amar bhav ka vardaan de rahe hain। sevaadhaariyon ko jinhonne bahut shreemat ko follow kiya hai, aise follow karne vaale bachchon ko baapdaada sada pharmaanbardaar bachche vaah! yeh vardaan de rahe hain aur pyaar vaalon ko bahut-bahut pyaar se dil mein samaane vaale ati pyaare aur ati maaya ke vighnon se nyaare aisa vardaan de rahe hain। achha।

seva ka tarna karnaatak zone ka hai:- sabhi ke haath mein jhande jhandiyaan hain,sabhi jhandiyon to bahut achhi hila rahe hain,achha hai। karnaatak vaalo ne programme bhi bahut achha svaarnim karnaatak aisa kiya hai na। to yeh programme bhi baapdaada ne bhinna-bhinna sthaanon ka dekha bhi hai,suna bhi hai aur majority ne achhe umang-utsaah se gaanv-gaanv mein baapdaada ka sandesh pahunchaaya hai। iseelie baapdaada karnaatak ke sevaadhaariyon ko bahut-bahut seva ki aur shreemat ke paalan karne ki mubaarak de rahe hain। mubaarak ho, mubaarak ho। achha hai,seva ka jo chance liya hai woh bhi sabhi santushta hai aur santushta kiya hai, isse apne jama ka khaata bahut achha jama kiya hai। karnaatak ki sankhya bhi kam nahin hai, sankhya achhi hai aur jaise abhi sangathit roop mein milkar nirvighna seva ka record dikhaaya hai, aise hi aage bhi karnaatak sangathit roop mein bahut kuchh kamaal kar sakte hain। baapdaada ke paas naksha hai, kamaal kar sakte hain। isliye sangathit roop ka jalva dikhaana। abhi achha kiya hai। saara parivaar karnaatak par khush hai। achha - baapdaada ne karnaatak vaalon ko kaam diya tha, yaad hai। kya diya tha! vaaris quality nikaale ke liye,yaad hai?seva mein to number liya achha,abhi itne vaaris nikaalo jo number one aa jaao। jo nimitta hain woh to hain,naye naye nikaalo। to baapdaada sabhi bachchon ko dekh khush hai। aap bhi khush hai, baap bhi khush hai। jitna aap baap ko dekhkar khush hote hain, usse jyaada bachchon ko dekh baap khush hote hain। (karnaatak ne shuru se achhe achhe vaaris nikaale hain) abhi aur bhi nikaalenge। hdaypushpa ko return to denge na। advance party mein woh bhi vatan mein emerge hoti hai na to sab samaachaar sunte hain। usne achhe achhe vaaris nikaale hain। lekin number one vaaris nikaalne mein abhi number one। pahle ke to hain hi, hai na himmat। teachers himmat hai? haath uthaao,himmat hai?sabhi mein himmat hai, bahut himmat hai। to baap ki bhi bahut-bahut madad hai। achha hai। seva bhi achhi ki hai,first tarna mila hai। first tarna mein sab baat mein fast,teevra purooshaartha। achha - sabne bahut dil se seva ki na। thakaavat to nahin hui? thake nahin na! athak banke seva ki। achha।

double videshi, 60deshon se 600aaye hain:-abhi baapdaada ne dekha hai ki videsh mein bhi seva ka umang achha badh raha hai। pahle kehte the videsh mein student banna bada mushkil hai aur abhi kya hai?abhi mushkil hai ya sahaj hai?sahaj hai? aur baapdaada ko bahut achha laga ki aapas mein milkar nirvighna banaane ka plan banaaya hai aur nirvighna banaane ka plan bahut vidhi poorvak nirvighna banaaya hai। iski bahut-bahut mubaarak ho, padamguna mubaarak ho। jo bhi programme kiye hain woh bahut saphal rahe hain। to sada saphalta ki mubaarak hai aur sada mubaarak paatra rahenge। baapdaada ko seva ka pratyaksha phal dekh karke bhi khushi hai। yeh kaal aaph time ke aaye hain na! haath uthaao jo kaal aaph time mein aaye hain। achha। bahut achha kiya। bahut chatur hain। pahle hi aa gaye hain। achha kiya, baap ko bhi bahut pyaare ho। aur aapka bhi baap se pyaar hai iseelie pahunch gaye ho। to sabhi brahman parivaar ki taraph se, baap ki taraph se bhi aap ek ek ko padamguna mubaarak hai, mubaarak hai,mubaarak hai। achha hai yeh sabhi bahut achhe foreign seva ke liye mike aur bachche donon part bajaayenge। bachchon ka bhi part bajaayenge aur mike aur light banke seva mein aur vriddhi ko praapta karaayenge। to sabhi braahmanon ki taraph se, baap ki taraph se aap sabko mubaarak ho। achha hai। is eeshvareey knowledge ki propaganda ab videsh mein bhi nimitta banke kar rahe ho। abhi vahaan bhi aavaaj phail raha hai, achhi tarah se phail raha hai aur draamaanusaar aap sabki aur baap ki pyaari daadi ke nimitta bhi chaaron or brahman parivaar ka baap ka naam achha pratyaksha ho gaya hai। daadi ne naam pratyaksha kiya, naam aur kaam do cheez hoti hain to daadi ne naam bahut achha phailaaya, abhi un aatmaon ko apna banaana yeh kaam aapka hai।

baapdaada ne dekha ki jaise abhi har saal vriddhi karke baap ke saamne la rahe ho,aise aage bhi jyaada se jyaada vriddhi karte rahenge। baap aur apni pratyakshata karte rahenge। achha group hai। sabhi nishchaybuddhi aur eeshvareey nashe mein rahne vaale, udne vaale hain। chalne vaale nahin banna, udne vaale। chalne vaale samay par nahin pahunch sakenge, udne vaale banna। double light। baaki baapdaada khush hai। jo kiya woh saphal ho gaya। to aap sab kaun hue?saphalta ke sitaare। achha hai। bahut achha।

politician, mahila aur security teen wing aai hain:- dekhon kitne umang-utsaah se sabhi wing seva kar rahe hain। teenon ki result achhi hai। government mein bhi aavaaj achha phail raha hai। to seva ki hai tabhi aavaaj phail raha hai। to aapke varga ne achhe plan banaake baap ki pratyakshata ka jhanda achha phaila rahe hain। pahle to koi mushkil se aata tha aur abhi khud kehte hain ham bhi aane chaahte hain। pharka ho gaya na। abhi khud hi kehte hain ki aapke yahaan kaarya bahut achha saphal hota hai। to abhi aankh khulne shuru ho gai hai। dheere-dheere aankh khul jaayegi। vaise sabhi varga apne apne varga mein seva achhi kar rahe hain। mahila varga bhi kar raha hai,security varga bhi kar raha hai, politician bhi kar raha hai। lekin baapdaada ne dekha hai ki dinapratidin vargo ke pramaan seva karne ka umang achha badh raha hai। logon ko rokna padta hai,nahin aao। pahle aane ke liye mehnat karni padti thi abhi sankhya se jyaada aa jaate hain। quantity aur quality donon hi aa rahe hain। lekin quality bhi aane shuru ho gai hai iseelie teenon hi vargo ke sevaadhaariyon ko baapdaada ki taraph se aur brahman parivaar ki taraph se mubaarak ho,mubaarak ho,mubaarak ho। aur aapki daadi ne to sabhi vargo mein seva ki vriddhi ka kalam laga diya hai। daadi bhi aap sabhi ko bahut yaad deti hai। uska bhi man sangam par hai aur tan advance party ki taraph hai। achha hai। training ki teachers aur Indore,

nadiyaad hostel ki kumaariyaan:-(baba hi hamaara sansaar hai yeh banner dikha rahe hain) achha hai slogan to bahut achha likha hai, aisa hi roj amritvele yeh slogan yaad karna, sabhi kumaariyaan chaahe Indore ki hain, chaahe madhuban ki training ki hai chaahe nadiyaad ki hain lekin sabhi kumaariyaan amritvele se yeh slogan yaad karna hai kyonki baba hi hamaara sansaar hai। to saari aakarshan,saara dil ka pyaar kahaan jaayega? baba mein। naynon mein sada kaun dikhaai dega?baba। mukh mein sada kya niklega? baba। aur chehre mein sada baap ka nasha dikhaai dega। sambandh-samparka mein sada hi baap se sarva sambandh jute rahenge। to kya ho jaayenge? no problem। daadi ke do akshar yaad hai। daadi baar baar kehti hai nirvighna aur nirvikalp। to daadi se pyaar hai na,sabhi kumaariyon ka pyaar hai daadi se। bahut pyaar hai। to jo pyaara hota hai na, unke bol, unke shabd sada kaanon mein goonjate rehte hain। to sada yeh buddhi mein kaanon mein aavaaj aata rahe nirvighna aur nirvikalp banna hi hai। banengi na। banengi, banengi,zaroor banengi। kyonki baapdaada ka kumaariyon ke taraph bahut attention hai aur kumaariyaan lucky bhi hain। bhaai, paandav sena jo hain na, woh hansati hai, kehte hain kumaariyaan to jaldi daadi ban jaati hain। aur paandav ko daada nahin kehte hain। bhaai kehte hain। to dekho aapka luck kitna badhiya hai। aate hi luck praapta ho jaata hai। baapdaada ka,guru ka takhta mil jaata hai। yeh murli ka takhta guru ka takhta hai। iseelie baapdaada teachers ko guroobhaai kehta hai। to yaad rakhna guroobhaai hain। guru ka takhta mila hai। achha hai। yeh training ki jo vidhi rakhi hai usse achhi result niklegi। lekin aap sabhi aapehi apna chart madhuban mein bhejte rehna। sirf O.ke. likhna jyaada nahin likhna। agar aur koi kaaran ho ya kuchh na kuchh kamzori ho to O.ke. ke beech mein line laga dena। baaki jyaada nahin patra likhna,bas। achha hai। teachers bhi achhi mehnat kar rahi hain। baapdaada to dekhte hain ki kisi bhi department ke liye mehnat nahin kar rahe hain, abhi yeh nahin hai,mehnat sab kar rahe hain। chaahe sthool seva vaale bhi mehnat bahut kar rahe hain। abhi ek baat chaahiye sunaaye kya?ek baat jaise seva mein, kaarya mein har department,har varga,har centre,har zone, seva badha raha hai। lekin abhi aavashyakta hai - ekta aur economy ki। yeh do cheezen,sammaan dena aur sammaan lena। to ekta,har ek ke sahayog ki anguli hai hi hai। chaahe mahaarthi hain, chaahe thoda kam purooshaarthi hain, lekin har ek ka sahayog to hai। agar karmana karne vaale ka sahayog nahin milta to aap seva kaise karte,time par kaise nikalte,time par kaise seva karte। theek hai na। har ek vishesh hai। sammaan ke adhikaari hain iseelie harek chhote bade ko sammaan do aur sammaan lo। do akshar yaad rakhna - ekta aur economy। baaki sab achha hai। (training karaane vaali teachers) bahut achha, umang ulhaas mein laaya, iski mubaarak ho। achha। baapdaada to ek-ek ko dekhkar,ek-ek ki visheshta ko dekhkar bahut khush hote hain।

karnaatak ki maataaon se:-maataayen theek hain? maataayen haath uthaao। bahut hain। karnaatak ki maataayen utho। achha hai, maataaon ki sankhya to achhi hai। abhi karnaatak ki maataayen kya kamaal dikhaayengi?koi nai kamaal dikhaana। seva to karti ho lekin abhi koi nai maataayen apni chalan dikhaana aur baapdaada ka vardaan hai maataaon ko, ki jahaan centre par maataayen jyaada hoti hain, centre par seva karti hain, vahaan bhandaara aur bhandaari donon bahut bharpoor rehti hain। chaahe kamaati nahin hain lekin dil badi hai। to maataaon ki mahima baapdaada bhi karte hain, aadi se shurooaat se,jab sevaakendra khule to jahaan maataayen rahi hain vahaan kabhi bhi na bhandaara khaali raha hai,na bhandaari khaali rahi hai। iseelie maataayen paalan karne vaali hai na! to nai nai aatmaon ki paalna bahut achhi hoti hai। achha।

karnaatak ke paandav:-achha, har centre par paandavon ki bhi aavashyakta hai kyonki paandav all-round seva mein madadgaar bante hain। chaahe hard worker mein chaahe baahar andar sandesh phailaane mein paandav achhe madadgaar bante hain aur paandav centre ko chalaane aur aage badhaane ke liye bhi nimitta bante hain। paandav bhi kam nahin hain। iseelie aapko yaad hai, paandav aur shaktiyaan donon ki aavashyakta hai iska chaturbhuj roop dikhaaya gaya hai। chaturbhuj roop mein ek nahin hai, donon saath hain। maataayen paandavon se aage hain, aur paandav maataaon se aage hain। to achha hai karnaatak mein paandavon ki bhi kami nahin hain, maataaon ki bhi kami nahin hain aur achhe-achhe jaise janak bachchi ne kaha na, to karnaatak mein bahut vaaris pahle-pahle nikle hain, yeh right hai। abhi unhon ko aise vaaris taiyaar karne hain, theek hai na। umang hai na। to doosre varsha result to bataayenge na,kitne vaaris nikle। result bataana phir baapdaada bulaayega। pahle result dekhega। varga vaale bhi pahle list nikaalo,foreign vaale bhi aise, naye naye vaaris nikaalo, uski list agle varsha mein le aana phir baapdaada bulaayega।

theek hai, teachers। teachers sabhi utho:-teachers bhi kam nahin hain। baapdaada to sabhi teachers ko guroobhaai dekhte hain। guroobhaai ka arth hai baap samaan। to teachers ko vishesh har karma baap samaan karna hi hai। karenge nahin, karna hi hai kyonki teachers baap ki taraph se student ke aage ek nimitta saakaar roop mein baap samaan hain। teacher ka har karma student ke aage baap samaan dikhaai de। sabke mukh se nikle yeh to baap ko follow kar baap samaan bane hue hain। to aisa lakshya hai na। yahi lakshya hai na। kaandh hilaao। teacher nimitta hain। to nimitta ke oopar jimmevaari bhi hai na। to kar rahi ho। lekin

aur bhi aage karna hai। lakshya bahut achha hai। aur baap to yahi har teacher mein shubh bhaavna rakhte hain ki baap samaan banna hi hai। aur kya karengi? aur koi raasta hai kya, samaan baap ke banne ke aur koi raasta nahin hai iseelie dekho inhonne yeh slogan banaaya hai, baap hi sansaar hai। achha banaaya hai। lekin kapde par nahin rah jaaye, dil mein rah jaae। achhi hain teachers। sangathan to bahut badhiya hai। abhi kamaal karengi। jaise abhi kamaal karke dikhaai na। svaarnim kanaartak ka achha jalva dikhaaya achha,aise aage bhi kamaal dikhaayengi। baap ki shubh bhaavna hai। theek hai। achha। abhi sabke dil mein kya umang aa raha hai? ek hi umang baap samaan banna hi hai। hai yeh umang? paandav,haath uthaao। banna hi hai। banenge, ge ge nahin karna। dekhenge, banenge,ge ge nahin karna… lekin banna hi hai। pakka। pakka?achha। har ek apna O.ke. ka card apne teacher ke paas chart ke roop mein dete rehna। jyaada nahin likho, bas ek card le lo usmein O.ke. likho ya line daalo bas। yeh to kar sakte ho na। lamba patra nahin। achha।

daadiyon se:- (jaanki daadi ne baapdaada ko gale lagaaya) sabhi aapas mein haath milaao। bahut achha। (pardaadi kalkatta ja rahi hai)kalkatte mein chakkar lagaane ja rahi hai। chakkar lagaane jaana chaahiye। aap sabhi bhi sabhi ko himmat,umang utsaah dilaane ke nimitta ban yahi seva karte rehte ho na! kyonki aaj himmat aur umang utsaah sada kaayam rahe,isi ki aavashyakta hai। to sabhi ko jo bhi saamne aaye,usko himmat umang utsaah second ki drishti se bhi praapta ho। kyonki aap sabhi master daata ho। jo bhi aave, kuchh le jaave। chaahe sneh le jaaye,chaahe sahayog le jaaye। chaahe himmat le jaaye। chaahe umang le jaaye, kuchh na kuchh le jaave kyonki daata ke bachche hain। vaise to sabhi ka kaam yeh hai,kabhi bhi kisse milte ho, koi milne aata hai,khaali haath nahin jaaye। chalo drishti ka sneh le jaaye,time nahin hai, baat karne ki aavashyakta bhi nahin rehti hai,lekin jo aaya woh gaya kaise? kuchh le gaya। second ki drishti se bhi bahut kuchh le sakte hain। drishti ki roohaaniyat va drishti se dil ka sneh to second mein bhi le sakte hain। abhi braahmanon ka aapas mein milna yeh hona chaahiye। tabhi aapka vaayumandal vishwa mein sneh, sahayog,himmat phailaayega। sabhi brahman jo apne ko brahmaakumaar kumaari samajhte hain, unko aise hi seva mein busy rehna hai। aise nahin time nahin mila, second to mila na। minute bhi mila na। gaaya hua hai nazar se nihaal। to aise sangathan mein lahar phailaao phir time dene ki aavashyakta hi nahin rahegi। achha।

double videshi teachers bahnon se:-aap sabne aapas mein milkar achha part bajaaya। sab programme achhe te achhe rahe। aise hi sada ek do ko sammaan dete hue,sahayog dete hue kaarya ko saphal kar sakte ho। saphalta ka to vardaan hai hi। nimitta banne vaalon ko to vishesh baapdaada ki taraph se extra sahayog milta hai। to har ek ne apna-apna achha part bajaaya। baapdaada khush hai। apna kaarya poora kiya to abhi raho ya jaao aapke oopar hai। jiski duty hogi woh to rookegi। baaki achhi himmat ki aur draamaanusaar aap log hi nimitta bane hue ho kyonki controlling power hai aapmen,chala sakti ho। achha hai,baapdaada khush hai।