शनिवार 30 जनवरी 2010 की अव्यक्त मुरली

30-01-10 om shanti avyakt baapdaada madhuban

‘‘chaaron hi subject mein svamaan ke anubhvi swaroop ban anubhav ki authority ko kaarya mein lagaao’’

aaj brahman sansaar ke rachayita baapdaada apne chaaron or ke brahman sansaar ko dekh rahe hain। har ek brahman saare sansaar mein vishesh aatma hai। koton mein koi hai kyonki saadhaaran tan mein aaye hue baap ko pahchaan liya। baapdaada bhi dil mein samaane vaale bachchon ko dil se dil ka pyaar de rahe hain। har ek bachcha apne ko aise baap ka pyaara dil mein baap ko samaaya hua anubhav karte hain! baap ke liye har bachcha ati pyaara sarva ka pyaara hai। aap sabhi bachchon ka sarva aatmaon ke prati challenge hai ki ham yogi jeevan vaale hain। sirf yog lagaane vaale nahin lekin yogi jeevan vaale hain। jeevan do chaar ghante ki nahin hoti। jeevan sadaakaal ke liye hoti hai। to chalte phirte karma karte yogi jeevan vaale nirantar yogi hain। chaahe yog mein baithte, chaahe koi bhi karma karte karmayogi hain। jeevan ka lakshya hi hai sada yogi। aise apni yogi jeevan, natural jeevan anubhav karte ho? baapdaada har bachche ke mastak mein chamakta hua bhaagya dekhte hain। kya dekhte hain? mera har bachcha svamaandhaari, svaraajya adhikaari hai। kyon? jahaan svamaan hai vahaan dehbhaan aa nahin sakta। aadi se ant tak, ab tak baapdaada ne har ek bachche ko bhinna-bhinna svamaan diye hain। agar abhi bhi svamaanon ko yaad karo aur ek-ek svamaan ki maala pherte jaao to anek svamaan swaroop ban, svamaan mein lavleen ho jaayenge। lekin baapdaada ko ek baat bachchon ki ab tak bhi achhi nahin lagti, woh jaante ho kaun si? jab koi bhi bachcha kehta hai ki humein svamaan mein sthit hone mein kabhi-kabhi mehnat lagti hai, chaahte hain lekin kabhi-kabhi mehnat lagti hai to baap sarvashaktivaan bachchon ki mehnat nahin dekh sakte। kyonki jahaan mohabbat hoti hai vahaan mehnat nahin hoti hai। jahaan mehnat hai vahaan mohabbat mein kami hai।

to aaj amritvele baapdaada ne chaaron or ke braahmanon ke paas chaahe desh chaahe videsh mein chakkar lagaaya to kya dekha? koi-koi bachche svamaan mein baithe hain, soch rahe hain ki main baapdaada ke diltakhta nasheen hoon, soch bhi rahe hain, svamaan mein sthit hone ka purooshaartha bhi kar rahe hain lekin kami kya dekhi? svamaan yaad hai, soch rahe hain, lekin svamaan swaroop ban, anubhvi moorta ban anubhav ke authority swaroop banne mein kami dikhaai di kyonki authority to bahut hai lekin sabse badi authority anubhav ki authority hai aur yeh svamaan ki anubhooti almighty authority ne di hai। to mehnat kar raha hai lekin anubhav swaroop nahin bana। to baapdaada ne yeh dekha ki baithte hain, sochte bhi hain lekin anubhav swaroop koi-koi hain। anubhav mein kisi bhi prakaar ka deh abhimaan jara bhi apne taraph kheench nahin sakta। to anubhav swaroop ban jaana, karma karte bhi karmayogi ke anubhav swaroop mein kho jaana, iski abhi aur aavashyakta hai। swaroop mein ban jaana। har baat mein, har subject mein anubhvi swaroop banna, chaahe gyaan, yog, dhaarna aur seva, chaar hi subject mein anubhav swaroop banna। anubhvi ko maaya bhi hila nahin sakti isliye baapdaada aaj sabhi bachchon ko anubhvi swaroop mein dekhne chaahte hain। sunne aur sochne mein pharka hai lekin anubhvi swaroop banna, jo socha, jis svamaan mein sthit rahne chaahe uske anubhav swaroop mein sthit ho jaae। anubhav ko koi bhi hila nahin sakta kyonki svamaan aur dehbhaan, jahaan svamaan swaroop hai, svamaan ke anubhav mein sthit hai vahaan deh bhaan aa nahin sakta। jaise dekho andhakaar hai lekin switch aap on karo roshni ka to andhakaar automatically gaayab ho jaata। andhakaar ko mitaane mein, andhakaar ko bhagaane mein mehnat nahin karni padti। aise hi jab svamaan ke seat par anubhav ka switch on hota to kisi bhi prakaar ka dehbhaan, bhinna-bhinna prakaar ke deh bhaan bhi hain aur bhinna-bhinna prakaar ke baap ne svamaan bhi diye hain। svamaan ko jaante hain, purooshaartha bhi karte hain lekin anubhav ka purooshaartha karna aur anubhvi swaroop banna usmein antar hai isliye mehnat karni padti hai। to baapdaada ko ab samay pramaan baap samaan banne ka lakshya sampanna karne samay yeh mehnat karna achha nahin lagta, har ek apne ko check karo ki main karmayogi jeevan vaala hoon? jeevan natural aur sadaakaal ki hoti hai, kabhi-kabhi ki nahin। aisa anubhvi swaroop banaao jo lakshya hai yogi jeevan ka, jo lakshya hai anubhvi moorta banne ka woh lakshya sampanna hai? sada mastak se chamakti hui light khud ko bhi anubhav ho, khud bhi us swaroop mein sthit ho, smriti swaroop ho, smriti karne vaala nahin smriti swaroop ho aur smriti swaroop hai ya nahin, unka pramaan yeh hai ki jahaan smriti ke anubhvi swaroop hain vahaan apne mein samarthi har kaarya karte hue bhi anubhav hogi। kaarya bhinna-bhinna honge lekin anubhav swaroop ki sthiti bhinna-bhinna nahin ho।

to aaj baapdaada ne dekha ki mehnat kyon karni padti? anubhav swaroop banne ka nambarvaar purooshaartha anusaar dekha। to baapdaada ka har ek bachche se jigri pyaar hai to pyaar vaale ki mehnat dekhi nahin jaati। chaahe kisi bhi subject mein mehnat karni padti hai, kabhi-kabhi shabd use karna padta hai, iska kaaran hai anubhvi swaroop banne ki kami। purooshaarthi hai lekin swaroop nahin bane hain। ek second mein chaar hi subject mein apne svamaan ke anubhvi swaroop ki anubhooti honi chaahiye। jo deh abhimaan najdeek aa nahin sake। jaise roshni ke aage andhakaar thahar nahin sakta। nikaalna nahin padta, natural jahaan andhakaar hai vahaan roshni kam hai ya nahin hai। to sabse bade mein badi authority anubhav gaaya hua hai। anubhav ko hajaaron log badalne chaahe, badal nahin sakte। jaise aap sabne cheeni ka anubhav karke dekha hai ki woh meethi hoti hai, agar hajaaron log aapko badalne chaahe, badal sakte ho? to jo bhi subject hain, chaahe gyaan ki, chaahe yogi ki, chaahe dhaarna ki, chaahe seva ki, kisi mein bhi chaar mein se ek mein bhi mehnat lagti hai, mitaane ki, seva mein bhi saphalta, dhaarna mein bhi svabhaav parivartan ki, yog mein bhi achal rahne ki, yogi jeevan ki anubhooti karne ki, jahaan mehnat hai ya kabhi-kabhi kehte ho, iska arth hai us subject mein aap anubhveemoorta nahin bane ho। anubhav kabhi-kabhi nahin hota, natural nature hoti hai। to abhi suna mehnat karne ka kaaran kya? jis bhi samay aapko anubhav hoga ki jab anubhav ki seat par set hote ho, kisi bhi vardaan ke swaroop mein anubhvi ban anubhav karte ho to us samay mehnat karni hoti hai? natural anubhooti hoti hai। isliye abhi samay pramaan sab achaanak hona hai। bataake nahin hona hai। jaise abhi prakriti ka achaanak baaton ka khel chal raha hai, aarambha hua hai abhi। nai-nai baaten achaanak earthquake hua, thode samay mein laakhon aatmaayen chali gai, kya unhon ko pata tha ki kal ham honge ya nahin? aise kai accident, bhinna-bhinna sthaan par achaanak hona aarambha ho gaya hai। ikatthe ke ikatthe ek samay anekon ki ticket kat rahi hai to aise samay mein aap ever ready hain? yeh to nahin kahenge ki purooshaartha kar raha hoon? ever ready arthaat koi bhi vardaan ya svamaan ka sankalp kiya aur swaroop bana isliye baapdaada aaj is baat par attention dila rahe hain ki kisi bhi vardaan ko phaleebhoot kar vardaan ya svamaan ke swaroop ke anubhvi ban sakte ho? banna hi padega। koshish kar raha hoon, agar koshish bhi karni hai to abhi se kyonki bahut samay ka abhyaas samay par madad dega। purooshaarthi nahin, anubhvi kyonki anubhav ki authority aap sabko almighty authority ne di hai। jaise deh bhaan ke anubhvi hai, to dehbhaan ko yaad karna padta hai kya ki main phalaana hoon! maanon aapka naam deh par pada, to dehbhaan ho gaya na, main phalaana hoon, agar hajaaron log bhi aapko kahe ki aap phalaana nahin ho, aap yeh ho, naam badli karke kahe to aap maanenge?bhoolenge apna naam! janma lete jo naam pada woh dehbhaan kitna pakka aur natural rehta hai। koi aur ko bhi aapke naam se bulaayenge, aapko nahin bulaana hai, lekin aapke naamdhaari ko bula rahe hain, aapka kaan naam sunte attention jaayega mujhe bula raha hai। to dehbhaan itna pakka ho gaya hai। aise dehi abhimaani, svamaandhaari, svaraajya adhikaari itna pakka ho। aap kehte ho na, hamaara jeevan parivartan hai to parivartan kya kiya? deh bhaan se svamaan, svaraajya adhikaari banen। to check karo gyaan swaroop bana hoon? ya gyaan sunne aur sunaane vaala bana hoon? gyaan arthaat knowledge, knowledge ka practical roop hai, knowledge ko kehte hain, knowledge is light, knowledge is might, to gyaan swaroop banna arthaat jo bhi karma karenge woh light aur might vaala hoga। yathaartha hoga। isko kaha jaata hai gyaan swaroop banna। gyaan sunaane vaala nahin, gyaan swaroop banna। yog swaroop ka arth hai karmendriyon jeet banna। har karmendriy par svaraajyadhaari। isko kaha jaata hai yog arthaat yuktiyukta jeevan। aise agar gyaan yog ka swaroop hai to har gun ki dhaarna automatically hogi। jahaan gyaan, yog hai, yogayukta hai vahaan gunon ki dhaarna automatically hogi। seva har samay automatic hogi। samay anusaar chaahe mansa seva kare, chaahe vaacha kare, chaahe karmana kare, chaahe sneh sambandh mein kare, seva bhi har samay akhanda chalti rahegi। sambandh samparka mein bhi seva hoti hai। maano koi aapke bhaai ya behen brahman parivaar mein thoda-sa maayoos hai, thoda purooshaartha mein dull hai, koi sanskaar ke vash hai, aise samparka vaali aatma ko aapne umang-utsaah dilaaya, sahayog diya, sneh diya, yeh bhi seva ka punya aapka jama hota hai। gire hue ko uthaana yeh punya gaaya jaata hai। to sambandh aur samparka mein bhi seva karna yeh sachche sevaadhaari ka kartavya hai। seva mile ya seva di jaae to seva hai, woh nahin। svayan mansa, vaacha, karmana, samparka sambandh mein seva automatically hoti rahe। kai baar baapdaada ne dekha ki samparka mein koi-koi bachcha dekhta bhi hai ki inka svabhaav sanskaar thoda jo hona chaahiye woh nahin hai, lekin yeh to hai hi aisa, yeh badalna nahin hai, iski seva karna time vesta hai, aisa sankalp karna kya yathaartha hai? jab aap maante ho ki ham prakriti ko bhi satopradhaan banaane vaale hain, prakriti ko aur woh manushyaatma hai, brahman kahlaata hai lekin sanskaar vash hai, jab prakriti ka sanskaar badalne ki challenge ki hai to woh to prakriti se puroosh hai, aatma hai। aapke sambandh mein hai। to sachcha sevaadhaari apne seva ka punya kamaane ka shubh bhaavna avashya rakhega। yeh to hai hi aisa, yeh badal hi nahin sakta, yeh shubh bhaavna nahin, yeh sookshm ghrina bhaavna hai, phir bhi apna bhaai behen hai, phir bhi mera baba to kehta hai na! to sachche sevaadhaari seva ke bina shubh bhaavna dena is seva mein bhi punya kamaayenge। gire hue ko giraana nahin, uthaana। sahayog dena, isko kahenge sachche sevaadhaari, punya aatma। to aise apne ko check karo itna seva ka umang-utsaah hai? isko kaha jaata hai anubhav ke authority vaala। to abhi baapdaada yahi chaahta hai, anubhvi moorta bano, anubhav ki authority ko kaarya mein lagaao।

to chaar hi subject mein jo apne ko anubhvi swaroop ban anubhav ke authority ko kaarya mein lagaayenge, jo kami ho usko sampanna karenge, itna attention denge apne par woh haath uthaao। man ka haath utha rahe ho na! shareer ka haath nahin, man ka haath। uthaao। man ka haath uthaana kyonki baapdaada shivraatri par result lenge। man mein koi ka bhi kami ka sanskaar apni shubh bhaavna ko kam nahin kare। uska sanskaar to dheela hai lekin woh itna to powerful hai jo aapki shubh bhaavna ko kam kar leta hai isliye jaise brahma baap ne kya nahin dekha, kya nahin kiya, jimmevaar hote phir bhi ant mein shubh bhaavna, shubh kaamna ke teen shabd sabhi ko shiksha deke gaye। yaad hai na! teen shabd yaad hain na! svayan bhi niraakaari, nirhankaari, nirvikaari isi sthiti mein avyakt banen, kisi ko bhi karmabhog ki feeling nahin dilaai, kisne samjha ki karmabhog samaapta ho raha hai!kya ho gaya? avyakt ho gaya। aise brahma baap samaan pharishta bhav ka vardaan jo baap ne karke dikhaaya, follow brahma baap। brahma baap se pyaar raha, abhi bhi chaahe saakaar mein nahin dekha lekin avyakt baap ke roop mein bhi sneh sabka hai। baapdaada donon se sneh mein dekha gaya hai ki sneh ki subject mein majority paas hain। sneh hi chala raha hai। chaahe dhaarna nahin bhi ho, koi bhi subject mein kami ho, lekin sneh ki subject mein majority sabhi paas hain। sneh chala raha hai। aap sabhi kyon aaye hain?kis vimaan mein aaye ho? sneh ke vimaan mein pahunche ho। aur baapdaada ka bhi last bachche se bhi pyaar hai। kaisa bhi hai lekin pyaar mein paas hai kyonki baap ka har bachche ke prati dil ka pyaar hai। chaahe kaisa bhi hai lekin mera hai। jaise aap kehte ho mera baba, to baap kya kehte hain? mere bachche hain। aisi shubh bhaavna aapas mein parivaar ki bhi hona aavashyak hai। svabhaav nahin dekho, baap jaante hain, bhaav svabhaav hai, lekin bhaav svabhaav, pyaar ko khatma nahin kare, sambandh ko khatma nahin kare, kaarya ko saphal kam kare yeh right nahin। parivaar hai। kaun sa parivaar hai? prabhu parivaar, parmaatma parivaar। ismen koi bhi kaaran se pyaar ki kami nahin honi chaahiye। aise hai? hai pyaar ki kami? pyaar arthaat shubh bhaavna zaroor ho। kaisa bhi hai, parmaatma parivaar hai। jisne maana ki main prabhu parivaar ka hoon, to parivaar arthaat pyaar। agar parivaar mein pyaar nahin to parivaar nahin। isliye aaj kya paath padha? pakka kiya? har aatma se shubh bhaavna, shubh bhaav। yeh parmaatma parivaar ek se ek samay hi hota hai, itna bada parivaar paramatma ke sivaae aur kiska ho hi nahin sakta। to check karna kyonki yeh bhi purooshaartha mein vighna padta hai। to vighna mukta honge tabhi anubhvi ban anubhav ke authority dvaara sabhi ko anubhvi banaayenge। achha।

aaj jo pahli baar aaye hain woh uthke khade ho। haath hilaao। baapdaada pahle baari aane vaalon ko vishesh mubaarak de rahe hain kyonki toolate ke bajaae let mein bhi aa to gaye। aur baapdaada sabhi aane vaalon ko yeh khushkhabri sunaate hain ki agar deri se aane vaale bhi teevra purooshaartha arthaat udti kala ka purooshaartha kar aage badhne chaahe to teevra purooshaartha dvaara aage ja sakte ho। lekin teevra purooshaartha। saadhaaran purooshaarthi nahin। har baari baapdaada pahle baari aane vaalon ko dekh khush bhi hote hain aur sabhi aane vaale ko parivaar, saara hi parivaar aapko dekh karke khush hote hain। aa to gaye hain, kuchh na kuchh varsa lene ke adhikaari to banenge isliye baapdaada bhi kehte hain bhale padhaare, baap ke bichhude hue bachche bhale padhaare। achha। baithe jaao। achha।

seva ka tarna - raajasthaan aur Indore ka hai:- achha pahle Indore vaale haath uthaao। abhi raajasthaan vaale haath uthaao। achha। donon ne apni seva ka part achha bajaaya hai। baapdaada ne dekha hai ki yeh seva ka chance sabhi umang-utsaah se karte bhi hain aur karaate bhi hain। seva ka yeh part in 10-15 din mein bhinna-bhinna kamaai ka saadhan hai। ek phaayda yeh hai ki seva ka meva har ek ka punya jama hota hai। doosra phaayda yahaan madhuban ka gyaan ka vaayumandal, bade parivaar ka vaayumandal, sneh ka purooshaartha mein bhi bal milta hai। kyonki vaayumandal vibration aur gyaan snaan ek baari teertho par snaan karne jaate hain to apna bahut punya maante hain aur yahaan jitne din bhi rehte ho utne din gyaan snaan, gyaan ke vachan kaanon mein padte rehte hain। aur yogi aatmaayen, prabhu pyaar vaali aatmaayen unka vibration bhi automatically milta rehta hai। ekaanta ke vaayumandal ka laabh milta hai। agar koi apne kaam mein aur padhaai mein phaaydon mein apne ko busy rakhta hai to unko thode dinon mein apna bhavishya ooncha banaane ka chance milta hai। isliye yagya ka kaam bhi chalta aur aane vaalon ka punya bhi jama hota। donon hi zone aaye hain lekin baapdaada ne dekha ki aajkal ke vaayumandal mein seva ka umang majority sabhi zone mein hai। Indore bhi centre badha bhi rahe hain aur sandesh dekar baap ke bana rahe hain। raajasthaan bhi aise hi aage badh rahe hain। aajkal ki lahar seva ka umang sabhi mein hai aur baapdaada bhi ishaara de rahe hain ki jis bhi zone vaale hon, jahaan se bhi aaye ho, shivraatri baap ka janma bhi hai, seva ka aarambha bhi hai aur vishesh aatmaon ka bhi janma din hai। aise jaise koi aajkal ke government ka naameegraami ka janma hota hai to us janma ko dhoomdhaam se manaate hain, jaise gaandhi baapu ji ka janma din kitna manaate hain, koshish karte hain ki aise din ek-ek ko bhaarat ka yaadgaar jhandi ya jhanda lahraana chaahiye। aise yeh vishesh janma mahaarthiyon ka bhi hai, baap ka bhi hai। baapdaada ka bhi hai। to aise din par har ek ko kya manaana hai? baapdaada ka yeh sankalp hai ki is shivraatri par ya ek saptaah pahle ya ek saptaah peechhe in dinon mein apne parichit, apne mohalle vaale, apne daphtar ke kaarya karne vaale saathi, inhon ko sandesh zaroor do ki agar baap se varsa lena hai to le lo, yeh sandesh zaroor de do। aapke mohalle mein koi aisa nahin rahe jo kahe ki hamko abhi last mein sandesh kyon diya। thoda pahle to dete to ham bhi kuchh bana to lete, nahin to last mein to sirf aho prabhu kehte rahenge। aap aaye hamne nahin pahchaana। ulhana dete rahenge। to is shivraatri par kisi bhi vidhi se aisa programme aapas mein banaao jo pahchaan vaalon ko sandesh mil jaaye। phir raha unhon ki takdeer। lekin aapne apna kaarya poora kiya। to har ek ko aise kisi bhi roop mein unhon ko sandesh pahunch jaae phir jaisi nature, jaisa svabhaav usi pramaan apne-apne tareeke se sandesh zaroor do। bada din hai, khushkhabri aapko sunaate hain। to yeh ulhana nikal jaae। abhi bhi programme karte ho to kya kehte hain, aise bhi kehte hain abhi bhi, ki hamko to abhi pata pada hai। aapne pahle kyon nahin kiya? isliye bachchon ka, baapdaada ka janma din hai, jo puraane hain woh apna janmadin kaun sa manaate hain? shivraatri manaate hain na! to itnon ke janma din par yeh sandesh dene ki mithaai baanton। theek hai!baantenge! haath uthaao। koi bhi vanchit nahin rahe, kisi bhi vidhi se, function karo ya post dvaara bhejo, lekin koi rahe nahin। kisi bhi saadhan se unko sandesh zaroor pahunchaao। woh aap aapas mein raay kar teen chaar tareeke banaao। varga vaale bhi apne sabhi connection vaalon ko shivraatri ke mahatva ka sandesh zaroor den। pasanda hai? achha।

gaanv gaanv mein bhi, jaise gaanv mein rahne vaale brahman to bane hi hain koi na koi, unko apne gaanv mein kisi bhi reeti se chaahe parcha bhejo, chaahe sammukh jaao lekin sandesh zaroor do। ghar-ghar mein maaloom ho ki yeh shivraatri kya hai। ismen dekhenge kaun sa zone kitna number leta hai। hisaab rakhna। baapdaada result dekhenge, kitnon ko parche baante, kitnon se practical mile, sab result nikaalna। har ek ko busy rehna hai, koi bhi free nahin rahe। achha। Indore aur raajasthaan। donon ki visheshta brahma baap ke laadle। brahma baap dvaara Indore ka foundation pada aur raajasthaan mein brahma baap ya baapdaada dvaara pahla museum bana। to donon hi brahma baba ke, baap ke to hain hi lekin vishesh brahma baap ke laadle hain। to brahma baap ki chhatrachhaaya donon ke oopar sada rehti hai। hai to sabhi zone par lekin inhon ki visheshta hai। brahma baap jab sandeshi jaati hai aur advance party emerge hoti hai to unhon se yeh pahli shuru-shuru ki baaten bahut roohrihaan mein karte hain। aap sabke mahaarthi jo sthaapna ke nimitta bane hain, woh bahut saathi advance party mein nimitta bane hain to unhon se baapdaada aadi ki roohrihaan bahut karte hain। aur baapdaada aur advance party donon ka ek hi sankalp hai ki ab kab get kholne aayenge। kyonki akele advance party bhi khol nahin sakti, baapdaada bhi khol nahin sakte, saath kholenge। to poochhte hain advance party vaale aur baapdaada bhi kehte hain ki aakhir bhi sabhi niraakaari pharishte swaroop mein kab ever ready honge! aajkal prakriti bhi bahut pukaarti hai, bojh bahut badhta jaata hai। man ka bhi, shareeron ka bhi। isliye sabhi aapka aavaahna kar rahe hain। ab thoda-thoda apna ever ready ka nazaara dikhaao। woh nazaara hai jyaada mein jyaada samay ya pharishta roop ya niraakaari roop, practical mein pratyaksha karo apna। gupta purooshaartha karte hain lekin abhi pratyaksha dikhaai de, aapke mastak se light ka prakaash anubhav ho। naynon se roohaaniyat ki shakti anubhav ho। mukh se, chehre se madhurta, muskuraata chehra anubhav ho। taareekh poochhenge to har ek sochega kyonki sangathan roop mein jo bhi mahaaveer hain, teevra purooshaarthi hain unko sangathan roop mein jaana hai। aage peechhe nahin jaana hai। pahle yahaan ever ready ka roop pratyaksha hona hai, jisse pratyakshata ho baapdaada ki, kaarya ki। to abhi teevra purooshaartha karo, ek do ko sahayog do, aage badhaao। kamzor ko sahaara do। aisa sangathan banaao। achha।

graam vikaas wing, science engineer wing aur SpARC:- apna parichay achhi tarah de rahe hain। achha teenon hi varga ka samaachaar baapdaada ne suna hai। to har ek varga jo bhi aaye ho unhonne aapas mein achhi pragtisheel meeting ki hai aur meeting mein apna-apna aage ka plan bhi banaaya hai। baapdaada khush hai ki aajkal varga vaale seva mein har ek number one lena chaahte hain। yeh teevra purooshaartha ka umang utsaah dekh baapdaada sabhi vargon ko khaas in teenon vargon ko padamguna mubaarak de rahe hain। plan achhe banaaye hain। achhe banaaye hain aur umang ka banaaya hai। isliye baapdaada teenon ko kehte hain jo plan banaaye hain woh abhi jaldi se jaldi practical mein laao। baapdaada ko pasanda hai। sirf beech-beech mein aajkal to phone system bhi hai, aapas mein conference karne ki। to har ek varga ka jo vishesh nimitta hai, woh beech-beech mein phone conference karke bhi umang utsaah badhaao। kyonki apne-apne shahar mein umang utsaah dilaayenge to jaise meeting mein umang utsaah aata hai vishesh। aise beech-beech mein result poochh unhon ko bhi umang mein laao। achha hai। yeh board public ke taraph karo। nature ki bhi aajkal sabhi ko chinta hai। to aap vishesh sandesh do, man ki nature dvaara prakriti ki nature ko kaise sudhaar sakte hain। plan banaaya hai lekin abhi har jagah milkar programme dvaara announce karo, chhote-chhote programme bhi banaao lekin aavaaj phailaao। abhi jo bhi programme chal rahe hain baapdaada ne dekha ki har ek programme mein aavaaj phailaane ka tareeka bahut achha banaaya hai aur bhi jo kar rahe hain, usmein sabke nimitta bane hue sevaadhaariyon ki raay lekar aur programme mein chaar chaand aur lagaao। jahaan bhi jaayen vishesh ya chhote-chhote sthaan mein bhi aavaaj ho, brahmaakumaariyaan kuchh programme kar rahi hain। shanti mein nahin baitho, abhi umang utsaah se aavaaj phailaao। abhi najdeek aane ka samay hai। vaayumandal abhi vairaagya vritti ka naveenta dekhne aur sunne ka ichchhuk hai। ek do mein raay kar aur utsaah umang ka chaaron or aavaaj phailaao। mukhya jo sthaan hain, desh hain usmein vartamaan samay ikaththa sandesh pahunche, har mukhya sthaan par akhbaaron mein aave, yeh hua, yeh hua… yeh kar rahe hain, yeh kar rahe hain… chaahe radio, chaahe T.vi. sab taraph se aavaaj phailaao। apne-apne area mein bhi T.vi. dvaara radio dvaara aavaaj phaila sakte ho। achha। bahut-bahut mubaarak ho, varga aajkal utsaah mein kar rahe hain, aur karte rehna। achha।

sindhi group:- sindhi group vaale haath uthaao। yeh umang seva ka tareeka bahut achha bana liya hai। baapdaada vishesh nimitta banne vaale unhon ko mubaarak dete hain kyonki isi kaaran sabhi ko sandesh to mil gaya। aaye kitne bhi lekin parichay kitnon ko mila। aur sabhi auron ko bhi yeh aapka saadhan achha lagega। seva bhi ho gai aur manaana bhi ho gaya। double kaam ho gaya aur jo bhi saath mein aaye hain unhon ki duaayen bhi mil jaayengi। achha hai। baap ko, shivbaaba ko apne avatran ka sthaan kaun sa pasanda aaya? sindha pasanda aai na! to bhaagya hai na! avatran ke sthaan ka mahatva kitna hota hai! jo bhi dharma pita aaye hain unhon ke janma sthaan ka kitna yaadgaar rehta hai। to sindha janma bhoomi uska bhi bahut mahatva hai। abhi yeh plan bana rahi hai, janak programme bana rahi hai, abhi aap bhi apne-apne pahchaan vaale ko jo vahaan baithe hain, agar parichay hai to unhon ko samaachaar sunaao ki abhi yeh sthaan apna sthaan liya hai। chhote se bada ho jaayega। lekin baapdaada yeh attention dilaate hain ki jis samay jaao us samay ke vaayumandal ko jaankar phir kadam uthaana kyonki yeh in logon ke badalne mein deri nahin lagti hai। baaki achha hai, jahaan janma sthaan hai vahaan pratyakshata honi hi chaahiye। chaahe koi bhi dharma vaale hon lekin hai to ek hi baap ke bachche। baap ka sandesh sunne ke liye sabhi ka hak lagta hai। to baapdaada aapka yeh plan dekhkar khush hai। sabhi ko jo bhi aaye hain un sabko baapdaada vishesh mubaarak de rahe hain। mubaarak ho, mubaarak ho।

double videshi- baapdaada ne dekha ki double videshi chance lene mein bahut hoshiyaar hain। kahaan se bhi pahunch bhi jaate aur apne service ke plan achhe-achhe banaake sangathan bhi apna majboot kar lete। sthaan bahut achha dhoondha hai। baap se bhi milna, parivaar se bhi milna aur apni progress bhi karna। yeh baapdaada ko pasanda hai। videshi aisa sample banke dikhaao jo jis desh mein nimitta ho us desh mein jo bhi centre ho, jitne bhi centre ho woh nirvighna banne ka example banaake dikhaao। number lo। India ke zone bhi purooshaartha kar rahe hain, abhi announce nahin hua hai lekin aap number le lo। jo bhi le। himmat achhi hai aur sahayog bhi achha mila hua hai। baapdaada ne dekha ki jo banaate hain uski jo paiking karte hain, Indian bhaasha mein kaha jaata hai peeth karte hain। connection jodke kisi bhi saadhan se connection mein aage badhaate hain। achha hai। umang utsaah ki lahar phailaate rehte ho aur har saal kuchh na kuchh visheshta add bhi karte। isliye baapdaada padamguna mubaarak de rahe hain।

abhi Indore kya karega? koi example number one banaake dikhaayega, chaahe Indore kare chaahe raajasthaan kare, number le lo। hai himmat। hai na himmat? baapdaada ko saathi to banaaya hi hai। to baapdaada saath hai sirf nimitta banna hai। achha।

baapdaada har ek bachche ki visheshta ko dekh rahe hain। har ek bachche mein kisi na kisi subject mein visheshta samaai hui hai isliye baapdaada individual ek-ek bachche ko hovanhaar vijayi swaroop mein dekh rahe hain kyonki sabko saathi banke chalna hai। saath hai, saath chalenge। brahma baap ke saath mein raajya karenge। achha।

chaaron or ke bachchon ko baapdaada dekh dekh khush ho geet gaate vaah bachche vaah! har bachche ke dil mein baap hai aur baap ke dil mein har bachcha hai। aur yahaan itna parivaar madhuban nivaasi dekhkar yeh bhi khushi hoti hai vaah madhuban vaah! sabka asylum madhuban hai hi hai isliye madhuban mein bhaagkar aa jaate hain। ab baap ki jo aasha hai woh jaldi se jaldi poorn karna hai। chaar hi subject mein anubhvi swaroop banna hi hai। baapdaada desh videsh chaaron or ke bachche yahaan baithe dekh rahe hain। sabhi kaise dekh dekh harshit ho rahe hain। yeh saadhan, yeh science isi samay progress mein ja rahi hai, nai nai invention duniya ke hain lekin aapke phaayde ke saadhan achhe achhe nikaal rahe hain। door hote bhi saath hain। to science vaalon ko bhi mubaarak hai jo saadhan to banaaye hain। achha। sabhi bachchon ko desh videsh ke sabhi bachchon ko bahut-bahut dil ka pyaar aur yaad sveekaar ho aur vishesh aise vishesh bachchon ko namaste।

daadiyon se:- umang utsaah bhi achha hai aur prabandha bhi mil raha hai। yeh saadhan aapke samay hi nikle hain, aapko hi sukh mil raha hai। woh vinaash ki baaten hi karte aur aap phaayda le rahe ho। achha hai।

mohini behen mumbai hospital mein hain, unhon ne vishesh yaad bheji hai:- abhi lag gai hai na theek karne mein, to theek karke hi aave। yaad to aati hai lekin tabiyat ko bhi saath chalaana hai। baapdaada ko bhi yaad kar rahi hai, baapdaada ke paas pahunch raha hai। usko vishesh yaad pyaar bhi de rahe hain।

deedi nirmalshaanta se:- aapki himmat shareer ko chala rahi hai। baap madadgaar hai aur aapki himmat hai।

ratanmohini daadi se:- uda bhi rahe hain, ud bhi rahe hain।

shaantaamni daadi se:- theek hai, khush hai। drishti le rahi hai bahut achhi।

teenon bhaaeeyon se:- teenon hi milke shivraatri ka plan banaana। jo bhi vishesh sthaan hain usmein ek hi samay ek hi jaisa apna-apna karen, lekin mukhya sthaanon mein advertise karo। sabhi sthaano par ho। kyonki mukhya sthaan to kahaan na kahaan prabandha karke kar sakte hain jaise ek hi samay bade programme kiye na aise shivraatri ka programme jagah jagah par ho aur sabhi taraph ka ikaththa karke jaise pahle dikhaaya vaise dikhaao।

madraas ka programme bahut achha hua hai:- yeh bhi aapas mein seva mein kuchh addition karna ho ya naveenta karni ho to aapas mein meeting karke usko bhi aage badha sakte ho। nimitta hain, nimitta banke kaam to achha kar rahe ho lekin phir bhi ismen addition karni ho to kar sakte ho।

nijaar bhaai se:- achha mubaarak ho। programme to achha chal raha hai phir bhi aapas mein raay karke agar kuchh addition karni ho to addition bhi karo, chalaate chalo। jo raay ho woh suno, agar pasanda aave to usko badhaao। baaki achha hai। meeting mein jo bhi raay ho woh do aur baaki phir sabhi milkar final karne ke baad phir usko karke dekho।

diamond hall mein nai screen lagaai gai hai, jise baapdaada dekh rahe hain:- sabhi khushi mein ud rahe ho, yahi baapdaada dekh rahe hain ki sabhi ek-ek ud rahe hain।