सोमवार 15 मार्च 2010 की अव्यक्त मुरली

15-03-10 om shanti avyakt baapdaada madhuban

‘‘parmaatma pyaar ki paatra aatmaayen duhkhiyon ko sukh ki anchali do, vyartha ko samaapta kar samartha bano aur samay ko sameep laao’’

aaj baapdaada apne chaaron or ke parmaatma pyaare bachchon ko dekh rahe hain। aise parmaatma pyaare koto mein koi bachche hain kyonki is samay hi parmaatma pyaar ka anubhav kar sakte, saare kalpa mein aatmaon ka pyaar, mahaatmaaon ka, dharmaatmaaon ka pyaar anubhav kiya lekin parmaatma pyaar sirf ab sangamayug par hota hai, jo aap sabhi bachche anubhav kar rahe hain। koi aapse poochhe paramatma kahaan hai? to kya javaab denge? mere saath hai। mere saath hi rehte hain। mere dil mein hi rehte hain। aisa anubhav kar rahe ho na! aap hi jaante ho aur aapko hi is pyaar ka anubhav hai ki hamaare dil mein baap rehte aur baap ke dil mein ham rehte। jaante ho ki yeh parmaatma pyaar ka nasha humein hi anubhav karne ka bhaagya praapta hua hai। jab kisi se bhi pyaar ho jaata hai to uski nishaani kya hoti hai? uski nishaani hai uske oopar kurbaan hona। to parampita paramatma aap bachchon se kya chaahte hain, woh to aap sab jaante ho। baap ki har ek bachche ke prati yahi chaahna hai ki mera ek ek bachcha baap samaan bane। jaise baap vaise bachchon ki bhi shreshtha sthiti bane। woh shreshtha sthiti kya hai? sampoorn pavitrata ki sthiti। aisi pavitrata jo svapna mein bhi apvitrata aa nahin sake। aisi sampoorn pavitra sthiti bana rahe ho? jis sampoorn pavitrata mein apvitrata ka naamnishaan nahin।

vartamaan samay sameep aane ke kaaran baapdaada abhi yahi ishaara de rahe hain ki samay ki sameepta anusaar vyartha sankalp yeh bhi apvitrata ki nishaani hai। saare din mein yeh bhi check karo ki koi bhi vyartha sankalp abhimaan ka va apmaan ka apne taraph kheenchata to nahin hai? kyonki chalte chalte agar baap ki di hui visheshtaaon ko apni visheshta samajh abhimaan mein aate hain to yeh bhi vyartha sankalp hua aur merepan ke ashubh sankalp main kam nahin hoon, main bhi sab jaanta hoon, yeh mera sankalp hi yathaartha hai, ooncha hai, yeh merepan ka abhimaan ka sankalp yeh bhi sookshm apvitrata ka ansh hai। to apne ko check karo kisi bhi prakaar ka apvitrata ke vyartha sankalp ka koi ansh to nahin rah gaya hai? kyonki abhi pavitra duniya ki sthaapna ka samay sameep laane vaale aap parmaatma pyaare bachche nimitta ho। to jo nimitta aatmaayen hain unhon ka vibration chaaron or phailta hai। to check karo kisi bhi prakaar ka vyartha sankalp bhi apne taraph kheenchata to nahin hai? kyonki abhi pavitra duniya, pavitra raajya sameep aa raha hai। duhkh aur ashaanti chaaron or bhinna-bhinna swaroop mein badh rahi hai। uske liye pavitrata ka vibration aavashyak hai। duhkh ashaanti ka kaaran apvitrata hai। to apvitra aatmaon ko aur bhakta aatmaon ko abhi double seva chaahiye। vaani ki seva to baapdaada ne dekha ki chaaron or dhoomdhaam se chal rahi hai, apna ulhana bhi nikaal rahe ho। lekin abhi aatmaon ko extra sakaash chaahiye। woh hai mansa seva dvaara sakaash dena, himmat dena, umang-utsaah dena। to is samay double seva ki aavashyakta hai। iske liye baapdaada ne kaha ki har ek bachcha apne ko poorvaj samjho। aap is kalpa vriksha ka foundation poorvaj aur poojya aap aatmaayen ho। baapdaada to duhkhi bachchon ka aavaaj sunte rehte hain। aap bachchon ke paas unhon ke pukaar ka aavaaj pahunchna chaahiye। jitna sampoorn pavitra aatma banenge। ban rahe hain, bane bhi hain lekin saath-saath abhi mansa seva ko badhaana hai।

aaj vishwa mein sukh-shanti, santosh aatmaon mein kam ho raha hai। to aap parmaatma pyaar ke paatra aatmaon ko abhi pyaar ki, santushtata ki, khushi ki anchali dene ki aavashyakta hai। duhkhiyon ko sukh ki anchali deni hai। ek to mansa seva dvaara sakaash do aur doosra apne chehre aur chalan dvaara baap ko pratyaksha karo। abhi jo seva kar rahe ho aur ki hai baapdaada khush hai ki seva mein chaaron or umang-utsaah hai lekin abhi ek seva rahi hui hai। abhi tak yeh aavaaj to hua hai ki brahmaakumaariyaan manushya aatma ko achha bana deti hain, yeh jo ashuddha vyavhaar hai, ashuddha vyavhaar se mukta kar deti hain, jo government chaahti hai youth group ke liye, woh seva bahut achhi karte। lekin abhi baap aaya hai, paramatma aa gaya hai, parmaatma gyaan yeh de rahi hain, mera baap varsa dene aa gaya hai, abhi baap ki taraph najar jaane se unhon ko bhi parmaatma pyaar, paramatma ki aakarshan aakarshit karegi। achha-achha to ho gaya hai lekin paramatma baap ki pratyakshata aakarshit kar achha banaayegi। to abhi baap ke taraph pahchaan, jisko yaad karte hain woh gyaan, woh varsa mil raha hai to abhi mansa dvaara baap ke sameep laao। apne chehre aur chalan dvaara, aapke naynon mein baap pratyaksha ho। to abhi yeh aapas mein plan banaao।

baapdaada ne dekha jo plan baapdaada ne samay prati samay diya hai woh bachchon ne bade vidhi poorvak, umang-utsaah se kiya hai, kar rahe hain, iski baapdaada sabhi bachchon ko padam padam guna mubaarak de rahe hain। abhi addition karo ki bhagwan varsa de raha hai। abhi varsa nahin liya to kab lenge! baap ko raham aata hai bachchon ka duhkh, ashaanti ka vaayumandal dekh karke। aur baap aur aap jaante ho ki yeh to ati mein jaana hi hai। bina ati ke ant nahin hota hai। aise samay par aatmaon ko yeh anubhav karaao, sirf sunaao nahin, anubhav karaao ki bhagwan varsa de raha hai। aap sabhi bhi yahi poochhte ho na ki yeh baap ki pratyakshata kab aur kaise hogi! to brahmaakumaariyon tak pahunche hain lekin brahmaakumaariyon ko sikhaane vaala kaun! brahmaakumaariyon ka, brahmaakumaaron ka daata kaun! abhi samay ko sameep laana hai, samaapti karni hai। samaapti ko sameep laane vaale kaun hain? har ek bachcha samajhta hai na ki main hi nimitta hoon। baap ne yeh jimmevaari apne saath bachchon ko di hai। san shows father। koi-koi jab baap ko jaante, to dekho aap sabne baap ko jaana to kya kiya? pahchaan liya, jaan liya, to bachcha ban varse ke adhikaari ban gaye। abhi varsa lene vaali aatmaon ki queue lagni chaahiye। aur queue rooki hui kyon hai? kyonki koi koi bachche abhi vyartha sankalpon ki queue mein lage hue hain। kyon, kya, kaise, abhi is samaapti mein samay dete hain lekin vyartha samaapta nahin hua hai। vyartha samartha banne mein rookaavat daalta hai।

to aaj baapdaada vyartha sankalpon ki samaapti karne ke liye sabhi chaaron or ke bachchon ko himmat de rahe hain ki abhi se vyartha ko samaapta kar sada samartha ban samartha banaao। sirf sandesh nahin do samartha banaao, samartha bano, samartha banaao। vyartha ka samaapti divas manaao। ho sakta hai? jo samajhte hain ki vyartha sankalp apne ko bhi nuksaan pahunchaate hain, samay barbaad karte hain, chehre par sada khushnuma, khushkismat ka anubhav kam karaate hai। isliye abhi samaapti ka samay sameep laana hai, kisko? aapko na! jo samajhte hain ki abhi samaapti ke samay ko sameep laana hai, uske liye vyartha ko samaapta karna hi hai, karna hai nahin, karna hi hai, svapna mein bhi nahin aave, sankalp to chhodo lekin svapna mein bhi nahin aaye, aise himmat vaale bachche jo apne ko samajhte hain woh haath uthaao। man ka haath utha rahe ho na! baanhon ka haath to bahut easy hai lekin man ka haath utha rahe ho? jo man ka haath utha rahe hain woh haath uthaao, man ka haath। achha। aaj ke vi.aai.pi utho। jo aaj vishesh vi.aai.pi aaye hain woh utho। yahaan baithe hain na! achha। baapdaada aaye hue vi.aai.pi, vi.aai.pi ka arth hai jo snehi hai, sahayogi hai aur kartavya jo chal raha hai, unse pyaar hai, bahinon se pyaar hai, bhaaeeyon se pyaar hai, usko kehte hain vi.aai.pi arthaat snehi sahayogi। abhi kya banna padega? vi.aai.pi to hain aur baapdaada khush hai। abhi kya banenge? ek chhoti si baat hai, bataaoon?bataayen? baapdaada kehte hain sneh bahut achha hai, yaad bhi karte hain, baba shabd bhi man se nikalta hai। baaki addition chaahiye ek, woh addition kya hai? sahaj yogi ki list mein bhi aao। ek kadam to uthaaya hai lekin aage badhne ke liye kya kiya jaata hai? ek kadam uthaao, usse aage badhenge to doosra kadam bhi uthaana padega। to baapdaada ki yahi aash hai snehi bachchon ke prati, sahayogi bachchon ke prati। to saath-saath sahajyogi bhi bano। sahajyogi ban sakte hain? ban sakte hain, mushkil kuchh nahin hoga। chhodna nahin padega kuchh। aur hi yog ki shakti madad degi। aapke kaarya mein vriddhi hogi। to baapdaada ko snehi sahayogi bachche yaad aate hain। kyon yaad aate hain? kyonki aap ek example ho। kyonki ek baat ke liye log ghabraate hain, to shaayad gharbaar chhodna padega। lekin aap sab ghar mein rehte sneh aur sahayog mein chalte to aapko dekh karke unhon mein umang-utsaah aayega। aapki seva ho jaayegi। anekon ke takdeer ka taala khol sakte ho। pasanda hai? pasanda hai to haath uthaao। achha। abhi baapdaada ek vardaan dete hain। aapne himmat rakhi to himmat ka phal bahut meetha hota hai, to baapdaada yeh vardaan de raha hai ki aap sabhi aane vaali nai duniya mein 21 janma sada khush rahenge। mehnat nahin karenge। duniya ki ulajhnon mein nahin padenge। jo jeevan mein chaahiye, tan man dhan sab mil jaayega। tan tanduroosta, man khush, dhan athaah yeh aapko 21 janma ki guarantee hai। baapdaada ko manjoor hai, aap sirf ek baat karo।roz aashram mein aa nahin sakte ho to phone karo। yeh kaan ka phone hai na, woh karo। aapke connection vaali teacher jo bhi hai usse apna time fix karo, to is samay ham phone karenge aur usmein roz ka jo mahaavaakya jisko murli kehte hain, woh vardaan aur shuru ka jo hota hai aarambha, woh suno। kyon? baapdaada kyon kehte hain? agar karna hai, to haath uthaao। achha, aajkal ke jamaane ke hisaab se baaten bahut badalti jaati hain। government ke kaayde bhi badalne hain, manushyon ki vritti bhi badalni hai। iske liye har ek ke jeevan mein baaten to aani hi hain, vyartha baaten, to vyartha ko samaapta karne ke liye samartha sankalp chaahiye। vesta ko khatma karne ke liye best sankalp chaahiye। woh roz sunne ka hai vardaan। vardaan jo hai woh shreshtha sankalp hai। jab vyartha aave to shreshtha sankalp man ko chaahiye। man khaali nahin rah sakta hai। man ko kuchh na kuchh sankalp chaahiye। to vyartha vesta ko best karne ke liye aapko yeh vardaan aur slogan aur aadi ke shabd yeh man ko change karne ke liye chaahiye। yeh kar sakte ho? kar sakte ho? koi karte bhi honge। kyonki baap ko yahi aap anubhvi ban auron ko anubhvi banaane mein bahut seva kar sakte hain। abhi samay fast ja raha hai। to fast samay mein aapki seva bhi fast hogi। to baapdaada ko aap sab aaye, yeh khushi hai, bachchon ko dekha chaahe kabhi kabhi aane vaale hain lekin hain to bachche na। to bachchon ko baap to dekhega। isliye aap sirf thoda samay jab amritvele uthte ho to bhale bed par lete hue ho, aankh khulti hai to pahle pahle shivbaaba ko good morning karo। kar sakte ho? dekho kahaavat hai saare din mein agar koi achhe ko dekhte hain to saara din achha beetta hai koi kharaab ko dekh lete hain na to kya kehte hain? kehte hain pata nahin kiski shakla dekhi jo saara din kharaab gaya। to achhe te achha kaun? shivbaaba। shivbaaba se pyaar hai na। to aankh khulte shivbaaba good morning। aur aankh banda karte raatri ko, jab bed par jaao to shivbaaba goodnight। yeh to sahaj hai na। to saara din aapka achha hoga। kyonki shubh sankalp bhi le liya na vardaan। to aise karna। baapdaada ka pyaar hai na aap logon se। to yeh karne se aur aap aage badhte jaayenge। apne is jeevan mein bhi khushi ka anubhav karenge। kabhi duhkh ki lahar nahin aayegi। to manjoor hai aur sahaj yogi bano bas। main aatma hoon, shivbaaba ka bachcha hoon, bas, yeh sahajyogi। chalte phirte yeh yaad karo main aatma hoon, shivbaaba ka bachcha hoon। yeh to yaad kar sakte ho na! to bahut achha। yeh to hua in bachchon se roohrihaan।

abhi aap sabhi jo vaaris bhi hain aur vaaris banne vaale bhi hain। jo apne aapko baapdaada ka pakka vaaris samajhte hain, woh haath uthaao। vaaris hain? vi.aai.pi bhi sabhi haath utha rahe hain। taali to bajaao। achha। abhi vaaris quality ko aaj yeh sankalp apne se dridh karenge, baapdaada ko yeh sankalp denge ki ham abhi se, kab se nahin, ab se vyartha sankalp ko samaapta karke hi chhodenge। manjoor hai। hai manjoor? hai to haath uthaao। achha। jo samajhte hain pakka sankalp hai, man ka। haath uthaane ka nahin, man ka haath uthaane ka, woh haath uthaao। achha sab। peechhe vaale utha rahe hain। jo pakka woh do haath uthaao। to aaj hai kaun sa din? vyartha ko samaapta karna arthaat samartha banna। sada samartha aur doosra kaarya kaun sa hai? duhkh aur ashaanti ki samaapti ka divas sameep laana। do kaam hain। ek sada samartha banna aur doosra samartha samay ko sameep laana। theek hai। donon hi kaam theek hai? kaandh hilaao। kyonki baapdaada ke paas pukaar aur duhkh ki aah bahut sunaai deti hai। aapke paas pata nahin kyon nahin sunaai deti hai। baapdaada jab aise sunte rehte hain to aap bachchon ko jo apne ko vaaris samajhte hain, varsa lene vaale hain, to varsa lene vaale ko doosron ko varsa dilaane ke oopar raham aana chaahiye na। raham kyon nahin aata? vairaagya, behad ka vairaagya aur raham aana chaahiye। chhoti chhoti baaton mein kyon, kya ke kyoon mein time nahin dena hai। abhi he baapdaada ke sikeeldhe padam padam vardaanon ke vardaani bachche! abhi sankalp ko dridh karo। aur dridhta ki chaabi lagaao। karmayogi bano। karmayogi life vaale ho। life sadaakaal hoti hai, kabhi kabhi nahin। to abhi apna kripaalu, dayaalu, duhkhaharta, sukh deta swaroop ko emerge karo। baapdaada ne achaanak ka samay bahutkaal se bataaya hai। to achaanak ke pahle bhakton ki pukaar to poori karo। duhkhiyon ke duhkh ke aavaaj to suno। abhi har ek chhota bada vishwa-parivartak,vishwa ke duhkh parivartan kar sukh ki duniya laane vaale jimmevaar samjho।

baapdaada ka yeh aana jaana bhi kab tak? isliye sab achaanak hona hai। to abhi vaaris quality, varsa dilaana, merciful banne ka part bajaao। aise nahin sochna kab tak hoga! achaanak hoga। isliye vyartha ko samaapta karna hi hai। hona hai nahin, karna hi hai। baapdaada ne result dekhi sabhi ke karmo ke gati ko check kiya। purooshaartha ki gati ko check kiya। khazaane jama ka khaata check kiya। to result mein kya dekha? jama karne ka purooshaartha bahut achha karte hain lekin jo jama karte ho usmein percentage bhinna-bhinna hai। jitna sochte ho jama kiya, hota hai jama lekin percentage, thoda jama hota hai, sada ke liye jama nahin। jitna karte ho utna sada ke liye jama mein pharka hai। isliye baapdaada abhi ek ek baat par dridh sankalp karaata hai। krodh par karaaya, lekin man se bhi kiske prati halchal nahin ho। kyon, kya nahin ho। mukh se control kiya hai, koi koi ne achha kiya hai lekin man se thoda thoda chalta hai। mitaane ki koshish kar rahe hain phir bhi baapdaada khush hai ki attention gaya hai। samajhne lage hain ki ismen mere ko hi nuksaan hai। samjha। achha।

seva ka tarna eastern zone, (bangaal bihaar, udeesa, aasaam) nepaal aur taamilnaadu:- pauna haal to isi zone vaale hain। achha। sevaadhaari, sirf sevaadhaari utho baaki aise jo saath aaye hain woh baith jaao। bahut hain। achha hai। to abhi vishesh hai eastern zone। eastern mein bhi bahut hi bhaag hain। to eastern zone ki to visheshta hai, usmein bhi vishesh hai kalkatta, jahaan gyaan soorya pragat hua। to jis dharni par gyaan soorya pragat hua woh dharni kitni mahaan hai। aur bangaal bihaar, bihaar bhi kam nahin। kyonki baapdaada ne dekha ki bihaar mein seva ka saadhan bahut achha hai। kyon achha hai? kyonki bihaar ke log chaahna bahut achhi rakhte hain aur bihaar mein abhi abhi jo halchal hui, usmein bahinon ne bihaar ke bhaaeeyon ne jo kaarya kiya hai, jo unhon ko chaahiye tha, jeevan ke liye woh praapta karaane ka aur gyaan sunaane ka, man ka bhojan aur tan ki paravrish donon ki hai, isliye bihaar mein naam bahut achha phaila hai। pyaar se sunte hain, yeh seva dil se ki hai, baapdaada aisi seva double, sirf cheeje dene ki nahin, centre bhi khole hain, aise double seva karne vaale bihaar ke bachchon ko baapdaada vishesh mubaarak de rahe hain। vaise to dekha jaae aur jagah par bhi karte hain, aur ki hai। unhon ka naam nahin lete lekin karte rehte hain। foreign mein bhi kiya hai, India mein bhi kiya hai lekin bihaar ki visheshta yeh hai ki vahaan jagah jagah par gyaan ki varsha bahut achhi ki hai। kitne centre khole hain? (ek varsha mein 12 centre 12 jilon mein khole hain) geeta paathshaalaayen bhi kholi hogi। (woh bhi khuli hain) achha hai। baapdaada ko yeh seva bahut achhi lagti hai। jahaan bhi aisi haalat ho vahaan yeh double seva karni chaahiye। centre kholne mein nimitta aapko banna padega kyonki vahaan ki haalat kharaab hoti hai lekin phir thode samay mein aapke sahayogi achhe ban jaayenge। aur baapdaada ne dekha ki abhi is zone mein bhi seva phail rahi hai chaahe bangaal, chaahe bihaar, chaahe unke saathi hain, nepaal bhi hai, udeesa, aasaam aur taamilnaadu। inke saathi bahut hain kyonki gyaan soorya pragta na to centre bhi bahut hain saathi bhi bahut hain। aur aaj tak baapdaada ne dekha ki har ek area ko chaahe bada zone nahin hai, chhote hain lekin chhoton mein seva ka umang aur bahut hai। aur roochi se kiya bhi hai, kar bhi rahe hain। isliye in sab zone mein jo bhi naam le rahe hain, un sab taraph seva ka bolbaala ho gaya hai। aur result mein yeh bhi dekha gaya to regular student bhi bane hain। chaahe bade ya chhote programmes, media ka bhi saath hai lekin abhi jo baba ne kaha hai ki samay ko sameep laao, uski taiyaari jaldi se jaldi karna hai। achha। baapdaada jo bangaal bihaar ki taraph se aaye hain un sabko bhi mubaarak dete hain ki yagya seva ka punya ka kaarya achha sambhaal bhi rahe hain, bheed thodi jyaada hai lekin baapdaada ne ek baat dekhi ki sabhi ko kam sankhya mein aane ke bajaae badi sankhya mein aana pasanda aa gaya hai। din pratidin badhta hi ja raha hai। phir bhi kumbha ke mele se shuddh khaana to milta hai। rahne ke liye chalo tent bhi to milta hai। lekin jo bhi aate hain baapdaada unhon ka pyaar dekh karke, kyonki pyaar mein kuchh bhi dekhna padta ya karna padta, to woh pata nahin padta hai, kar rahe hain, khushi khushi se karte hain। to bangaal bihaar ke zone ne bhi seva ka part achha bajaaya। achha। yahaan jo baithe hain inhon mein se kisi ko takleeph hai sone ki ya khaane ki woh haath uthaao। jisko khaane ki sone ki takleeph ho to haath uthaao। haan bada haath uthaao। achha।

taamilnaadu:- kyonki aajkal taamilnaadu bhi seva ke umang utsaah mein hai। baapdaada ne samaachaar bhi suna ki yeh jo shiv ka mela banaaya hai, uski seva jagah jagah par jaake bhi karte hain। phaayda aur deshon ko bhi pahunchaate hain yeh bahut achha hai kyonki phir bhi vishesh to shivbaaba ka parichay hai na। usmein shivbaaba ka hi parichay milta hai to yeh seva aur deshon mein bhi jaakar karte hain yeh baapdaada ko achha seva ka samaachaar laga। karte raho। aur achha hai aapas mein jis zone ki unity hai, unity svatah hi punya ka kaam karaati hai, umang utsaah badhaati hai। baapdaada ne dekha ki sabhi ne saare zone ne milke jo hall banaaya hai, sabke sahayog se zone ke sahayog se jo haal banaaya hai, yeh ek do mein zone vaalon ka sahayog yeh baat bhi achhi hai। kyonki zone ikaththa iseelie kiya jaata hai ki ek do ke najdeek hone ke kaaran ek do ko sahayog dena sahaj ho jaata hai। to yeh bhi sahayogi banna, meri area nahin, sab mere hain। aavashyakta jahaan hai woh mera hai। chaahe zone naam alag alag hai lekin jahaan aavashyakta hai, aavashyakta ke samay sahayog dena yeh mahaapunya hai। agar apna punya ka khaata jama karna hai, to sahayogi bano aur seva ko aur chaar chaand lagaao। yeh baapdaada ko achha laga। to is sangathan ko badhaate rehna। badhaate rahenge na, haath uthaao। sabhi ne haath uthaaya। achha। ham sab ek hain, yeh to seva ke kaaran, koi dekh-rekh ho sake iske kaaran zone banaaya hai, baaki ek hi hain, ek hi rahenge, ek ke hain, ek ke rahenge। achha।

nepaal:- nepaal ki service ka samaachaar sunte rehte hain। vahaan jaisa vaayumandal hain us hisaab se seva ki vriddhi yukti se achhi kar rahe hain। baapdaada nepaal ki service sun karke khush hote hain ki kuchh bhi ho jaae lekin yeh aadhyaatmik seva kam nahin hoti hai। badhti hai lekin kam nahin hoti hai। centre badh rahe hain, halchal mein achal hain। isliye baapdaada ko nepaal ki seva par naaj hai। bahut achha। yeh sab nepaal utha hai। nepaal vaale haath ooncha karo। yeh achha banaaya hai ki zone zone ko milne se woh ji bharke aa jaate hain। aur seva bhi karte hain sabhi ko salvation bhi mil jaati hai। achha।

double videshi :- double videshiyon ko baapdaada ne title diya hai double purooshaarthi। to bataao double purooshaarthi ho, haath uthaao। double videshi nahin double purooshaarthi। bahut achha। baapdaada hamesha kehte aaye hain ki videsh ki seva ne baap ko vishwa sevaadhaari siddha kiya। pahle sirf bhaarat sevaadhaari the lekin abhi har tarna mein 90 deshon se 80 deshon se double videshi aate hain। to baapdaada ko khushi hai ki har season mein videsh mein bhi seva badhti jaati hai aur kitne umang se har tarna mein pahunch jaate hain। chaahe kitna bhi prayatna karna padta hai baapdaada ko pata hai to pahle shurooaat mein ek baar hoke jaate the aur doosre saal ke liye box mein ticket ke liye ikaththa karte the, aate zaroor the। lekin abhi tan man dhan sabmen aage ja rahe hain। aur baapdaada ne pahle bhi sunaaya ki yeh madhuban mein aake jo refresh hote hai aur group group refresh hote hain, personal attention dete hain yeh baapdaada ko pasanda hai aur is baari ki result bhi baapdaada ne suni। to ek do ke snehi, sahayogi bankar ek do ko koi bhi ishaara dene mein purooshaartha teevra karne mein koi kami hai to khuli dil se ek do mein di hai। yeh baapdaada ko samaachaar pasanda aaya kyonki jab tak apni kami ko jaana nahin, pahchaana nahin to parivartan ho nahin sakta। isliye baapdaada ko purooshaartha ki vidhi achhi lagi। thode thode aapas mein milke jo meeting karte hain usmein attention jyaada jaata। to double videshi double purooshaarthi hain yeh baapdaada ne madhuban ke samaachaar mein jyaada dekha। baaki sabhi jo bhi aaye ho abhi apne ko nirvighna samajhte ho? nirvighna samajhte ho woh haath uthaao, nirvighna। achha। majority hai। koi koi nahin bhi hain। majority hain। to baapdaada aaj double videshiyon ko double vardaan dete hain ek to seva kar centre ki vriddhi badhaao। regular student badhaate chalo। badhenge। aur doosra ek do ko purooshaartha karne aur karaane ka jo meeting banaai hai, jo har varsha karte rehte hain uska bhi phaayda jitna uthaana chaahiye utna aur uthaate chalenge। baaki aapas mein jo banaaya hai woh vidhi achhi hai isse aur jyaada progress ho sakti hai, isko attention deke aur badhaayenge to badh jaayegi। suna। baapdaada khush hai। aur dil mein kya yaad karte? vaah bachche vaah! achha।

first time vaalon se:- abhi ki season mein majority aadhi class se bhi jyaada pahli baar vaale hote hain kyonki regular to baahar baithte hain class mein to naye baithte hain। achha sabhi ne dekha kitna parivaar badh raha hai। baapdaada kehte hain vaah parivaar vaah! abhi to jo bhi sthaan banaayenge na woh chhota hona hi hai। plan banaana hai na। kyonki abhi aap sabhi ka attention sandesh dene mein achhi tarah se gaya। to jo itni seva hoti hai unmein se vriddhi to hogi na। to pahle baari aane vaalon ko baapdaada pahle baari aane ki bahut-bahut padamguna mubaarak dete hain। abhi nirvighna ban aane vaali samasyaaon ko svayan va sahayog se jaldi se jaldi samaapta kar udte chalo। abhi chalne ka samay poora ho gaya, aap jab aaye ho to udne ka samay hai। to udne ke samay par chalna nahin, udna। to udenge rahenge aur aage badhte rahenge yeh baapdaada ka vishesh vardaan aur extra madad pahle aane vaalon ko hai। achha।

abhi chaaron or ke parmaatma premi bachchon ko jo sada baap ke pyaar mein udte rehte hain teevra purooshaarthi hain aur seva mein nirvighna sachche sevaadhaari hain, aise chaaron or ke bachchon ko baapdaada bhi dekh rahe hain, saath saath door vaalon ko bhi dekh rahe hain aur yahaan shaantivan mein bhi jo jagah jagah par screen par dekh rahe hain, sun rahe hain, un sabhi bachchon ko baapdaada sada ke liye khush raho aur khushi baanton, yeh vardaan de rahe hain। khush chehra, koi bhi aapka chehra dekhe woh chehra dekhke khush ho jaae। kaisa bhi ho aapka chehra khushnuma dekhke khud bhi khush ho jaae, yeh vardaan chaaron or ke bachche ya jo sammukh baithe hain un sabhi ke liye ek vardaan hai। kabhi chehra murjhaaya hua nahin। agar aap murjhaayenge to vishwa ka haal kya hoga! aapko sada khushnuma chehra aur khushnuma chalan mein rehna hai aur rahaana hai। aise sabhi teevra purooshaarthi bachchon ko baapdaada ka yaadapyaar aur meethe meethe bachchon ko namaste।

nirmalshaanta daadi se:- yeh achha hai। koi bhi hisaab kitaab chuktu karne mein saakshi, nyaare pyaare hokarke karne mein example achhi ho।