शुक्रवार 30 नवंबर 2012 की अव्यक्त मुरली

> > 30-11-12 om shaantiavyakta baapdaadaamdhuban

"santushtamniyon ka bhaagya, dil ka geet paana tha so pa liya"

aaj bachchon ke yaad aur pyaar ne baapdaada ko is saakaari duniya mein apni aakarshan se bula liya। baapdaada bhi bachchon ko saakaari duniya mein saakaar roop mein dekh rahe hain। chaaron or ke bachche bhi baap ko dekh rahe hain aur baap bhi saakaar swaroop mein dekh rahe hain। aur dil mein chaaron or ke bachchon prati vaah! bachche,kalpa-kalpa ke paatra bachchon ko dekh khush ho rahe hain। har ek bachche ke bhaagya aur praapti ko dekh milan mana rahe hain। dil hi dil mein har bachche ke bhaagya ko dekh harshit ho rahe hain। har bachche ke chehre mein chamakta hua bhaagya dikhaai de raha hai। mastak mein light ki praapti chamak rahi hai। haathon mein gyaan ka bhandaar dikhaai de raha hai। dil mein dilaaraam dikhaai de raha hai। paanv mein kadam mein padam dikhaai de raha hai। aisa bhaagya dekh har ek ka chehra chamak se chamak raha hai। sabhi chaaron or ke bachche santushta swaroop dikhaai de rahe hain। aise chehre chamakte hue dekh anya aatmaayen bhi sochti hain inhon ko kya mila hai। to aap kya javaab denge? jo paana tha vo pa liya। sab santushta maniyon ke roop mein chamak rahe hain। aisi apni moorta ko aap bhi dekh rahe ho na! baapdaada bhi aisi santushtamni aatmaon ko dekh kya geet gaate hain। vaah mere santushta aatmaayen vaah!

to aaj sirf bachchon ka dil ka ulhana poorn karne ke liye aaye hain। aap sabhi ka bhi ulhana to poora hua na। aage jaise drama nimitta banaayega aise milte rahenge।

aaj itna hi drama mein milan hai।

sabhi bachchon ne bahut achhi rath ki seva ki hai। baapdaada sabhi seva ke nimitta aatmaon ko vishesh mubaarak de rahe hain। abhi sirf bachchon ka milne ka ulhana poora karne aaye hain। to sabhi theek hain। theek hain sabhi haath uthaao। rath ki bhi seva karne vaalon ko dil ki mubaarak hai। chaahe kahaan bhi rath ko rehna pada lekin baapdaada ne dekha gujraat bhi kam nahin hai। kahaan hain gujraat ke?to baapdaada aur saath mein hamaare nimitta bane hue paandav nirvair bachche ne bhi bahut saath diya। aao। (sarla deedi ko) bahut achha kiya। sabhi daadiyon ko nimitta ban sambhaalne ke liye aapko aur aapke saathiyon ko bahut-bahut mubaarak ho।

(daadi jaanki ke liye)achha suna,sab theek ho hi jaana hai।

daadi jaanki se:-sabhi ne mil ke achha part bajaaya hai। daadi ki aavaaj bhi aa rahi hai। aaj sirf milne ke liye hi aaye hain। abhi aate rahenge aur milte rahenge। achha।

teenon bade bhaaeeyon se:-abhi baapdaada kamaal dekhne chaahte hain,kaun si kamaal dekhne chaahte hain? parivaar ki aap teenon mein bahut ummeeden hain। ab baapdaada bhi samajhte hain ek vichaar kar alag-alag vichaar to hota hi hai lekin vichaar ko milaana, woh apne haath mein hota hai। to baapdaada bhi aap nimitta bane hue paandavon mein yeh kamaal dekhne chaahte hain, vichaar bhinna-bhinna hote hain lekin milaana bhi hota hai। to abhi teenon yahi kamaal dikhaana teen nahin lekin teenon ek hain,baaki to sab achhe hain, nimitta hoke chala rahe hain। achha।

desh videsh ke bhaai bahinon ko bahut-bahut mubaarak ho,jo donon hi nimitta daadiyon ki sambhaal bahut achhi ki hai, uski vishesh mubaarak hai। aur sabhi taraph ke bhaai bahinon ko vishesh dil ki yaad pyaar de rahe hain aur sada dil mein samaaye hue hain isliye sada yaad mein rehna aur ek do ko yaad dilaate rehna। achha।

aaj to sirf jo sabhi ko sankalp tha, milna hai,milna hai,milna hai। woh shareer ke hisaab se poora hua। ab aage jo drama mein hoga milte rahenge।baapdaada bachchon se kabhi bhi door nahin rah sakte। jaise bachche baap se door nahin rah sakte to baap bhi bachchon se door nahin rah sakta। baapdaada sabhi bachchon ko dekh khush hai, mubaarak bhi dete hain ki abhi har ek samjhe ki main is behad ke kaarya ke liye sirf svayan ke liye nahin, svayan ke saath seva ke bhi nimitta hoon। ab aisi kamaal dikhaao, duniya mein halchal aur halchal ko achal banaane vaale nimitta aap ho। woh apna kaarya nahin chhodte to aap bhi apne ko nimitta samajh woh halchal aap achal, donon saath-saath part bajaao। achha। aaj sirf milne aaye the।

mahaaraashtra, mumbai, aandhrapradesh ke bhaai bahinon ki seva ka tarna hai:-sabhi haath hila rahe hain। har ek zone ko nimitta banne ka part milta hai। aur baapdaada ne dekha ki har ek ne part bajaaya bhi hai aur bajaayenge bhi।

chaar wings, education,dhaarmik,science-engineer,cultural aur CAD group bhi aaya hai। jo bhi wings vaale hain, woh har ek wing ek do se aage hain aur attention de kaarya ko aage badha bhi rahe hain, uski mubaarak ho, mubaarak ho। chaaron or ke bachchon ko apna-apna kaarya karne ki mubaarak bhi ho aur aage ke liye har ek wing ya har ek zone aage se aage badhte rahenge, yeh baapdaada ki mubaarak hai।

double videshi jo bhi aaye hain, woh khade ho jaao। baapdaada abhi double videshi nahin kehte double purushaarthi। kyonki double purushaarthi abhi bhi chaaron or badh rahe hain,chhote chhote sthaanon mein bhi attention de rahe hain isliye seva ki bhi mubaarak hai aur double purushaartha ki bhi mubaarak hai। abhi double videshi nahin kaho double teevra purushaarthi kaho। theek hai। double purushaarthi,double maana teevra purushaarthi। to baapdaada ko yaad hai ki double purushaarthi kahaan-kahaan se aaye hain, lekin sab se door kaun hai? sabse door kaun hai?America vaale। woh bhi is duniya ke hain। lekin baapdaada kahaan se aaye hain? bachchon ne kaha aur baap haajir। chaahe shareer ka kuchh bhi ho lekin bachche, bachche hain। baap sada ji haajir ho jaate hain। achha, chaaron or ke bahut-bahut apna achha part bajaane vaale aise baap ne kaha, bachchon ne kiya, aise bachche sada baap ke dil mein rehte hain। to chaaron or ke aise bachchon ko padam guna yaadapyaar। achha।

(jaanki daadi ko sir mein chot lagi hai) yeh to hota rehta hai, iski koi baat nahin hai। aur hi sundar ho gai ho। (daadi jaanki sir dhake hue hai) daadi daadi kehti ho na,to daadi ka roop bhi to dekho। yeh theek hai? (hansa behen, praveena behen se) thakti to nahin ho। achha hai। (hansa behen se) seva achhi kar rahi ho। seva jo bhi karte hain na aap logon ko dekh ke unhon ko bhi umang aata hai iseelie unhon ki mubaarak milti rehti hai, jo nimitta bante hain। doctors ko bhi yaad bhejna।

(aise donon daadiyon ke saath hi kyon hua) yeh uttar drama dega। drama। abhi iske aage to koi nahin bol sakta। drama,drama hi hai।(neelu behen ulhana de rahi hain) jo bolna ho,bolo।

achha,sab bindu roop mein sthit ho jaao।

om shanti।