सोमवार 27 अप्रैल 2020 की दैनिक मुरली

27-04-2020 praatahmurli om shanti "baapdaada"' madhuban

“ meethe bachche - apni unnati ke liye roz potaamel nikaalo , saare din mein chalan kaisi rahi , check karo - yagya ke prati honest ( eemaandaar ) rahe ?''

prashn:- kin bachchon ke prati baap ka bahut regard hai? us regard ki nishaani kya hai?

uttar:- jo bachche baap ke saath sachche, yagya ke prati eemaandaar hain, kuchh bhi chhipaate nahin hain, un bachchon prati baap ka bahut regard hai। regard hone ke kaaran puchkaar de uthaate rehte hain। service par bhi bhej dete hain। bachchon ko sach sunaakar shreemat lene ki akla honi chaahiye।

geet:- mahphil mein jal uthi shama…

om shanti। ab yeh geet to hua wrong kyonki tum shama to ho nahin। aatma ko vaastav mein shama nahin kaha jaata। bhakton ne anek naam rakh diye hain। na jaanne ke kaaran kehte bhi hain - neti-neti, ham nahin jaante, naastik hain। phir bhi jo naam aaya woh kah dete। brahm, shama, thikkar, bhittar mein bhi paramatma kah dete kyonki bhakti maarga mein koi bhi baap ko yathaartha reeti pahchaan nahin sakte। baap ko hi aakar apna parichay dena hai। shaastra aadi koi mein bhi baap ka parichay nahin hai isliye unhon ko naastik kaha jaata hai। ab bachchon ko baap ne parichay diya hai, parantu apne ko aatma samajh baap ko yaad karna, ismen bahut hi buddhi ka kaam hai। is samay hain pattharbuddhi। aatma mein buddhi hai। organs dvaara pata padta hai - aatma ki buddhi paaras hai ya patthar hai? saara madaar aatma par hai। manushya to kah dete hain aatma hi paramatma hai। woh to nirlep hai isliye jo chaaho karte raho। manushya hokar baap ko hi nahin jaante hain। baap kehte hain maaya raavan ne sabki pattharbuddhi bana di hai। din-pratidin tamopradhaan jaasti hote jaate hain। maaya ka bahut jor hai, sudharte hi nahin। bachchon ko samjhaaya jaata hai raat ko saare din ka potaamel nikaalo - kya kiya? hamne bhojan devtaaon misal khaaya? chalan kaaydesir chali ya anaadiyon misal? rojaana apna potaamel nahin sambhaalenge to tumhaari unnati kabhi nahin hogi। bahuton ko maaya thappad maarti rehti hai। likhte hain ki aaj hamaara buddhiyog phalaane ke naam-roop mein gaya, aaj yeh paap karma hue। aisa sach likhne vaala koton mein koi hi hai। baap kehte hain main jo hoon, jaisa hoon mujhe bilkul nahin jaante। apne ko aatma samajh aur baap ko yaad karen tab kuchh buddhi mein baithe। baap kehte hain bhal achhe-achhe bachche hain, bahut achha gyaan sunaate hain, yog kuchh nahin। pahchaan poori hai nahin, samajh nahin sakte isliye kisko samjha nahin sakte। saari duniya ke manushya maatra rachta aur rachna ko bilkul jaante nahin to goya kuchh bhi nahin jaante। yeh bhi drama mein noondh hai। phir bhi hoga। 5 hazaar varsha baad phir yeh samay aayega aur mujhe aakar samjhaana hoga। raajaai lena kam baat nahin hai! bahut mehnat hai। maaya achha hi vaar karti hai, badi yuddha chalti hai। boxing hoti hai na। bahut hoshiyaar jo hote hain, unki hi boxing hoti hai। phir bhi ek-do ko behosh kar dete hain na। kehte hain baba maaya ke bahut toofaan aate hain, yeh hota hai। so bhi bahut thode sach likhte hain। bahut hain jo chhipa lete hain। samajh nahin ki mujhe baba ko kaise sach sunaana hai? kya shreemat leni hai? varnan nahin kar sakte। baap jaante hain maaya badi prabal hai। sach batlaane mein badi lajja aati hai, unse karma aise ho jaate hain jo bataane mein lajja aati hai। baap to bahut regard de uthaate hain। yeh bahut achha hai, inko all-round service par bhej doonga। bas deh-ahankaar aaya, maaya ka thappad khaaya, yeh gira। baba to uthaane liye mahima bhi karte hain। puchkaar de uthaaoonga। tum to bahut achhe ho। sthool seva mein bhi achhe ho। parantu yathaartha reeti baith bataate hain ki manzil bahut bhaari hai। deh aur deh ke sambandh ko chhod apne ko ashareeri aatma samajhna - yeh purooshaartha karna buddhi ka kaam hai। sab purooshaarthi hain। kitni badi raajaai sthaapan ho rahi hai। baap ke sab bachche bhi hain, student bhi hain to followers bhi hain। yeh saari duniya ka baap hai। sabhi us ek ko bulaate hain। woh aakar bachchon ko samjhaate rehte hain। phir bhi itna regard thode hi rehta hai। bade-bade aadmi aate hain, kitna regard se unki sambhaal karte hain। kitna bhabhka rehta hai। is samay to hain sab patit। parantu apne ko samajhte thode hi hain। maaya ne bilkul hi tuchchha buddhi bana diya hai। kah dete satayug ki aayu itni lambi hai to baap kehte hain 100 pratishat besmajh hue na। manushya hokar aur kya kaam karte rehte hain। 5 hazaar varsha ki baat ko laakhon varsha kah dete hain! yeh bhi baap aakar samjhaate hain। 5 hazaar varsha pahle in lakshmi-naaraayan ka raajya tha। yeh daiveegun vaale manushya the isliye unko devta, aasuri gun vaale ko asur kaha jaata hai। asur aur devta mein raat-din ka farka hai। kitna maaraamaari jhagda laga pada hai। khoob taiyaariyaan hoti rehti hain। is yagya mein saari duniya svaaha honi hai। inke liye yeh sab taiyaariyaan chaahiye na। bombs nikle so nikle phir banda thode hi ho sakte। thode samay ke andar sabke paas dher ho jaayenge kyonki vinaash to phataaphat hona chaahiye na। phir hospital aadi thode hi rahegi। kisko pata bhi nahin padega। maasi ka ghar thode hi hai। vinaash-saakshaatkaar koi paai-paise ki baat nahin hai। saari duniya ki aag dekh sakenge! saakshaatkaar hota hai - sirf aag hi aag lagi hui hai। saari duniya khatma honi hai। kitni badi duniya hai। aakaash to nahin jalega। inke andar jo kuchh hai, sab vinaash hona hai। satayug aur kaliyug mein raat-din ka pharka hai। kitne dher manushya hain, jaanvar hain, kitni saamagri hai। yeh bhi bachchon ki buddhi mein mushkil baithta hai। vichaar karo - 5 hazaar varsha ki baat hai। devi-devtaaon ka raajya tha na! kitne thode manushya the। ab kitne manushya hain। abhi hai kaliyug, inka zaroor vinaash hona hai।

ab baap aatmaon ko kehte hain maamekam yaad karo। yeh bhi samajh se yaad karna hai। aise hi shiv-shiv to bahut kehte rehte hain। chhote bachche bhi kah dete parantu buddhi mein samajh kuchh nahin। anubhav se nahin kehte ki woh bindi hai। ham bhi itni chhoti bindi hain। aise samajh se yaad karna hai। pahle to main aatma hoon - yeh pakka karo phir baap ka parichay buddhi mein achhi reeti dhaaran karo। antarmukhi bachche hi achhi reeti samajh sakte hain ki ham aatma bindi hain। hamaari aatma ko abhi knowledge mil rahi hai ki hamaare mein 84 janmon ka part kaise bhara hua hai, phir kaise aatma satopradhaan banti hai। yeh sab badi antarmukh ho samajhne ki baaten hain। ismen hi time lagta hai। bachche jaante hain hamaara yeh antim janma hai। abhi ham jaate hain ghar। yeh buddhi mein pakka hona chaahiye ki ham aatma hain। shareer ka bhaan kam ho tab baatcheet karne mein sudhaar ho। nahin to chalan bilkul hi badtar ho jaati hai kyonki shareer se alag hote nahin। deh-abhimaan mein aakar kuchh na kuchh kah dete hain। yagya se to bade honest chaahiye। abhi to bahut albele hain। khaan, paan, vaataavran kuchh sudhaara nahin hai। abhi to bahut time chaahiye। serviceable bachchon ko hi baba yaad karte hain, pad bhi vahi pa sakenge। aise hi apne ko sirf khush karna, woh to chana chabaana hai। ismen badi antarmukhta chaahiye। samjhaane ki bhi yukti chaahiye। pradarshani mein koi samajhte thode hi hain। sirf kah dete ki aapki baaten theek hain। yahaan bhi nambarvaar hain। nishchay hai ham bachche bane hain, baap se svarga ka varsa milta hai। agar ham baap ki poori service karte rahenge to hamaara to yahi dhandha hai। saara din vichaar saagar manthan hota rahega। yeh baba bhi vichaar saagar manthan karta hoga na। nahin to yeh pad kaise paayega! bachchon ko donon ikattha samjhaate rehte hain। do engine mili hain kyonki chadhaai badi hai na। pahaadi par jaate hain to gaadi ko do engine lagaate hain। kabhi-kabhi chalte-chalte gaadi khadi ho jaati hai to khisak kar neeche chale aate hain। hamaare bachchon ka bhi aise hain। chadhte-chadhte, mehnat karte-karte phir chadhaai chadh nahin sakte। maaya ka grahan va toofaan lagta hai to ekdam neeche girkar purja-purja ho jaate hain। thodi hi service ki to ahankaar aa jaata hai, gir padte hain। samajhte nahin ki baap hai, saath mein dharmaraaj bhi hai। agar kuchh aisa karte hain to hamaare oopar bahut bhaari danda padta hai। isse to baahar mein rahen woh achha hai। baap ka bankar aur varsa lena, maasi ka ghar nahin hain। baap ka bankar aur phir aisa kuchh karte hain to naam badnaam kar dete hain। bahut chot lag jaati hai। vaaris banna koi maasi ka ghar thode hi hai। praja mein koi itne saahookaar bante hain, baat mat poochho। agyaankaal mein koi achhe hote hain, koi kaise! naalaayak bachche ko to kah denge hamaare saamne se hat jaao। yahaan ek-do bachche ki to baat nahin। yahaan maaya badi jabardasta hai। ismen bachchon ko bahut antarmukh hona hai, tab tum kisko samjha sakenge। tumhaare par balihaar jaayenge aur phir bahut pachhtaayenge - ham baap ke liye itni gaali dete aaye। sarvavyaapi kehna ya apne ko eeshvar kehna, unhon ke liye saza kam thode hi hai। aisehi thode hi chale jaayenge। unhon ke liye to aur hi museebat hai। jab samay aayega to baap in sabse hisaab lenge। kayaamat ke samay sabka hisaab-kitaab chuktu hota hai na, ismen badi vishaalbuddhi chaahiye।

manushya to dekho kis-kis ko pees prize dete rehte hain। ab vaastav mein pees karne vaala to ek hai na। bachchon ko likhna chaahiye - duniya mein purity-pees-prosperity bhagwan ki shreemat par sthaapan ho rahi hai। shreemat to mashhoor hai। shreemat bhagvat geeta shaastra ko kitna regard dete hain। koi ne kiske shaastra va mandir ko kuchh kiya to kitna lad padte hain। abhi tum jaante ho yeh saari duniya hi jalkar bhasma ho jaayegi। yeh mandir-masjid aadi ko jalaate rahenge। ye sab hone ke pahle pavitra hona hai। yeh ona laga rahe। gharbaar bhi sambhaalna hai। yahaan aate to dher ke dher hain। yahaan bakriyon muaaphik to nahin rakhna hai na kyonki yeh to amoolya jeevan hai, inko to bahut sambhaal se rakhna hai। bachchon aadi ko le aana - yeh banda kar dena hoga। itne bachchon ko kahaan baith sambhaalenge। bachchon ko chhuttiyaan mili to samajhte hain aur kahaan jaayen, chalo madhuban mein baba ke paas jaate hain। yeh to jaise dharmashaala ho jaae। phir university kaise hui! baba jaanch kar rahe hain phir kab order kar denge - bachche koi bhi na le aaye। yeh bandhan bhi kam ho jaayenge। maataaon par taras padta hai। yeh bhi bachche jaante hain shivbaaba to hai gupta। inka bhi kisko regard thode hi hai। samajhte hain hamaara to shivbaaba se connection hai। itna bhi samajhte nahin - shivbaaba hi to in dvaara samjhaate hain na। maaya naak se pakad ulta kaam karaati rehti hai, chhodti hi nahin। raajdhaani mein to sab chaahiye na। yeh sab pichhaadi mein saakshaatkaar honge। sajaaon ke bhi saakshaatkaar honge। bachchon ko pahle bhi yeh sab saakshaatkaar hue hain। phir bhi koi-koi paap karna chhodte nahin। kai bachchon ne jaise gaanth baandh li hai ki hamko to banna hi third class hai, isliye paap karna chhodte hi nahin। aur hi achhi reeti apni sajaayen taiyaar kar rahe hain। samjhaana to padta hai na। yeh gaanth nahin baandho ki hamko to third class hi banna hai। abhi gaanth baandho ki hamko aisa lakshmi-naaraayan banna hai। koi to achhi gaanth baandhate hain, chart likhte hain - aaj ke din hamne kuchh kiya to nahin! aise chart bhi bahut rakhte the, woh aaj hain nahin। maaya bahut pachhaadti hai। aadhaakalpa main sukh deta hoon to aadhaakalpa phir maaya duhkh deti hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) antarmukhi bankar shareer ke bhaan se pare rahne ka abhyaas karna hai, khaan-paan, chaal-chalan sudhaarna hai sirf apne ko khush karke albela nahin hona hai।

2) chadhaai bahut oonchi hai, isliye bahut-bahut khabardaar hokar chalna hai। koi bhi karma sambhaalkar karna hai। ahankaar mein nahin aana hai। ulta karma karke sajaayen nahin taiyaar karni hai। gaanth baandhani hai ki humein in lakshmi-naaraayan jaisa banna hi hai।

vardaan:- karmabhog roopi paristhiti ki aakarshan ko bhi samaapta karne vaale sampoorn nashtomohaabhav

abhi tak prakriti dvaara bani hui paristhitiyaan avastha ko apni taraph kuchh-na-kuchh aakarshit karti hain। sabse jyaada apni deh ke hisaab-kitaab, rahe hue karmabhog ke roop mein aane vaali paristhiti apne taraph aakarshit karti hai - jab yeh bhi aakarshan samaapta ho jaae tab kahenge sampoorn nashtomoha। koi bhi deh ki va deh ke duniya ki paristhiti sthiti ko hila nahin sake - yahi sampoorn stage hai। jab aisi stage tak pahunch jaayenge tab second mein apne master sarvashaktimaan swaroop mein sahaj sthit ho sakenge।

slogan:- pavitrata ka vrat sabse shreshtha satyanaaraayan ka vrat hai - ismen hi ateendriy sukh samaaya hua hai।