रविवार 3 मई 2020 की दैनिक मुरली

03-05-20 praatahmurli om shanti ''avyakt-baapdaada'' revise 06-01-86 madhuban

sangamayug-jama karne ka yug

aaj sarva bachchon ke teenon kaal ko jaanne vaale trikaaldarshi baapdaada sabhi bachchon ke jama ka khaata dekh rahe hain। yeh to sabhi jaante hi ho ki saare kalpa mein shreshtha khaata jama karne ka samay sirf yahi sangamayug hai। chhota-sa yug, chhoti-si jeevan hai। lekin is yug, is jeevan ki visheshta hai jo ab hi jitna jama karne chaahen woh kar sakte hain। is samay ke shreshtha khaate ke pramaan poojya pad bhi paate ho aur phir poojya so pujaari bhi bante ho। is samay ke shreshtha karmon ka, shreshtha knowledge ka, shreshtha sambandh ka, shreshtha shaktiyon ka, shreshtha gunon ka sab shreshtha khaate abhi jama karte ho। dvaapar se bhakti ka khaata alpakaal ka abhi-abhi kiya, abhi-abhi phal paaya aur khatma hua। bhakti ka khaata alpakaal ka isliye hai- kyonki abhi kamaaya aur abhi khaaya। jama karne ka avinaashi khaata jo janma-janma chalta rahe woh avinaashi khaate jama karne ka abhi samay hai isliye is shreshtha samay ko purushottam yug ya dharmaau yug kaha jaata hai। parmaatma avatran yug kaha jaata hai। direct baap dvaara praapta shaktiyon ka yug yahi gaaya hua hai। isi yug mein hi baap vidhaata aur vardaata ka part bajaate hain isliye is yug ko vardaani yug bhi kaha jaata hai। is yug mein sneh ke kaaran baap bhole bhandaari ban jaate hain। jo ek ka padamguna phal deta hai। ek ka padamguna jama hone ka vishesh bhaagya abhi hi praapta hota hai। aur yugon mein jitna aur utna ka hisaab hai। antar hua na kyonki abhi direct baap varse aur vardaan donon roop mein praapti karaane ke nimitta hain। bhakti mein bhaavna ka phal hai, abhi varse aur vardaan ka phal hai isliye is samay ke mahatva ko jaan, praaptiyon ko jaan, jama ke hisaab ko jaan, trikaaldarshi ban har kadam uthaate rehte ho? is samay ka ek second kitne saadhaaran samay se bada hai - woh jaante ho? second mein kitna kama sakte ho aur second mein kitna ganvaate ho? yeh achhi tarah se hisaab jaante ho? va saadhaaran reeti se kuchh kamaaya kuchh ganvaaya। aisa amoolya samay samaapta to nahin kar rahe ho? brahmaakumaar brahmaakumaari to bane lekin avinaashi varse aur vishesh vardaanon ke adhikaari bane? kyonki is samay ke adhikaari janma-janma ke adhikaari bante hain। is samay ke kisi na kisi svabhaav va sanskaar va kisi sambandh ke adheen rahne vaali aatma janma-janma adhikaari banne ke bajaae praja pad ke adhikaari bante hain। raajya adhikaari nahin। praja pad adhikaari bante hain। banne aaye hain raajayogi, raajya adhikaari lekin adheenta ke sanskaar kaaran vidhaata ke bachche hote hue bhi raajya adhikaari nahin ban sakte isliye sada yeh check karo sva adhikaari kahaan tak bane hain? jo sva adhikaar nahin pa sakte vo vishwa ka raajya kaise praapta karenge? vishwa ke raajya adhikaari banne ka chaitanya model, abhi sva raajya adhikaari banne se taiyaar karte ho। koi bhi cheez ka pahle model taiyaar karte ho na। to pahle is model ko dekho।

sva adhikaari arthaat sarva karmendriyon roopi praja ke raaja banna। praja ka raajya hai ya raaja ka raajya hai? yeh to jaan sakte ho na! praja ka raajya hai to raaja nahin kahlaayenge। praja ke raajya mein raajvansh samaapta ho jaata hai। koi bhi ek karmendriy dhokha deti hai to sva raajya adhikaari nahin kahenge। aise bhi kabhi nahin sochna ki ek do kamjori to hoti hi hain। sampoorn to last mein banna hai। lekin bahut kaal ki ek kamjori bhi samay par dhokha de deti hai। bahut kaal ke adheen banne ke sanskaar adhikaari banne nahin denge isliye adhikaari arthaat sva adhikaari। ant mein sampoorn ho jaayenge, is dhokhe mein nahin rah jaana। bahut kaal ka sva adhikaar ka sanskaar bahut kaal ke vishwa adhikaari banaayega। thode samay ke sva raajya adhikaari thode samay ke liye hi vishwa raajya adhikaari banenge। jo abhi baap ki samaanta ki aagya pramaan baap ke diltakhtansheen bante hain vo hi raajya takhtansheen bante hain। baap samaan banna arthaat baap ke dil takhtansheen banna। jaise brahma baap sampanna aur samaan bane aise sampoorn aur samaan bano। raajya takhta ke adhikaari bano। kisi bhi prakaar ke albelepan mein apna adhikaar ka varsa va vardaan kam nahin praapta karna। to jama ka khaata check karo। naya varsha shuru hua hai na। pichhla khaata check karo aur naya khaata samay aur baap ke vardaan se jyaada se jyaada jama karo। sirf kamaaya aur khaaya, aisa khaata nahin banaao! amritvele yog lagaaya jama kiya। class mein study kar jama kiya aur phir saare din mein paristhitiyon ke vash va maaya ke vaar ke vash va apne sanskaaron ke vash jo jama kiya woh yuddha karte vijayi banne mein kharcha kiya। to result kya nikli? kamaaya aur khaaya, jama kya hua? isliye jama ka khaata sada check karo aur badhaate chalo। aise hi chart mein sirf right nahin karo। class kiya? haan। yog kiya? lekin jaise shaktishaali yog samay ke pramaan hona chaahiye vaise raha? samay achha paas kiya, bahut aananda aaya, vartamaan to bana lekin vartamaan ke saath jama bhi kiya? itna shaktishaali anubhav kiya? chal rahe hain, sirf yeh check nahin karo। kisi se bhi poochho kaise chal rahe ho? to kah dete bahut achhe chal rahe hain। lekin kis speed mein chal rahe hain, yeh check karo। cheenti ki chaal chal rahe hain va rocket ki chaal chal rahe hain? is varsha sabhi baaton mein shaktishaali banne ki speed ko aur percentage ko check karo। kitni percentage mein jama kar rahe ho? 5 roopaya bhi kahenge jama hua। 500 roopaya bhi kahenge jama hua! jama to kiya lekin kitna kiya? samjha kya karna hai।

golden jubilee ki or ja rahe ho- yeh saara varsha golden jubilee ka hai na! to check karo har baat mein golden aged arthaat satopradhaan stage hai? va sato arthaat silver aged stage hai? purushaartha bhi satopradhaan golden aged ho। seva bhi golden aged ho। jara bhi puraane sanskaar ka alloy (khaad) nahin ho। aise nahin jaise aajkal chaandi ke oopar bhi sone ka paani chadha dete hain। baahar se to sona lagta hai lekin andar kya hota hai? mix kahenge na! to seva mein bhi abhimaan aur apmaan ka alloy mix na ho। isko kaha jaata hai golden aged seva। svabhaav mein bhi eershya, siddha aur zid ka bhaav na ho। yeh hai alloy। is alloy ko samaapta kar golden aged svabhaav vaale bano। sanskaar mein sada haan ji। jaisa samay, jaisi seva vaise svayan ko mould karna hai arthaat real gold banna hai। mujhe mould hona hai। doosra kare to main karoon yeh jidda ho jaati hai। yeh real gold nahin! yeh alloy samaapta kar golden aged bano। sambandh mein sada har aatma ke prati shubh bhaavna, kalyaan ki bhaavna ho। sneh ki bhaavna ho, sahayog ki bhaavna ho। kaise bhi bhaav svabhaav vaala ho lekin aapka sada shreshtha bhaav ho। in sab baaton mein sva-parivartan hi golden jubilee manaana hai। alloy ko jalaana arthaat golden jubilee manaana। samjha - varsha ka aarambha golden aged sthiti se karo। sahaj hai na। sunne ke samay to sab samajhte hain ki karna hi hai lekin jab samasya saamne aati tab sochte yeh to badi mushkil baat hai। samasya ke samay sva raajya adhikaareepan ka adhikaar dikhaane ka hi samay hota hai। vaar ke samay hi vijayi banna hota hai। pareeksha ke samay hi number one lene ka samay hota hai। samasya swaroop nahin bano lekin samaadhaan swaroop bano। samjha - is varsha kya karna hai? tab golden jubilee ki samaapti sampanna banne ki golden jubilee kahi jaayegi। aur kya naveenta karenge? baap daada ke paas sabhi bachchon ke sankalp to pahunchte hi hain। programme mein bhi naveenta kya karenge? golden thoughts sunaane ki topic rakhi hai na। sunahre sankalp, sunahre vichaar, jo sona bana den aur sone ka yug laaven। yeh topic rakhi hai na। achha- aaj vatan mein is vishay par rooh-roohaan hui vo phir sunaayenge। achha -

sarva varse aur vardaan ke double adhikaari bhaagyavaan aatmaon ko, sada svaraajya adhikaari shreshtha aatmaon ko, sada svayan ko golden aged sthiti mein sthit karne vaale real gold bachchon ko, sada sva parivartan ki lagan se vishwa parivartan mein aage badhne vaale vishesh aatmaon ko baapdaada ka yaadapyaar aur namaste।

meeting mein aaye hue doctors se - avyakt baapdaada ki mulaakaat

apne shreshtha umang utsaah dvaara anek aatmaon ko sada khush banaane ki seva mein lage hue ho na। doctors ka vishesh kaarya hi hai har aatma ko khushi dena। pahli davaai khushi hai। khushi aadhi beemaari khatma kar deti hai। to roohaani doctors arthaat khushi ki davaai dene vaale। to aise doctor ho na। ek baar bhi khushi ki jhalak aatma ko anubhav ho jaae to woh aatma sada khushi ki jhalak se aage udti rahegi। to sabhi ko double light banaae udaane vaale doctors ho na। woh bed se utha dete hain। bed mein sone vaale patient ko utha dete hain, chala dete hain। aap puraani duniya se uthaae nai duniya mein bitha do। aise plan banaaye hain na। roohaani inastrumentas use karne ka plan banaaya hai? injection kya hai, goliyaan kya hain, blood dena kya hai। yeh sab roohaani saadhan banaaye hain! kisko blood dene ki aavashyakta hai to roohaani blood kaun-sa dena hai? heart patient ko kaun-si davaai deni hai? heart patient arthaat dilshikasta patient। to roohaani saamagri chaahiye। jaise woh nai-nai invention karte hain, vo science ke saadhan se invention karte hain। aap silence ke saadhnon se sadaakaal ke liye nirogi bana do। jaise unhon ke paas saari list hai - yeh instrumenta hain, yeh instrumenta hai। aise hi aapki bhi list ho lambi। aise doctors ho। ever healthy banaane ke itne badhiya saadhan hon। aise occupation apna banaaya hai? sabhi doctors ne apne-apne sthaan par aisa board lagaaya hai ever healthy ever wealthy banne ka? jaise apne woh occupation likhte ho aise hi yeh likhat ho jise dekhkar samjhen ki yeh kya hai - andar jaakar dekhe। aakarshan karne vaala board ho। likhat aisi ho jo parichay lene ke bina koi rah na sake। vaise bulaane ki aavashyakta na ho lekin svayan hi aapke aage na chaahte bhi pahunch jaaen, aisa board ho। woh to likhte hain em. bi. bi. S., phalaane-phalaane aap phir apna aisa board par roohaani occupation likho jisse woh samjhen ki yeh sthaan zaroori hai। aisi apni roohaani degree banaai hai ya vo hi degree likhte ho?

(seva ka shreshtha saadhan kya hona chaahiye) seva ka sabse teekha saadhan hai - samartha sankalp se seva। samartha sankalp bhi hon, bol bhi hon aur karma bhi hon। teenon saath-saath kaarya karen। yahi shaktishaali saadhan hai। vaani mein aate ho to shaktishaali sankalp ki percentage kam ho jaati hai ya woh percentage hoti hai to vaani ki shakti mein pharka pad jaata hai। lekin nahin। teenon hi saath-saath hon। jaise koi bhi patient ko ek hi saath koi nabja dekhta hai, koi operation karta hai… ikattha-ikattha karte hain। nabja dekhne vaala peechhe dekhe aur operation vaala pahle kar le to kya hoga? ikattha-ikattha kitna kaarya chalta hai। aise hi roohaaniyat ke bhi seva ke saadhan ikattha-ikattha saath-saath chalen। baaki seva ke plan banaaye hain, bahut achha। lekin aisa koi saadhan banaao jo sabhi samjhe ki haan yeh roohaani doctor sada ke liye healthy banaane vaale hain। achha।

party se:- 1- jo anek baar vijayi aatmaayen hain, unhon ki nishaani kya hogi? unhein har baat bahut sahaj aur halki anubhav hogi। jo kalpa-kalpa ki vijayi aatmaayen nahin unhein chhota-sa kaarya bhi mushkil anubhav hoga। sahaj nahin lagega। har kaarya karne ke pahle svayan ko aise anubhav karenge jaise yeh kaarya hua hi pada hai। hoga ya nahin hoga, yeh question nahin uthega। hua hi pada hai, yeh mahsoosta sada rahegi। pata hai sada saphalta hai hi, vijay hai hi- aise nishchaybuddhi honge। koi bhi baat nai nahin lagegi, bahut puraani baat hai। isi smriti se svayan ko aage badhaate rahenge।

2- double light banne ki nishaani kya hogi? double light aatmaayen sada sahaj udti kala ka anubhav karti hai। kabhi rookna aur kabhi udna aise nahin। sada udti kala ke anubhvi aisi double light aatmaayen hi double taaj ke adhikaari banti hain। double light vaale svatah hi oonchi sthiti ka anubhav karte hain। koi bhi paristhiti aave, yaad rakho ham double light hain। bachche ban gaye arthaat halke ban gaye। koi bhi bojh nahin utha sakte। achha - om shanti।

vardaan:- shubhchintan aur shubhchintak sthiti ke anubhav dvaara brahma baap samaan master daata bhav

brahma baap samaan master daata banne ke liye eershya, ghrina aur criticise - in teen baaton se mukta rahkar sarva ke prati shubhchintak bano aur shubhchintan sthiti ka anubhav karo kyonki jismen eershya ki agni hoti hai ve svayan jalte hain, doosron ko pareshaan karte hain, ghrina vaale khud bhi girte hain doosre ko bhi giraate hain aur hansi mein bhi kritisaaij karne vaale, aatma ko himmatheen banaakar duhkhi karte hain isliye in teenon baaton se mukta rah shubhchintak sthiti ke anubhav dvaara daata ke bachche master daata bano।

slogan:- man-buddhi aur sanskaaron par sampoorn raajya karne vaale svaraajya adhikaari bano।