शुक्रवार 31 जुलाई 2020 की दैनिक मुरली

31-07-2020 praatahmurli om shanti "baapdaada"' madhuban

“meethe bachche - yeh wonderful paathshaala hai jismen tum padhne vaali aatma bhi dekhne mein nahin aati to padhaane vaala bhi dikhaai nahin deta, yeh hai nai baat''

prashn:- is paathshaala mein tumhein mukhya shiksha kaun-si milti hai jo aur koi paathshaala mein nahin di jaati?

uttar:- yahaan baap apne bachchon ko shiksha dete hain - bachche, apni karmendriyon ko vash mein rakhna। kabhi bhi kisi behen par buri drishti na ho। tum aatma roop mein bhaai-bhaai ho aur prajaapita brahma ke bachche behen-bhaai ho। tumhein bure khyaalaat kabhi nahin aane chaahiye। aisi shiksha is university ke sivaae kahin bhi nahin di jaati।

geet:- door desh ka rahne vaala…

om shanti। na doordesh ki rahne vaali aatma dekhne mein aati hai, na doordesh mein rahne vaala paramatma dekhne mein aata hai। ek hi paramatma aur aatma hai jo in aankhon se dekhne mein nahin aate hain। aur sab cheejen dekhne mein aati hain। yeh samajhne mein aata hai ki ham aatma hain। yeh manushya samajhte hain ki aatma alag hai, shareer alag hai। aatma doordesh se aakar shareer mein pravesh karti hai। tum har ek baat ko achhi reeti samajh rahe ho। ham aatma kaise doordesh se aati hain। aatma bhi dekhne mein nahin aati, padhaane vaala baap paramatma bhi dekhne mein nahin aata। aisa to kabhi koi satsang mein athva shaastron mein suna nahin। na kabhi suna, na kabhi dekha। abhi tum jaante ho ham aatma dekhne mein nahin aati। aatma ko hi padhna hai। aatma hi sab kuchh karti hai na। yeh nai baat hai na jo aur koi samjha na sake। parampita paramatma jo gyaan ka saagar hai, woh bhi dekhne mein nahin aata। niraakaar padhaaye kaise? aatma bhi shareer mein aati hai na। vaise parampita paramatma baap bhi bhaagyashaali rath athva bhaageerath mein aate hain। is rath ko bhi apni aatma hai। woh bhi apni aatma ko dekh thode hi sakte hain। baap is rath ke aadhaar se aakar bachchon ko padhaate hain। aatma bhi ek shareer chhod phir doosra leti hai। aatma ki pahchaan hai, dekhi nahin jaati hai। woh baap jo dekha nahin jaata, woh tumko padha rahe hain। yeh hai bilkul nai baat। baap kehte hain main bhi drama plan anusaar apne samay par aakar shareer dhaaran karta hoon। nahin to tum meethe-meethe bachchon ko duhkh se kaise chhudaaoon। ab tum bachche jaage hue ho। duniya ke manushya sab soye hue hain। jabki tumhaare paas aakar samjhen aur brahman banen। aur satsangon mein koi bhi jaakar baith sakte hain। yahaan aise koi aa na sake kyonki yeh paathshaala hai na। bairistari ke imtahaan mein tum jaakar baitho to kuchh bhi samajh nahin sakenge। yeh hai bilkul nai baat। padhaane vaala bhi dekhne mein nahin aata। padhne vaale bhi dekhne mein nahin aate। aatma andar sunti hai, dhaaran karti hai। andar nishchay hota jaata hai। yeh baat to barobar theek hai। paramatma aur aatma donon dekhne mein nahin aate। buddhi se samjha jaata hai - main aatma hoon। kai to yeh bhi nahin maante, kah dete nature hai। phir uska varnan bhi karte hain। anek mat hain na। tum bachchon ko is knowledge mein busy rehna hai। karmendriyaan jo dhokha deti hain, unko bhi vash mein karna hai। mukhya hain aankhen jo sab kuchh dekhti hain। aankhen hi bachcha dekhti hai to kehti hai yeh hamaara bachcha hai। nahin to samjhen kaise! koi janma se hi andhe hote hain to phir unko samjhaate hain yeh tumhaara bhaai hai, dekh nahin sakte। buddhi se samajhte hain। vaastav mein koi andhe soordaas ho to gyaan ko achha utha sakte hain, kyonki dhokha dene vaali aankhen nahin hain। bhal aur kuchh kaam woh na kar sake, gyaan achha le sakte hain। stri ko bhi nahin dekhenge। doosron ko dekhen to buddhi jaaye। unko pakden bhi। dekhte hi nahin to pakden kaise? to baap samjhaate hain karmendriyon ko pakka karna hai। criminal arthaat buri drishti se kisi bhi behen ko nahin dekhna hai। tum bhi behen-bhaai ho na। buri drishti ka zara bhi khyaal na aaye। bhal aajkal kaliyug hai, bhaai-behen bhi kharaab ho padte hain। parantu law mujeeb bhaai-behen ke bure khyaalaat nahin rahenge।

ham ek baap ke bachche hain। baba direction dete hain - tum brahmaakumaar-kumaariyaan ho to yeh gyaan pakka ho jaana chaahiye ki ham bhaai-behen hain। ham aatmaayen bhagwan ke bachche bhaai-bhaai hain phir shareer mein prajaapita brahma dvaara bhaai-behen bante hain kyonki adopt hote hain na। buri drishti ja na sake। yeh pakka-pakka samjho - ham aatma hain। baba hamko padhaate hain, ham aatma padhte hain is shareer se। yeh organs hain। ham aatma inse alag hain, in karmendriyon se ham karma karta hoon। main karmendriyaan thode hi hoon। main inse nyaari aatma hoon। yeh shareer lekar part bajaata hoon, so bhi alaukik। aur koi manushya yeh part nahin bajaate। tum bajaate ho। ghadi-ghadi apne ko aatma samajh baap ko yaad karna hai। phir vahi hamaara teacher bhi hai, guru bhi hai। woh saakaar baap-teacher-guru alag-alag hote hain। yeh niraakaari ek hi baap-teacher-guru hai। yahaan bachchon ko ab nai shiksha mil rahi hai। baap-teacher-guru teenon niraakaari hain। ham bhi niraakaar aatma padhti hain tab to samjha jaae aatma-paramatma alag rahe bahukaal। milna yahaan hi hota hai। jabki baap ko aakar paavan banaana hota hai। mool vatan mein aatmaayen jaakar milengi। vahaan to koi khel nahin, woh to hai apna ghar। vahaan sab aatmaayen rehti hain। ant mein sab aatmaayen vahaan chali jaayengi। aatmaayen jo part bajaane aati hain, woh beech se vaapas ja nahin sakti। ant tak part bajaana hai। punarjanma lete rehna hai, taaki sab aa jaaen। satopradhaan se sato-rajo-tamo mein aa jaaen। phir pichhaadi mein naatak poora hota hai to tamopradhaan se satopradhaan banna hai। baap sab baaten to theek samjhaate hain na। gyaan maarga hai hi satya। satyam shivam sundaram kaha jaata hai na। satya bolne vaala ek baap hai, is sangam par purooshaarthi banne ke liye yeh ek hi sat ka sang hota hai। baap jab aate hain, bachchon se milte hain, tab usko hi satsang kaha jaata hai। baaki sab hain kusang। gaaya jaata hai - sat ka sang taare kusang bore...... kusang hai raavan ka। baap kehte hain main to tumko paar le jaata hoon। phir tumko dubote kaun hain? tamopradhaan kaise ban jaate ho, woh bhi bataana padta hai। saamne dushman hai maaya। shivbaaba hai mitra। unko kaha jaata hai - patiyon ka pati। yeh mahima koi raavan ki nahin hai। sirf kahenge raavan hai, bas aur kuchh nahin। raavan ko kyon jalaate hain? vahaan bhi tum bahut service kar sakte ho। koi bhi manushyamaatra nahin jaante ki raavan kaun hai? kab aate hain, kyon jalaate hain? blind faith hai na। tum bachchon ko samjhaane ki authority hai। jaise woh shaastra authority se sunaate hain na। sunne vaale bhi bade masta hote hain। paise dete rehte hain। sanskrit sikhaao, geeta sikhaao। iske liye bhi bahut paise dete hain। baap samjhaate hain bachche tum kitna vesta oph time, vesta oph mani karte aaye ho।

tumhaare paas jo is brahman kul ke honge woh aate rahenge isliye tum pradarshani aadi karte ho। yahaan ka phool hoga to aayega zaroor। yeh jhaad badhta jaata hai। baap ne beej lagaaya hai ek brahma unse phir brahman kul hota। ek se badhte gaye। pahle ghar vaale phir mitra-sambandhi aaspaas vaale aane lage। phir sunte-sunte kitne aa jaate hain। samajhte hain yeh bhi satsang hai। parantu ismen hai pavitrata ki mehnat, jisse hi hangaama hua। abhi bhi hote rehte hain isliye gaaliyaan dete hain। kehte hain bhagaate the, patraani banaate the। patraani to svarga mein banengi na। zaroor yahaan pavitra banaaya hoga। tum sabko sunaate ho - yeh mahaaraani-mahaaraaja banne ke liye knowledge hai। nar se naaraayan banne ki sachchi-sachchi katha tum sachche bhagwan se sunte ho। in lakshmi-naaraayan ko koi bhagwan-bhagavti kah nahin sakte। parantu pujaari log naaraayan ke chitra ko itna nahin maante jitna krishna ko। krishna ke chitra bahut khareed karte hain। krishna ka itna maan kyon hai? kyonki chhota bachcha hai na। mahaatma se bhi bachchon ko oonch rakhte hain kyonki mahaatmaayen to gharbaar aadi sab banaakar phir chhodte hain। koi baal brahmachaari bhi hote hain। parantu unko maaloom hai kaam-krodh kya hote hain। chhote bachche ko pata nahin rehta isliye mahaatma se oonch kaha jaata hai isliye krishna ko jaasti maan dete hain। krishna ko dekh bahut khush hote hain। bhaarat ka lord krishna hai। bachchiyaan bhi krishna ko bahut pyaar karti hain। in jaisa pati mile, in jaisa bachcha mile। krishna mein kashish bahut hai। satopradhaan hai na। baap kehte rehte, jitna yaad mein rahenge utna tamopradhaan se tamo rajo mein aate jaayenge aur khushi bhi hogi। pahle tum satopradhaan the to bahut khushi mein the phir kala kam hoti jaati hai। tum jitna yaad karte rahenge to sukh bhi itna feel hoga aur tum transfer hote jaayenge। tamo se rajo sato mein aate jaayenge to taakat, khushi, dhaarna badhti jaayegi। is samay tumhaari chadhti kala hai। sikkha log gaate bhi hain tere bhaane sarva ka bhala। tum jaante ho abhi hamaari chadhti kala hoti hai yaad se। jitna yaad karenge utna oonch chadhti kala hogi। sampoorn banna hai na। chandrama ki bhi lakeer rah jaati hai phir kala badhte-badhte sampoorn ban jaata hai। tumhaara bhi aise hai। chandrama par bhi grahan lagta hai to kehte hain de daan to chhoote grahan। tum phat se 5 vikaaron ka daan de nahin sakte ho। aankhen bhi kitna dhokha deti hain। samajhte nahin ki hamaari buri drishti jaati hai। ham jabki brahmaakumaar-kumaari banen to bhaai-behen ho gaye। phir agar dil hoti hai inko haath lagaayen, to woh brotherly lav nikal streepne ka criminal lav ho jaata hai। koi ko dil andar khaata hai ham baap ke bane hain to hamko koi bhi buri drishti se haath laga nahin sakte। phir kehte hain baba hamko yeh haath lagaate hain, hamko achha nahin lagta। baba phir murli chalaate hain - isse tumhaari avastha theek nahin rahegi। bhal murli bahut achhi sunaate, bahuton ko samjhaate hain parantu avastha nahin hai। buri drishti ho jaati hai। itni gandi duniya hai। bachche samajhte hain manzil bahut oonchi hai। baap ki yaad mein sensible ho rehna hai। ham brahmaakumaar-kumaari hain। hamaara roohaani connection hai, blood connection nahin hai। yoon to blood se sab paida hote hain, satayug mein bhi blood connection hota hai parantu woh shareer yogbal se milta hai। kahenge vikaar bigar bachche paida kaise honge! baap kehte hain woh hai hi nirvikaari duniya, vahaan vikaar hota hi nahin। vahaan bhi agar nangan hon to vahaan bhi raavan raajya ho jaae। phir yahaan aur vahaan mein pharka hi kya raha! yeh samajhne ki baaten hain। buri drishti mit jaana badi mehnat lagti hai। college mein bachche-bachchiyaan ikatthe padhte hain, to bahuton ki criminal aai ho jaati hai। bachchon ko samajhna hai ham god father ke bachche hain to aapas mein behen-bhaai ho gaye। phir buri drishti kyon rakhte। sab kehte bhi hain ham eeshvar ki santaan hain। aatmaayen to hui niraakaari santaan। phir baap rachte hain to zaroor saakaari brahman rachenge। prajaapita brahma to saakaar hoga na। woh ho gai adoption। god ke bachche। manushyon ki buddhi mein yeh bilkul nahin aata ki prajaapita brahma dvaara srishti kaise rachi।

tum prajaapita brahma ke bachche brahmaakumaar-kumaariyaan bhaai-behen thahre। buri drishti ki badi khabardaari chaahiye। ismen bahuton ko dikkat hoti hai। oonch te oonch pad paana hai to mehnat karni hai। baap kehte hain pavitra bano। inka bhi koi maante hain, koi nahin maante। badi mehnat hai। mehnat bigar oonch kaise banenge? bachchon ko khabardaar rehna hai। bhaai-behen ka arth hi hai - ek baap ke bachche, phir buri drishti kyon jaani chaahiye। bachche samajhte hain baba theek kehte hain - hamaari criminal drishti jaati hai। stri ki bhi jaati hai, to puroosh ki bhi jaati hai। manzil hai na। knowledge to bahut sunaate hain parantu jabki chalan bhi pavitrata ki ho isliye baba kehte hain sabse jaasti dhokha dene vaali yeh aankhen hain। mukh bhi myaaoon-myaaoon tab karta hai jab aankhon se cheez dekhte hain tab dil hoti hai yeh khaaoon isliye karmendriyon par jeet paani hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pavitrata ki chalan apnaani hai। buri drishti, bure khyaalaat samaapta karne ke liye apne ko in karmendriyon se nyaara aatma samajhna hai।

2) aapas mein roohaani connection rakhna hai, blood connection nahin। apna amoolya time aur mani vesta nahin karna hai। sangadosh se apni bahut-bahut sambhaal karni hai।

vardaan:- brahm-mahoorta ke samay vardaan lene aur daan dene vaale baap samaan vardaani, mahaadaani bhav

braham mahoorta ke samay vishesh brahmalok nivaasi baap gyaan soorya ki light aur might ki kirnen bachchon ko vardaan roop mein dete hain। saath-saath brahma baap bhaagya vidhaata ke roop mein bhaagya roopi amrit baantate hain sirf buddhi roopi kalash amrit dhaaran karne yogya ho। kisi bhi prakaar ka vighna ya rookaavat na ho, to saare din ke liye shreshtha sthiti va karma ka mahoorta nikaal sakte ho kyonki amritvele ka vaataavran hi vritti ko badalne vaala hota hai isliye us samay vardaan lete hue daan do arthaat vardaani aur mahaadaani bano।

slogan:- krodhi ka kaam hai krodh karna aur aapka kaam hai sneh dena।