मंगलवार 1 सितंबर 2020 की दैनिक मुरली

01-09-2020 praatahmurli om shanti "baapdaada"' madhuban

meethe bachche - baap aaye hain tumhein karma-akarma-vikarma ki guhya gati sunaane, jab aatma aur shareer donon pavitra hain to karma akarma hote hain, patit hone se vikarma hote hain।

prashn:- aatma par kat (junk) chadhne ka kaaran kya hai? kat chadhi hui hai to uski nishaani kya hogi?

uttar:- kat chadhne ka kaaran hai - vikaar। patit banne se hi kat chadhti hai। agar abhi tak kat chadhi hui hai to unhein puraani duniya ki kashish hoti rahegi। buddhi criminal taraph jaati rahegi। yaad mein rah nahin sakenge।

om shanti। bachche iska arth to samajh gaye hain। om shanti kahne se hi yeh nishchay ho jaata hai ki ham aatmaayen yahaan ki rahvaasi nahin hain। ham to shantidham ki rahvaasi hain। hamaara svadharma shant hai, jab ghar mein rehte hain phir yahaan aakar part bajaate hain, kyonki shareer ke saath karma karna padta hai। karma hota hai ek achha, doosra bura। karma bura hota hai raavan raajya mein। raavan raajya mein sabke karma vikarma ban gaye hain। ek bhi manushya nahin jisse vikarma na hota ho। manushya to samajhte hain saadhu-sanyaasi aadi se vikarma nahin ho sakta kyonki woh pavitra rehte hain। sanyaas kiya hua hai। vaastav mein pavitra kisko kaha jaata hai, yeh bilkul nahin jaante। kehte bhi hain ham patit hain। patit-paavan ko bulaate hain। jab tak woh na aaye tab tak duniya paavan ban nahin sakti। yahaan yeh patit puraani duniya hai, isliye paavan duniya ko yaad karte hain। paavan duniya mein jab jaayenge to patit duniya ko yaad nahin karenge। woh duniya hi alag hai। har ek cheez nai phir puraani hoti hai na। nai duniya mein ek bhi patit ho na sake। nai duniya ka rachayita hai parampita paramatma, vahi patit-paavan hai, unki rachna bhi zaroor paavan honi chaahiye। patit so paavan, paavan so patit, yeh baaten duniya mein kiski buddhi mein baith na saken। kalpa-kalpa baap hi aakar samjhaate hain। tum bachchon mein bhi kai nishchaybuddhi hokar phir sanshay buddhi ho jaate hain। maaya ekdam hap kar leti hai। tum mahaarthi ho na। mahaarthiyon ko hi bhaashan par bulaate hain। mahaaraajaaon ko bhi samjhaana hai। tum hi pahle paavan poojya the, abhi to yeh hai hi patit duniya। paavan duniya mein bhaaratvaasi hi the। tum bhaaratvaasi aadi sanaatan devi-devta dharma ke double sirtaaj sampoorn nirvikaari the। mahaarthiyon ko to aise samjhaana hoga na। is nashe se samjhaana hota hai। bhagvaanuvaach-kaam chita par baith saanvare ban jaate hain phir gyaan chita par baithne se gora banenge। ab jo bhi samjhaate hain woh to kaam chita par baith na saken। parantu aise bhi hain jo auron ko samjhaate-samjhaate kaam chita par baith jaate hain। aaj yeh samjhaate kal vikaar mein gir padte। maaya badi jabardasta hai। baat mat poochho। auron ko samjhaane vaale khud kaam chita par baith jaate hain। phir pachhtaate hain-yeh kya hua? boxing hai na। stri ko dekha aur kashish aai, kaala munh kar diya। maaya badi dushtar hai। pratigya kar aur phir girte hain to kitna sau guna danda pad jaata hai। woh to jaise shoodra samaan patit ho gaya। gaaya bhi hua hai-amrit peekar phir baahar mein jaae doosron ko sataate the। gand karte the। taali do haath se bajti hai। ek se to baj na sake। donon kharaab ho jaate। phir koi to samaachaar dete hain, koi phir lajja ke maare samaachaar hi nahin dete। samajhte hain kahaan brahman kul mein naam badnaam na ho jaae। yuddha mein koi haarte hain to haahaakaar ho jaata hai। are itne bade pahalvaan ko bhi gira diya! aise bahut accident hote hain। maaya thappad maarti hai, bahut badi manzil hai na।

ab tum bachche samjhaate ho jo satopradhaan gore the, vahi kaam chita par baithne se kaale tamopradhaan bane hain। raam ko bhi kaala banaate hain। chitra to bahuton ke kaale banaate hain। parantu mukhya ki baat samjhaai jaati hai। yahaan bhi raamchandra ka kaala chitra hai, unse poochhna chaahiye-kaala kyon banaaya hai? kah denge yeh to eeshvar ki bhaavi। yeh to chalta aata hai। kyon hota, kya hota - yeh kuchh nahin jaante। ab tumko baap samjhaate hain kaam chita par baithne se patit duhkhi worth not A penny ban jaate hain। woh hai nirvikaari duniya। yeh hai vikaari duniya। to aise-aise samjhaana chaahiye। yeh sooryavanshi, yeh chandravanshi phir vaishya vanshi banna hi hai। vaam maarga mein aane se phir woh devta nahin kahlaate। jagat naath ke mandir mein oopar mein devtaaon ka kul dikhaate hain। dress devtaaon ki hai, activity badi gandi dikhaate hain। baap jin baaton par attention khinchavaate hain, dhyaan dena chaahiye। mandiron mein bahut service ho sakti hai। shreenaath dvaare mein bhi samjha sakte hain। poochhna chaahiye inko kaala kyon banaaya hai? yeh samjhaana to bahut achha hai। woh hai golden ej, yeh hai iron ej। kat chadh jaati hai na। abhi tumhaari kat utar rahi hai। jo yaad hi nahin karte to kat bhi nahin utarti। bahut kat chadhi hui hogi to use puraani duniya ki kashish hoti rahegi। sabse badi kat chadhti hi hai vikaaron se। patit bhi unse bane hain। apni jaanch karni hai - hamaari buddhi criminal taraph to nahin jaati। achhe-achhe first class bachche bhi fail ho padte hain। abhi tum bachchon ko yeh samajh mili hai। mukhya baat hai hi pavitrata ki। shuru se lekar is par hi jhagde chalte aaye hain। baap ne hi yeh yukti rachi-sab kehte the ham gyaan amrit peene jaate hain। gyaan amrit hai hi gyaan saagar ke paas। shaastra padhne se to koi patit se paavan ban nahin sakte। paavan ban phir paavan duniya mein jaana hai। yahaan paavan ban phir kahaan jaayenge? log samajhte hain phalaane ne moksha ko paaya। unko kya pata, agar moksha ko pa liya phir to unka kriyaakarma aadi bhi nahin kar sakte। yahaan jyot aadi jagaate hain ki unko koi takleeph na ho। andhiyaare mein thokren na khaayen। aatma to ek shareer chhod doosra jaakar leti hai, ek second ki baat hai। andhiyaara phir kahaan se aaya? yeh rasma chali aati hai, tum bhi karte the, ab kuchh nahin karte ho। tum jaante ho shareer to mitti ho gaya। vahaan aisi rasma-rivaaj hoti nahin। aajkal riddhi-siddhi ki baaton mein kuchh rakha nahin hai। samjho koi ko pankh aa jaate hain, udne lagte hain - phir kya, usse phaayda kya milega? baap to kehte hain mujhe yaad karo to vikarma vinaash honge। yeh yog agni hai, jisse patit se paavan banenge। knowledge se dhan milta hai। yog se ever healthy pavitra, gyaan se ever wealthy dhanvaan bante hain। yogi ki aayu hamesha badi hoti hai। bhogi ki kam। krishna ko yogeshvar kehte hain। eeshvar ki yaad se krishna bana hai, unko svarga mein yogeshvar nahin kahenge। woh to prince hai। past janma mein aisa karma kiya hai, jisse yeh bana hai। karma-akarma-vikarma ki gati bhi baap ne samjhaai hai। aadhaakalpa hai raam raajya, aadhaakalpa hai raavan raajya। vikaar mein jaana - yeh hai sabse bada paap। sab bhaai-behen hain na। aatmaayen sab bhaai-bhaai hain। bhagwan ki santaan hokar phir criminal assault kaise karte hain। ham bi.ke. vikaar mein ja nahin sakte। is yukti se hi pavitra rah sakte hain। tum jaante ho abhi raavan raajya khatma hota hai phir har ek aatma pavitra ban jaati hai। usko kaha jaata hai - ghar-ghar mein sojhra। tumhaari jyot jagi hui hai। gyaan ka teesra netra mila hai। satayug mein sab pavitra hi rehte hain। yeh bhi tum abhi samajhte ho। doosron ko samjhaane ki bachchon mein nambarvaar taakat rehti hai। nambarvaar yaad mein rehte hain। raajdhaani kaise sthaapan hoti hai, koi ki buddhi mein yeh nahin hoga। tum sena ho na। jaante ho yaad ke bal se pavitra ban ham raaja raani ban rahe hain। phir doosre janma mein golden spoon in mouth hoga। bada imtahaan paas karne vaale martaba bhi bada paate hain। farka padta hai na, jitni padhaai utna sukh। yeh to bhagwan padhaate hain। yeh nasha chadha hua rehna chaahiye। chobcheeni (taakat ka maal) milta hai। bhagwan bigar aisa bhagwan-bhagavti kaun banaayenge। tum abhi patit se paavan ban rahe ho phir janma-janmaantar ke liye sukhi ban jaayenge। oonch pad paayenge। padhte-padhte phir gande ban jaate hain। deh-abhimaan mein aane se phir gyaan ka teesra netra banda ho jaata hai। maaya badi jabardasta hai। baap khud kehte hain badi mehnat hai। main kitni mehnat karta hoon - brahma ke tan mein aakar। lekin samajhkar phir bhi kah dete aise thode hi ho sakta hai, shivbaaba aakar padhaate hain - ham nahin maante। yeh chaalaaki hai। aise bhi bol dete hain। raajaai to sthaapan ho hi jaayegi। kehte hain na sach ki bedi hilti hai parantu doobti nahin। kitne vighna padte hain। achha!

meethe-meethe sikeeldhe noore ratna, shyaam se sundar banne vaali aatmaon prati maat-pita baapdaada ka dil va jaan, sik va prem se yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog ki agni se vikaaron ki kat (junk) ko utaarna hai। apni jaanch karni hai ki hamaari buddhi criminal taraph to nahin jaati hai?

2) nishchaybuddhi banne ke baad phir kabhi kisi bhi baat mein sanshay nahin uthaana hai। vikarmon se bachne ke liye koi bhi karma apne svadharma mein sthit hokar baap ki yaad mein karna hai।

vardaan:- sarva praaptiyon ke anubhav dvaara powerful banne vaale sada saphaltaamoorta bhav

jo sarva praaptiyon ke anubhvi moorta hain vahi powerful hain, aisi powerful sarva praaptiyon ki anubhvi aatmaayen hi saphaltaamoorta ban sakti hain kyonki abhi sarva aatmaayen dhoondhegi ki sukh-shanti ke master daata kahaan hain। to jab aapke paas sarvashaktiyon ka stock hoga tab to sabko santushta kar sakenge। jaise aajkal ek hi store se sab cheejen mil jaati hain, aise aapko bhi banna hai। aise nahin sahanshakti ho saamna karne ki nahin। sarvashaktiyon ka stock chaahiye tab saphaltaamoorta ban sakenge।

slogan:- maryaadaayen hi brahman jeevan ke kadam hain, kadam par kadam rakhna maana manzil ke sameep pahunchna।

maateshvari ji ke anmol mahaavaakya

"purushaartha aur praalabdha ka bana hua anaadi drama''

maateshvareeh purushaartha aur praalabdha do cheezen hain, purushaartha se praalabdha banti hai। yeh anaadi srishti ka chakra phirta rehta hai, jo aadi sanaatan bhaaratvaasi poojya the, vahi phir pujaari banen phir vahi pujaari purushaartha kar poojya banenge, yeh utarna aur chadhna anaadi drama ka khel bana hua hai।

jigyaasooh maateshvari, mera bhi yeh prashn uthta hai ki jab yeh drama aisa bana hua hai to phir agar oopar chadhna hoga to aapehi chadhenge phir purushaartha karne ka phaayda hi kya hua? jo chadhenge phir bhi girenge phir itna purushaartha hi kyon karen? maateshvari, aapka kehna hai ki yeh drama hoobhu repeat hota hai to kya almighty paramatma sada aise khel ko dekh khud thakta nahin hai? jaise 4 rituon mein sardi, garmi aadi ka pharka rehta hai to kya is khel mein pharka nahin padega?

maateshvareeh bas, yahi to khoobi hai is drama ki, hoobhu repeat hota hai aur is drama mein aur bhi khoobi hai jo repeat hote hue bhi nitya naya lagta hai। pahle to apne ko bhi yeh shiksha nahin thi, lekin jab knowledge mili hai to jo jo bhi second baay second chalta hai, bhal hoobhu kalpa pahle vaala chalta hai parantu jab unko saakshi samajh dekhte hain to nitya naya samajhte hain। abhi sukh duhkh donon ki pahchaan mil gayi isliye aise nahin samajhna agar fail hona hi hai to phir padhe hi kyon? nahin, phir to aise bhi samjhen agar khaana milna hoga to aapehi milega, phir itni mehnat kar kamaate hi kyon ho? vaise ham bhi dekh rahe hain ab chadhti kala ka samay aaya hai, vahi devta gharaana sthaapan ho raha hai to kyon na abhi hi vo sukh le leven। jaise dekho ab koi judge banna chaahta hai to jab purushaartha karega tab us degree ko haansil karenge na। agar usmein fail ho gaya to mehnat hi barbaad ho jaati hai, parantu is avinaashi gyaan mein phir aisa nahin hota, jara bhi is avinaashi gyaan ka vinaash nahin hota। karke itna purushaartha na kar daivi royal gharaane mein na bhi aave parantu agar kam purushaartha kiya to bhi us satayugi daivi praja mein aa sakte hain। parantu purushaartha karna avashya hai kyonki purushaartha se hi praalabdha banegi, balihaari purushaartha ki hi gaai hui hai।

"yeh eeshvareey knowledge sarva manushya aatmaon ke liye hai''

pahle-pahle to apne ko ek mukhya point khyaal mein avashya rakhni hai, jab is manushya srishti jhaad ka beej roop paramatma hai to us paramatma dvaara jo knowledge praapta ho rahi hai vo sab manushyon ke liye jaruri hai। sabhi dharma vaalon ko yeh knowledge lene ka adhikaar hai। bhal harek dharma ki knowledge apni-apni hai, harek ka shaastra apna-apna hai, harek ki mat apni-apni hai, harek ka sanskaar apna-apna hai lekin yeh knowledge sabke liye hain। bhal vo is gyaan ko na bhi utha sake, hamaare gharaane mein bhi na aave parantu sabka pita hone kaaran unse yog lagaane se phir bhi pavitra avashya banenge। is pavitrata ke kaaran apne hi section mein pad avashya paayenge kyonki yog ko to sabhi manushya maante hain, bahut manushya aise kehte hain humein bhi mukti chaahiye, magar sajaaon se chhoot mukta hone ki shakti bhi is yog dvaara mil sakti hai। achha - om shanti।