बुधवार 22 दिसंबर 2021 की दैनिक मुरली

22-12-2021 praatahmurli om shanti "baapdaada"' madhuban

“meethe bachche - baap aaye hain tumhein bhakti ka phal dene, bhakti ka phal hai gyaan, gyaan se hi sadgati hoti hai''

prashn:- is brahman kul mein bada kisko kahenge? unki nishaani sunaao?

uttar:- brahman kul mein bade se bade woh hain jo achhi service karne vaale hain। jinhen sadaiv apni unnati ka hi ona (khyaal) rehta hai, jo padhaai kar bahut teekhe jaate hain। aise mahaaveer bachche apna tan-man-dhan sab eeshvareey seva mein hi saphal karte hain। apni chalan par bahut dhyaan dete hain।

geet:- toone raat gavaai soke…

om shanti। yeh geet anakrekta hai। is duniya mein tum jo bhi sunte ho sab hai anakrekta arthaat jhooth। baap baith samjhaate hain he bhaaratvaasi bachchon, bachche jo sammukh hain, unhon ko hi kahenge। tumko abhi maaloom pada hai woh hai bhakti maarga। ved, shaastra, upnishad aadi kitne bhakti maarga mein janma-janmaantar padhte aate hain। ganga snaan karte aaye hain। poochho, yeh kumbha ka mela kab se lagta aaya hai? kahenge yeh to anaadi hai। kab se karte aaye hain? yeh bata nahin sakenge। unko yeh pata hi nahin hai ki bhakti maarga kab se shuru hota hai। kalpa ki aayu hi ulti kar di hai। kehte hain shaastron mein likha hua hai - brahma ka din aur brahma ki raat। yeh ek geeta mein hi hai। ab baap samjhaate hain tum braahmanon ka din aur raat hai behad ki। aadhaakalpa din, aadhaakalpa raat। zaroor equal chaahiye na। aadhaakalpa se bhakti maarga shuru hota hai, yeh kisko pata nahin hai। somnaath ka mandir kab bana? pahle-pahle somnaath ka mandir hi bana hai - avyabhichaari bhakti ke liye। tum jaante ho aadhaakalpa poora hota hai tab brahma ki raat shuru hoti hai। laakhon varsha ki to baat ho na sake। kehte hain 13-14 sau varsha hue honge jabki muhammad gajanvi mandir se khajaana lootkar le gaya। ab tum samajhte ho is puraani duniya se hamaara koi tailuk nahin hai, aur-aur dharma vaale jo aate hain woh sab beech-beech ke by-plot hain। abhi to unhon ki bhi ant hai। tamopradhaan hain। kitni variety hai। sooryavanshi phir chandravanshi hue, do kala kam hui phir doosre variety aate gaye hain। is samay hai hi bhakti maarga। gyaan se hota hai din, sukh। bhakti se hoti hai raat, duhkh। jab bhakti poori ho tab gyaan mile। gyaan dene vaala ek hi gyaan saagar baap hai। woh kab aate hain, shiv jayanti kab manaai jaati hai, yeh bhi kisko pata nahin hai।

abhi tumko baba baith samjhaate hain ki bhakti kitna samay chalti hai phir gyaan kab milta hai। aadhaakalpa se yeh bhakti maarga chalta hi aaya hai। satayug treta mein yeh bhakti maarga ke chitra aadi kuchh bhi hote nahin। bhakti ka ansh bhi nahin rehta। ab kaliyug ka ant hai tab bhagwan ko aana padta hai। beech mein kisko bhagwan milta hi nahin। kehte hain pata nahin kis roop mein bhagwan milega? geeta ka bhagwan agar krishna hai to woh phir kab aayenge - raajayog sikhaane? manushyon ko kuchh bhi pata nahin hai। bhakti maarga bilkul hi alag hai, gyaan bilkul alag hai। geeta mein hai bhagvaanuvaach। gaate bhi hain he patit-paavan aao। ek taraph pukaarte rehte hain; doosre taraph phir ganga snaan karne jaate hain। nishchay kuchh bhi nahin hai ki patit-paavan paramatma kaun hai। tum bachchon ko ab gyaan mila hai। tum jaante ho abhi ham yogbal se sadgati ko paate hain। baba kehte hain - maamekam yaad karo to vikarma vinaash honge। main guarantee karta hoon - patit-paavan baap kehte hain mainne 5 hajaar varsha pahle bhi aise kaha tha ki he bachche deh sahit deh ke sab sambandhon se buddhiyog tod mujhe yaad karo। yeh geeta ke mahaavaakya hain। parantu geeta mainne kab sunaai, yeh kisko maaloom nahin hai। main batlaata hoon ki 5 hajaar varsha pahle mainne tumko geeta sunaai thi। is samay saara manushya srishti roopi jhaad jadajdeebhoot avastha ko paaya hua hai। tumko bhi ab baap ne aakar drama ke aadi-madhya-ant ka, saare chakra ka raaz samjhaaya hai। baap to zaroor ant mein hi aayega na। tum jaante ho nai duniya ki sthaapna, puraani duniya ka vinaash kaise ho raha hai। ab tumhaari buddhi mein hai ki ham nai duniya svarga ke maalik banenge। yeh raajayog hai to phir ham praja kyon banen। jabki mama baba raaja-raani bante hain to ham bhi kyon na raaja-raani banen। mama to javaan thi। yeh baba to boodha hai phir bhi sabse oonch padhte rehte hain na। javaan to sabse teekhe hone chaahiye na। baap kehte hain sirf mujhe yaad karo, jitna ho sake। baaki sabko bhool jaao। puraani duniya se vairaagya। jaise naya makaan banta hai to buddhi us taraph chali jaati hai na। woh aankhon se dekha jaata hai। yeh buddhi se jaante ho। bahuton ko saakshaatkaar bhi hota hai। barobar vaikuntha paradise, heaven bhi kehte hain। zaroor kab tha na। abhi nahin hai। abhi phir tum raajaai praapta karne ke liye raajayog seekh rahe ho। pahli-pahli mukhya baat hi yeh hai - shiv bhagvaanuvaach। krishna to bhagwan ho na sake। woh to poore 84 janma lete hain। bhagwan to janma-maran mein aa na sake, yeh to bada saaph hai। krishna ka woh roop satayug mein jo tha woh to phir ho na sake। punarjanma lete-lete naam roop badal jaata hai। is samay woh aatma bhi tamopradhaan hai। koi kahe krishna dvaapar mein the parantu unka woh roop to dvaapar mein ho na sake। dvaapar mein patit se paavan banaane aa nahin sakta। krishna to satayug mein hi rehte hain। unko patit-paavan kaha nahin ja sakta। geeta ka bhagwan krishna nahin, shiv hai। woh aate bhi zaroor hain। shiv jayanti bhi hai, zaroor koi rath mein pravesh karenge। khud bhi kehte hain main saadhaaran tan mein aata hoon, jinka naam brahma rakhta hoon। brahma dvaara vishnupuri ki sthaapna hoti hai। mahaabhaarat ladaai bhi saamne khadi hai। yeh knowledge achhi tarah buddhi mein yaad rakhni hai। buddhi mein yeh yaad rahe ki ham student hain। baap padha rahe hain। baaki thoda samay hai। phir baba hamko vaapis le jaayenge। jo apne ko oonch banaayenge, vahi oonch pad paayenge। parantu maaya aisi hai jo ekdam tavaai bana deti hai। kai bachchon ko service ka bahut shauk hai। chhote-chhote gaanv mein projector lekar service kar rahe hain। bahut praja banaate hain to khud zaroor raaja banenge। grihastha vyavhaar mein rehte pavitra bhi rehna hai। bahut mehnat karni hai। maataayen pavitra banti hain to pati banne nahin dete, to jhagda bhi chalta hai। sannyaasi khud pavitra bante hain to stri ko chhod dete hain। phir unko koi kuchh nahin kehta ki apni rachna ko chhod kyon bhaagte ho। pavitra banne ke liye koi mana nahin kar sakta। ham kisko gharbaar chhodne ke liye kehte nahin hain। sirf kehte hain pavitra banna chaahiye to ismen mana kyon honi chaahiye। parantu ismen taakat bahut chaahiye baat karne ki। bhagvaanuvaach - tum pavitra banenge to pavitra duniya ka maalik banenge। ismen avastha badi achhi majboot chaahiye, moh aadi nahin chaahiye, jo phir yaad padti rahe। buddhiyog kutumba ki taraph jaata rahe, isliye phir service laayak ban nahin sakte। yahaan to behad ka sannyaas chaahiye। yeh to kabristaan hai। hamko yaad karna hai - baap ko। woh paristaan mein le chalne vaala hai। is brahman kul mein jo achhi service karte hain, woh bade thahre। unhon ka bada regard rakhna chaahiye, un jaisi service karni chaahiye tab hi oonch pad paayenge। abhi to apni unnati ka ona rehna chaahiye। apne ko dekhna chaahiye ham baba se varsa paane ke laayak bane hain! baap aaya hai paavan banaakar saath le jaane। woh thukraayenge kaise? baba sabse poochhte hain to kehte hain ham to mahaaraani banenge। to aisi chalan bhi ho na। kai to bahut achhe bachche hain। parantu jo purushaartha hi nahin karenge to woh kya pad paayenge। har baat mein purushaartha se hi praalabdha milti hai। koi beemaar pad jaate hain phir theek hone se hi din raat purushaartha mein lag padhaai mein teekhe ho jaate hain। yahaan bhi service mein lag jaana hai। service ki yuktiyaan to baba bahut batlaate hain। pradarshani par samjhaane ka abhyaas karo।

baba to kehte hain apni unnati kar jeevan banaao। yeh ona rehna chaahiye ki mainne kitni service ki, kitnon ko aap samaan banaaya। kisko aap samaan nahin banaaya to oonch pad kaise paayenge। phir samjha jaata hai praja mein chale jaayenge athva daas daasiyaan banenge। dher service padi hai। abhi tumhaara jhaad chhota hai। majboot nahin hai। toofaan lagne se kachche gir padenge। maaya bada hairaan karti hai। maaya ka kaam hi hai baba se bemukh karna। chalte-chalte grahchaari jab utarti hai tab kehte hain ab to ham baba se poora varsa lenge। tan-man-dhan se poori seva karenge। kahaan-kahaan maaya gaphlat karaati hai phir shreemat par chalna chhod dete hain। phir kabhi smriti aati hai to shreemat par chalte hain। is samay duniya mein hai raavan sampradaay। yeh devtaayen hain raam sampradaay। raavan sampradaay vaale raam sampradaay ke aage maatha tekte hain। tum jaante ho ham vishwa ke maalik the। 84 janma lete-lete ab kya haal ho gaya hai। ab baap sabko purushaartha karaate hain। nahin to bahut pachhtaana padega। ham bhagwan ki shreemat par na chale, baba to roz samjhaate hain bachche gaphlat mat karo। service karne vaalon ko dekhte ho kaise achhi service karte hain। phalaana first grade, phalaane second grade mein service karne vaale hain। farka to rehta hai na। baap bachchon ko samjhaayenge to sahi na। agyaan kaal mein baap thappad bhi maarte hain। yahaan yeh behad ka baap to pyaar se samjhaate hain, apni unnati karo। jaisa ho sake purushaartha karna chaahiye। baap ko khushi hoti hai ki 5 hajaar varsha ke baad phir aakar bachchon se mila hoon। raajayog sikhla raha hoon। geet hai na - tum bhi vahi ham bhi vahi hain। to baap kehte hain tum bachche bhi vahi ho। in baaton ko aur koi samajh na sake। achha!

meethe meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko service ke laayak banaana hai। jo achhi service karte hain unka poora-poora regard rakhna hai। apni unnati ka khyaal karna hai।

2) tan-man-dhan se poori seva karni hai। shreemat par chalna hai, gaphlat nahin karni hai।

vardaan:- master almighty authority ki seat par set rahne vaale sahaj aur sada ke karma-yogi bhav

jaise kisi machinery ko set kiya jaata hai to ek baar set karne se phir automatically chalti rehti hai, isi reeti se master almighty authority ki stage par svayan ko ek baar set kar do to kabhi kamjori ke shabd nahin niklenge। har sankalp, shabd va karma usi setting pramaan automatic chalte rahenge। yahi setting sahaj aur sada ke liye karmayogi, nirantar nirvikalp samaadhi mein rahne vaala sahajyogi bana degi।

slogan:- main ke bajaae baba-baba kehna - yahi yaad ka proof hai।