मंगलवार 21 दिसंबर 2021 की दैनिक मुरली

21-12-2021 praatahmurli om shanti "baapdaada"' madhuban

“meethe bachche - tumhaara chehra sada khushnumah ho, bol mein himmat aur prit ho, to tumhaari baat ka prabhaav padega''

prashn:- kaun si duty va kartavya baap ka hai, jo koi bhi manushya nahin kar sakta?

uttar:- vishwa mein shanti sthaapan karna va patit srishti ko paavan banaana, yeh duty baap ki hai। koi bhi manushya vishwa mein pees kar nahin sakte। bhal conference aadi karte hain, pees prize dete hain lekin pees sthaapan tab ho jab pahle purity mein rahe। purity se hi pees aur prosperity milti hai। baap aakar aisi pavitra duniya sthaapan karte hain, jahaan pees hogi।

geet:- tumheen ho maata pita…

om shanti। bachchon ne kiski mahima suni? brahma ki, sarasvati ki va shiv ki? jab kehte hain tumhaare sivaae aur koi nahin to doosre phir kiski mahima ki ja sakti hai। bhal brahman choti hain parantu unke oopar shivbaaba hai na। unke sivaae aur koi ki mahima nahin hai। ab bahuton ko pees prize bhi dete hain। is duniya ke samaachaar bhi sunne chaahiye। tumko nai duniya ke samaachaar buddhi mein hain। ab ham jaate hain nai duniya mein। to tum bachche jaante ho ki ek ke sivaae aur koi ki mahima nahin hai। baap kehte hain main hoon tum patiton ko paavan banaane vaala। main nahin hota to tum brahman thode hi hote। tum brahman ab seekh rahe ho, baap se varsa pa rahe ho। shoodra to varsa pa na saken। to balihaari ek baap ki hai। bhal roohaani sevaadhaari braahmanon ka bhi gaayan hai। devi-devtaaon ka bhi gaayan hai। parantu agar shivbaaba na ho to inka bhi gaayan kahaan se aaye! gaate bhi hain mera to ek shivbaaba, doosra na koi। varsa bhi unse hi milta hai। baba kehta hai - mujhe koi pees prize nahin milti hai। ham to nishkaam sevaadhaari hain। hamko kya medal denge? kya mujhe koi medal denge! main prize kya karoonga! koi sone aadi ka medal banaakar dete hain va akhbaar mein daalte hain। mere liye kya karenge? bachche main to baap hoon। baap ka farja hai - patiton ko paavan banaana। drama anusaar mujhe sabko mukti-jeevanmukti deni hai। second mein jeevanmukti? jaise janak ka naam hai woh phir anu janak bana। aise yahaan bhi naam hai। jaise koi ka lakshmi naam hai, ab woh jeevanbandh mein hai aur tum ab sachchi lakshmi, sachche naaraayan ban rahe ho। bhaarat mein hi aise naam bahuton ke hain aur dharma vaalon ke aise-aise naam nahin sunenge। bhaarat mein kyon rakhte hain? kyonki yeh badon ke yaadgaar hain। nahin to farka dekho kitna hai। yahaan ke lakshmi-naaraayan naam vaale mandiron mein jaakar satayugi lakshmi-naaraayan ke aage maatha tekte hain, pooja karte hain। unhon ko kahenge shri lakshmi, shri naaraayan। apne ko shri nahin kah sakte hain। patit shreshtha kaise ho sakta hai। woh kahenge ham vikaari patit hain, yeh nirvikaari paavan hain। hain to woh bhi manushya। woh past hokar gaye hain। yeh sab baaten aur koi nahin jaante। tumko baap baith samjhaate hain aur har prakaar ke direction bhi dete hain। ab viraat roop ka chitra bhi zaroor hona chaahiye। devtaayen hi phir ant mein aakar shoodra bante hain। variety hai na। doosre koi ka aisa viraat roop bana hua nahin hai। 84 janma bhi tum hi lete ho। poojya pujaari bhi tum hi bante ho। itne dher pujaariyon ke liye phir poojya bhi bahut chaahiye na। to kitne chitra baith banaaye hain। hanumaan ko bhi poojya bana rakha hai। to viraat roop ka chitra bhi zaroori hai। hisaab chaahiye na। kis hisaab se ham 84 janma lete hain। oopar mein choti bhi zaroor deni pade। vishnu ka roop bhi theek hai kyonki pravritti maarga hai na। braahmanon ki choti bhi clear kar bataani chaahiye। chitra itna bada banaana chaahiye jo likhat bhi aa jaae। samjhaani tum bahut sahaj de sakte ho। vaastav mein baba ko prize kuchh bhi nahin milti। prize tumko milti hai। purity, pees aur prosperity ka raajya tum hi sthaapan karte ho। tum kisko bhi kah sakte ho - ham yeh sthaapna kar rahe hain। ham jo itni service karte hain, unki prize hamko milti hai - vishwa ki baadshaahi। kitni achhi samajhne ki baat hai। baaki yahaan kisko pees prize kya milegi? tum likh sakte ho ki ham purity pees prosperity 2500 varsha ke liye sthaapan kar rahe hain shreemat par। parantu bachchon ko itna nasha chadha hua nahin hai। nasha kisko chadhega? kya shivbaaba ko? jinko poora nasha chadhta hai, woh us nashe se samjhaate hain। pahle to nasha brahma ko chadhta hai, isliye shivbaaba kehte hain follow father। tumko bhi itna oonch purushaartha kar yeh banna hai। yeh baba kehte hain hamko baap se shiksha mil rahi hai। tum bhi shivbaaba ko yaad karo। ham to purushaarthi hain। shiv-baba kehte hain meri to duty hai paavan banaane ki, ismen meri mahima kya karenge। mujhe prize kya denge? koi bhi meri yeh duty le kaise sakte। aajkal bahuton ko pees prize milti rehti hai। to tum raay de sakte ho - aap pees sthaapan kar sakenge kya? pees sthaapan karne vaala to ek hi baap hai। pahle chaahiye purity। pees to hai shantidham, sukhdhaam mein। incorporeal world mein ya corporeal paradise mein। yeh bhi samjhaana pade। pees sthaapan karne vaala kaun hai? tum bulaate bhi ho ki aakar paavan duniya sthaapan karo। yeh kaun samjhaate hain? donon ikatthe hain na! chaahe donon ka naam lo, chaahe ek ka naam lo। bachchu baadshaah, peeru vajeer। tum kya samajhte ho? vichaar saagar manthan kaun karta hai? shivbaaba karega ya brahma? hain to donon ikatthe na। yeh baaten gud jaane gud ki gothri jaane। tumko pata nahin padta ki kaun direction de raha hai chitra banaane aur samjhaane ke liye। ham jo roohaani service kar rahe hain woh bhi draamaanusaar। padhne aur padhaane vaale kabhi bhi chhipe nahin rah sakte। haan, toofaan to zaroor aayenge। yeh 5 vikaar hi tang karte hain। raavanraajya mein buddhi wrong kaam hi karaati hai kyonki buddhi ko taala lag jaata hai। maaya ne sabko taala laga diya hai। gyaan ka teesra netra abhi mila hai।

baap baith samjhaate hain tum bhaaratvaasi kya ban pade ho। yeh brahma bhi samajhte hain ham kya the phir 84 janmon ke baad kya bante hain। bhaarat mein 84 janma in lakshmi-naaraayan ke hi ginenge। baap bhi yahaan hi aaye hain। shiv jayanti bhi bhaarat mein hi hoti hai। baba kehte hain main patit shareer mein pravesh kar patit duniya mein hi aata hoon। number one paavan phir number one patit। is samay patit to sabhi hain na। serviceable bachchon ki buddhi mein saara din yahi knowledge rehti hai। baap kehte hain - grihastha vyavhaar mein rehte ek to pavitra raho aur baba ko yaad karo। satsang bhi subah aur shaam ko hote hain। din mein to vyavhaar mein rehte hain, bhakti karte hain। koi kiski pooja karte, koi kiski। vaastav mein stri ko to kehte hain pati hi tumhaara sab kuchh hai phir unko to kiski pooja karni nahin hai। pati ko hi guru eeshvar samajhte hain। parantu yeh vikaari ke liye thode hi kaha ja sakta hai। patiyon ka pati, gurooon ka guru to ek hi niraakaar parampita paramatma hai। tum sab ho brides, ek hi bridegroom hai। woh phir pati ko samajh lete hain। vaastav mein baap to aakar maataaon ka martaba oonch karte hain। gaaya bhi jaata hai pahle lakshmi, peechhe naaraayan। to lakshmi ki ijjat jaasti thahri। to svarga ka maalik banne ka kitna nasha hona chaahiye, kalpa pahle bhi shiv jayanti manaai thi। baba aaya tha svarga ki sthaapna ki thi। baap aakar raajayog sikhlaate hain। ham raajya bhi lete hain aur puraani duniya ka vinaash bhi hona hai। aur koi ki buddhi mein yeh baaten ho na saken। buddhi mein yeh sab baaten dhaaran rahen to khushnumah rahen। himmat aur prit chaahiye। ismen bolne ki practice karni hoti hai, barrister log bhi practice karte hain to achhe ban jaate hain। nambarvaar to hote hain। first class, second class, third class, fourth class to hote hi hain। bachchon ki avasthaayen bhi aisi hain। bachchon mein to bahut mithaas chaahiye। madhurta aur spashta shabdon mein baat karne se prabhaav padega। to pees sthaapan karne vaala ek hi baap hai, bulaate bhi unko hain। baap kehte hain mujhe prize kya denge! main to tum bachchon ko prize deta hoon। tum pees, prosperity sthaapan karte ho real। parantu tum ho gupta। aage chalkar prabhaav nikalta rahega। samajhte bhi hain bi.ke. badi kamaal karte hain। din-pratidin sudharte bhi jaayenge। koi ke paas dhan jaasti hota hai to makaan bhi achhe-achhe marble ke banaate hain। tum bhi jaasti seekhte jaayenge to phir yeh chitra aadi bhi aaleeshaan bante jaayenge। har baat mein time lagta hai। yeh to bahut bada imtahaan hai। tamopradhaan se satopradhaan banna hai। bas aur koi se hamaara tailuk hi nahin। tamopradhaan se satopradhaan kaise banen, woh yukti baap baith bataate hain। geeta mein bhi hai - manamnaabhav। parantu inka arth nahin samajhte। ab baap sammukh baith samjhaate hain। bachche jaante hain - aadhaakalpa hai bhakti, aadhaakalpa hai gyaan। satayug treta mein bhakti hoti nahin। gyaan hai din, bhakti hai raat। manushya ka hi din aur raat hota hai। yeh hai behad ki baat। brahma ka din, brahma ki raat। din mein dekho lakshmi-naaraayan ki raajdhaani hai na। abhi hai raat। yeh paheli kitni achhi hai। brahma banne mein 5 hajaar varsha lagte hain। 84 janma lete hain na। tum kahenge ham so devta bante hain। yeh to buddhi mein achhi reeti yaad karna chaahiye। srishti chakra buddhi mein rehna chaahiye। in lakshmi-naaraayan ke chitra ko dekh bahut khush hona chaahiye। yeh hai em object। raajayog seekh rahe hain - nar se naaraayan banne ke liye। krishna satayug ka prince tha। vahaan thode hi baith geeta sunaayenge। kitni bhool hai। yeh bhool baap ke bigar koi bata na sake। yeh bhi tum bachche hi jaante ho aur to sab vishay saagar mein gote khaate rehte hain। bahuton ko to maaya ekdam gale se pakad gutter mein daal deti hai। baap kehte hain - gutter mein mat giro। nahin to bahut pachhtaana padega। pachhtaana na pade isliye baap samjhaate hain। kaeeyon ko to bahut josh aata hai, jhat maan lete hain। kai likhte hain baba pahle se hi sagaai ki hui hai। ab kya karen? baba kehte hain - tum kamaal karke dikhaao। unko pahle se hi bol do। tumko pati ki aagya par chalna padega। yeh guarantee karni hogi ki ham pavitra rahengi। pahle se hi likh de, jo ham kahenge woh maanengi। likhaakar lo phir koi parvaah nahin। kanya to likhva na sake। unko purushaartha karna chaahiye hamko shaadi nahin karni hai। kanyaaon ko to bahut khabardaar rehna hai। achha।

baba kehte hain tumne mujhe kya samjha, jo kehte ho - he patit-paavan aakar paavan banaao, kya mera yahi dhandha hai! baap bachchon se haseekudi karte hain। tum bulaate ho baba ham patit ho gaye hain, aakar paavan banaao। baba paraaye desh mein aate hain। yeh patit duniya hai na! mujhe inmen pravesh hokar paavan banaana hai। yeh to phir aakar paavan shareer lenge। meri takdeer mein to yeh bhi nahin hai। mujhe patit shareer mein hi aana padta hai। yeh knowledge sunkar bahuton ko khushi bahut hoti hai। yeh kitni bhaari knowledge hai। to purushaartha bhi poora karna chaahiye। achhe purushaarthiyon ke naam to baba gaayan karte hain। manushya to mauj udaate hain। samajhte hain ham jaise svarga mein baithe hain। yahaan to sahan karna padta hai। jo baap khilaave, pilaave, jahaan bhi bithaave। kadam-kadam shreemat par chalna hai। achha!

meethe meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad shivbaaba ko karna hai, follow brahma baba ko karna hai। brahma baap ke samaan oonch purooshaartha karna hai। eeshvareey nashe mein rehna hai।

2) tamopradhaan se satopradhaan banna hai, baaki kisi baat ki parvaah nahin karni hai। kadam-kadam shreemat par chalna hai।

vardaan:- sangamayug par ateendriy sukh ka anubhav karne vaale double praapti ke adhikaari bhav

jo bachche sangamayug par ateendriy sukh ka anubhav kar lete hain unhein sada shanti aur khushi ki double praapti ka nasha rehta hai kyonki ateendriy sukh mein yeh donon praaptiyaan samaai hui hain। abhi aap bachchon ko jo baap aur varse ki praapti hai yeh saare kalpa mein nahin ho sakti। is samay ki praapti ateendriy sukh aur knowledge bhi phir kabhi nahin mil sakti। to is double praapti ke adhikaari bano।

slogan:- ek do ke sanskaaron ko jaante hue unse milkar chalna - yahi unnati ka saadhan hai।