शनिवार 25 दिसंबर 2021 की दैनिक मुरली

25-12-2021 praatahmurli om shanti "baapdaada"' madhuban

“meethe bachche - tumhein athaah eeshvareey sukh mila hai, isliye tumhein maayaavi sukhon ki parvaah nahin karni hai, woh sukh kaag vishta samaan hai''

prashn:- baap ki sarva bachchon ke prati ek hi aash hai - woh kaun si?

uttar:- mere sab bachche achhi reeti padhkar takhtansheen banen athva baap ke kandhe par chadhen। baba dekhte hain kaun kitna apni khushbu phailaata hai। bachche mein koi badbu to nahin hai। to bachchon ko bhi aise purooshaartha mein lag jaana chaahiye। kabhi bhi karmendriyon se koi ulta kaam nahin karna chaahiye।

geet:- badal jaae duniya na badlenge ham…

om shanti। is geet ka thoda taatparya baap batlaate hain ismen koi badalne ki baat hi nahin। bachche baap ko kah nahin sakte ki ham aapke bachche nahin hain, parantu koi samay badal jaayenge। vaise bachche kabhi baap se badalte nahin hain। bachche to hain hi parantu kutumba se juda ho jaate hain। ab yeh to hai behad ka baap। kehte hain main apne paramdham mein rehta tha। jaise tum aatmaayen yahaan aakar part bajaati ho, grihasthi banti ho vaise mujhe bhi aakar grihasthi banna padta hai। yahaan sammukh tum mujhe maata pita kehte ho। bhal aage bhi tum pukaarte the tum maat-pita... parantu us samay main grihasthi nahin tha। is samay aakar grihasthi bana hoon। grihasthi bhi do chaar bachchon ka nahin। dher ke dher bachche aate jaate hain। bhal kehte hain - ham badlenge nahin, parantu maaya badla deti hai। baap hai oonche te oonch। inse oonch baap koi ho nahin sakta। saadhaaran manushya tan mein pravesh kiya hai। bachche jaante hain bhavishya 21 janmon ke liye purushaartha anusaar jaaydaad milti hai। bahut hain jo chalte-chalte phir badal jaate hain kyonki yeh hai maaya ki ladaai। aage tum maaya ke the। abhi baap ne adopt kiya hai। us taraph hai maaya ka sukh, yahaan to woh sukh nahin hai। to maaya ke sukh apni taraph kheench lete hain। yahaan tumko hai gupta sukh। jaante ho bhavishya mein athaah sukh lenge। yahaan ke sukh mein agar buddhi gai to woh sukh yaad aate rahenge। ant mein bhi vahi yaad aayenge isliye in maayaavi sukhon ki parvaah nahin rakhni hai। gaate bhi hain yeh sukh kaag vishta ke samaan hai। ab tum bachche jaante ho sukh to hamko satayug mein milega, woh sukh praapta karne ke liye ham maat-pita ke bane hain। baap zaroor koi samay grihasthi bane hain, jis kaaran unko maat-pita kaha jaata hai। gaate to hain parantu samajhte nahin hain। abhi tum bachche jaante ho behad ka baap bhi hai to maa bhi hai। is maa dvaara arthaat prajaapita brahma dvaara adopt kiya hai। ab prajaapita aur shiv donon hi baap thahre। baap to maata dvaara adopt karenge na। ab tvamev maataashcha pita... inko kahen ya brahma ko kahen? gaate to hain ham sab brothers hain, woh father hai। usmein to maata ka prashn hi nahin। gaaya jaata hai - tum maat-pita। ab maata-pita kaise bante hain, yeh wonderful baaten hain samajhne ki। manushya moonjhate bhi hain kyonki shareer to mel ka hai na, isliye maata adopt ki gai। woh hai sarasvati beti। parantu beti dvaara to adopt nahin kiya jaata hai। yeh maata bhi hai to pita bhi hai। usne ismen pravesh kiya hai। tab brahma ko khud kehte hain tum hamaara bachcha bhi ho, vanni (patni) bhi ho। barobar baap in dvaara adopt karte hain। to yeh maata bhi ho jaati hai। phir bhi baap kehte hain, tumko yaad mujhe karna hai। brahma ko yaad nahin karna hai। manushya to duniya mein bahut locket pahante hain। yeh to baap hai। baap kehte hain bachche tumhein apna bhi sab kuchh bhool jaana hai, deh sahit deh ke jo bhi sambandhi hain, sabko bhool parampita paramatma ke saath yog lagaao। tum bachchon ko pharmaan hai mujh baap ko yaad karo। main inmen pravesh hokar tumko raajayog sikhlaata hoon, ismen prerna ki koi baat nahin hai। prerna se baba kaam nahin karta hai। yeh drama anusaar sab kuchh hona hi hai। baap ki yaad se vikarma vinaash honge। baaki kisi dehdhaari ko yaad karne se time vesta ho jaata hai। doosre ke saath buddhiyog lagaate ho to goya baap se naapharmaanbardaar bante ho। baap ko yaad karne mein mehnat hai, ismen hi bhool hoti hai। baap kehte hain tum ho aashik। chalte-phirte mujh maashook ko yaad karne ka purushaartha karo। geet mein bhi bhagvaanuvaach hai - maamekam yaad karo। deh sahit deh ke sab sambandh chhod apne ko aatma samjho। yeh kaun kehte hain? shivbaaba ya shreekrishna? kisko yaad karna hai? shreekrishna to sangam par ho na sake। haan, krishna ki aatma zaroor hai। woh bhi seekhkar auron ko sikhaate hain। yeh hai mukhya pahla number prince। inke saath aur bhi to hain na, raadhe bhi saath mein hai। parantu first prince yeh hai। raadhe to phir bhi baad mein hai। pahle inka naam hai। yeh kitni guhya baaten hain isliye baap kehte hain mukhya ek hi baat ko uthaao। geeta krishna ne nahin gaai। krishna ko bhagwan nahin kah sakte। is baat mein hi saari baat hai jeetne ki। ek baap hi brahman, devta, kshatriy yeh teen dharma sthaapan karte hain। pahle Deityism, phir Islamism, Buddhism, Christianism... bas aur chhote-chhote dharma to bahut hain। sadgati hoti hai geeta ke bhagwan dvaara। sarva ka sadgati daata baap hai। sarva ka jagat guru bhi ek hi satguru hai। satguru arthaat sadgati karne vaala। yeh sabko achhi tarah samjha sakte ho।

jo baba ki murli nikalti hai, sab student ko hak hai murli achhi tarah padhne ka। jinko murli ka shauk hoga woh teen chaar vaari murli zaroor padhenge। murli bigar aur kuchh soojhna hi nahin chaahiye। murli ko koi 5-8 baari achhi reeti padhe to braahmani se bhi oonch ja sakte hain। sabko apni unnati karni hai। vaastav mein braahmaniyaan hain most obedient servant। koi ki achhe khaan-paan taraph buddhi gai to marne samay bhi woh yaad aa jaayega। is samay hi service lete rahe to khalaas। service par rahne vaale sadaiv obedient hokar rahenge। jaise janak bachchi hai, kabhi koi se kaam nahin legi। koi-koi ko to aadat pad jaati hai to phir baat mat poochho। kapde dhone vaale na milne se beemaar ho padte hain। kahaan ja nahin sakte। ismen jaasti navaabi chal na sake। servant ban service karni hai। baap bhi servant hai na। kehte hain main oonche te oonch, kitne saadhaaran tan mein aaya hoon। main koi ghoda gaadi aadi nahin maangata hoon। yeh to phir bhi baap hai। vaanaprastha ke baad bachchon ka farja hota hai - baap ki seva karna। shivbaaba ka rath hai phir bhi baba koi seva nahin leta hai bachchon se। bachchon ko apni padhaai mein poora dhyaan dena hai। kaaydesir padhenge, padhaayenge to satayug mein bhi kaaydesir raajya karenge। satayug mein bekaayde koi baat hoti nahin। har ek baat mein accurate banna hai। ham vishwa ke raajkumaar raajkumaari bante hain to woh manners yahaan seekhte hain। krishna ki kitni mahima hai - mahaaraajkumaar। baap se bhi krishna ka naam jaasti hai। raadhe-krishna ke mo-baap koi itne marks nahin le sakte hain, jitne raadhe-krishna lete hain। oonchi padhaai yeh padhte hain। sabse jaasti marks krishna lete hain parantu janma to phir kahaan lena hi padega। to jiske paas janma liya unka itna maan nahin hota hai। pahle zaroor unke maa-baap janma lete honge। phir bhi krishna bachche ka naam baala hota hai। yeh baaten badi gupta hai। yeh hai chit-chat ki baaten। mool baat hai apne ko ashareeri aatma samjho। ham behad baap ki aulaad hain, hamko sarvagun sampanna yahaan banna hai। abhi koi bhi sampoorn nahin bane hain। sabhi purushaarthi hain। inki result bhi baba dekhte to hain na - yeh (brahma) sabse oonch jaayega, isliye follow father kaha jaata hai। ant tak father ko hi follow karna pade। drama mein jo kuchh hota hai samjha jaata hai - yahi right hai। koi bhi baat mein sanshay nahin aa sakta hai। amma mare to bhi halua khaana... tumko to manamnaabhav hokar rehna hai। duhkh ki koi baat hi nahin। drama mein jo noondh hogi woh hota hi rahega। anaadi bana banaaya drama hai। jo noondh hai woh hota rahega। bachchon ka kaam hai purushaartha kar apna jeevan heere jaisa banaana। karmendriyon se koi ulta kaam nahin karna hai। aise nahin jo bhaagya mein hoga। purushaartha karna hai। baba ko poora samaachaar bhi dena hai। koi centre ka to bilkul pata bhi nahin padta hai। kai centres chalte hain। koi to bigar braahmani bhi geeta paathshaala khol service karte rehte hain। nambarvaar to hain na। jo achhi service karte hain vahi baba ki dil par chadhte hain। takhtansheen hote hain। baap to chaahte hain bachche achhi reeti padhkar baap ke kandhe par chadh jaaen। imtahaan to ek hi hai parantu martabe ki variety kitni hai। har ek phool apni-apni khushbu dete hain। koi to ekdam badbu vaale bhi hain। kai bachche kamaal karne vaale bhi hain na। prem hai, manohar hai, deedi hai... inki sab mahima karte hain। koi ka to naam bhi nahin lete hain। baap ko patit se paavan banaane mein kitni mehnat karni padti hai। bandaron ko mandir laayak banaate hain। sooryavanshi, chandravanshi raaja, praja, gareeb, saahookaar sab bante hain na। purushaartha kar oonch pad paana hai। nahin to janma-janmaantar ke liye vahi ban jaayenge। phir bahut pachhtaana padega। baba se hamne poora varsa nahin liya। teacher guru bhi kahega follow karo। yeh to baap teacher guru ek hi hai। supreme father, supreme teacher, supreme guru bhi hai। woh niraakaar hi knowledgeful hai, unse hi varsa milta hai। sarva ka sadgati daata woh hai, jiski sab saadhna karte hain। saadhu arthaat saadhna karne vaale। phir kisko mukti de kaise sakte। samjhaane ki yukti badi achhi chaahiye। pradarshani ka udghaatan karne vaale bhi kuchh samjhe hue hone chaahiye। jo kah saken ki yeh pradarshani manushya ko heere jaisa banaane vaali hai। yeh pradarshani parampita paramatma ke direction se banaai hui hai। udghaatan aise se karaana chaahiye jo kuchh samjha bhi sake। ek din bade bhi aakar tumhaare paas samjhenge। sannyaasi aadi bhi aayenge। us dress mein baith samjhenge। ab baba direction dete hain manamnaabhav, baap ko yaad karo to paavan banenge। vinaash bhi saamne khada hai। baap kehte hain - main kitna bada grihasthi bana hoon। sabse bade te bada grihastha dharma main paalan karta hoon। drama mein mera part hi aisa hai। bachchon ko oonch pad paane mein mehnat karni chaahiye। purushaartha kar mo-baap ke gaddi-nasheen banna chaahiye। shivbaaba ke ham bachche hain, andar mein woh nasha rehna chaahiye। ham baba se kam thode hi jaayenge। achha।

meethe meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan sachcha sevaadhaari banna hai। kisi se bhi seva nahin leni hai। obedient (aagyaakaari) hokar rehna hai।

2) drama mein jo bhi scene chalti hai, vahi right hai। usmein sanshay nahin uthaana hai। apni jeevan ko heere jaisa banaane ka purooshaartha karna hai।

vardaan:- is puraani duniya ko videsh samajh isse upraam rahne vaale svadeshi bhav

jaise kai log videsh ki cheezon ko touch bhi nahin karte hain, samajhte hain apne desh ki cheez ka prayog karen। aise aap logon ke liye yeh puraani duniya hi videsh hai, isse upraam raho arthaat puraani duniya ki jo cheeze hain, svabhaav-sanskaar hain unki taraph jara bhi aakarshit na ho। svadeshi bano arthaat aatmik roop mein apne oonche desh paramdham aur is eeshvareey parivaar ke hisaab se madhuban desh ke nivaasi samajh, iske nashe mein raho।

slogan:- jhamelon mein phansane ke bajaae sada milan mele mein raho।