बुधवार 19 जनवरी 2022 की दैनिक मुरली

19-01-2022 praatahmurli om shanti "baapdaada"' madhuban

“meethe bachche - kaarya vyavhaar karte buddhiyog ek baap se laga rahe, yahi hai sachchi yaatra, is yaatra mein kabhi bhi thakna nahin''

prashn:- brahman jeevan mein unnati ke liye kis baat ka bal chaahiye?

uttar:- anek aatmaon ki aasheervaad ka bal hi unnati ka saadhan hai। jitna anekon ka kalyaan karenge, jo gyaan-ratna baap se mile hain, unka daan karenge utna anek aatmaon ki aasheervaad milegi। baba bachchon ko raay dete hain bachche paisa hai to centre kholte jaao। hospital kam university kholo। usmein jiska bhi kalyaan hoga uski aasheervaad mil jaayegi।

geet:- raat ke raahi thak mat jaana…

om shanti। geet ka arth to bachchon ko aapehi buddhi mein aana chaahiye। abhi ham sab hain roohaani raahi। bhagwan baap ke paas aatmaon ko jaana hai। aise nahin kahenge ki jeev aatmaon ko jaana hai। jeev aatmaon ko shareer chhodkar vaapas jaana hai। manushya marte hain to kehte hain phalaana vaikunthavaasi hua। parantu tum jaante ho - achhe va bure sanskaaron anusaar punarjanma lena padta hai। bure sanskaaron ke kaaran tumhaare sir par paapon ka bojh chadha hua hai। chaahe is janma ka va janma-janmaantar ka chadha hua hai। woh ab tumko yogbal se bhasma karna hai। baap ko yaad karna - isko hi yog agni kaha jaata hai। kaam chita par baithne se paap aatma bante hain aur is yog agni se phir chadhe hue paap bhasma hote hain। to brahman bachche jaante hain ki ham raahi hain। grihastha vyavhaar mein rehte, dhandha aadi karte hamaara buddhiyog baap ke saath hai to jaise ki ham yaatra par hain। ismen thakna nahin hai, bahut purooshaartha chaahiye। gyaan to bahut sahaj hai। praacheen bhaarat ke yog ki bahut mahima hai। parantu woh geeta sunaane vaale kabhi bhi aisa nahin kehte ki shivbaaba ne yog sikhaaya। geeta mein dikhaaya hai ek arjun ko hi baith krishna sunaate hain। aisi to baat hai nahin। yeh to manushya se devta banna hai aur paandav sena hai zaroor, paandavon ki sena ko hi knowledge milti hai aur paandavapti hi dete hain। manushyon ko kuchh bhi pata nahin hai। aage chalkar bahut log kahenge barobar geeta ke bhagwan ne 5 hajaar varsha pahle gyaan diya tha। parantu yeh pata nahin hai ki kisne diya tha। kalpa ki aayu ka bhi pata nahin hai। apni-apni mat dete rehte hain - gaandhi geeta, taigor geeta andar mein naam yahi daalte hain, krishna bhagvaanuvaach arjun prati। ladaai bhi dikhaate hain। parantu ladaai ki baat hai nahin। yahaan tumhaari hai yogbal ki baat। unhonne naam laga diya hai ladaai ka। jaise chandravanshi raam ko baan aadi diye hain। vaastav mein gyaan baan ki baat hai। woh naapaas hua isliye nishaani de di hai। to tretaayugi raam-seeta ka bhi chitra dena pade। gharaane hote hain na। sooryavanshi gharaana, chandravanshi gharaana। geeta mein to aisi baat likhi hui nahin hai ki bhagwan ne geeta sunaakar sooryavanshi, chandravanshi raajdhaani sthaapan ki। yeh to zaroor hai ki geeta hai aadi sanaatan devi-devta dharma ka shaastra, woh hindu kah dete hain। apne ko devi-devta dharma ka kah nahin sakte kyonki apvitra hain। yeh jo kehte hain jhoothi maaya, jhoothi kaaya... so to bilkul theek hai। jhooth khanda mein jhoothe hi rahenge। sach-khanda mein hain sach। sachkhanda sthaapan karne vaala sach batlaate hain। bhaarat jo poojya tha vahi ab pujaari ban gaya hai। poojya jo hokar gaye hain, unhon ki pooja kar rahe hain। jo poojya gharaana tha woh abhi pujaari hai isliye gaaya jaata hai aapehi poojya aapehi pujaari। poojya dynasty thi, abhi kaliyug mein hain pujaari, shoodra dynasty। sooryavanshi kul, chandravanshi kul। tum bachchon ko samjhaana hai ki bhaarat aisa tha। chitra to hain na। satayug mein bhaarat maalaamaal tha। yeh behad ki history-geography koi bhi nahin jaante hain। yeh varna bhi samjhaane ke liye zaroori hain। ham brahman hain oonche te oonche, isko kahenge naya oonch varna। jab shaadi karte hain to bhi kul ko dekhte hain na। to tumhaara kul bahut ooncha hai। bhal brahman to duniya mein woh bhi bahut hain parantu sangam par brahma ki santaan brahman kul hota hai। woh yeh nahin jaante, yeh nai baat hai na। manushya samajhte hain inhon ki shaayad apni nai geeta bani hui hai। yeh to tum bachche jaante ho baap raajayog sikha rahe hain। ham so devta ban rahe hain। ham raajaai sthaapan kar rahe hain, aisa aur koi kah na sake। ve to jo past ho gaye hain unhon ki kathaayen baith sunaate hain। yahaan ham mahima to geeta ki hi karte hain। to manushya samajhte hain yeh geeta ko maante hain। tum jaante ho woh hai bhakti maarga ki geeta। parantu jisne geeta sunaai, unse tum ab direct sun rahe ho। bandar sena bhi mashhoor hai। chitra bhi dikhaate hain hear no evil, si no evil... ab bandar ko to yeh nahin kahenge। zaroor manushya ke liye hoga। bhal soorat manushya ki hai parantu seerat bandar ki hai isliye human bandaron ko kaha jaata hai - bura mat suno, kaan banda kar do।

tum bachche jaante ho yeh hai puraana shareer ise kuchh na kuchh hota rehta hai। koi ki stri marti hai to kehte hain puraani jutti gai, phir nai khareed lenge। shivbaaba ko to chaahiye bhi puraani jutti। nai jutti arthaat naya shareer usmein to aana nahin hai। jo naye te naya tha vahi ab puraana hua hai। baba kehte hain number one mein 84 janma isne liye hain। jo number one paavan, sarvagun sampanna hai... unko bhi patit banna pade, tab phir paavan banen। 84 janmon ka hisaab hai na। aape hi poojya... vahi shri naaraayan jab khud pujaari bante hain to naaraayan ki baith pooja karte hain। wonder hai na। pichhaadi ke janma mein bhi lakshmi-naaraayan ki pooja karte the। parantu dekha lakshmi daasi ban paanv daba rahi hai to woh achha nahin laga। to lakshmi ka chitra udaakar sirf naaraayan ka rakh diya। vahi aatma phir pujaari se poojya banti hai, tatatvam। sirf ek to nahin hoga na। satayug mein bachche paida honge to woh bhi prince princess honge na। ab tum bachchon ka baap shrringaar kar rahe hain vaapas le chalne ke liye। jaante ho ki ham svarga ke maalik ban rahe hain। punarjanma satayug mein milega। ab sthaapna ho rahi hai। tum jaante ho ki barobar aisa atal-akhanda, sukh-shanti ka raajya tha। tum koi ko bhi yeh samjha sakte ho ki ham raajayog practical mein seekh rahe hain। koi kehte hain ki phalaane santa ke paas gaye, hamko bahut shanti mili parantu ye to hui alpakaal kshanbhangur ki shanti। karke 10-20 ko milegi। yahaan to duniya ka savaal hai। sachchi-sachchi shanti to satayug mein hi rehti hai। jo sayaane bachche hain woh kalpa pahle muaaphik apna purooshaartha kar rahe hain। kai nai-nai gopikaaon ko ghar baithe ek baar gyaan milta hai to khushi ka paara chadh jaata hai। kal ek yugal baba ke paas aaya, baba ne samjhaaya - bachche tum baap se behad ka varsa nahin lenge। aadhaakalpa narka mein gote khaakar duhkhi hue ho, ab ek janma vish chhod nahin sakte ho? svarga ka maalik banne ke liye pavitra nahin banenge। bola - hai to difficult। baba ne kaha kaam chita par baithne liye jismaani brahman ne tumhaara hathiyaala baandha, ab tum gyaan chita par baith svarga ke mahaaraaja mahaaraani bano। to kaha aapko sahaayta deni padegi। baba ne kaha - shivbaaba ko yaad karte rahenge to zaroor sahaayta milegi। bola haan yaad karoonga। jhat baap se hathiyaala baandha, angoothi bhi pahni। yeh baapdaada hai na। behad ka baap kehte hain bachche tum pavitra nahin banonge to svarga mein bhi nahin chal sakoge। yeh antim janma pavitra nahin banne se tum raajaai kho baithenge। itna thoda samay bhi tum pavitra nahin ban sakte ho! baba tumhaara gyaan-yog se shrringaar kar rahe hain। tum aise lakshmi-naaraayan ban jaate ho। agar baap ka nahin maana to samjhenge in jaisa mahaamoorkha duniya mein koi nahin hai। ek hote hain had ke moorkha, doosre hote hain behad ke moorkha। yahaan par aise nahin baith sakte hain, jo vaayumandal ko kharaab karen। hans mandali mein malechchha baith na saken। baap kitna shrringaar kar lakshmi-naaraayan jaisa banaate hain aur maaya phir bilkul kangaal worth not penny bana deti hai। bhal koi ke paas 50 karod hain to bhi worth not penny hai kyonki yeh sab to bhasma hona hai। saath mein to sachchi kamaai hi chalegi।

baba raay dete hain bachche centres kholte jaao। manushyon ka baith shrringaar karo। parantu university kam hospital kholne vaala bhi achha ho, jo kisko samjha sake ya doosre ko kholkar de to woh baith samjhaave। to unki aasheervaad se bhi bharpoor ho jaayenge। bal to milta hai na। 21 janma ke liye phaayda hai। aisa koi hoga jo baap ki shreemat par na chale। kadam-kadam par baap ki shreemat par chalna chaahiye। vighna to padenge hi। baandheli gopikaaon par kitne sitam hote hain, ismen nirbhay hona hota hai। baap ki mahima hai - nirbhay, nirvair... hamaara koi se vair nahin। baap shrringaar karaate hain to unki service sveekaar karni chaahiye। baba kyon nahin ham aapki shreemat par chalenge! hamaara to ismen bahut kalyaan hai। hamaare peechhe bachchon aadi ka bhi kalyaan hai। har ek ko sachchi yaatra par chalne ka raasta bataana chaahiye। jhagda hoga, ablaaon ko sahan karna padta hai। nahin maante hain to samjho hamaare kul ka nahin hai। mehnat karni padti hai। kahaan se hamaare kul ka nikal pade phir bhal praja laayak bhi bane। auron ko bhi praja laayak banaave, yeh bhi achha। praja bhi to banaani hai na। manushya se devta banaana, yeh kaarya baap ke sivaae koi kar nahin sakta। tum brahman ho oonch te oonch। woh hai neech te neech, tum hans woh bagule। to zaroor jhagda hoga। atyaachaar honge। maaya raavan ne sabko barbaad kar diya hai, baap aakar aabaad karte hain। solvent banaate hain। pichhaadi mein baadshaahi tumhaari hogi। ladaai ke baad bhaarat maalaamaal banta hai, woh to jaante nahin ki is mahaabhaari ladaai ke baad hi bhaarat svarga banta hai। to ab bachchon ko bahut achha purooshaartha karna hai। bhaashan bhi refine karna chaahiye। shankh dhvani karni hai। nahin to kahenge inke paas shankh nahin hai। bhal kamal phool samaan hai, chakra bhi hai parantu shankh nahin hai। baba kehte gyaani tu aatma hi mujhe priy hai। gopiyaan bhi murli par masta hoti thi। krishna ne to murli nahin sunaai। yeh hai shreekrishna ki aatma ka antim janma। jo chakra lagaakar aai, ab inko knowledge mili hai। tum jaante ho yeh hai puraani duniya, inko phaarakti deni hai। ab tum nai duniya ke maalik ban rahe ho। vinaash se pahle puraani duniya ko phaarakti dete ho। agar phaarakti nahin denge to nai duniya se yog bhi nahin lagega। raavanpuri mein 63 janma duhkh bhogte hain। ab isko phaarakti de do। deh sahit jo kuchh bhi hai in sabhi ko phaarakti do phir tum akeli aatma ban mere paas aa jaayenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaani tu aatma ban shankh-dhvani karni hai। har ek ko sachchi yaatra sikhlaani hai। apni praja taiyaar karni hai।

2) buddhi se puraani duniya ko phaarakti dena hai, nai duniya se buddhiyog lagaana hai। nirbhay, nirvair banna hai।

vardaan:- vyakta bhaav ki aakarshan se pare avyakt sthiti ka anubhav karne vaale sarva bandhanmukta bhav

pravritti mein rehte bandhanmukta banne ke liye sankalp se bhi kisi sambandh mein, apni deh mein aur padaartho mein phansana nahin। sankalp mein bhi koi bandhan aakarshit na kare kyonki sankalp mein aayega to sankalp ke baad phir karma mein bhi aa jaayega isliye vyakta bhaav mein aate bhi, vyakta bhaav ki aakarshan mein nahin aana, tab hi nyaari aur pyaari avyakt sthiti ka anubhav kar sakenge।

slogan:- baap ke sahaare ka anubhav karna hai to had ke kinaaron ka sahaara chhod do।

lavleen sthiti ka anubhav karo

parmaatma pyaar mein sada lavleen, khoye hue raho to chehre ki jhalak aur falak, anubhooti ki kirnen itni shaktishaali hongi jo koi bhi samasya sameep aana to door lekin aankh uthaakar bhi nahin dekh sakti। kisi bhi prakaar ki mehnat anubhav nahin hogi।