गुरुवार 20 जनवरी 2022 की दैनिक मुरली

20-01-2022 praatahmurli om shanti "baapdaada"' madhuban

“meethe bachche - aadhaakalpa se jo 5 vikaaron ki beemaariyaan lagi hui thi woh ab chhooti ki chhooti, isliye apaar khushi mein rehna hai''

prashn:- tum bachchon ko ab kaun si ek hobby (shauk) rakhna hai, kin baaton se tumhaara tailuk nahin?

uttar:- ek baap se poora varsa lene ki hobby rakhni hai। manushyon ko to anek prakaar ki hobby hoti hain। tumhein woh sab chhod deni hai। tum eeshvar ke bachche bane ho, baap ke saath vaapis jaana hai isliye is shareer se tailuk rakhne vaali sab baaton ko bhool jaana hai। pet ko do roti khilaani hai aur buddhi nai duniya se lagaani hai।

geet:- jiska saathi hai bhagwan…

om shanti। jo bhi ananya mahaaveer adol bachche hain woh samajhte hain ki anek prakaar ke mansa toofaan bhi aayenge aur calamities, beemaariyaan aadi bhi aayengi kyonki ab pichhaadi ka pomp hai। maaya khoob jhoke lagaayegi। jo pakke nishchaybuddhi hain unhon ko to maaloom padta hai ki shareer ke hisaab-kitaab bhi chuktu honge। jab koi beemaari chhootne par hoti hai to khushi hoti hai। ab ham is beemaari se chhootne vaale hain। tum jaante ho baaki thode roz hain। yeh 5 vikaaron ki beemaari aadhaakalpa ki lagi hui hai, jisse manushya ajaamil jaise paap aatma ban jaate hain। aisi duniya ab baaki thode roz hai। yeh beemaariyaan chhooti ki chhooti। duniya to in baaton ko nahin jaanti woh to jaise ki aasuri buddhi hain। woh to haay-haay karte rahenge। tum to yeh ghatnaayen dekhte rahenge। tumhaara in baaton se koi tailuk nahin hai। yeh koi nai baat nahin hai, yeh to hona hi hai ismen darne ki koi baat nahin। baaki thoda samay hai। pet ko do roti khilaani hain। abhi apne ko hobby hai - baba se varsa lene ki। anek prakaar ki hobby (aadat) manushyon ko hoti hain। yahaan koi hobby nahin। shareer ke saath tailuk rakhne vaali baaton ko bhool jaana hai। ham eeshvar ke ban gaye। ab vaapis baba ke paas athva saajan ke paas jaana hai। yeh saazan bhi bada vichitra hai। vichitra hone ke kaaran unko poora yaad nahin kar sakte। yeh nai rasam hai na। aatma ko paramatma ko yaad karna hai। aise to kabhi yaad kiya nahin hai aadhaakalpa se, satayug mein sirf itna samajhte hain - ham aatma hain bas aur koi gyaan nahin। ham aatma ek shareer chhod doosra lenge। yahaan to aatma ko paramatma bana diya hai। paramatma sarvavyaapi kah dete hain। abhi yeh puraani duniya jaise ki tumhaare liye hai nahin। buddhi nai duniya se lagi hui hai। jaise koi naya ghar banta hai to buddhi puraane ghar se nikal naye mein lag jaati hai। abhi itne dharma vaale conference aadi karte hain parantu ek ka bhi buddhiyog parampita paramatma se nahin hai। abhi tumko sikhlaane vaala baap mila hai। vahi gyaaneshvar aur yogeshvar hai। eeshvar jo apne saath yog lagaana sikhlaate hain, gyaaneshvar maana eeshvar mein hi gyaan hai। vahi gyaan aur yog sikha sakte hain। jinko pakka nishchay hai - woh to samajhte hain is duniya mein ham thode samay ke liye hain। hamko to ab vaapis jaana hai। jaise naatak mein actors ko maaloom pad jaata hai ki baaki thoda samay hai phir ham ghar jaayenge। ghadi ko dekhte rehte hain। tumhaari hai behad ki ghadi, tum jaante ho yeh antim janma hai। to tumko to badi khushi honi chaahiye - hamko yeh puraana shareer chhod vishwa ka prince aur princess banna hai। hamaare mama baba bhi jaakar prince-princess banenge। bachchon ko bhi achhi daudi lagaakar vijay maala mein najdeek number mein aana chaahiye। baba se koi poochhe to baba batla sakte hain - tumhaari chalan aisi hai, jisse dikhaai padta hai ki tum barobar vijay maala mein najdeek aa jaayenge। khud ko bhi maaloom pad jaata hai। ham kahaan tak paas honge। koi to samajhte hain - ham kabhi bhi paas nahin honge। bhal baba ka bachcha hoon, sab kuchh surrender kiya hai, baba ki god mein baitha hoon, parantu dhaarna nahin hai to oonch pad mil na sake। jo grihastha vyavhaar mein rahkar service kar rahe hain, woh yahaan rahne vaalon se achha pad pa sakte hain। aur dekhne mein aata hai - woh bahut teekhe ja rahe hain। sirf saath mein rahne se thoda phaayda hota hai। baadal saagar ke paas aaye, bhare aur phir yeh gaye barasne।

murli to sab taraph jaati rehti hai। murli sunkar phir sunaate bhi hain। bahut service karte hain, woh achha oonch pad pa lete hain, mehnat hai। yahaan mehnat nahin hoti hai to gir padte hain। saara madaar purushaartha par hai। apni nabja aapehi bhi dekhi ja sakti hai। samajh sakte hain is purushaartha se main kya pad paaoonga! ab purushaartha kar oonch pad nahin paaya to kalpa-kalpaantar aise pad hoga। yeh hai behad ka drama। apne ko ab behad ki buddhi mili hai। drama ke aadi-madhya-ant ko jaanna, bada maja hai। parantu maaya ke toofaan aise hain jo kuchh na kuchh ulta kara lete hain। achhe-achhe bachchon ko maaya jeet leti hai। aage chal vriddhi bhi jaasti hogi। tumhaara naam baala hoga। ab dehli mein religious conference hoti hai। conference mein samjhaane ki badi achhi buddhi chaahiye। bahut achhi likha padhi chalni chaahiye। heads jo hote hain unhon ki pahle chhoti committee hoti hai phir badi conference bulaate hain। pope aadi ka pahle se sab prabandha kiya jaata hai। yeh bhi conference mein bahut khyaalaat karte hain। to aisi conference mein bade buddhivaan bachche chaahiye jo bade-bade samajhdaar hain, unko jaakar samjhaana chaahiye। pahle to yeh baat nikaalo ki head kaun hai। ab baba bhi aaya hua hai - inke pahle to kisko bhi devi-devta dharma ka pata hi nahin tha। abhi khushi hoti hai ki devi-devta dharma ka bhi head hai। jo gyaan mein paripakva hue hain vo samajhte hain, abhi ham inhon se poochh sakte hain ki bataao - sab dharmon mein oonch dharma kaun sa hai? unko hi head banaana chaahiye। tum bi.ke. ho sabse head, tum jagat maataayen ho। martaba bhi maataaon ka hai। dikhaate bhi hain - kumaariyon ne baan maare hain - bheeshma pitaamah aadi ko। in kumaariyon ke aage sabko aana hai। to yeh samjhaana padta hai ki oonch se oonch kaun hai। phir samajh jaayenge ki sarvavyaapi ka gyaan jhootha hai।

abhi tum ho yuddha ke maidaan par। baap ka parichay dena - tumhaare liye koi nai baat nahin hai। achhe-achhe jo bachche hain unhon ko nasha chadha hua hai - yeh part to anek baar hamne bajaaya hai। abhi yeh puraani duniya khatma ho jaani hai। yeh puraana chola chhodna hai phir nayesir aakar part bajaayenge। abhi tumhaari buddhi vishaal bani hai। abhi yeh puraana chola chhodna hai phir 84 janma naye-naye chole lete hain। yeh buddhi mein sadaiv rehna chaahiye - har ek paartadhaari ko apne-apne part ka to pata hona chaahiye na। 84 janma le part bajaaya। ab khel poora hota hai। yeh chola bhi poora hota hai। srishti bhi tamopradhaan hai, ab hamaari raajdhaani sthaapan ho jaayegi phir vinaash shuru hoga। ham jaakar vishwa ke maalik banenge - doosre janma mein। yahaan jo padhte hain to usse is janma mein hi milta hai। tumko woh phir yaad aaya, ham jaakar daivi janma lenge phir kshatriy janma lenge। yeh buddhi mein tapakna chaahiye, tab khushi ka paara chadha rahega। jo achhe purushaarthi honge unki buddhi mein aisi-aisi baaten chalti rahengi।

baba ne samjhaaya hai - karma to karna hi hai। phir apne yaad ke chart ko badhaana hai। raat ka time achha hai ismen koi thakaavat nahin hoti hai। saara samay us avastha mein nahin rah sakte phir toofaan aate hain to thaka bhi dete hain। na chaahte bhi toofaan aa jaate hain। woh thakaavat karenge। baaki baap ko yaad karte rahenge। topic aadi nikaalte rahenge to usmein maatha aur hi bharpoor ho jaayega। yeh baba ka anubhav hai। toofaan to bahut aayenge। jitna roostam banenge utna maaya jaasti pachhaadegi। yeh ek law hai। baap kehte hain - maaya badi balvaan hai kyonki unka raajya abhi jaana hai to khoob toofaan machaayegi। unse darna nahin hai। shareer ko kuchh hota hai, woh bhi karmabhog hai। ismen ghutka nahin khaana hai। pichhaadi ka shareer hai। baaki thoda samay hai, aise karte khushi mein rehte hain। drama mein is samay tum sabse jaasti martabe vaale ho kyonki parampita paramatma ki god li hai। tumhaare mein bhi jo achhe purushaarthi hain unhon jaisa saubhaagyashaali koi nahin। yeh eeshvareey sukh bahut oonch hai। tum samjha sakte ho bhaarat hi svarga tha, avinaashi khanda hai aur koi dharma nahin tha। woh to baad mein aaye hain। sooryavanshi raajdhaani past hui to phir chandravanshi hue। unki history-geography ka kisko pata hi nahin hai। abhi tumhein pata pada hai। vahaan thode hi koi bhi jaante hain ki satayug ke baad treta hota hai to do kala kam hone se woh sukh kam ho jaata hai। yeh gyaan satayug mein ho to andar hi ghutka khaate rahen। dil khaayegi kya ham phir utrenge। raajaai hi achhi nahin lagegi। yahaan bhi koi-koi kehte hain ham svarga ke maalik banenge phir neeche utarna padega! parantu vahaan phir bhi raajaai milne ki khushi hai। abhi tumko baba trikaaldarshi bana rahe hain। lakshmi-naaraayan jo svarga ke maalik hain, woh bhi trikaaldarshi nahin hain। sangam par hi baap aakar teesra netra gyaan ka de trikaaldarshi banaate hain। devtaaon ko yeh sab anlakaar kyon dete hain? kyonki woh final mein hain। brahman to girte aur chadhte rehte hain। unhon ko alankaar kaise de sakte hain, shobhte hi nahin। drama mein kitna wonderful raaz hai। svadarshan chakradhaari brahman hi hain। is gyaan se hi tum devta bante ho। is samay tum svadarshan chakradhaari, trinetri, trikaaldarshi ho। yeh tumhaara title hai। yeh sab baaten samajhne aur samjhaane ki hain। pahle-pahle baap ka parichay dena hai। parampita paramatma se aapka kya sambandh hai? unka naam hi hai god father। aise thode hi kahenge ki god father sarvavyaapi hai। woh to baap hai na। ham likhte hi hain ki parampita paramatma se aapka kya sambandh hai? parampita kehte hain to zaroor pita thahra na। baap sarvavyaapi kaise hoga! baap se to varsa milna hota hai। baap to rachayita hai nai duniya ka। in lakshmi-naaraayan ko nai duniya ka varsa mila hua hai। vahaan devtaaon ko teesre netra ki darkaar nahin rehti hai। teesra netra zaroor brahma dvaara hi denge। trimoorti ka arth kitna achha hai। samjhaane ki badi raunak chaahiye। to jo achha ustaad hoga, unko samjhaane ki practice hogi। din-pratidin kisko samjhaana bahut sahaj hota jaayega। parampita paramatma aapka kya lagta hai? kahenge baap lagta hai। baap hai nai duniya ka rachta। satayug mein devi-devtaaon ka raajya tha। zaroor unhon ko property mili hogi parampita paramatma se। raajayog seekh raajaai paate hain। ham sab bi.ke. hain। koi ko bhi samjhaao - achha tum kehte ho prajaapita brahma। to tumhaara pita hua na। woh (shiv) bhi pita hai। tum bhi brahmaakumaar kumaari ho। ham daade se varsa le rahe hain, tum nahin le rahe ho। aakar samjho, purushaartha karo to tumko bhi mil jaayega। prajaapita brahma aur jagdamba do hain mukhya। varsa milta hai - lakshmi-naaraayan pad। bachchon ko bahut prakaar se samjhaate hain। badi-badi conferences mein tum bachche jaao tab naam baala ho। hamaari baat hi gyaan ki hai, doosre sabki baaten hain bhakti ki। gyaan se hamko authority hai - koi se bhi poochhne ki। parantu samajhne vaale bhi koi jhat samajhte nahin hain, bakhere bahut karte hain। samajh jaayen to saari aabru hi chat ho jaae। likha hua hai kumaariyon ne bheeshma pitaamah ko jeeta hai। yeh hona hai। drama mein yeh part hai zaroor। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vijay maala mein aane ke liye mama baba ke samaan service karni hai। murli dhaaran kar phir sunaani hai। chalan badi royal rakhni hai।

2) apni vishaal buddhi se is behad drama ko jaan apaar khushi mein rehna hai। toofaanon se darna nahin hai। gyaan manthan se buddhi ko bharpoor rakhna hai।

vardaan:- vipreet bhaavnaaon ko samaapta kar avyakt sthiti ka anubhav karne vaale sadbhaavna sampanna bhav

jeevan mein udti kala va girti kala ka aadhaar do baaten hain - bhaavna aur bhaav। sarva ke prati kalyaan ki bhaavna, sneh-sahayog dene ki bhaavna, himmat-ullaas badhaane ki bhaavna, aatmik swaroop ki bhaavna va apne pan ki bhaavna hi sadbhaavna hai, aisi bhaavna vaale hi avyakt sthiti mein sthit ho sakte hain। agar inke vipreet bhaavna hai to vyakta bhaav apni taraph aakarshit karta hai। kisi bhi vighna ka mool kaaran yeh vipreet bhaavnaayen hain।

slogan:- sarvashaktimaan baap jiske saath hai, maaya uske saamne paper tiger hai।

lavleen sthiti ka anubhav karo

jisse pyaar hota hai, usko jo achha lagta hai vahi kiya jaata hai। to baap ko bachchon ka upset hona achha nahin lagta, isliye kabhi bhi yeh nahin kaho ki kya karen, baat hi aisi thi isliye upset ho gaye... agar baat upset ki aati bhi hai to aap apni sthiti upset nahin karna।