शुक्रवार 21 जनवरी 2022 की दैनिक मुरली

21-01-2022 praatahmurli om shanti "baapdaada"' madhuban

“meethe bachche - samajhdaar ban har kaam karo, maaya koi bhi paap karma na kara de iski sambhaal karo''

prashn:- baap ka naam baala karne ke liye kaun si dhaarnaayen chaahiye?

uttar:- naam baala karne ke liye eemaandaar, vaphaadaar bano। sachchaai ke saath seva karo। bahti ganga ban sabko baap ka sandesh dete jaao। apni karmendriyon par poora control rakh, aashaaon ko chhod kaaydesir chalan chalo, susta nahin bano। gyaan-yog ki pahle khud mein dhaarna ho tab baap ka naam baala kar sakenge।

geet:- aaj ke innsaan ko…

om shanti। yeh hai bhaarat ki aaj ki haalat। ek geet mein bhaarat ki giri hui haalat dikhaai hai। doosre geet mein phir bhaarat ki mahima bhi karte hain। duniya in baaton ko nahin jaanti। tum bachchon mein bhi koi to in baaton ko samajhte hain ki bhaarat hi 100 pratishat samajhdaar tha aur ab 100 pratishat besmajh hai। 100 pratishat samajhdaar 2500 varsha rehta hai phir poora besmajh ban padta hai। besmajh banne mein phir poora aadhaakalpa lagta hai। poore besmajh ko phir ek janma mein samajhdaar banaane vaala hai baap। koi besamjhi ka kaam karte hain to dil andar khaata hai, kiye hue paap yaad padte hain। ab to samajhkar kaam karna chaahiye। besamjhi se koi bhi kaam na ho, badi sambhaal rakhni hai। maaya vaar aisa karti hai jo pata bhi nahin padta। kaam ka bhi semi nasha aata hai। bachche likhte hain baba toofaan aate hain। kaam ka toofaan kam nahin hai, bahut prakaar ka nasha maatha garam kar deta hai। pyaar bhi deh ka aisa hota hai, jismen buddhi jaati hai। yog poora na rahne se, avastha kachchi hone se phir unka nuksaan bahut hota hai। baba ke paas report to bahut aati hai। bade kade toofaan hain। lobh bhi bahut sataata hai, jo bekaayde chalan chalte hain। jaise vo sannyaasi log hote hain, tum bhi sannyaasi ho। woh hain hathayogi, tum ho raajayogi। unmein bhi nambarvaar hote hain। koi to apni kutiya mein rehte hain, bhojan vahaan hi unko pahunchta hai va manga bhi lete hain। vikaaron ka sannyaas karte hain to pavitrata manushyon ko kheenchati hai। unmein bhi nambarvaar hote hain। ismen bhi gyaan-yog bal ki taakat chaahiye। jitna yog mein rahenge to in sab baaton ki parvaah nahin rahegi। yog hai tandarusti ki nishaani। bhal puraane vikarmon ki bhogna to bhogni padti hai phir bhi yog par aadhaar rehta hai। aise nahin phalaani cheez chaahiye .... sannyaasi log maangate nahin hain। yog ka bal rehta hai। tatva yogi mein taakat hai। naange phakeer jo hote hain woh to davaaeeyon se kaam lete hain। woh hua artificial।

tumhaara saara madaar yog par hai। tumhaara yog baap se hai, to isse pad bhi bhaari milta hai। tumhaare devi-devta dharma mein bahut sukh hai। uske liye tumko shreemat milti hai। unko koi eeshvareey mat nahin milti। tumko eeshvar aakar mat dete hain। kitna bhaari varsa milta hai, 21 janmon ke liye praapti hai। parampita paramatma aakar padhaate hain। parantu bachche baap ko bhi bhool jaate hain। yog poora lagaate rahen to yeh lobh, moh aadi vikaar sataayen nahin। bahuton ko sataate hain - yeh chaahiye, yeh chaahiye। pakke sannyaasiyon mein yeh nahin hota hai। ek khidki se jo mila woh liya। jinka karmendriyon par poora control rehta hai woh phir doosri cheez kabhi nahin lenge। koi to le lete hain। yahaan bhi aise hain। vaastav mein eeshvar ke bhandaare se jo kuchh kaaydesir mile us par chalna theek hai। manushyon ko aash bahut uthti hai। aash poori na hone se susta ban jaate hain। yahaan sabko eemaandaar, vaphaadaar banna hai। sab aashaayen mita deni hain। tum bachchon ko bahut shreshthaachaari banna hai।

baap to har reeti se purushaartha karaate hain ki bachche naam baala karen। ek to yog mein rehna hai aur gyaan dhaaran kar auron ko karaana hai। gangaaon ko bahna hai, samjhaana hai sachcha yog kisko kaha jaata hai। bhagwan hai sabka baap, krishna to god father hai nahin। ab baap kehte hain mujhe yaad karo to main shanti aur sukh ka varsa doonga। kitni sahaj baat hai। kisko teer nahin lagta kyonki kuchh na kuchh khaamiyaan hain। service to athaah hai। manushyon ko shamshaan mein phursat rehti hai। bachche samajhdaar hon, service ka shauk ho, koi vikaar na ho to jaakar samjha sakte hain। tumhein samjhaana hai ki ek baap ko yaad karo, jisse hi phal arthaat varsa mil sakta hai। sannyaasi, hathayogi, guru aadi kya dete hain। jo bhi shiksha aadi denge alpakaal sukh ki। baaki to sab duhkh hi dete hain aur yeh baap to sada sukh ka raasta bataate hain। ab baap kehte hain - mujhe yaad karo। vinaash saamne khada hai, mujhe yaad karenge to svarga ka maalik banenge। pavitra to rehna hai। nimantran to dena hota hai। din-pratidin points sahaj kar di jaati hain। bade-bade shahron mein shamshaan mein bahut aate hain। shamshaan mein service bahut ho sakti hai। bachche kehte hain hamko phursat nahin, achha chhutti lekar jaao। service mein bahut phaayda hai। vinaash to hona hi hai। earthquake aadi honge, sabhi dam aadi phat padenge। aaphten to bahut aane vaali hain। jinko gyaan hoga woh to dance karte rahenge। jo serviceable bachche hain vo hi pichhaadi mein hanoomaan misal stheriyam rah sakenge। koi to aise bhi hain jo bomb ki aavaaj se hi mar jaayenge। hanoomaan ek ka misaal hai, parantu 108 to aise taakatvaan honge na। woh taakat aayegi service se। baap kehte hain bachche service kar oonch pad paao, baad mein pachhtaana na pade isliye pahle se hi bataate hain ki oonch pad le lo। kisko bhi samjhaana bahut sahaj hai। mandiron mein bhi tum jaakar samjha sakte ho। inhon ko yeh raajya kisne diya? jhat kahenge bhagwan ne diya। manushyon se poochho tumko yeh dhan kisne diya to phat se kahenge bhagwan ne। lakshmi-naaraayan ko bhagwan ne yeh dhan kaise diya - yeh bhi samjhaana hai। baap ko jaanne se tum bhi woh pad pa sakte ho। chalo to samjhaayen ya to phalaani address par aakar samjho। yahaan koi paisa aadi nahin rakhna hai। tum bachchon ki buddhi mein sab raaz hain। lakshmi-naaraayan, seeta-raam unhon ko yeh raajya kisne diya? zaroor bhagwan se mila। sooryavanshi chandravanshi raajdhaani sthaapan ho rahi hai। tumne saakshaatkaar bhi kiya hai - kaise lakshmi-naaraayan phir raam seeta ko raajya dete hain। lakshmi-naaraayan phir bhagwan se paate hain, samjha to sakte hain na। baaten badi sahaj aur meethi hain। bolo, oonche te ooncha to baap hai na। us parampita paramatma ko jaante ho? baba kehte hain maamekam yaad karo। krishna ko baba to nahin kahenge। krishna ne aage janma mein is raajayog se yeh pad paaya hai। aisi-aisi points note karni hain, jo phir bhool na jaayen। manushyon ko koi baat yaad karni hoti hai to gaanth baandh lete hain। tum bhi sirf do baaton ki gaanth baandh lo। kisko sirf yeh do baaten sunaate raho ki baap kehte hain; manamnaabhav, madhyaajeebhav। pradarshani se bhi bahut service kar sakte ho ki baap ne hamko kaha hai sabko paigaam do - sarva dharmaani... tum akeli aatma the। ab mujh baap ko yaad karo to vikarma vinaash honge aur tum mere paas aa jaayenge। yeh antim janma pavitra banna hai। amarlok chalna hai to mere ko yaad karo। bas yahi samjhaane ka dhandha karo। aadhaakalpa bhakti ka dhakka khaaya hai। is janma mein yeh sandesh sabko dena hai। dhindhora bhi peet sakte hain baba kya kehte hain। baba ka message dena hai। baap kehte hain mujhe yaad karo, jyaada kuchh samajhna ho to aakar samjho। tum bahut service kar sakte ho। kharcha sab kuchh mil sakta hai। roti to apne haath se bhi bana sakte ho। service kar sakte ho। service ka bahut scope hai। parantu takdeer mein nahin hai to kya kar sakte hain। aasaami bhi dekhi jaati hai। baba kehte hain achha - ham tumko kitbag banaakar dete hain, thoda hi raaz kisko samjhaana। baba aaye hain bhakti ka phal dene, kehte hain bachche ab ashareeri ban vaapis chalna hai isliye mere ko yaad karo to tumhaari karmaateet avastha ho jaayegi। baba guarantee karte hain tum svarga ke maalik banenge। bahuton ko paigaam mil jaae। apne-apne gaanv mein bhi service kar sakte ho athva baahar jaakar karo, kharcha to mil hi jaayega। koi service karke dikhaave। bhal dhandhe par raho to bhi service bahut ho sakti hai। 8 ghanta dhandha karo, 8 ghanta aaraam karo to bhi time bahut hai। ek ghanta koi sachchaai se seva kare to bhi bahut achha pad pa sakte hain। chaaron taraph chakkar lagaate rahen, parantu ismen nirbhayta bhi chaahiye। pahle unko bataana hai ki main koi beggar nahin hoon। main to aapko eeshvar ka raasta bataane aaya hoon। hamko hukm mila hai - ek minute ka mahaamantra dekar jaaoonga। yeh hai sanjeevni booti। ham baba ka paigaam dene aaye hain। baap kehte hain maamekam yaad karo। service to bahut hai parantu khud hi koi deh-abhimaani hoga to kisko teer lagega nahin। baap ke saath sachcha rehna chaahiye। aise nahin mitra-sambandhiyon ko yaad karte rahen। yeh chaahiye, woh chaahiye... tumko maangana kuchh bhi nahin hai। tum koi se kuchh le nahin sakte ho। kiske haath ka kha nahin sakte ho। ham apne haath se banaakar khaate hain। apne haath ka banaakar khaane se taakat bahut aayegi। parantu itni mehnat koi karte nahin hain। maaya badi balvaan hai। deh-abhimaan ki beemaari badi mushkil jaati hai। badi mehnat hai। yog mein rah nahin sakte hain to banaana hi chhod dete hain। achha yog mein rahkar kha sakte ho। dehi-abhimaani avastha jamaane ke liye badi mehnat chaahiye। bade-bade satsangon mein ek hi baat jaakar samjhaao - bhagvaanuvaach, maamekam yaad karo to phir svarga mein aa jaayenge। bhaarat svarga tha na। badi mehnat hai - vishwa ka maalik banna, oonch pad hai! praja mein aana koi badi baat nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi kaam besamjhi se na ho, iske liye gyaan yog ka bal jama karna hai। samay nikaal sachchaai se, nirbhay ho service zaroor karni hai। service se hi taakat aayegi।

2) deh-abhimaan ki beemaari se bachne ke liye bhojan bahut yogayukta hokar khaana hai। ho sake to apne haath se banaakar shuddh bhojan sveekaar karna hai।

vardaan:- sarva aatmaon ke ashubh bhaav aur bhaavna ka parivartan karne vaale vishwa parivartak bhav

jaise gulaab ka pushpa badbu ki khaad se khushbu dhaaran kar khushboodaar gulaab ban jaata hai। aise aap vishwa parivartak shreshtha aatmaayen ashubh, vyartha, saadhaaran bhaavna aur bhaav ko shreshthata mein, ashubh bhaav aar bhaavna ko shubh bhaav aur bhaavna mein parivartan karo, tab brahma baap samaan avyakt pharishta banne ke lakshan sahaj aur svatah aayenge। isi se maala ka daana, daane ke sameep aayega।

slogan:- anubhvi swaroop bano to chehre se khushanseebi ki jhalak dikhaai degi।

lavleen sthiti ka anubhav karo

baapdaada ka bachchon se itna pyaar hai jo samajhte hain har ek bachcha mere se bhi aage ho। duniya mein bhi jisse jyaada pyaar hota hai use apne se bhi aage badhaate hain। yahi pyaar ki nishaani hai। to baapdaada bhi kehte hain mere bachchon mein ab koi bhi kami nahin rahe, sab sampoorn, sampanna aur samaan ban jaayen।