गुरुवार 17 मार्च 2022 की दैनिक मुरली

17-03-2022 praatahmurli om shanti "baapdaada"' madhuban

“meethe bachche - tumhein bhakti ki rochak baaton ke bajaae roohaani baaten sabko sunaani hai, raavan raajya se mukta karne ki seva karni hai''

prashn:- seva mein saphalta praapta karne ke liye mukhya kaun sa gun chaahiye?

uttar:- nirhankaarita ka gun। mahaaveer ke liye bhi dikhaate hain jahaan bhi satsang hota tha, vahaan juttiyon mein jaakar baithta tha kyonki usmein deh-abhimaan nahin tha, parantu ismen bahaaduri chaahiye। tum koi bhi dress pahankar un satsangon mein jaakar sun sakte ho। gupta vesh mein jaakar unki seva karni chaahiye।

geet:- om namo shivaae …

om shanti। yeh hui mahima oonche te oonche bhagwan ki। eeshvar kaho, parampita paramatma kaho, sirf eeshvar va bhagwan kahne se pita nahin samjha jaata hai, isliye parampita paramatma kehna chaahiye। woh rachayita hai is manushya srishti ka। ab oonche te ooncha baap kya aakar kehte hain? kehte hain ki patit manushya mujhe bulaate hain ki aakar hamko paavan banaao। paavan maana pavitra। patit-paavan bhagwan ko hi kaha jaata hai। barobar woh aata hai zaroor। bhakti maarga mein bhagwan ko yaad karte hain to woh aata bhi zaroor hai। parantu woh aayega tab jab bhakton ko bhakti ka phal dena hoga। phal dena arthaat varsa dena, unke liye bahut sahaj hai। ek second mein jeevanmukti de sakte hain। kehte bhi hain ki janak ko second mein jeevanmukti mili। naam ek ka hi gaaya hua hai। second mein jeevanmukti arthaat sukh-shanti mili। manushya kehte bhi hain ki shanti, sukh aur badi aayu chaahiye। chhotepan mein koi marta hai to kehte hain akaale mrityu aa gaya, poori aayu nahin bitaai। ab baap jo kuchh karke gaye hain, unka hi gaayan hai। second mein jeevanmukti, to zaroor pahle jeevanbandha mein hoga। jeevanbandh kaliyug ke ant aur jeevanmukta satayug ke aadi ko kaha jaata hai। kehte hain janak misal ghar grihastha mein rahkar jeevanmukti ko paayen।

baap samjhaate hain akshar hi do hain - raajayog aur gyaan। bhaarat ka praacheen raajayog to mashhoor hai। praacheen maana pahle-pahle, lekin kab? yeh manushya nahin jaante kyonki kalpa ki aayu laakhon varsha kah dete hain। bhaarat ka praacheen gyaan aur yog to sab chaahte hain jisse bhaarat svarga banta hai। ab to bhaarat bahut duhkhi hai, pahle sooryavanshi raajya tha। ab nahin hai phir unko yaad karte hain ki woh raajayog aur gyaan kisne diya tha! yeh nahin jaante। nahin to baap se varsa lene mein bachchon ko koi bhi takleeph nahin। baap ka bane to varse ke laayak banen। phir bhi maat-pita, teacher ki shiksha milni hoti hai। mukti ka bhi varsa chaahiye, isliye guru karte hain। parantu jeevanmukti to kabhi koi de nahin sakta। jab jeevanbandha ka ant ho, jeevanmukti ki aadi ho tab hi phir jeevanmukti dene vaala aaye। manushyon ne sirf suna hai ki second mein jeevanmukti athva second mein raavan raajya se raamraajya, patit se paavan। parantu kaise; so nahin jaante। baap tum aatmaon se baat karte hain। yeh hai roohaani shiksha jo supreme rooh dete hain। vahaan to sab manushya hi shaastra aadi padhte hain। kehte hain phalaane mahaatma ne yeh gyaan diya। yahaan hai praacheen raajayog aur gyaan jo parampita paramatma ne diya tha, 5 hajaar varsha pahle, jisse tum so devi devta bane the। ab praayahlop ho gaya hai। agar lop na ho to sunaave kaise? manushya patit na banen to patit-paavan baap kaise aaye? patit banne mein 84 janma lene padte hain। iska bhi saara vistaar baap samjhaate hain। varna bhi samjhaate hain। brahma chaahiye to brahma ka baap bhi chaahiye। brahma, vishnu, shankar in teenon ka baap shiv hai। ab brahma dvaara baith praacheen gyaan dete hain jisse vishnupuri ke maalik banenge aur brahman so devta ban jaate hain। brahman dharma vaale manushya se tum so devi-devta dharma vaale ban rahe ho। to pahle prajaapita brahma chaahiye। krishna ko to prajaapita nahin kah sakte hain। yeh to sab ulti baaten bana di hain। krishna ko itni raaniyaan, bachche aadi the, yeh hai bhool। vaastav mein bachche hain brahma ko, na ki krishna ko। brahma hi krishna bante hain। bas is ek janma ki uthal paathal ne manushyon ko munjha diya hai। geeta ka bhagwan krishna ko kah shiv ko uda diya hai। sab kehte hain brahma ko 3 mukh the, kitne moonjh gaye hain। shiv rachayita ko to ekdam gum kar diya hai। rachta hi aakar bataate hain ki ham kaise devi devta dharma ki rachna karte hain। aise nahin paramatma srishti kaise rachte hain। parampita paramatma ko bulaate hi hain ki he patit-paavan aakar ham patiton ko paavan banaao। duniya ko yeh maaloom hi nahin ki is samay raavan ka raajya chal raha hai। raavan ki badi-badi kathaayen baith sunaate hain। isko kaha jaata hai bhakti ki rochak baaten aur yeh hain roohaani baaten। is samay sab seetaayen athva bhaktiyaan raavan ki kaid mein hain aur raavan-raajya mein bahut duhkhi hain। ab sabko raavan raajya se mukta karaana hai। ab baap aaya hai kehte hain bachche, tumhaare 84 janma ab poore hue। ab vaapis chalna hai। mujhe hi bulaate the ki duhkh harta sukh karta aao। yeh mera hi naam hai। kaliyug mein hain apaar duhkh। satayug mein hain apaar sukh। phir se tumko sukh ka varsa dilaane arth phir se tumhein raajayog aur gyaan sikhla raha hoon। yeh puraani duniya vinaash ho jaayegi। manushya to vinaash se bahut darte hain। samajhte hain yeh aapas mein laden hi nahin to shanti ho jaae। phir itne anek dharmon mein shanti kaise hogi? baap samjhaate hain yeh itne sab dharma jo ab hain - woh pahle nahin the, jab ek hi dharma tha tab barobar sukh-shanti ka raajya tha। ab sab maangate hain man ko shanti kaise mile! are man kya cheez hai - pahle inko to samjho। aatma mein hi man-buddhi hai। manushya ki jabaan bolti hai। aankh dekhti hai। total milaakar kehte hain, manushya duhkhi hain। kisko bhi samjhaana bada sahaj hai ki baap ko yaad karo aur varse ko yaad karo। phir jhaad aur drama ki samjhaani bhi deni pade, jiske liye yeh chitra bane hue hain। sirf manamnaabhav kahne ke liye to chitra ki darkaar nahin। chitron par samjhaane mein ghanta lag jaata hai। praacheen raajayog bhagwan ne sikhlaaya aur raajaai mil gai। phir koi manushya thode hi raajayog sikhlaayenge। baap aur varse ko yaad karo to theek hai। parantu yeh detail jab tak kisko samjhaayen nahin tab tak buddhi nahin khulegi। srishti chakra ko samajh nahin sakenge। jab koi drama dekhkar aate hain to woh buddhi mein aadi se ant tak ghoomta rehta hai, kahne mein to sirf itna hi aayega ki ham drama ko dekhkar aaye hain। tum bhi kehte ho ham is drama ko jaante hain। parantu detail to bahut hai। baap se sukh-shanti ka varsa milta hai phir buddhi mein chakra bhi hai। 84 ka chakra zaroor ghadi-ghadi yaad karna hai। yeh gyaan braahmanon ko hi milta hai jo phir devta bante hain। brahma so vishnu phir vishnu so brahma। tum jo devi devta the, punarjanma lete-lete phir aakar brahman bane। had ka baap to sirf utpatti, paalna karte hain। vinaash to nahin karenge। vinaash arthaat saari patit duniya hi na rahe। saare raavan raajya ka hi vinaash hona hai। nahin to raamraajya kaise ho! vahaan kabhi raavan ko jalaate nahin। bhakti maarga ki koi bhi baat gyaan maarga mein hoti nahin। tum satayug treta mein praalabdha bhogte ho। woh hai gyaan ki praalabdha, inko kahenge bhakti ki praalabdha। alpakaal kshanbhangur sukh। pahle bhakti avyabhichaari thi phir vyabhichaari hote-hote bilkul hi duhkhi ban jaate hain। sadgati daata ek baap hai, yeh to samjhaana hai ki baap aur varse ko yaad karo। yaad kiya aur svarga ki baadshaahi mili phir narka mein kaise aaye, yeh sab baaten baith samjhaai jaati hain। ab tumko saare srishti chakra ke aadi madhya ant ka pata pad gaya hai। to is samay tum trikaaldarshi ban rahe ho। unko tum kahenge ki devtaayen bhi trikaaldarshi nahin the। to kahenge tab kaun the? kyonki sangamayugi braahmanon ko to koi jaante hi nahin। dikhaate hain jahaan bhi satsang hota tha to hanoomaan jaakar juttiyon mein baith jaata tha। ab yeh baat mahaaveer ke liye kyon kahi hai? kyonki tum bachchon mein koi deh-abhimaan to hai nahin। samjho satsang mein koi aisi baat nikal pade to tum kah sakte ho praacheen sahaj raajayog aur gyaan se second mein jeevanmukti lena hai to phalaane ke paas jaao। samjhaane vaala to bahut bahaadur, nirhankaari chaahiye। jara bhi deh-abhimaan na ho। kahaan bhi jaakar baithe, time mil jaae to bolna chaahiye। majboot hoga to bhaashan aadi karega ki grihastha vyavhaar mein rehte kaise second mein jeevanmukti mil sakti hai। parampita paramatma ke sivaae to koi de na sake। yeh mahaaveer hi samjha sakte hain। sunne liye mana nahin hai, grihastha vyavhaar mein rehte tum bachche bahut service kar sakte ho। bolo, raajayog seekhna ho to brahmaakumaariyon ke paas jaao। aage chalkar tumhaara naam baala ho jaayega, majority ho jaayegi। abhi to thode hain। bhagaane ka naam bhi bahut hai। krishna ne bhagaaya, are bhagaane ki to koi baat nahin। teacher kab padhaane ke liye bhagaate hain kya! service karne vaalon ko to bahut vichaar saagar manthan karna hai aur bahut bahaadur banna hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sabhi bhakti roopi seetaaon ko raavan ki kaid se chhudaana hai। second mein mukti jeevanmukti ki raah dikhaani hai।

2) baap aur varse ko yaad karna hai। deh-abhimaan chhod mahaaveer ban seva karni hai। vichaar saagar manthan kar seva ki nai nai yuktiyaan nikaalni hain।

vardaan:- nothing new ki yukti dvaara har paristhiti mein mauj ki sthiti ka anubhav karne vaale sada achal-adol bhav

brahman arthaat sada mauj ki sthiti mein rahne vaale। dil mein sada svatah yahi geet bajta rahe - vaah baba aur vaah mera bhaagya! duniya ki kisi bhi halchal vaali paristhiti mein aashcharya nahin, fullstop। kuchh bhi ho jaae - lekin aapke liye nothing new। koi nai baat nahin hai। itni andar se achal sthiti ho, kya, kyon mein man moonjhe nahin tab kahenge achal-adol aatmaayen।

slogan:- vritti mein shubh bhaavna ho, shubh kaamna ho to shubh vibration phailte rahenge।

anmol gyaan ratna (daadiyon ki puraani diary se)

1- ab tumhein daiveegunon ki dhaarna karni hai। dhairyavat gun ki dhaarna bhi nishchay se hoti hai aur saaksheepan ki avastha mein hi khushi hai। is dhaarna se hi paramatma aapehi hajaar kadam aage prakhyaat hota hai। baba kehta hai ki tum sookshm mein do kadam najdeek aao to main sthool mein anek kadam uthaakar saamne aaoonga। gyaan hi hai sva lakshya mein sthit rehna। sva mein sthit rahne se hi paramatma svayan aage aayega। baba ke yeh mahaavaakya yaad kar do, jitna daiveegunon ki dhaarna karenge, utna hi ek do ko sukh dene ke nimitta banenge। aaj dena kal milna। aaj servant ban denge to kal maalik ban raajya karenge। abhi to world servant ho na।

2- har ek sva swaroop mein sthit ho apne rath (shareer) ko chalaate chalo। jaise ki is rath ko main bithaati hoon, main khilaati hoon, main sulaati hoon। main mukh se baat karaati hoon। agar main mukh se kisko duhkh deti hoon to jaise apne hi sva swaroop ki insult karti hoon। to phir sva sampoorn aatma kehti hai ki he jeev aatma tere par aphsos hai। aise insaan athva praani mein main shuddh aatma pravesh nahin hoon। sva shuddh aatma jis jagah hai us jagah par aphsos nahin hai kyonki woh kabhi bhi kisko duhkh nahin de sakta hai। sva shuddh aatma to sukh roop hai। aur aisa sva nishchay buddhi to sadaiv sukh pahunchaata hai। woh saakshaat mera swaroop hai aur jo apne ko sva aatma nishchay karte bhi anya ko duhkh deta hai, woh to sirf kahlaane vaala pandit hai। uska asar doosron par nahin ho sakta hai। achha - om shanti।