शुक्रवार 18 मार्च 2022 की दैनिक मुरली

18-03-2022 praatahmurli om shanti "baapdaada"' madhuban

“meethe bachche - maaya ki foggy badi jabardasta hai, usse khabardaar rehna hai, foggy (baadal) mein kabhi bhi moonjhana nahi''

prashn:- mahaaveer bachchon ne kaun sa kartavya kiya hai jiska yaadgaar shaastron mein hai?

uttar:- mahaaveer bachchon ne moorchhit ko sanjeevni booti dekar surjeet kiya hai, iska yaadgaar shaastron mein bhi dikhaate hain। tum bachchon ko taras padna chaahiye। jo service karte-karte baap se varsa lete-lete kisi bhi kaaran se baap ka haath chhodkar chale gaye, unhein patra likhkar surjeet karo। patra likho ki tumhein kya hua jo tumne padhaai chhod di… badanseeb kyon bane! girte hue ko bachaana chaahiye।

geet:- nayan heen ko raah dikhaao....

om shanti। yeh geet bahut common gaate hain, he bhagwan andhon ki laathi bano kyonki bhakti maarga mein thokren bahut khaate hain, parantu baap ko nahin paate। aatma kehti hai he baba main aapse milne ke liye is shareer dvaara bahut hi bhatki। aapka raasta bahut hi kathin hai। yeh to zaroor manushya samajhte hain ki janma-janmaantar ham bhakti karte aaye hain। yeh nahin jaante ki hamko gyaan milna hai, tab ham nayan heen se sajje banenge। bhakti maarga ka kaayda hai bhakti karna, dhakka khaana। aadhaakalpa dhakke khaaye hain। tumne ab dhakke khaane banda kar diye hain। tum bhakti nahin karte, na shaastra padhte। jab bhagwan mil gaya phir yeh sab kyon karen! jabki bhagwan hamko apne saath le jaane vaala mila hai to phir ham dhakke kyon khaayen! bhagwan aayega to zaroor sabko saath le jaayega। sabhi dhakke bhi khaate rehte hain aur ek do ko aasheervaad bhi karte rehte hain, samajhte kuchh bhi nahin। pope saadhu santa jo aate hain unke liye samajhte hain to yeh guru log hamko raasta bataayenge - bhagwan se milne ka। parantu vo guru log khud bhi raasta nahin jaante to phir dikhaayenge kaise! aasheervaad dete hain to bhi sirf itna kah dete hain bhagwan ko yaad karo। raam-raam kaho। jaise raaste mein koi se poochho phalaana sthaan kahaan hai? to kahenge is raaste se chale jaao, to pahunch jaayenge। aise nahin kahenge saath le chalte hain। tumko raasta chaahiye - woh bata dete hain, parantu saath mein koi guide to chaahiye na। bigar guide to moonjh padenge। jaise tum bhi ek din foggy ke kaaran jangal mein moonjh pade the। yeh maaya ki foggy badi jabardasta hai। steamer vaalon ko foggy ke kaaran raasta dikhaai nahin deta। badi khabardaari rakhte hain, to yeh phir hai maaya ki foggy। koi ko raaste ka pata nahin padta। jap, tap, teertha aadi karte rehte hain। janma-janmaantar bhagwan se milne liye bhakti karte aaye। anek prakaar ki mat bhi milti hai, jaisa sang vaisa rang। har janma mein guru bhi karna pade। ab tum bachchon ko satguru mila hai। woh khud kehte hain main kalpa-kalpa aakar tum bachchon ko vaapis ghar le jaata hoon, phir vishnupuri mein bhej denge।

ab ham baba se varsa le rahe hain। maano koi guru va pandit aadi aakar yeh gyaan len aur doosron ko kahen ki man-manaabhav, shivbaaba ko yaad karo। to unke shishya aadi poochhenge tumne yeh gyaan kahaan se liya! woh jhat samjhenge ki isne doosra raasta le liya hai। unka dukaan khatma ho jaayega। maanyata khatma ho jaayegi। kahenge tumne brahmaakumaariyon se gyaan liya to ham kyon na bi.ke. ke paas jaayen। khud guru log bhi kehte hain - sab jigyaasu hamko chhod denge। phir ham kahaan se khaayenge। saara dhandha khatma ho jaayega। saara maan khatma ho jaayega। yahaan to 7 roz bhatthi mein rakh phir sab kuchh karaana padega। roti pakaao, yeh karo.. jaise sannyaasi log bhi karaate hain to deh-abhimaan toot jaae। to phir aise ka thaharna bada mushkil hai। doosri baat jo baahar se aate hain unko pahle-pahle baap ka parichay dena hai ki ham maat-pita se vishwa ke maalikapne ka varsa le rahe hain। baba hai vishwa ka rachayita। hamaari em object hai ki hamko nar se naaraayan banna hai। tumko bhi daakhil hona hai to 8 roz aakar padhna hoga। badi bhaari mehnat hai। itna abhimaan koi tod na sake। aise-aise aadmi jaldi aa nahin sakte। baap samjhaate hain ki tum bhaai behen ho। ek do ko samjha sakte ho। samjho koi bachche hain jo bahut achhi service karte the, bahuton ko samjhaate the। ab baba ka haath chhod diya hai। ab yeh to tum jaante ho ki shivbaaba hamko padhaate hain brahma dvaara। direct to nahin padha sakte hain। to baba kehte hain brahma dvaara sthaapna karaata hoon। raajayog sikhlaata hoon। agar koi ne brahma ka haath chhoda to goya shiv ka bhi chhoda। vichaar kiya jaata hai phalaane ne chhoda kyon? naseebdaar banne ke badle badanseeb kyon bane ho? tum roothe kisse? bahnon se roothe honge। tum jo itna varsa lene vaale the phir kya hua! kya sikhlaane vaale baap ne tumko kuchh kaha jo padhaai chhod di aur badanseeb ban gaye! baba bhi poochh sakte hain - tumne raajayog seekhna kyon chhoda! tum bhi aashcharyavat baba ka bananti, kathanti, bhaaganti mein aa gaye। apni takdeer ko lakeer laga di! samay dekh unko likhaana chaahiye। ho sakta hai - patra padhne se phir jag jaae। girte hue ko bachaana hota hai। doobne se kisko bachaaya jaata hai to aaphreen dete hain। yeh bhi doobne se bachaana hai। gyaan ki hi baaten hain। likhna chaahiye - tumne khivaiya ka haath chhoda hai to doob marenge। taaru (tairne vaale) log apni jaan ko jokhim mein rakh doosron ko bachaate hain। koi poora taaru nahin hota hai to khud bhi gum ho jaata hai। tum bhi koi ko doobta hua dekhte ho to 10-20 chitthiyaan likho, yeh koi insult nahin hai। tumne itna samay haath pakda, auron ko bhi samjhaaya phir tum kaise doobte ho। tum prem se likho। behen ji, tum to raajayog seekh paar jaane vaali thi - ab tum doob rahi ho। taras padta hai to bichaare ko bachaaven। phir koi bachta hai va nahin - yeh to hui unki takdeer। doosri baat yeh jo pradarshani mein opinion likh kar dete hain ki yahaan nar se naaraayan banne ka maarga bataaya jaata hai। yeh raajayog bahut achha hai। bas likha baahar nikla to bhool gaya isliye jo likhte hain unki peeth karni chaahiye ki tumne yeh opinion likhkar diya parantu kya kiya! na apna phaayda kiya, na doosron ka! pahli mukhya baat hai maat-pita ki pahchaan deni hai isliye baba ne prashnaavli banaai hai to poochho - parampita paramatma se tumhaara kya sambandh hai? kya varsa milta hai! yeh likhaana chaahiye। baaki saari pradarshani samjhaae pichhaadi mein likhne se koi phaayda nahin। mukhya baat hain maat-pita ka parichay dena। ab samjha hai to likho, nahin to goya kuchh nahin samjha। haddi (jigri) samjhaakar phir likhaana chaahiye। barobar yeh jagat amba, jagat pita hai। woh likh de ki barobar baap se varsa milta hai। yeh likhkar de tab samjho ki tumne kuchh service ki hai। phir agar na aaye to chitthi likhni hai barobar yeh jagat amba aur jagat pita hai to phir varsa lene kyon nahin aate! achaanak kaal kha jaayega। mehnat karni chaahiye। pradarshani ki, usse mushkil koi 2-4 nikle to phaayda kya hua! bachchon ko purushaartha karna chaahiye। aana chhod de to chitthi likhni chaahiye। tum behad ke baap se varsa lete the phir maaya ne tumko pakad liya hai। prabhu ka taraph chhod dete ho। yeh to tum apna pad bhrashta kar denge। jo mahaaveer hoga woh jhat sanjeevni booti denge। yeh behosh ho gaya। maaya ne naak se pakad liya to unko bachaaven, itni mehnat karen tab koto mein koi niklen। jaanch karni pade ki yeh sapling kaisa hai। bachchiyaan likhti hain ki hamaara gala ghut gaya hai। parantu tum jaasti baaton mein jaao hi nahin। pahli mukhya baat samjhaakar likhaao phir aur baat। ek hi trimoorti ke chitra par poora samjhaana hai। nishchay karte ho to tumhaare maa baap hai, inse varsa milna hai। koi kitna bhi boodha ho - yeh do akshar to sabko samjha sakte hain na। agar yeh do akshar bhi dhaaran nahin hote to baba samajh jaate hain ki inki buddhi kahaan kichde mein phansi hui hai। mukh se jyaada nahin bolna hai। sirf baba aur varse ko yaad karo। varsa hai vishnupuri, jiske tum maalik bante ho। baba ati sahaj kar samjhaate hain। ahilyaayen, kubjaayen kaise bhi hon, varsa pa sakti hain। sirf shreemat par chalen। dehi-abhimaani banna to sahaj hai। kisko grihastha vyavhaar nahin hai, akela hai to bahut service kar sakte hain। koi-koi ko deh-abhimaan rehta hai। moh ki rag tootti nahin hai। dehi-abhimaani shareer mein moh nahin rakhenge! baba yukti bataate hain tum apne ko aatma samjho। yeh puraani duniya hai, inse mamatva mitaana hai। ek baap ko yaad karna hai। varse ko yaad karne se rachta bhi yaad aa jaata hai। kitni kamaai hai, khud bhi karo aur auron ko bhi karaao। maa baap bachchon ko laayak bana dete hain phir bachche ka kaam hai baap ki sambhaal karna। phir maa baap chhoote। yahaan bahut hain jinki rag jaati hai। koi ko apna bachcha nahin to dharma ke bachche mein moh jaata hai phir woh pad pa nahin sakenge। service ke badle disservice karte hain। pradarshani mein mukhya baat yeh samjhaani hai - jo nishchay ho jaae ki barobar yeh hamaara baap hai। inse raajayog dvaara 21 janma ka varsa milta hai। nai duniya ki rachna kaise hoti hai! kaise ham maalik bante hain, yeh hai em object। parantu bachche poora samjhaate nahin hain। tum bachchon ko raat din khushi rahni chaahiye ki ham eeshvareey santaan hain। vahaan vishnu ki daivi santaan ko itni khushi nahin hogi jitni ab tum eeshvareey santaan ko hai।

abhi tum eeshvareey santaan bane ho phir tum hi vishnu ki santaan banenge, parantu khushi abhi hai। devtaaon ko eeshvareey santaan se ooncha nahin kahenge। to eeshvareey santaan ko kitni khushi honi chaahiye। parantu yahaan se baahar nikalte hi maaya bilkul hi bhula deti hai। to samjho takdeer mein raajaai nahin hai, bahut mehnat karni chaahiye। maaya aisi hai jo vahaan ka vahaan hi thappad lagaakar bhula deti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) moh ki sab ragen tod is puraani deh aur duniya se mamatva nikaal service mein lag jaana hai। baap aur varse ko yaad kar kamaai jama karni hai।

2) achha tairne vaala ban sabko paar lagaane ki seva karni hai। shreemat par chalna hai, buddhi kichde mein nahin lagaani hai।

vardaan:- sarvashaktiyon ko apne adhikaar mein rakh sahaj saphalta praapta karne vaale ma. sarvashaktimaan bhav

jitna-jitna master sarvashaktimaan ki seat par set honge utna ye sarva shaktiyaan order mein rahengi। jaise sthool karmendriyaan jis samay jaisa order karte ho vaise order se chalti hain, aise sookshm shaktiyaan bhi order par chalne vaali hon। jab yeh sarva shaktiyaan abhi se order par hongi tab ant mein saphalta praapta kar sakenge kyonki jahaan sarva shaktiyaan hain, vahaan saphalta janma siddha adhikaar hai।

slogan:- aakaari aur niraakaari sthiti mein sahaj sthit hona hai to niranhakaari bano।

anmol gyaan ratna (daadiyon ki puraani diary se)

vaastav mein yaad ka roop kya hai? pita sam divya kartavya mein tatpar rehna। paramatma ki yaad mein rehte hain, woh kis dvaara dikhaai padega! jaise dekho bachcha hai, woh jab apne pita ka footstep le khud bhi kaarya karne mein tatpar rehta hai, vahi pita ki yaad ka roop hai kyonki pita apne bachchon ko pharmaanbardaar dekh bahut harshit hota hai ki yeh mera bachcha bilkul supaatra hai, jo mere sivaae mere ghar ki paravrish karta hai। vaise bhi jo jo daivi vatsa apne daivi maat pita sam divya kartavya karne mein tatpar hain, vahi yaad ka original roop hai। jis sva swaroop mein maata pita sthit rehte hain, us hi sva swaroop mein baalak bhi sthit rahne se donon ki taar aakar connect hoti hai aur pita paas sheeghra hi jaae pahunchte hain। pita bhi kehta hai ki aise vatsa mere se mile hi pade hain arthaat woh saakshaat mera hi swaroop hain। is reeti antarmukhta mein rah silence se paramatma ko bhi sameep khainch lete hain। achha - om shanti।