शनिवार 19 मार्च 2022 की दैनिक मुरली

19-03-2022 praatahmurli om shanti "baapdaada"' madhuban

“meethe bachche - baap aaye hain tumhein is duhkh ke lok se nikaal sukh ke dhaam mein le jaane, dhaam pavitra sthaan ko kaha jaata hai''

prashn:- yeh behad ka khel kin do shabdon ke aadhaar par bana hua hai?

uttar:- “varsa aur shraap'' baap sukh ka varsa dete, raavan duhkh ka shraap deta, yeh behad ki baat hai। devi-devta dharma vaale baap se varsa lete hain। aadhaakalpa ke baad phir raavan shraap deta hai। tum bachchon ko ab smriti aai ki ham niraakaari duniya mein rehte the phir sukh ka part bajaaya। ham so devta, kshatriy, vaishya, shoodra banen, ab brahman ban devta bante hain।

geet:- om namo shivaae…

om shanti। yeh hai behad baap ki mahima। oonche te ooncha woh bhagwan hai - yeh to sab jaante hain। oonche te oonch bhagwan ki mat bhi zaroor oonchi hogi isliye kaha jaata hai shreemat arthaat shreshtha mat। sabhi bhaktiyaan unko yaad karti hain। woh hai bhagwan, to bhagavti bhi chaahiye। pita hai to maata bhi chaahiye। ek hota hai laukik maat-pita, doosra hota hai paarlaukik maat-pita। laukik hote hue jab koi duhkhi hote hain to paarlaukik ko yaad kiya jaata hai। ab tumhaara laukik sambandh bhi hai। paarlaukik maat-pita tumhein parlok mein le jaate hain। laukik ko bandhan kahenge jismen duhkh hai। do parlok hain - ek niraakaari lok, jahaan aatmaayen rehti hain, doosra saakaari lok, jisko sukhdhaam kaha jaata hai। woh shantidham, woh sukhdhaam। baba aakar is duhkh ke lok, jise mrityulok athva patit bhrashtaachaari duniya kaha jaata hai। yahaan se le jaate hain, yahaan sab hain patit। patit unko kaha jaata hai jo vikaar mein jaate hain। satayug mein paavan sampoorn nirvikaari rehte hain। pahle lakshmi-naaraayan ki mahima gaate the, apne ko vikaari samajhte the। lakshmi-naaraayan, mahaaraaja-mahaaraani pavitra the to praja ko bhi pavitra kahenge। woh hai sukhdhaam, vaikuntha। narka ko dhaam nahin kahenge। dhaam pavitra ko kaha jaata hai। yeh hai apvitra duniya। bhaarat sukhdhaam tha। abhi patit bhrashtaachaari, narka hai। abhi sabko sukh ke dhaam mein le jaana hai, to zaroor baap ko hi aana pade, jo aakar bachchon ko sukhi banaave। baba hai svarga ka rachayita। kehte hain he baba, pahle-pahle aapne hamko svarga ka varsa diya tha। aadhaakalpa ham svarga mein rahe, usko kaha hi jaata hai sooryavanshi-chandravanshi raajdhaani। baba yaad dilaate hain 21 janma tum svarga mein rahe। 8 janma satayug ke liye, 12 janma treta ke liye, yeh sab baaten baap baith samjhaate hain। kehte hain - bachche tum apne janmon ko nahin jaante ho, main tumko sab kuchh batlaata hoon। niraakaar baap niraakaar bachchon se baat karte hain। kehte hain is saadhaaran tan ka loan lekar main tumko samjhaata hoon। aadhaakalpa tum ashok vaatika mein the, phir tum shok vaatika mein aa gaye। sukh poora hokar duhkh aa gaya। vaam maarga maana narka। usmein tum duhkh uthaate ho phir baap aakar raavanraajya se chhudaakar raamraajya mein le jaate hain। yeh khel bana hua hai। baap sukh ka varsa dete, raavan duhkh ka shraap dete। yeh behad ki baat hai। abhi baap tumko 21 janma ke liye sukh ka varsa de rahe hain। bhagwan svarga rachte hain, to svarga ka varsa milna chaahiye। varsa paaya hua tha। maaya ne aadhaakalpa shraap de diya। tumhaari buddhi mein saara chakra hai। is chakra ka kabhi ant nahin hota। phir varsa dene baap ko zaroor aana hi hai। ab baap aaye hain, jaante hain varsa lenge vahi jinhonne kalpa pahle bhi liya tha। devi-devta dharma ke sivaae doosra koi varsa le na sake। pahle brahman banne bigar devta ban na sake। pahle ham aatmaayen niraakaari duniya mein rahne vaale hain। phir aate hain sukh ka part bajaane। ham so devta banen phir kshatriy, vaishya so shoodra bane। ham in varno mein aate hain। ab jo brahman bante hain woh apne ko brahmaakumaar aur kumaariyaan kahlaate hain। samajhte hain ham bhaai-behen ho gaye। phir vikaar ki drishti rah na sake। jaante hain ham pavitra ban pavitra duniya ke maalik banenge। baap aur svarga ko yaad karte hain aur yeh ek janma pavitra rehte hain। yeh hai mrityulok। yeh murdaabaad ho, amarlok jindaabaad hona hai। vahaan 5 vikaar hote hi nahin, raavanraajya hi khatma ho jaayega। satayug treta ko raamraajya, dvaapar kaliyug ko raavanraajya kaha jaata hai। vahi bhaarat heere jaisa tha, ab kaudi jaisa ban gaya hai। ab baap kehte hain tumko heere jaisa janma dene aaya hoon। tum meri shreemat par chalo। nahin to tum svarga ke sukh dekh nahin sakenge। svarga mein duhkh ka naam nahin hota hai aur koi khanda nahin rehta। bhaarat hi asul mein praacheen khanda hai। keval devi-devtaaon ka hi raajya hota hai isliye usko svarga kaha jaata hai। aadhaakalpa tumne svarga ka sukh bhoga phir raavan raajya shuru hua। satayug ko shivaalay kaha jaata hai। shivbaaba ka sthaapan kiya hua hai। shivbaaba brahma dvaara svarga ki sthaapna, shankar dvaara narka ka vinaash karaate hain। jo sthaapna karenge vahi svarga mein paalna bhi karenge। vahi vishnupuri ke maalik bhi banenge। shivbaaba hi shoodra se brahman banaate hain। is samay tumhaara brahman varna hai। phir devtaaon ka varna ho jaayega। abhi tum eeshvar dvaara brahman varna mein aaye ho phir tum eeshvareey varna mein baap ke saath paramdham mein rahenge। phir vahaan se devta varna mein aayenge। satayug mein ek devtaaon ka hi raajya tha, us samay aur koi khanda nahin tha। baad mein islaami, bauddhi aadi aaye hain।

abhi tum paandav yogbal se 5 vikaaron par jeet paae jagat jeet vishwa ke maalik bante ho। lakshmi-naaraayan, soorya-vanshi svarga ke maalik the। unhon ko bhi sangam par baap se hi varsa mila। sangamayug braahmanon ka hai, jo brahman nahin bante woh goya kaliyug mein hain। baap tumko veshyaalay se nikaal shivaalay mein le ja rahe hain। ab tum ho brahma ke bachche brahmaakumaar aur brahmaakumaariyaan। tum bhaai-behen ho kabhi bhi vish paan nahin kar sakte। haan, grihastha vyavhaar mein to rehna hi hai, parantu vikaar mein nahin ja sakte। is raavanraajya mein rah kamal phool samaan pavitra rehna hai। phir yeh prashn nahin uth sakta ki srishti kaise badhegi। baap ka pharmaan hai - main pavitra duniya banaane aaya hoon। tum yeh antim janma pavitra bano to tum pavitra duniya ke maalik ban sakte ho। is par hi ablaaon par atyaachaar hote hain। roodra gyaan yagya mein asuron ke vighna bhi padte hain। baap kehte hain shreemat par chalne se hi tum shreshtha banenge। itna samay tum aasuri mat par arthaat 5 bhooton ki mat par the। main aatma hoon, mujhe is shareer se part bajaana hai - yeh koi jaante nahin। aatma saaligraam ko hi kehte hain। saaligraam bhi koi itna bada nahin hai। paramatma bhi itna koi bada nahin hai। aatma athva paramatma star misal hain। aatma mein saara part bhara hua hai। aatma kehti hai main ek shareer chhod doosra dhaaran karti hoon - part bajaane arth। shri naaraayan ki aatma kahegi ham shri naaraayan ka roop dhaaran kar itna janma raajya karenge। aatma mein hi saara avinaashi part bhara hua hai, inko hi god fatherly knowledge kaha jaata hai। bhagvaanuvaach, spiritual father aatmaon ko baith padhaate hain, koi manushya nahin padhaate। yeh behad ka baap padhaate hain। to yeh chakra kaise phirta hai। is srishti chakra aur rachayita va rachna ki knowledge ko koi manushya maatra nahin jaante। abhi tum shivaalay satayug mein raajya karne laayak bante ho। bhaarat jab laayak tha to bada aklamand tha। ab baap phir heere jaisa banaane aaya hai, to unki shreemat par chalna pade। raavan mat tumko kaudi tulya banaati hai।

tum jaante ho ki is duniya ki aayu 5 hajaar varsha hai, usmein hi puraani aur nai banti hai। satayug treta nai duniya, dvaapar kaliyug puraani duniya। baap phir se daivi duniya ki sthaapna karne aaye hain। tum aatmaayen poore 84 janma leti ho। aatma hi in organs dvaara bolti aur sunti hai। ek puraana shareer chhod naya leti hai। aatmaon ko baap ne yeh gyaan diya hai ki ham baap ke saath pahle sweet hom mein the phir ham so devta, kshatriy, vaishya, shoodra banen। ab hamaara yeh antim janma hai। ham brahman svarga ka varsa le devta banenge। naya shareer dhaaran karenge। yeh chakra buddhi mein phirna chaahiye। pavitra rahne se tum svarga ke chakravarti mahaaraaja banenge। yeh baat unhon ki buddhi mein aayegi jo kalpa pahle muaaphik bane honge। nahin to buddhi mein aayegi hi nahin। world ki history-geography samajhne ki hai। koi to jaankar bhi yeh padhaai chhod dete hain। svarga mein to aayenge parantu yogi ban vikarma vinaash nahin kiye to saja bhogni padegi। svarga mein aayenge parantu praja mein bhi kam pad paayenge। svarga mein pahle paavan mahaaraaja-mahaaraani the vahi phir patit raaja raani bane। ab to woh bhi raaja raani nahin hain। phir abhi baap dvaara paavan raaja-raani ban rahe hain। yeh eeshvareey knowledge niraakaar baap hi padhaate hain। yeh saakaar mein brahma bhi us niraakaar se hi sun raha hai। niraakaar baap baith padhaate hain। is gyaan se hi manushya se devta bante hain, is brahma ki aatma bhi padhti hai। bachchon ki aatma bhi padhti hai। achhe va bure sanskaar aatma mein hi rehte hain। achhe sanskaar honge to achhe ghar mein janma lenge। padhte-padhte phir knowledge bhi chhod dete hain। maaya apni taraph kheench leti hai। ek taraph hai raavan ki mat, doosri taraph hai raam ki mat। is antim janma mein raam ki mat par chalna hai। raavan ki jeet hone se kabhi udhar chale jaate hain। phir raam se dushman ban padte hain। unke liye saja badi kadi hai। tumne raam ki sharan li hai। phir agar traitor ban raavan ki sharan li to raam ki ninda karaayenge। tumhaari buddhi mein hai ki yeh barobar raamraajya aur raavan raajya ka khel bana hua hai। satayug satopradhaan, treta sato, phir dvaapar rajo, kaliyug mein tamo, tum abhi satopradhaan mein jaayenge। baba aakar satopradhaan banaate hain। phir 16 kala se 14 kala mein aana hai। phir raavan ke sang mein kalaayen kam hoti jaati hain। abhi kaliyug mein koi kala nahin rahi। sab kehte hain ham patit bhrashtaachaari hain। patit duniya ka vinaash hona hai, paavan duniya sthaapan ho rahi hai। behad ka baap bachchon ko jaan sakte hain। abhi tum bhagwan ke ghar mein baithe ho। tum brahman braahmaniyaan phir devta banenge, phir kshatriy, vaishya, shoodra.. yeh chakra hai। chakravarti tum brahman ho। raajayog seekh gyaan dhaaran karne se chakravarti raaja-raani banenge। to purushaartha kar svarga mein oonch pad paana hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim janma mein raam ki mat par chalna hai। kabhi bhi raam ki sharan chhod raavan ki sharan mein jaakar baap ki ninda nahin karaani hai।

2) sajaaon se chhootne ke liye yogi ban vikarma vinaash karne hain। pavitra duniya mein chalne ke liye pavitra zaroor banna hai।

vardaan:- behad ke adhikaar ko smriti mein rakh sampoornata ki badhaaeeyaan manaane vaale master rachayita bhav

sangamayug par aap bachchon ko varsa bhi praapta hai, padhaai ke aadhaar par source aaph income bhi hai aur vardaan bhi mile hue hain। teenon hi sambandh se is adhikaar ko smriti mein emerge rakhkar har kadam uthaao। abhi samay, prakriti aur maaya vidaai ke liye intajaar kar rahi hai sirf aap master rachayita bachche, sampoornata ki bandhaaeeyaan manaao to vo vidaai le legi। knowledge ke aaine mein dekho ki agar isi ghadi vinaash ho jaae to main kya banoonga?

slogan:- har samay, har karma mein balance rakho to sarva ki blessing svatah praapta hongi।