रविवार 20 मार्च 2022 की दैनिक मुरली

20-03-22 praatahmurli om shanti ''avyakt-baapdaada'' revise 01-03-90 madhuban

brahman-jeevan ka foundation - divya buddhi aur roohaani drishti

aaj divya buddhi vidhaata aur roohaani drishti daata baapdaada chaaron or ke divya buddhi praapta karne vaale bachchon ko dekh rahe hain। har ek brahman bachche ko yeh donon vardaan brahman janma se hi praapta hain। divya buddhi aur roohaani drishti - yeh birth right mein sabko mili hui hain। yeh vardaan brahman-jeevan ka foundation hai। jeevan parivartan va marjeeva janma, brahman-jeevan in donon praaptiyon ko hi kaha jaata hai। past jeevan aur vartamaan brahman-jeevan - donon ka antar in do baaton ka hi vishesh hai। in donon baaton ke oopar sangamayugi purushaarthiyon ka number banta hai। in do baaton ko sada har sankalp mein, bol mein, karma mein jitna jo use karta hai utna hi number aage leta hai। roohaani drishti, drishti se vritti, kritti svatah hi badal jaati hai। divya buddhi dvaara svayan prati, seva prati brahman-parivaar ke sambandh-samparka prati sada aur svatah har baat ke liye nirnay yathaartha hota hai aur jahaan divya buddhi dvaara yathaartha nirnay hota hai to nirnay ke aadhaar par hi svayan, seva, sambandh-samparka yathaartha shaktishaali ban jaata hai। mool baat hai hi drishti aur divya buddhi।

aaj baapdaada sabhi bachchon ki divya buddhi ko check kar rahe the। sabse pahle divya buddhi ki pahli parakh - woh sada baap ko, aapko (svayan ko) aur har brahman-aatma ko jo hai, jaisa hai vaise jaankar us roop mein baap se jitna lena chaahiye woh adhikaar sada praapta karta rehta hai। jo baap ne banaaya hai, seva ke nimitta rakha hai, jo baap ne brahman-jeevan ki visheshtaayen va divyagun diye hain, jaisa nimitta banaaya hai - aise apne-aapko pahchaan us pramaan apne ko aage badhaana - isko kehte hain baap ko, aap (svayan) ko aur brahman-aatma jo hai, jaisi hai vaise usko jaankar aage badhaana। yeh hai divya buddhi ki pahli parakh।

divya buddhi arthaat holeehans buddhi। hans arthaat svachchhata, ksheer aur neer ko va moti aur patthar ko pahchaan moti grahan karne vaale। jaante hain ki yeh kankad hai, yeh moti hai lekin kankad ko dhaaran nahin karte isliye holeehans sangamayugi gyaan-swaroop vidya devi “sarasvati'' ka vaahan hai। aap sabhi gyaan swaroop ho, isliye vidyaapti ya vidya devi ho। yeh vaahan divya buddhi ki nishaani hai। aap sabhi brahman buddhiyog dvaara teenon lokon ki sair karte ho। buddhi ko bhi vaahan kehte hain। yeh divya buddhi ka vaahan sabhi vaahan se teevragti vaala hai। divya buddhi ko buddhibal bhi kaha jaata hai kyonki buddhibal dvaara hi baap se sarvashaktiyaan catch kar sakte ho isliye buddhibal kaha jaata hai। jaise science-bal hai। science-bal kitni had ki kamaal dikhaate hain! kai baaten jo aaj maanav ko asambhav lagti hain woh sambhav kar dikhaate hain। lekin yeh vinaashi bal hai। science buddhibal hai lekin divya buddhibal nahin hai, sansaari buddhi hai, isliye is sansaar ke prati, prakriti ke prati hi soch sakte hain aur kar sakte hain। divya buddhi bal master sarvashaktivaan banaata hai, parmaatma-pahchaan, parmaatma-milan, parmaatma-praapti ki anubhooti karaata hai। divya buddhi jo chaaho, jaise chaaho, asambhav ko sambhav karne vaali hai। divya buddhi dvaara har karma mein parmaatma-pyaar (pavitra touching) anubhav kar har karma mein saphalta ka anubhav kar sakte hain। divya buddhi koi bhi maaya ke vaar ko haar khila sakti hai। jahaan parmaatma-touching hai, pure-touching hai, mixture nahin, vahaan maaya ki touching athva vaar asambhav hai। maaya ka aana to chhodo lekin touch bhi nahin kar sakti। maaya divya buddhi ke aage saphalta ki varmaala ban jaati hai, maaya nahin rehti। jaise dvaapar ke rajoguni rishi-muni aatmaaen sher ko bhi apni shakti se shant kar dete the na। sher saathi ban jaata, vaahan ban jaata, khilauna ban jaata, parivartan ho jaata hai na। to aap satopradhaan, master sarvashaktivaan, divya-buddhi- vardaani - unhon ke aage maaya kya hai, maaya dushman se parivartan nahin ho sakti? divya buddhi bal ati shreshtha bal hai। sirf isko use karo। jaisa samay us vidhi se use karo to sarva siddhiyaan aapki hatheli par hai। siddhi koi badi cheej nahin hai, sirf divya buddhi ki saphaai hai। jaise aajkal ke jaadoogar haath ki saphaai dikhaate hai na। yeh divya buddhi ki saphaai sarva siddhiyon ko hatheli mein kar deti hai। aap sabhi brahman aatmaon ne sarva siddhiyaan praapta ki hain lekin divya siddhiyaan saadhaaran nahin। tab aapki moortiyon dvaara aaj tak bhi bhakta siddhi praapta karne ke liye jaate hain। jab siddhi-swaroop bane hain tab to bhakta aapse maangane jaate hain। to samjha divya buddhi ki kya kamaal hai! spashta hui na divya buddhi ki kamaal। lekin aaj kya dekha? kya dekha hoga? teachers sunaao।

teachers to baap samaan master shikshak ho gai na! teacher arthaat har sankalp, bol aur har second seva mein upasthit - aise sevaadhaari ko hi baapdaada teacher kehte hain। har samay to vaani dvaara seva nahin kar sakte ho। thak jaayenge na। lekin apne features dvaara har samay seva kar sakte ho। ismen thakaavat ki baat nahin hai। yeh to kar sakte hain na, teachers bolne ki seva to yathaashakti samay pramaan hi karenge lekin pharishta future ke features hon। sangamuyag ka future pharishta hai, woh features mein dikhaai de to kitni achhi seva hogi? jab jad-chitra features dvaara antim janma tak bhi seva kar rahe hain, to aap chaitanya shreshtha aatmaaen apne features dvaara seva sahaj kar sakte ho। aapke features mein sada sukh ki, shanti ki, khushi ki jhalak ho। kaisi bhi duhkhi ashaanta aatma, pareshaan aatma aapke features dvaara apna shreshtha future bana sakti hai। aisa anubhav hai na। amritvele apne features ko check karo। jaise shareer ke features ko check karte ho na, vaise pharishte features mein khushi ka, shanti ka, sukh ka shrringaar theek hai - yeh check karo to svatah aur sahaj seva hoti rahegi। sahaj lagta hai na teachers ko? yeh to 12 ghanta hi seva kar sakte ho। yeh vaani ki seva to do-chaar ghanta hi karenge। planning ka kaam, bhaashan ka kaam karenge to thak jaayenge, ismen to thakne ki baat hi nahin। natural hain na। vaise anubhvi sabhi ho lekin… baapdaada ne dekha foreign mein kutte aur billi bahut paalte hain। aise khilaune bhi yahi laate hain। to anubhav bahut achha karte ho lekin kabhi kutta aa jaata, kabhi koi billi aa jaati hai। usko nikaalne mein time laga dete ho। lekin aaj sunaaya na ki maaya aapki saphalta ki maala ban jaayegi। sabhi nimitta sevaadhaari ke gale mein maala padi hui hai। saphalta ki maala hai va kabhi-kabhi gale mein maala hote bhi dikhaai nahin deti hai? baahar dhoondhate rehte ki saphalta mile। jaise raani ki kahaani sunaate hain na। gale mein haar hote hue bhi baahar dhoondhati rahi। aise to nahin karte ho na। saphalta har brahman-aatma ka adhikaar hai। sabhi teachers saphaltaamoorta ho na ki purushaarthi moorta, mehnat moorta ho? purushaartha bhi sahaj purushaartha, mehnat vaala nahin। yathaartha purushaartha ki paribhaasha hi hai ki natural attention। kai kehte hain - attention rakhna hai na। lekin attention tension mein badal jaata hai, yeh pata nahin padta। natural attention arthaat yathaartha purushaarthi।

teachers se baapdaada ka pyaar hai, isliye mehnat karne nahin dete hain। dil ka pyaar to yahi hota hai na। achha, phir doosri baar sunaayenge ki aur kya-kya dekha! thoda-thoda sunaayenge। sabke andar apna chitra to aa raha hai।

desh-videsh mein seva ki dhoomdhaam achhi hai। bhaarat ki conference bhi bahut achhi saphal rahi। saphalta ki nishaani hai - saphalta ki khushbu par aane vaali aatmaayen apne umang-utsaah se sankhya mein badhti jaati hai। achhe ki nishaani yeh hai ki sabke andar dekhne-sunne-paane ki ichchha badh rahi hai। yeh hai achhe ki nishaani। to yeh nahin socho - sankhya kam hogi। agar achha karte ho to ichchha badhegi, sankhya to badhegi। chaahe foreign ki retreat mein, chaahe kaamphrensa mein - donon ki result din-pratidin achhe-te-achhi dikhaai de rahi hai। sabse achhi result yeh hai ki pahle jo foreign mein kehte the ki brahmaakumaariyon ke naam se koi aayega nahin। “ abhi to direct brahmaakumaariyon ke aashram mein retreat karne ja rahe hain, raajayog seekhne ke liye ja rahe hain'' yeh samajhte hain। to yeh hai parde ke baahar aaye, ghoonghat khola hai। madhuban nivaasi va sevaadhaari sabhi ne chaahe bhaarat ke anek sthaanon se aakar seva ki, madhuban nivaasi va chaaron or ke sevaadhaariyon ne sneh se, baaton ko na dekh, aaraam ko na dekh, achhi athak seva ki isliye baapdaada chaaron or ke athak seva ki saphalta ko praapta karne vaale vishesh bachchon ko seva ki mubaarak, dil ki mubaarak de rahe hain। aavaaj goonjati hui chaaron or phail rahi hai। achha!

sarva divya buddhi roohaani vardaani aatmaayen, sada buddhi-bal ko samay pramaan, kaarya pramaan use karne vaali gyaan-swaroop aatmaon ko, sada apne pharishte features dvaara akhanda seva karne vaale svatah sahaj purushaarthi aatmaon ko baapdaada ka yaad-pyaar aur namaste।

double videshi bhaai-bahnon ke alag-alag group se avyakt baapdaada ki mulaakaat

1. sabhi apne shreshtha bhaagya ko dekh harshit rehte ho? chaahe aur kitne bhi aayen lekin aapka bhaagya to sada hi hai। aap unhon ko aage karke bhi aage rahenge kyonki aage karne vaale svatah hi aage rehte hain। auron ko aage rakhne se aapka punya jama ho jata hai। to aage badh gaye na! sada yeh lakshya har kadam mein ho ki aage badhna aur badhaana hai। jaise baap ne bachchon ko aage kiya, svayan backbone raha lekin aage bachchon ko kiya। to follow father karne vaale ho na! jitna yahaan baap ko follow karte ho utna hi vishwa ke raajya takhta par bhi nambarvaar follow karenge। takhta lena hai ya takhtansheen ko dekhna hai? (baithna hai) satayug mein to aath baithenge, phir kya karenge? thoda samay taste karenge! jab vishwa-mahaaraajan apne mahal mein jaayega to aap baithkar dekhenge! phir kya karenge? jitna is samay sada baap ke saath khaate-peete rehte, khelte, padhaai karte utna hi vahaan saath rehte। to brahma baap se bahut pyaar hai na! baapdaada ko bhi khushi hai ki brahma baap ke laadle brahmaakumaar aur kumaariyaan hai! brahma baap ke saath anek janma sameep rahenge, saath rahenge। 21 janma ki to guarantee hai - bhinna naam-roop se brahma ki aatma ke saath sambandh mein rahenge। yeh dil mein aata hai ya suna hai isliye kehte ho? feeling aati hai? jitna sameepta ki smriti rehti hai utna natural nasha, nishchay svatah rahega। dil se sada yeh anubhav karo ki anek baar baap ke saathi bane hain, abhi bhi hain anek baar bante rahenge। bachchon ka avinaashi purushaartha dekh baapdaada ko vishesh khushi hoti hai। sadaiv maa-baap aur parivaar ka chhote bachchon ke oopar vishesh pyaar hota hai aur sabhi ka pyaar hi unhon ko badhaata hai। baapdaada sada dekhte rehte hain ki kaunsa bachcha kitna aage badh raha hai aur kitni seva mein vriddhi kar raha hai! to sada yahi vardaan yaad rakhna ki sada nirantar aur natural purushaartha ho। is varsha isi vardaan ko smriti mein rakh smriti swaroop banna। har ek samjhe ki yeh vardaan personal mera vardaan hai! achha!

sabhi busy rehte ho na! jo busy hota hai uske paas maaya nahin aati kyonki aapke paas use receive karne ka time hi nahin hai। to itne busy rehte ho ya kabhi-kabhi receive kar lete ho? brahman bane hi kyon? busy rahne ke liye na। baapdaada hansi mein kehte hain ki busy rahne vaale hi bade-te-bade bijnasmain hain। saare din mein kitna bada business karte ho! jaante ho hisaab? hisaab rakhna aata hai? har kadmon mein padmon ki kamaai hai। kadam mein padam - saare kalpa mein aisa business koi nahin kar sakta। to jitna jama hota hai us jama ki khushi hoti hai। sabse jyaada khushi kisko rehti hai? nashe se kaho - ham nahin khush honge to kaun hoga! yeh nasha bhi ho kintu nirmaan। jaise achhe vriksha ki nishaani hai - phal vaala hoga lekin jhuka hoga। aisa nasha hai? to donon saath-saath hon। aap sabki natural jeevan hi yeh ho gai hai - kisi ko bhi dekhenge to usi smriti se dekhenge ki yeh ek hi parivaar ki aatmaayen hain isliye nuksaan vaala nasha nahin hai। har aatma ke prati dil ka pyaar svatah hi emerge hota hai। kabhi kisi ke prati ghrina nahin aa sakti। kabhi koi gaali deve to bhi ghrina nahin aa sakti, question nahin uth sakta। jahaan question mark hoga vahaan halchal zaroor hogi। fullstop lagaane vaale full paas hote hain। fullstop vahi laga sakte hain, jinke paas shaktiyon ka phulastok ho। achha!

baapdaada ne vidaai ke samay sabhi bachchon ko holi ki mubaarak di

holi bachchon ke liye sada holi hai। sada hi gyaan-rang mein range hue ho, isliye khaas rang lagaane ki aavashyakta hi nahi padti। ye log to lagaate bhi nahin hain na! foreign mein nahin lagaate ho। woh to hua manoranjan। baaki rang mein rangakar Mickey mouse nahin banna hai। sada holeehans ho, holi rahne vaale ho aur holi manaane vaale ho, auron ko bhi holi banaane ka rang daalte ho। sabhi bachchon ko holi ki mubaarak ho। aur saath-saath umang-utsaah vaali jeevan mein udne ki mubaarak ho। achha!

vardaan:- saaksheepan ke achal aasan par viraajmaan rahne vaale achal-adol, prakritijeet bhav

prakriti chaahe halchal kare ya apna sundar khel dikhaaye - donon mein prakritipti aatmaayen saakshi hokar khel dekhti hain। khel dekhne mein maja aata hai, ghabraate nahin। jo tapasya dvaara saaksheepan ki sthiti ke achal aasan par viraajmaan rahne ka abhyaas karte hain, unhein prakriti ki va vyaktiyon ki koi bhi baaten hila nahin sakti। prakriti aur maaya ke 5-5 khilaadi apna khel kar rahe hain aap use saakshi hokar dekho tab kahenge achal adol, prakritijeet aatma।

slogan:- man-buddhi ko ek baap mein ekaagra karne vaale hi poojya aatma bante hain।

soochna:- aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay paramdham ki oonchi stage par sthit ho, poore globe par pavitrata ki shaktishaali kirnon dvaara pavitrata, shanti aur shakti ki sakaash phailaayen।