शुक्रवार 25 मार्च 2022 की दैनिक मुरली

25-03-2022 praatahmurli om shanti "baapdaada"' madhuban

“meethe bachche - baap hi tumhaara baap teacher aur guru hai, unka jeete ji bankar maala mein piro jaana hai''

prashn:- tum bachche kis nishchay ke aadhaar se pakke brahman bante ho?

uttar:- tumhein pahla nishchay hua ki in aankhon se deh sahit jo kuchh dikhaai deta hai - yeh sab puraana hai। yeh duniya bahut chhi-chhi hai, yeh hamaare rahne laayak nahin hai। hamko baap se nai duniya ka varsa milta hai, is nishchay ke aadhaar se tum jeete ji is puraani duniya aur puraane shareer se markar baap ka bante ho। tumhein nishchay hai ki baap dvaara hi vishwa ki baadshaahi milti hai।

geet:- marna teri gali mein…

om shanti। yeh bachche geet gaate hain, jo pattharbuddhi the woh ab geet gaate hain paarasbuddhi banne ke liye। ek geet bhi hai ki pattharon ne geet gaaya। woh patthar to geet nahin gaate, parantu pattharbuddhi manushya gaate hain। ab tumko eeshvareey buddhi mili hai। eeshvar ne apne bachchon ko buddhi di hai। jab ham eeshvar ke bane hain to deh sahit ham saari duniya ko bhool jaate hain kyonki yeh rahne laayak duniya nahin hai। bahut chhi-chhi hai, ismen bahut khit-khit hai, gorakhdhandhe hain। koi sukh nahin hai, isliye ham aapke gale mein piro jaate hain। apne ko aatma nishchay kar ham aapke hi ban jaate hain। to puraani duniya, puraane shareer se dil hat jaati hai kyonki jaante hain aapse hamko nai duniya ka varsa milta hai। jab tak yeh nishchay nahin to woh brahman ban na saken। jeete ji baap ka banna hai। niraakaar baap ko hi kaha jaata hai baba। aap hamaare baap bhi ho, shikshak bhi ho, satguru bhi ho। aap humein pratyakshaphal dene vaale bhi ho। baap ke roop mein vishwa ki baadshaahi ka varsa dene vaale ho। shikshak ke roop mein saare brahmaanda aur duniya ke aadi-madhya-ant ki knowledge dete ho। satguru ke roop mein humein muktidhaam mein saath le jaayenge, phir jeevanmukti mein bhej denge। kehte bhi hain he baba ham aapke saath hi chalenge। aap hi hamaare sachche satguru ho। vo guru log to saath nahin le jaate। unko to mukti jeevanmukti ke raaste ka hi maaloom nahin hai। woh log to baap ko hi sarvavyaapi kah dete hain to varsa kaun denge! kisko kahenge O god। abhi tum bachche jaante ho ham niraakaar shivbaaba ke bane hain। ab hamaara deh-bhaan toot gaya hai। ham aapke direction par chalte hain। aap kehte ho deh ke sambandh se buddhi hataae, apne ko aatma nishchay kar mere ko yaad karo। jab aatma shareer se nikal jaati hai to aap muye mar gai duniya। phir koi sambandh nahin rehta। jab tak maa ke garbha mein pravesh na kare tab tak tumhaare liye koi duniya hi nahin hai। duniya se tum alag ho। ab baap kehte hain bachche tum jeete ji sab kuchh bhool mere bano। main tumko saath le jaaoonga। yeh duniya khatma hone vaali hai। devtaayen kab patit duniya mein nahin aate hain। lakshmi ka aahvaan karte hain to saphaai aadi bahut karte hain, parantu yeh satayug thode hi hai jo lakshmi aave। phir naaraayan kahaan se aayega? bhala mahaalakshmi ko 4 bhujaayen kyon dete hain? koi yeh thode hi samajhte hain ki yeh donon hi hain। aisa to koi chitra ban nahin sakta jisko 4 bhuja hon। phir do mukh dena chaahiye। 4 taange to kabhi nahin dikhaayenge kyonki aisa to manushya kab ho na sake। yeh sab samjhaane ke liye hai ki yeh yugal lakshmi-naaraayan hain। alag honge to 2 bhuja, 2 taange bhi hongi। baap kehte hain pahle-pahle yeh nishchay karaao ki hamaara baap teacher guru teenon hi hai, woh ham sabko saath le jaayega। unka koi chelaachaati nahin hai, jo pichhaadi mein gyaan dega va saath le jaayega। baap samjhaate hain ab vaapis jaana hai kyonki naatak poora hota hai। baap kehte hain sabka sadgati daata patit-paavan main hoon। kaalon ka kaal hoon। yeh jamaghton aadi ka saakshaatkaar hota hai kyonki paap karte hain to saja bhi khaate hain। baaki jamghat aadi hain nahin। aatma ek shareer chhod doosra leti hai। garbha mein saja milti hai to traahi-traahi karte hain। ab pahle-pahle bachchon ko yahi nishchay karna hai ki yahi hamaara baap teacher satguru hai aur ek ko hi yaad karna hai। rachta bhi ek hota hai। 10 ya 100 rachta nahin hain, na ki 10 duniyaayen hain।

bachche kehte hain baba ham aapke gale ka haar banen। phir hamaari roodra maala banegi। is samay tum brahman purushaarthi ho। tumhaari maala nahin ban sakti kyonki tum girte aur chadhte ho। tum jaante ho ham baba ki maala ban phir vishnu ki maala ban jaayenge। pahle-pahle aapki niraakaari maala paramdham mein aayenge phir saakaari maala ban vishnu lok mein aayenge। manushya in baaton ko nahin jaante। bachche kehte hain ham aapke jeete ji bane hain। nahin to saakaar manushya, saakaari manushyon ko adopt karte hain। yahaan tum niraakaari aatmaon ko niraakaar shivbaaba adopt karte hain। brahma dvaara kehte hain he aatmaayen tum meri ho। aise nahin kehte he saakaar tum mere ho। yahaan niraakaar, niraakaar ko kehte hain mai aapki hoon। baaki jo adopt karte woh shareer ko dekhte hain। apne ko bhi aatma nahin samajhte। bhaai-bhaai ko adopt kare to kya milega? yahaan to baap adopt karte hain, varsa dene ke liye। yeh badi guhya baaten hain jo achhi reeti padhenge unki buddhi mein yeh baaten baithengi। niraakaar baap kehte hain - deh ka bhaan chhod mere bano to main tumko niraakaari duniya mein saath le chaloonga। shreekrishna ki aatma ko paramatma nahin kah sakte। woh bhi 84 janma poore lete hain। lakshmi-naaraayan ki raajdhaani chali hai। raaja, raaja hai, raani, raani hai। sabko apna bhinna-bhinna part mila hua hai। 84 janma lete hain। ek ki baat nahin। punarjanma to sabko lena hai। tum bachchon ko samjhaana hai - 84 ka chakra kaise phirta hai। 84 laakh janma kahne se saari baat bigad jaati hai। laakhon varsha ki baat bhi yaad na pade। abhi yaad padta hai। aaj bhrashtaachaari duniya hai, kal shreshthaachaari banegi। ham likh sakte hain jaise shaastri ne likha ham new india banaakar chhodenge। ab new india to hoti hai new world mein। vahaan devta dharma ke sivaae aur koi dharma hota hi nahin। ab to bhaarat mein athaah dharma hain। anek prakaaron ki taal-taaliyaan hain, yeh sab pichhaadi ke ho gaye। yeh bhi dikhaaya hai lakshmi-naaraayan so ab brahma sarasvati bane hain। phir brahma-sarasvati so lakshmi-naaraayan banenge isliye dikhaate hain vishnu se brahma nikla, brahma se phir vishnu nikla। tum ab vishnu ke kul ke ban rahe ho। khushi ka paara unko chadhega jo achhi reeti samajhte hain ki barobar ab naatak poora hone vaala hai। naatak kahne se aadi madhya ant sab yaad aa jaata hai। tumhaare paas jo samjhu-sayaane honge unko behad ke drama ki yaad rahegi। pahle sooryavanshi, chandravanshi raajya hua phir baahar vaale aaye। vaishya vanshi, shoodra vanshi banen। ham aatmaon ne aise 84 janma liye। yeh bhi bahuton ko yaad nahin padta। drama ke aadi-madhya-ant ka gyaan hona chaahiye। yeh hai 5 hazaar varsha ka naatak, yeh buddhi mein rehna chaahiye। aatma kitni chhoti hai! 84 janmon ka part bajaati hai। paramatma bhi kitna chhota hai। woh bhi part bajaane ke liye baandha hua hai। drama ke vash hai। sangam hoga to unke part bajaane ka time emerge hoga। shaastron mein phir likh diya hai bhagwan ko sankalp utha ki nai srishti rachoon, parantu likha aisa hai jo koi samajh na sake। woh sab hain past ki baaten। tum to practical part baja rahe ho। tum jaante ho hamaara baap-teacher-guru teenon hi hai। laukik baap ko kabhi aise nahin kahenge। guru ko to guru hi kahenge। yahaan to teenon hi ek hai। yeh samajhne ki baaten hain। knowledgeful god father ko hi kehte hain। usmein saare jhaad ki knowledge hai kyonki chaitanya hai। aakarke saari knowledge dete hain। ab tum bachche jaante ho ki ham is deh ko bhi chhod baba ke saath chale jaayenge। jab tum karmaateet ban jaayenge tab tumhaare mein koi bhoot nahin rahega। deh-abhimaan ka pahla number bhoot hai। in sab bhooton ka bada hai raavan। bhaarat mein hi raavan ko jalaate hain, parantu raavan kya cheez hai, koi jaante hi nahin। yeh dashahra, rakshaabandhan, deepmaala kab se manaate aaye hain, kuchh bhi pata nahin। aakhreen yeh raavan marna hai ya aise hi chalta rahega, kuchh pata nahin padta। raavan ko jalaate ho phir ji uthta hai kyonki unka raajya hai। satayug mein raavan hota hi nahin। vahaan yog-bal se bachche hote hain, jabki yogbal se tum vishwa ke maalik bante ho to kya yog se bachche paida nahin ho sakte। vahaan raavan hi nahin, to bhog ka bhi naam nahin isliye shreekrishna ko yogeshvar kehte hain। woh sampoorn nirvikaari hai। yogi kabhi bhog (vikaar) nahin karte। agar bhogi banen to phir yog siddha na ho। ab tum yog seekh rahe ho। bhogi banne se athva vikaar mein jaane se yog lag na sake। tum bachchon ko baap teacher satguru teenon ka ikattha varsa milta hai। satguru sabko saath le jaate hain, le to sabko jaayenge parantu tum gale ka haar bante ho। saajan sab sajniyon ko le jaayenge। pahle saajan chalega phir sooryavanshi, chandravanshi phir unka saara jo gharaana hai, islaamiyon ki baraat athva gharaana, bauddhiyon ka gharaana। sabhi aatmaon ko apne-apne section mein jaakar baith jaana hai। aatma star hai। yeh badi samajhne ki baaten hain। takdeervaan hi dhaaran kar auron ko bhi samjhaayenge। woh phir mahima bhi likhte hain। phalaane ne hamko samjhaaya to hamaare kapaat khul gaye, isne hamko jeeydaan de diya, phir unse hi preet ho jaati hai। unko hi yaad karte rehte hain, phir unse hi chhudaaya jaata hai। dalaal ko thode hi yaad kiya jaata hai। dalaal ne to dalaali ki, khalaas। phir saajan ko sajni yaad karti hai। brahma bhi ho gaya dalaal। yaad us shivbaaba ko hi karna hai। yeh dalaal bhi unko hi yaad karte hain, inki mahima nahin। yeh to patit hai। pahle inmen pravesh kar inko paavan banaaya। ek hai patit, ek hai paavan। sookshm vatan mein brahma hai paavan। unki bhi shakla dikhaani chaahiye। samjhaani to baar-baar di jaati hai, parantu jabki aakar baap ka banen। baba ham aapke ho gaye। aap hamaare baap, teacher, satguru ho। baap kahenge main bhi tumko sveekaar karta hoon, parantu yaad rakhna meri pat (ijjat) nahin ganvaana। mera bankar phir vikaar mein nahin jaana। vaastav mein is samay sab narkavaasi hain। yaad karte hain svarga ko। kehte hain phalaana svargavaasi hua। are svarga hai kahaan? agar svarga gaya to phir yahaan bulaakar khaana aadi kyon khilaate ho? patit duniya mein patit braahmanon ko hi khilaate hain। paavan to koi hai nahin। parantu is chhoti baat ko bhi koi samajh nahin sakte। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan dene vaale dalaal se preet na rakh ek shivbaaba ko hi yaad karna hai। vahi jeeydaan dene vaala hai।

2) is behad naatak ko buddhi mein rakh apaar khushi mein rehna hai। deh ka bhaan chhod ashareeri banne ka abhyaas karna hai।

vardaan:- apne bharpoor stock dvaara khushiyon ka khajaana baantane vaale hero heroine paartadhaari bhav

sangamayugi brahman aatmaon ka kartavya hai sada khush rehna aur khushi baantana lekin iske liye khajaana bharpoor chaahiye। abhi jaisa naazuk samay najdeek aata jaayega vaise anek aatmaayen aapse thode samay ki khushi ki maangani karne ke liye aayengi। to itni seva karni hai jo koi bhi khaali haath nahin jaaye। iske liye chehre par sada khushi ke chinha hon, kabhi mood aaph vaala, maaya se haar khaane vaala, dilshikasta vaala chehra na ho। sada khush raho aur khushi baantate chalo - tab kahenge hero heroine paartadhaari।

slogan:- ek do ki raay ko regard dena hi sangathan ko ekta ke sootra mein baandhana hai।