गुरुवार 24 मार्च 2022 की दैनिक मुरली

24-03-2022 praatahmurli om shanti "baapdaada"' madhuban

“meethe bachche - ekaanta mein baith padhaai karo to dhaarna bahut achhi hogi, savere-savere uth kar vichaar saagar manthan karne ki aadat daalo''

prashn:- full paas hona hai to kaun se khyaal aane chaahiye, kaun se nahin aane chaahiye?

uttar:- full paas hone ke liye sada yahi khyaal rahe ki humein raat-din khoob mehnat karke padhna hai। apni avastha aisi oonchi banaani hai jo baapdaada ke diltakhta par baith saken। neend ko jeetne vaala banna hai। khushi mein rehna hai। baaki yeh khyaal kabhi nahin aana chaahiye ki drama mein va naseeb mein jo hoga woh mil jaayega। yeh khyaal albela bana deta hai।

geet:- tumhein paake hamne jahaan pa liya hai…

om shanti। bachchon ne geet ka arth samjha। behad ke baap se abhi hamko behad ka varsa mil raha hai। bachche baap se phir vishwa ke svaraajya ka varsa pa rahe hain, jis vishwa ki baadshaahi ko tumse koi chheen na sake। tum saare vishwa ke maalik bante ho। vahaan koi haden nahin rahengi। ek baap se tum ek hi raajdhaani lete ho। jo ek hi mahaaraaja mahaaraani raajya chalaate hain। ek baap phir ek raajdhaani, jismen koi partition nahin। tum jaante ho bhaarat mein ek hi mahaaraaja mahaaraani lakshmi-naaraayan ki raajdhaani thi, saare vishwa par raajya karte the। usko advet raajdhaani kaha jaata hai, jo ek ne hi sthaapan ki hai tum bachchon dvaara। phir tum bachche hi vishwa ki raajaai bhogenge। tum jaante ho har 5 hajaar varsha ke baad ham yeh raajaai lete hain। phir aadhaakalpa poora hone se ham yeh raajaai ganvaate hain। phir baba aakar raajaai praapta karaate hain। yeh hai haar aur jeet ka khel। maaya se haare haar hai, phir shreemat se tum raavan par jeet paate ho। tumhaare mein bhi koi bilkul ananya nishchaybuddhi hain, jinko sadaiv khushi rehti hai ki ham vishwa ke maalik bante hain। bhal kitne bhi Christian powerful hain, parantu vishwa ke maalik banen - yeh ho nahin sakta। tukde-tukde par raajya hai। pahle-pahle ek bhaarat hi saare vishwa ka maalik tha। devi devtaaon ke sivaae doosra koi dharma nahin tha। aisa vishwa ka maalik zaroor vishwa ka rachayita hi banaayega। dekho, baba kaise baith samjhaate hain। tum bhi samjha sakte ho। bhaaratvaasi vishwa ke maalik the zaroor। vishwa ke rachayita se hi varsa mila hoga। phir jab raajaai ganvaate hain, duhkhi hote hain to baap ko yaad karte hain। bhakti maarga hai hi bhagwan ko yaad karne ka maarga। kitne prakaaron se bhakti daan-punya jap-tap aadi karte hain। is padhaai se jo tumko raajaai milti hai woh poori hone se phir tum bhagat ban jaate ho। lakshmi-naaraayan ko bhagwan bhagavti kehte hain kyonki bhagwan se raajaai li hai na! parantu baap kehte hain unko bhi tum bhagwan bhagavti nahin kah sakte ho। inko yeh raajdhaani zaroor svarga ke rachayita ne di hogi parantu kaise di - yeh koi nahin jaante hain। tum sab baap ke athva bhagwan ke bachche ho। ab baap sabko to raajaai nahin denge। yeh bhi drama bana hua hai। bhaaratvaasi hi vishwa ke maalik bante hain। abhi to hai hi praja ka praja par raajya। apne ko aapehi patit bhrashtaachaari maante hain। is patit duniya se paar jaane ke liye khivaiya ko yaad karte hain ki aakar is veshyaalay se shivaalay mein le chalo। ek hai niraakaar shivaalay, nirvaandhaam। doosra phir shivbaaba jo raajdhaani sthaapan karte hain, unko bhi shivaalay kehte hain। saari srishti hi shivaalay ban jaati hai। to yeh saakaari shivaalay satayug mein, woh hai niraakaar shivaalay, nirvaandhaam mein। yeh note karo। samjhaane ke liye bachchon ko points bahut milti hain phir achhi reeti manthan bhi karna chaahiye। jaise college ke bachche bachpan mein savere-savere uthkar adhyayan karte hain। savere kyon baithte hain? kyonki aatma vishraam paakar refresh ho jaati hai। ekaanta mein baith padhne se dhaarna achhi hoti hai। savere uthne ka shauk hona chaahiye। koi kehte hain hamaari duty aisi hai savere jaana padta hai। achha shaam ko baitho। shaam ke samay bhi kehte hain devtaayen chakra lagaate hain। queen Victoria ka vajeer raat ko baahar batti ke neeche jaakar padhta tha। bahut gareeb tha। padhkar vajeer ban gaya। saara madaar padhaai par hai। tumko to padhaane vaala parampita paramatma hai। tumko yeh brahma nahin padhaata, na shreekrishna। niraakaar gyaan ka saagar padhaate hain। unko hi rachna ke aadi madhya ant ka gyaan hai। satayug treta aadi phir treta ka ant dvaapar ki aadi unko madhya kaha jaata hai। yeh sab baaten baba samjhaate hain। brahma so vishnu ban 84 janma bhogte hain, phir brahma bante hain। brahma ne 84 janma liye va lakshmi-naaraayan ne 84 janma liye। baat ek ho jaati hai। is samay tum brahman vanshaavli ho phir tum vishnu vanshaavli banenge। phir girte-girte tum shoodra vanshaavli banenge। yeh sab baaten baap hi baith samjhaate hain। tum jaante ho ham aaye hain behad ke baap se shreemat par chal vishwa ke mahaaraaja mahaaraani banne ke liye। praja bhi vishwa ki maalik thahri। is padhaai mein badi hoshiyaari chaahiye। jitna padhenge, padhaayenge utna oonch pad paayenge। yeh behad ki padhaai hai, sabko padhna hai। sab ek se hi padhte hain। phir nambarvaar koi to achhi dhaarna karte hain, koi ko jara bhi dhaarna nahin hoti hai। nambarvaar sab chaahiye। raajaaon ke aage daas daasiyaan bhi chaahiye। daas daasiyaan to mahlon mein rehte hain। praja to baahar rehti hai। vahaan mahal bahut bade-bade hote hain। jameen bahut hai, manushya thode hain। anaaj bhi bahut hota hai। sab kaamnaayen poorn ho jaati hain। paise ke liye kabhi duhkhi nahin hote। paradise naam kitna ooncha hai। ek ki mat par chalne se tum vishwa ke maalik ban jaate ho। vahaan kahenge satayugi sooryavanshi lakshmi-naaraayan ka raajya phir bachche gaddi par baithenge। unki maala banti hai। 8 paas with honours hote hain। 9 ratnon ki angoothi bhi pahante hain। beech mein baba, baaki hain 8 ratna, 9 ratnon ki angoothi bahut pahante hain। yeh devtaaon ki nishaani samajhte hain। arth to samajhte nahin hain ki woh 9 ratna kaun the? maala bhi 9 ratna ki banti hai। Christian log baanh mein maala daalte hain। 8 ratna aur oopar phool hota hai। yeh hai mukti vaalon ki maala। baaki jeevanmukti athva pravritti maarga vaalon ki maala mein phool ke saath yugal daana bhi zaroor hoga। arth bhi samjhaana hai na, shaayad woh pope ki bhi nambarvaar maala banaate hon। is maala ka to unhon ko maaloom hi nahin hai। vaastav mein maala to yahi hai, jo sabhi pherte hain। shivbaaba aur tum bachche jo mehnat karte ho। ab agar tum kisko bhi baith samjhaao to maala kiski bani hui hai to jhat samajh jaayenge। tumhaara projector vilaayat tak bhi jaayega phir samjhaane vaali jodi bhi chaahiye। samjhenge yeh to pravritti maarga hai। baap ka parichay sabko dena hai aur srishti chakra ko bhi jaanna hai, jo chakra ko nahin jaante to unhein kya kahenge!

satayug mein tum sarvagun sampanna, 16 kala sampoorn the.. abhi phir bante ho। tum yeh padhaai padhkar itne oonche bane ho। raadhe krishna alag-alag raajdhaani ke the। svayanvar ke baad naam lakshmi-naaraayan pada। lakshmi-naaraayan ka koi bachpan ka chitra nahin dikhaate hain। satayug mein to kiski stri akaale marti nahin। sab poore time par shareer chhodte hain। rone ki darkaar nahin। naam hi hai paradise। is samay yeh America, Russia aadi jo bhi hain, sabmen hai maaya ka bhabhka। yeh aeroplane, motor aadi sab baba ke hote hi nikli hain। 100 varsha mein yeh sab hue hain। yeh hai mrigtrishna misal raajya, inko maaya ka pomp kaha jaata hai। science ka pichhaadi ka bhabhka hai - alpakaal ke liye। yeh sab khatma ho jaayenge। phir svarga mein kaam aayenge। maaya ke pomp se khushi bhi manaayenge to vinaash bhi hoga। ab tum shreemat se raajaai le rahe ho। woh raajaai hamse koi bhi chheen nahin sakta। vahaan koi upadrav nahin hoga kyonki vahaan maaya hi nahin। baap samjhaate hain bachche achhi tarah padho। parantu saath-saath baba yeh bhi jaante hain ki kalpa pahle muaaphik hi sabko padhna hai। jo scene kalpa pahle chali hai, vahi ab chal rahi hai। narka ko svarga banaane ka kalyaankaari part kalpa pahle muaaphik hi chal raha hai। baaki jo is dharma ka nahin hoga, usko yeh gyaan buddhi mein baithega hi nahin। baap teacher hai to bachchon ko bhi teacher banna pade। vilaayat tak yeh padhaane ke liye bachche gaye hain। interpreter bhi saath mein hoshiyaar chaahiye। mehnat to karni hai।

tum eeshvareey bachchon ki chalan bahut oonchi chaahiye। satayug mein chalan hoti hi oonchi aur royal hai। yahaan to tumko bakri se sherni, bandar se devta banaaya jaata hai। to har baat mein nirhankaareepna chaahiye। apne ahankaar ko todna chaahiye। yaad rakhna chaahiye “jaisa karma ham karenge hamko dekh aur karenge।'' apne haath se bartan saaph karenge to sab kahenge kitne nirhankaari hain। sab kuchh haath se karte hain to aur hi jaasti maan hoga। kahaan ahankaar aane se dil se utar jaate hain। jab tak oonchi avastha nahin bani to dil par nahin chadhenge to takhta par baithenge kaise! nambarvaar martabe to hote hain na! jinke paas bahut dhan hai to first class mahal banaate hain। gareeb jhopdi banaayenge। is kaaran achhi tarah se padhkar full paas ho, achha pad paana chaahiye। aise nahin ki jo drama mein hoga athva jo naseeb mein hoga। yeh khyaal aane se hi naapaas ho jaayenge। naseeb ko badhaana hai। raat din khoob mehnat kar padhna hai। neend ko jeetne vaala banna hai। raat ko vichaar saagar manthan karne se tumko bahut maza aayega। baba ko koi batlaate nahin hain ki baba ham aise vichaar saagar manthan karte hain। to baba samajhte hain ki koi uthta hi nahin hai। shaayad inka hi part hai vichaar saagar manthan karne ka। number one bachcha to yahi hai na! baba anubhav bataate hain, uthkar yaad mein baitho। aise aise khyaal kiye jaate hain - yeh srishti ka chakra kaise phirta hai। oonche te ooncha baba hai phir sookshmavtanvaasi brahma, vishnu, shankar। phir brahma kya hai! vishnu kya hai! aise-aise vichaar saagar manthan karna chaahiye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo karma ham karenge, hamko dekh aur karenge, isliye har karma par dhyaan dena hai। bahut-bahut nirmaan-chit, nirhankaari banna hai। ahankaar ko tod dena hai।

2) apna naseeb (takdeer) ooncha banaane ke liye achhi reeti padhaai padhni hai। savere-savere uthkar baap ko yaad karne ka shauk rakhna hai।

vardaan:- trikaaldarshi sthiti dvaara moonjhane ki paristhitiyon ko mauj mein parivartan karne vaale karmayogi bhav

jo bachche trikaaldarshi hain ve kabhi kisi baat mein moonjh nahin sakte kyonki unke saamne teenon kaal clear hain। jab manzil aur raasta clear hota hai to koi moonjhata nahin। trikaaldarshi aatmaayen kabhi koi baat mein sivaae mauj ke aur koi anubhav nahin karti। chaahe paristhiti munjhaane ki ho lekin brahman aatma use bhi mauj mein badal degi kyonki anginat baar woh part bajaaya hai। yeh smriti karma-yogi bana deti hai। woh har kaam mauj se karte hain।

slogan:- sarva ka sammaan praapta karna hai to har ek ko sammaan do।