शुक्रवार 8 अप्रैल 2022 की दैनिक मुरली

08-04-2022 praatahmurli om shanti "baapdaada"' madhuban

“meethe bachche - apni avastha achhi banaani hai to savere-savere uth ekaanta mein baith vichaar karo ki ham aatma hain, humein ab vaapis jaana hai, yeh naatak poora hua''

prashn:- poora-poora bali chadhne ka arth kya hai?

uttar:- poora bali chadhna maana - buddhi ka yog ek taraph rahe। bachche aadi koi dehdhaari yaad na aayen। deh ka bhaan toot jaae। aisa jo poora bali chadhte hain unhein 21 janmon ka varsa baap se milta hai। jo ek do ke naam roop mein lattu hote hain woh baap ka aur apna naam badnaam karte hain।

prashn:- baap sabhi bachchon par kaun si kripa karte hain?

uttar:- kaudi se heere jaisa banaane ki kripa baap karte hain। jo bachche kadam-kadam par raay lete hain, kuchh chhipaate nahin, un par svatah kripa ho jaati hai।

geet:- kisne yeh sab khel rachaaya…

om shanti। jinhonne geet banaaya hai woh inka arth nahin jaante hain। tum bachchon ko baap ne samjhaaya hai ki dekho tumko kitna achha varsa diya tha, jab tumko racha। svarga hai nai rachna। duniya nahin jaanti ki svarga ki rachna kaise rachi jaati hai। phir kaise maaya roopi 5 vikaar chadh jaate hain। ek-ek baat nai hai, nai duniya ke liye। satayug kisko kaha jaata hai - yeh bhi nahin jaante to phir yeh kaise jaanenge। yeh knowledge koi bhi shaastra mein nahin hai। svayan parampita paramatma hi aakar knowledge dete hain, jo knowledge phir praayah lop ho jaati hai। knowledge se raajayog seekh raajaai paai, bas। isko kaha jaata hai spiritual knowledge। spiritual kaha jaata hai sprit ko, aatma ko। supreme sprit kahenge baap ko। anek naam de diya hai। kehte bhi hain spiritual gyaan chaahiye। philosophy phir shaastron ka gyaan ho jaata hai। shaastra padhkar unko jaana jaata hai। parampita paramatma to shaastra padhte hi nahin, usko kaha jaata hai knowledgeful। manushya samajhte hain woh antaryaami hai। parantu aise to hai nahin। drama anusaar jo jaisa karma karte hain unko woh phal to milna hi hai। bachchon ko karma akarma vikarma ki gati bhi samjhaate hain। karma akarma kab hota hai, phir karma vikarma kaise bante hain। svarga mein koi bura kaam hota nahin jo vikarma bane kyonki vahaan raavanraajya hi nahin, isliye karma akarma ban jaate hain। lep-chhep tab lagta hai jab vikarma karte hain। paap karaane vaala hai raavan। ab tum bachchon ko baap samjhaate hain। manushya to yeh nahin jaante ki satayug mein vikaar bigar kaise bachche paida hote hain। bahut log kehte hain vikaar hote zaroor hain parantu itne nahin। jaise yahaan bhi sannyaasi guru log samjhaate hain varsha mein va maas mein ek baar vikaar mein jaao। parantu baap to phat se kehte hain bachche kaam mahaashatru hai, un par poori jeet paani hai। sampoorn nirvikaari banna hai। vahaan raavan hi nahin to vikaar kahaan se aaya। sikkha log bhi gaate hain moot paleeti kapad dhoye.... to sab moot paleeti hain। yeh kiski ninda nahin karte hain। jo jaisa hoga unko aisa zaroor kahenge। chor ko chor kahenge। granth mein bhi bahut samjhaani likhi hui hai। guroonaanak ne parampita paramatma ki mahima ki hai। kehte hain jap saaheb, sukhamni.... baap kehte hain mujhe yaad karo। jisko aadhaakalpa yaad kiya woh cheez agar mil jaae to kitni khushi honi chaahiye। parantu khushi bhi unko hoti hai jo ghadi-ghadi apne ko aatma samajhte hain। aatma samajhne se baap ke saath lav rahega। aatma ko is samay pata hi nahin hai ki hamaara baap kaun hai। baap ka ban baap ke occupation ko na jaana to unko buddhu kahenge। prahlaad ki katha sunaate hain, badla lene ke liye thambha se nikla.... parantu paramatma hai kahaan... address ka pata bhi nahin। abhi tum bachche jaante ho। tum ho brahmaakumaar kumaariyaan। prajaapita brahma ka bhi naam baala hai। stri to hai nahin jo unse bachche paida karen। zaroor mukh vanshaavli honge। tum bhi yeh samjha sakte ho। ham hain brahmaakumaar kumaari, prajaapita brahma ka naam suna hai। to parampita paramatma brahma dvaara rachna rachte hain। pahle-pahle brahma ko racha phir brahma dvaara rachna rachi। baap samjhaate hain dekho, meri kitni mukh vanshaavli hai। sabko varsa to shivbaaba se hi milta hai, jisko adopt kiya hai woh to zaroor gareeb honge। pahle brahma ko adopt kiya। brahma dvaara phir mukh vanshaavli bane। woh kukh vanshaavli brahman jismaani yaatra karaate hain, yeh brahma mukh vanshaavli roohaani yaatra karaate hain। is roohaani yaatra ka kisko pata nahin hai। purushaartha karte hain ki ham nivaarnadhaam jaaven। to buddhi ki yaatra brahm taraph hogi। woh brahm ki yaatra ho gai। samajhte hain ham brahm mein leen ho jaayenge। to phir jismaani yaatra karne ki darkaar kya hai। yaatra hai bhi nivaarnadhaam ki। unko phir jyoti jyot samaaya ya budbuda, budbude se mil gaya - aise nahin kahenge। yeh aatma yaatra karti hai। brahm tatva mein jaati hai। yeh hai roohaani yaatra, baaki sab hain jismaani yaatra। unhon ko to maaloom hi nahin hai ki nirvaandhaam kaun le ja sakta hai। abhi behad ka baap kehte hain main hi sabko le jaata hoon, sarva ka panda baap hi bante hain। satayug mein bahut thode manushya hain, baaki sab aatmaayen vaapis zaroor jaati hain। righteous baat baap hi bataate hain। ab tum ho sachchi-sachchi yaatra par। ham aatma hain, naatak poora hota hai, vaapis jaana hai। yeh pakka ho jaana chaahiye। ekaanta mein baith yeh khyaal karo ki ham aatma hain, baba hamko lene aaya hai। yeh chola chhi-chhi hai। aise apne saath baaten karni hoti hain, isko vichaar saagar manthan kaha jaata hai। baap ne karma karne ki to chhutti di hai। baaki raat ko jaagkar yeh abhyaas karo to din mein bhi avastha achhi rahegi, madad milegi। raat ka abhyaas din mein kaam aayega। raat ko jaagna hai - 2 baje ke baad; kyonki 9 se 12 baje tak ka time bilkul dirty hai isliye vichaar saagar manthan savere hi kiya jaata hai। ham aatma hain bas ab baba ke paas hi jaana hai। ek chola chhod doosra lenge। yeh hai apne saath baaten karne ka dhang। 84 janma poore hue। baaki kuchh din rahe hue hain। yeh behad ka drama hai। aise buddhi mein rahne se deh ka bhaan toot jaayega। baap aur varsa hi yaad padega।

baap hi aakar shiksha dete hain। nahin to ham aise shreshtha pavitra ban kaise sakte। is samay corruption to bahut hai isliye naam nikalte hain sadaachaar committee। aage yeh sab baaten thi nahin। yeh corruption aadi sab abhi hui hai। minister aadi bante hain to kitne paise lootte hain। kitna bhrashtaachaar karte hain। satayug mein hoti hai shreshthaachaari government। tum bahut shreshthaachaari ban rahe ho। vahaan paap ka naam nahin hota hai। baap aakar svarga ke laayak banaate hain। sabhi jo dirty hain unko gul-gul banaate hain, svarga sthaapan karke sarva ko sadgati de phir khud chhip jaata hoon। mera part hi hai sabko sadgati dena। main saari duniya ko kya se kya banaata hoon। yeh to manushya bhi kehte hain ladaai lagegi। akhbaaron mein padta hai 5 varsha ke andar yeh hoga, woh hoga। achha vinaash hoga - bhala phir kya hoga? yeh vinaash bhi kyon hota hai, kaaran bataayen na। tum ab jaante ho baap svarga ki sthaapna kar rahe hain to narka ka zaroor vinaash hoga। baap aakar puraani duniya se nai duniya banaate hain। vahaan akaale mrityu hota nahin। marne ka kabhi dar nahin rehta, aatma ka gyaan rehta hai। ham ek shareer chhod jaakar doosra lete hain। yeh bhi samajhte hain jo deri se aayenge woh zaroor thode janma lenge। hamaare 84 janma poore hue hain। yeh duniya nahin jaanti hai। tum aatmaon ko parampita paramatma baith samjhaate hain। prajaapita ke bachche to aapas mein bhaai-behen thahre। to koi bhi vikarma kar nahin sakte। yoon kehte bhi hain hindu cheeni bhaai-bhaai phir vikaar mein kaise jaayenge। kehna to sahaj hai parantu arth nahin samajhte। bhaai-bhaai ka arth aatma par chala jaata hai। bhaai behen ke sambandh mein vikaar ki drishti thahar na sake। laukik sambandh mein bhi najdeek sambandhi se agar shaadi karte hain to haahaakaar ho jaata hai।

baap samjhaate hain tum sab devi devta so shreshthaachaari the phir bhrashtaachaari ban gaye ho। ab phir shreshthaachaari ban rahe ho। ham so shreshthaachaari, 16 kala the। phir 14 kala mein aaye phir bhrashtaachaari bante-bante ab aur hi tamopradhaan bhrashtaachaari ban pade hain। is gole ke chitra mein bhi clear likha hua hai। varna ka roop bhi banaate hain। parantu usmein choti brahman nahin bataate। na shivbaaba, na brahman hi dikhaate hain। baaki devta, kshatriy, vaishya, shoodra dikhaate hain। tum ab jaan gaye ho ki ham baajoli khelte hain। abhi ham brahman so phir devi devta banenge isliye daivi gun dhaaran karne hain। abhi vaapis jaana hai। phir hamaare liye saari duniya svarga ho jaayegi। dharti ko paani mil jaayega। aise-aise raat ko achhi reeti vichaar saagar manthan karo to din mein bahut madad milegi। abhi ham jaate hain sweet father ke paas, jiske liye hamne dar-dar dhakke khaaye hain। raasta kahaan se bhi nahin mila hai। abhi tum purushaartha kar rahe ho varsa paane ka। parantu maaya bhi badi prabal hai। bahut dhokha deti hai। jhat kaan se, naak se pakad leti hai। bhrashtaachaari ban padte hain। kaam ka nasha aa jaata hai। kiske naam roop ke peechhe lattu ho jaate hain, jaise aashik maashook। bahut dhokha khaate hain। lobhi bhi ekdam naam badnaam kar dete hain। yeh sab kuchh hota hi rehta hai। baap samjhaate hain bachche, yog mein rehna hai। achhe jo yogi hote hain woh 4-5 din bhojan na bhi khaaven to bhi unko parvaah nahin rehti hai। bahut khushi mein rehte hain। avastha aisi rahni chaahiye। dekhna hai mere mein kisi cheez ka lobh to nahin hai! em rakhni chaahiye ki ham full paas hokar dikhaaven। kalpa-kalpaantar ki baaji hai। apni jaanch karni hai - ham lakshmi-naaraayan ko varne athva raajaai lene ke laayak bana hoon! agar koi khaamiyaan hain to woh nikaalni pade, khaamiyaan chhipi nahin rah sakti। ab tumhaara connection hai shivbaaba se। kisko drishti denge uthaane ke liye। baap bahut madad karte hain। brahmaakumaariyaan kehti hain yeh hamne kiya। hamne aisi achhi murli chalaai - yeh ahankaar avastha ko gira deta hai। jo achhe-achhe bachche hain, woh samajhte hain - baba ki madad milti hai। kaeeyon mein to maaya pravesh hone se gir padte hain, ismen poora aatma-abhimaani banna chaahiye। deh mein drishti nahin jaani chaahiye, baba shiksha dete rehte hain sudharte jaao। maaya ka dhokha mat khaao, nahin to pad ganva denge। us pati ko to tum kitna yaad karti ho aur yeh patiyon ka pati jo tumhein amrit pilaate, kaudi se heera banaate hain unko yaad nahin karte। aise baap ko to kitna yaad karna chaahiye! shreemat par purushaartha kiya jaata hai। koi bhi baat ho to poochhna chaahiye baba mere mein kya avgun hai! deh ka bhaan todna hai। jo poora bali chadhte hain, unko 21 janmon ka varsa milta hai। poora bali chadhne ka matlab hai uski taraph buddhi rahe। yeh bachche aadi jo bhi kuchh hain, unse bhi buddhi hat jaani chaahiye। baba kehte hain uske badle mein tumko vahaan sab kuchh naya milega। kehte hain bhagwan ki kripa se bachcha mila। ab bhagwan khud kehte hain woh kripa to alpakaal ki hai। ab to tumhaare par bahut kripa karenge। tumko kaudi se heere jaisa bana denge। grihastha vyavhaar mein rehte yeh sab kuchh baap ka samjho। kadam-kadam par raay lete raho। baap hi raay denge। koi ulta kaam nahin karne denge। vikaari ko nahin dene denge। avinaashi surgeon se kuchh bhi chhipaana nahin hai। kadam-kadam par poochhna hai। bahut bachche poochhte bhi hain, likhte bhi hain baba yeh vikaar sataate hain। koi to kaala munh karke bhi bataate nahin। chhipaate rahenge to aur hi kaale hote jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) full paas hone ke liye jo bhi khaamiyaan hain, vikaaron ka ansh hai use samaapta kar dena hai। kisi bhi baat ka ahankaar nahin rakhna hai।

2) drishti bahut pavitra shuddh banaani hai। kabhi bhi kisi dehdhaari ke peechhe latakna nahin, poora aatma-abhimaani banna hai।

vardaan:- silence ki shakti se buraai ko achchhaai mein badalne vaale shubh bhaavna sampanna bhav

jaise science ke saadhan se kharaab maal ko bhi parivartan kar achhi cheez bana dete hain। aise aap silence ki shakti se buri baat va bure sambandh ko buraai se achchhaai mein parivartan kar do। aise shubh bhaavna sampanna ban jaao jo aapke shreshtha sankalp se anya aatmaayen bhi buraai ko badal achchhaai dhaaran kar len। knowledgeful ke hisaab se right wrong ko jaanna alag baat hai lekin svayan mein buraai ko buraai ke roop mein dhaaran karna galat hai, isliye buraai ko dekhte, jaante bhi use achchhaai mein badal do।

slogan:- sahansheelta ka gun dhaaran karo to kathor sanskaar bhi sheetal ho jaayenge।