शनिवार 9 अप्रैल 2022 की दैनिक मुरली

09-04-2022 praatahmurli om shanti "baapdaada"' madhuban

“meethe bachche - baap manushya se devta banaane aaye hain to unki dil se shukriya maano shreemat par chalte raho, ek se sachchi preet rakho''

prashn:- jin bachchon ki baap se preet hai, unki nishaaniyaan kya hongi?

uttar:- baap se sachchi preet hai to ek unhein hi yaad karenge, unki hi mat par chalenge। mansa-vaacha-karmana kisi ko bhi duhkh nahin denge। kisi ke prati ghrina nahin rakhenge। apna sachcha-sachcha potaamel baap ko denge। kusang se apni sambhaal karenge।

geet:- dheeraj dhar manua…

om shanti। braahmanon ko to zaroor dheeraz hi hoga kyonki braahmanon ki hi parampita paramatma ke saath preet hai - nambarvaar purushaartha anusaar। sabki ek jaisi preet nahin hai। jaise baba mama aur bachche apna-apna anubhav sunaate hain। aham aatma apne liye kehte hain। baba phir aham paramatma kahenge। aham aatma kehti hai main parampita paramatma ko bahut yaad karti hoon kyonki jaanti hoon - aadhaakalpa hamne raavanraajya mein bahut duhkh dekha hai। aise bhi nahin shuru se duhkh hota hai। nahin। raavan raajya mein dheere-dheere duhkh ki vriddhi hoti hai। kalaayen kam hoti jaati hain। aham aatma ko ab parampita paramatma batlaate hain ki pahle tum avyabhichaari bhakti mein the sirf mujhe yaad karte the। phir vyabhichaari rajoguni bhakti mein aaye। abhi to tamoguni bhakti ho gai hai, jo aaya unko poojte rehte hain, isko kaha jaata hai bhoot pooja kyonki shareer 5 tatvon ka bana hua hai। yeh phalaana svaami hai sirf 5 tatvon ke shareer ko dekh kehte hain। unhon ke charnon mein girte hain। yeh hai tamopradhaan bhakti। abhi ham aatma jaante hain parampita paramatma phir se aaye hain hamko apna varsa dene isliye jitna ho sake unko yaad karte hain। unka pharmaan hai nirantar mujhe yaad karo। dehi-abhimaani bhav athva aatma-abhimaani bhav। baba sunaate hain ghadi-ghadi baap ka shukriya karta hoon। baba aapne mujhe andhiyaare se nikaala hai। baba ke saath hamaari preet hai। aur sabki hai vinaash kaale vipreet buddhi, woh poora varsa le na sake। laukik bachchon ki baap se preet hoti hai। baap ki mat par chalte hain to baap bhi raazi hote hain। agar bachcha mat par nahin chalta, to baap raazi nahin rehta, jo mat par na chale woh kapoot thahra। to behad ka baap bhi kehte hain mujhe yaad karo to tumhaare vikarma bhasma hote jaayenge। mere bane ho to koi bhi paap karma, karmendriyon se nahin karna। kabhi shreemat ka ullanghan nahin karna। baap tumhein pujaari se poojya bana rahe hain to baap ka kitna shukriya maanna chaahiye। unki mat par nahin chalenge to janma-janmaantar ke liye pad bhrashta kar denge। bhal ham yahaan bhrashta moot paleeti ko kehte hain। parantu vahaan kam pad ko bhrashta pad kehte hain। baap kehte hain, achhi reeti preet lagaao। jaise stri pati ko yaad karti hai vaise tum mujhe yaad karo। meri shreemat par chalo। mansa, vaacha, karmana kisko duhkh na do। man mein bhi kisi ke liye ghrina nahin rakhna। har aatma apna part baja rahi hai।

tum jaante ho abhi ka yeh janma bhavishya ke janma se bhi oonch hain। yahaan ham eeshvareey aulaad bane hain। satayug mein daivi aulaad honge। yahaan ki mahima jaasti hai। jagdamba se 21 janmon ka varsa milta hai। lakshmi se kya milta hai? in baaton ko naya koi samajh na sake। aate to bahut hain parantu jinko nishchay nahin, woh thahar na saken। baba mama bachchon ke mitra sambandhi aate to bahut hain athva officers aadi aate hain, to allow kiya jaata hai। kahaan teer lag jaaye, bichaaron ka kalyaan ho jaae। jhat pata lag jaata hai ki eeshvareey kul ka hai va aasuri kul ka hai। preet lagti hai va nahin। aate yahaan bahut hain, theek ho jaate hain phir baahar jaakar kusang mein athva maaya ke sang mein vikaari ban jaate hain। likhte hain hamne haar khaai। lekin agar na bataayen to aur vriddhi hoti jaayegi। tumhaari ab preet buddhi hai - baap ke saath। haan tumhaare mein bhi nambarvaar purushaartha anusaar preet buddhi hain। shivbaaba bachchon ko samjhaate hain, kabhi bhi koi vikarma nahin karna, shreemat par chalna। baba ke bane ho to tumhaari chalan bhi aisi honi chaahiye। baba ko poora maaloom hona chaahiye। baba mukti-jeevanmukti, vishwa ki baadshaahi dete hain aur bachchon ke paas kya hai, woh baap ko pata nahin hai। baap ke paas to poora potaamel aana chaahiye। mere ko dene se tumhaara nuksaan nahin hoga। woh to sab paise aadi apne kaam mein le lete hain, main to hoon niraakaar। tum bachchon ke hi kaam mein lagaata hoon। jaise gaandhi ji desh ke kaam mein lagaate the, isliye unka naam baala hai। barobar gaandhi ne congress raajya sthaapan kiya। nahin to yahaan raajaaon ka raajya tha। abhi baap phir se nai raajdhaani, raamraajya sthaapan kar rahe hain - yeh baat sabhi bachchon ki buddhi mein baithti nahin hai, agar baithe to khushi ka paara bhi chadhe। baba ke saath yog lagaate rahen। baba kehte hain paramdham mein rahne vaale baap ko vahaan yaad karo, jahaan jaana hai। ab drama poora hona hai। drama ko koi jaante hi nahin। na koi ki mere saath preet hai। kehte hain ham parampara se ganga snaan karte aaye hain। kya satayug mein bhi karte the? parampara ka bhi arth nahin samajhte hain। baba kehte hain ab tumhaare sukh ke din aa rahe hain। tumhaari buddhi mein dheeraj hai। koi to kuchh bhi samajhte nahin hain। yahaan se samajhkar jab baahar jaate hain to maaya saara hi kha jaati hai। jaise makkhi marti hai to cheentiyaan saara unko hap kar leti hain। yahaan bhi marte hain to cheetinyaan lekar saara hap kar leti hain। maaya bhi balvaan hai, kam nahin hai। badi ladaai lagti hai। yahaan rehte bhi class mein nahin aate hain to samjha jaata hai yeh svarga ke maalik nahin ban sakte। krishnapuri mein ja na saken। kuchh bhi value nahin। tum jo heere jaise bante ho unhon ki hi value hai। tum jaante ho ham worth pound ban rahe hain। ek ghar mein ek hans, ek bagula hoga to khitpit zaroor chalegi। yahaan to bagule se kinaara hota hai। moot paleeti ke haath ka tum kha bhi nahin sakte ho। parantu bachchon ka baap se itna lav to hai nahin, isliye sochte hain ki pet kahaan se bharega। are bheel log kahaan se khaate hain। aajkal to koi kaphni pahan le to muphta mein paise milte rehte hain। sab paanv padte rehte hain, jo aayega moorti ke aage paisa rakhta jaayega, bahut easy। yeh duniya hi aisi hai। bachchon ko khyaal karna chaahiye। yeh duniya jaldi khalaas ho to svarga mein jaayen, parantu laayak bhi banen na। pad bhi paana hai na। vahaan bhi position ka farka rehta hai। padhaane vaala ek hi hai। koi raaja raani, koi naukar chaakar, koi saahookaar praja। raajdhaani sthaapan ho rahi hai aur dharma sthaapak raajaai nahin sthaapan karte hain isliye baba kehte hain khabardaar raho। vinaash kaale poori preet buddhi chaahiye। jitni preet hogi utna baap se varsa lenge। yaad karne ka bhi sikhaaya jaata hai। baba batlaate hain, baba ko aur chakra ko yaad karo। svardashan chakra phiraao। ham light house hain, khivaiya hamaari naeeya ko paar le jaata hai। ek okh mein shantidham, ek okh mein sukhdhaam rakhna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) har ek paartadhaari ke part ko dekhte hue, kisi se bhi ghrina nahin karna hai। mansa-vaacha-karmana kisi ko bhi duhkh nahin dena hai।

2) baap ko apna poora potaamel dena hai। vinaash kaale poora preet buddhi banna hai। shreemat par apni chalan shreshtha banaani hai। kusang se sambhaal karni hai।

vardaan:- sookshm paapon se mukta ban sampoorn sthiti ko praapta karne vaale siddhi swaroop bhav

kai bachche vartamaan samay karmo ki gati ke gyaan mein bahut easy ho gaye hain isliye chhote-chhonte paap hote rehte hain। karma philosophy ka siddhaanta hai - yadi aap kisi ki glaani karte ho, kisi ki galti (buraai) ko phailaate ho ya kisi ke saath haan mein haan bhi milaate ho to yeh bhi paap ke bhaagi bante ho। aaj aap kisi ki glaani karte ho to kal woh aapki duguni glaani karega। yeh chhote-chhote paap sampoorn sthiti ko praapta karne mein vighna roop bante hain isliye karmo ki gati ko jaankar paapon se mukta ban siddhi swaroop bano।

slogan:- aadi pita ke samaan banne ke liye shakti, shanti aur sarvagunon ke stambha bano।

maateshvari ji ke anmol mahaavaakya

“niraakaari duniya arthaat aatmaon ke rahne ka sthaan''

jab ham niraakaari duniya kehte hain to niraakaar ka arth yeh nahin ki unka koi aakaar nahin hai, parantu koi duniya zaroor hai, uska sthool srishti muaaphik aakaar nahin hai, jaise paramatma niraakaar hai lekin unka apna sookshm roop avashya hai। ham aatma aur paramatma ka dhaam niraakaari duniya hai। to jab ham duniya akshar kehte hain, to isse siddha hai vo duniya hai aur vahaan koi rehta hai tabhi to duniya naam pada hai। ab duniyaavi log to samajhte hain paramatma ka roop bhi akhanda jyoti tatva hai, lekin woh to paramatma ke rahne ka thikaana hai, jisko retired hom kehte hain। to ham paramatma ke ghar ko paramatma nahin kah sakte hain। ab doosri hai aakaari duniya, jahaan brahma vishnu shankar devtaayen aakaari roop mein rehte hain aur yeh hai saakaari duniya, jinke do bhaag hain - ek hai nirvikaari svarga ki duniya jahaan aadhaakalpa sada pavitrata sukh aur shanti hai। doosri hai vikaari kaliyugi duhkh aur ashaanti ki duniya। ab yeh do duniyaayen kyon kehte hain? kyonki yeh jo manushya kehte hain svarga aur narka donon paramatma ki rachi hui duniya hai, is par paramatma ke mahaavaakya hain bachche, mainne koi duhkh ki duniya nahin rachi, jo mainne duniya rachi hai vo sukh ki rachi hai। ab yeh jo duhkh aur ashaanti ki duniya hai, vo manushya aatmaayen apne aapko aur mujh paramatma ko bhoolne ke kaaran yeh hisaab-kitaab bhog rahe hain। baaki aise nahin jis samay sukh aur punya ki duniya hai, vahaan koi srishti nahin chalti। haan, avashya jab ham kehte hain ki vahaan devtaaon ka nivaas sthaan tha, to zaroor vahaan pravritti chalti thi parantu vikaari paidaais nahin thi, jis kaaran koi karma-bandhan nahin tha। us duniya ko karmabandhan rahit svarga ki duniya kehte hain। to ek hai niraakaari duniya, doosri hai aakaari duniya, teesri hai saakaari duniya।

“bhagwan ke aane ka anaadi racha hua programme''

yeh jo manushya geet gaate hain O geeta ke bhagwan apna vachan nibhaane aa jaao। ab vo svayan geeta ka bhagwan apna kalpa pahle vaala vachan paalan karne ke liye aaye hain aur kehte hain he bachche, jab bhaarat par ati dharma glaani hoti hai tab main isi samay apna anjaam paalan karne (vaayda nibhaane) ke liye avashya aata hoon, ab mere aane ka yeh matlab nahin ki main koi yuge yuge aata hoon। sabhi yugon mein to koi dharma glaani nahin hoti, dharma glaani hoti hi hai kaliyug mein, to maano paramatma kaliyug ke samay aata hai। aur kaliyug phir kalpa kalpa aata hai to zaroor woh kalpa-kalpa aata hai। kalpa mein phir chaar yug hain, usko hi kalpa kehte hain। aadhaakalpa satayug treta mein satogun satopradhaan hai, vahaan paramatma ke aane ki koi jarurat nahin। aur dvaapar yug se to phir doosre dharmon ki shuruaat hai, us samay bhi ati dharma glaani nahin hai, isse siddha hai ki paramatma teenon yugon mein to aata hi nahin hai, baaki raha kaliyug, uske ant mein ati dharma glaani hoti hai। usi samay paramatma aae adharma vinaash kar sat dharma ki sthaapna karte hain। agar dvaapar mein aaya hua hota to phir dvaapar ke baad satayug hona chaahiye phir kaliyug kyon? aise to nahin kahenge paramatma ne ghor kaliyug ki sthaapna ki, ab yeh to baat nahin ho sakti isliye paramatma kehte hain main ek hoon aur ek hi baar aae adharma ka vinaash kar kaliyug ka vinaash kar satayug ki sthaapna karta hoon to mere aane ka samay sangamayug hai। achha - om shanti।