शुक्रवार 15 अप्रैल 2022 की दैनिक मुरली

15-04-2022 praatahmurli om shanti "baapdaada"' madhuban

“meethe bachche - tum devi devta kul ke ho, tumhein ab pujaari se poojya banna hai, baap aaye hain tum sabko bhakti ka phal dene''

prashn:- deh sahit deh ke sab sambandhon se buddhiyog todne ki sahaj vidhi kya hai?

uttar:- mera to ek shivbaaba, doosra na koi is paath ko pakka karo। baba kehte bachche, deh aur deh ke sab sambandh duhkh dene vaale hain। tum mujhe apna bachcha banaao to main tumhaari itni seva karoonga jo 21 janma tum sada sukhi rahenge। vaaris banaao to varsa doonga। saajan banaao to shrringaar kar svarga ki mahaaraani bana doonga। bhaai banaao, sakha banaao to saath mein khel karoonga। mere saath sab sambandh jodo to deh ke sambandhon se buddhi nikal jaayegi।

geet:- kitna meetha, kitna pyaara shiv bhola bhagwan…

om shanti। bachchon ne kiski mahima suni? apne behad ke baap ki। usko hi kaha jaata hai shiv-baba। brahma ko bhi baba kaha jaata hai। prajaapita to pita maana hi baba। prajaapita brahmaakumaar aur kumaariyaan। abhi tum baithe ho na। barobar tum brahma ke dharma ke bachche ho। shivbaaba ki god li hai, brahma dvaara। shivbaaba ko apna shareer to nahin hai। brahma, vishnu, shankar ko bhi apna shareer hai। niraakaar paramatma ko koi aakaar ya saakaar shareer nahin hai। unko kaha jaata hai parampita। prajaapita ko parampita nahin kahenge। parampita maana pare te pare rahne vaala। tum aatmaayen bhi vahaan ki rahne vaali ho। woh baap bahut meetha hai, isliye unko yeh mahima dete hain। tvamev maataashcha pita... kehte hain padhaane vaala bhi aap jaisa ho। bhaai bhi aap jaisa ho, baap bhi aap jaisa ho। jaise laukik baap bachche ko varsa dete hain। aajkal ke bachchon ko varsa to milta hai, parantu woh baap ki poori seva bhi nahin karte hain। stri mili kuchh khitpit hui bas ghar alag kar diya। tum ab shivbaaba ko apna bachcha banaao, yeh tumhaari itni seva karega jo 21 janma tum bahut sukhi rahenge। achha bachche ke badle agar baap bhi banaao to bhi tumko svarga mein sada ke liye sukh de denge। inko saajan banaao to tumhaara shrringaar kar tumko svarga ki mahaaraani banaayenge। deh sahit deh ke sab sambandh se buddhi todo kyonki woh sab tumko duhkh dete hain। ham tumko sukh hi sukh denge। dekho baba tumhaare sang khelte hain। samajhte ho ham bhaai se khelte hain। bhaai hone se bhi sukh dete hain। tumko vishwa ka maalik banaate hain। to sab sambandh unke saath rakh aur sabse todna hai। bas mera to ek shivbaaba.... main kalpa-kalpa tum bachchon ke sammukh aakar tumko sab duhkhon se chhudaae sada sukhi banaata hoon। aise baap ke saath buddhiyog rakhna hai aur woh khud hi aakar brahman ban aatmaon ki sagaai karaate hain। yeh first class brahman hai। tumhaare kitne achhe naam rakhte hain। drama anusaar tumhaare naam rakhne hi pade kyonki tumne ek kutumba ko chhod, eeshvar ki god li to naam kitne ramneek pade। yaad bhi karte hain he patit-paavan aao, aakar paavan banaao। shreekrishna ko kitna pyaar karte hain। kehte hain shreekrishna jaisa pati mile, bachcha mile। samajhte bhi hain woh svarga ka maalik hai, phir bhi unko dvaapar mein le gaye hain। yeh hai bhool। yeh sab bhoolon ko nivaaran kar baap aakar abhul banaate hain। svarga mein aisi bhoolen karte hi nahin। bhool karaane vaali hai maaya। vahaan maaya hi nahin। lakshmi-naaraayan ka chitra dikhaae tum sabko samjha sakte ho। yahi svarga ke mahaaraaja mahaaraani the। aisa kisne banaaya? agyaan kaal mein kiske paas dhan bahut hota hai to poochha jaata hai yeh tumko kisne diya? kehte hain bhagwan ne। baap hai hi daata, baba hamko behad ka svaraajya dete hain। mandir mein poojne laayak banaate hain। behad shivaalay mein raajya karke phir bhakti maarga mein shivaalay banaate hain, jad chitron ka। us samay devtaayen vaam maarga mein chale jaate hain। patit manushya ko kabhi devta nahin kah sakte। abhi tum jaante ho ham hain devta kul ke। aapehi poojya, aapehi pujaari। abhi phir barobar pujaari se poojya ban rahe hain। aadhaakalpa poojya rahe aur aadha kalpa pujaari ban jaate ho। main to sadaiv poojya hoon। bhakti maarga mein tum yaad karte ho - main tumko yaad ka phal deta hoon। tumko kehta hoon nirantar mujhe yaad karo to tumko bahut phal milega। kya tumko is puraani duniya mein rehna achha lagta hai? main sabhi roopon mein sukh dene aaya hoon। woh to sab tumko duhkh dete hain। abhi main tumko sukh ka varsa deta hoon। shivbaaba kitna meetha aur kitna pyaara hai tab to yaad karte hain he shiv bhola bhandaari jholi bhar do। tum jaante ho ham vishwa ke maalik banne ke laayak kahaan hain। baba na-laayak ko laayak banaate hain। raajayog sikhlaakar mahaaraaja mahaaraani banaate hain, 21 janmon ke liye। shiksha dete hain oonch pad paakar naam baala karo। bachchon mein nambarvaar to hote hain na। jo jitna padhenge, achhe bachche maa baap ke bahut aagyaakaari hote hain। tumko behad ka baap mila hai to unka kitna aagyaakaari banna chaahiye। baap ka naam hi hai kalyaankaari। narka ko svarga banaate hain। tum svarga ke liye taiyaari kar rahe ho। jitna tum shreemat par chalenge, sabse mamatva mitaana hai। kehte hain baba kaise mitaayen? baba kehte hain mujhe trustee bana do, phir raay lete raho is haalat mein kya karna hai! baba kehte hain chhodna to sannyaasiyon jaisa ho jaayega। gharbaar ka sannyaas nahin karna hai। sannyaas puraani duniya ka karaate hain। woh gharbaar chhod dete hain, bada nuksaan kar dete hain। phir bhi pavitra rehte hain to kuchh madad karte hain। baaki aise nahin ki guru ban kiski gati sadgati kar sakte। pavitra banaate hain so bhi sirf purushon ko। baba to donon ko nangan hone se bachaate hain। baba shiksha dete hain, agar tum pavitra bankar dikhaayenge to pavitra duniya ke maalik banenge। svarga mein sab sukhi hote hain। achhi tarah purushaartha karenge, inko apna bachcha banaayenge to varsa denge। jo jitna varsa dete utna phir ham bhi return mein denge। parantu svarga mein denge, yahaan nahin। mujhe jo tum dete ho woh bhi tum bachchon ke kaam mein lagaata hoon। main vishwa ka maalik nahin banta hoon, tum bante ho। tumhaare liye hi yeh makaan aadi hain। yeh pradarshani hai। woh bhi tum bachchon ki service hai phir se tumko svarga ka maalik banaata hoon। jitna chaahe utna mere se le lo। mujhe vaaris banaao ya na banaao। apne bachchon se hi sukhi raho। baaki pavitra raho aur ek baap ko yaad karo to ant mati so gati ho jaayegi। baaki koi jhoothe mantra kaam mein nahin aayenge। main tumko kalyaankaari mantra deta hoon - baap aur varse ko yaad karo। bachcha paida hua to unko varsa milna hi hai। tum jaante ho ham shivbaaba ke the, svarga mein raajya kiya phir haraaya। ab baap kehte hain mujhe yaad karo। mera ban jaao, mera banne se tumko kitna phaayda hota hai। guru gosaai aadi sabse sambandh todo। main aatmaon se baat karta hoon, organs dvaara। baba ne bhi ismen pravesh kiya hai। jaise braahmanon ko khilaate hain to samajhte hain pati ki aatma ismen aai hai। shareer to aa na sake। baba ka to apna shareer nahin hai, isliye mujhe ashareeri kehte hain। tum bhi ashareeri bano। deh ka anhakaar chhod do। saara kalpa tum deh-abhimaan mein rahe, satayug mein aatma-abhimaani the। phir deh-abhimaani banen to aatma ka gyaan bhi bhool gaye। pahle khushi se shareer chhodte aur lete the, tumhaara kya jaata hai। aatma ko anaadi part mila hua hai। svarga mein rone ka naam hi nahin। abhi tum 63 janma duhkh uthaate-uthaate bilkul hi tamopradhaan ban pade ho। ab phir apne ko aatma samjho, baap ko yaad karo aur kahaan bhi jaayenge to dekhenge phalaana sannyaasi ved-shaastra sunaate hain। yahaan niraakaar paramatma to koi shaastra nahin padhte। woh sab vedon shaastron ka saar sunaane vaala hai। shaastra padhte-padhte tum patit ban pade ho, tab pukaarte ho he sadgati daata, mukteshvar, paap kateshvar aao। achha baap aaya hai। kehte hain tum meri mat par chalo to oonch pad paayenge। yeh hai shreshtha te shreshtha mat। baba hai hi shri shri, jo aakar bhrashtaachaari se shreshthaachaari banaate hain। tum jaante ho har ek ko apna-apna part mila hua hai। chakra phirta rehta hai। na aatma mitti hai, na uska part hi mitta hai। yeh bana banaaya khel hai, inse koi bhi chhoot na sake। baap kehte hain main bhi patit shareer mein aakar tumhaari seva karta hoon। main tumko svarga ke sukh deta hoon। tum phir kitna heere javaahron ke mandir banaate ho, usmein hamko bithaate ho। abhi jabki tumko vishwa ka maalik banaane aaya hoon to koi mujhe jaante hi nahin। phaarakti de dete hain। tumhein sabko baap ka parichay dena hai। to baba kaise svarga ki sthaapna karte hain, kitni sahaj baat hai। maaya aayegi, tumhaara kaam hai maaya ko bhagaana। jo shivbaaba ke sivaae aur koi ki yaad na pade। ek ghadi, aadhi ghadi... yaad karne ki bhi practice karo। phir aakhir ant mati so gati ho jaayegi। agar buddhi kahaan bhi latki hui hogi to sajaayen khoob khaayenge। jaise kaashi kalvat khaate hain, unko jeevghaat kaha jaata hai। aatma apne jeev ka ghaat karti hai। baaki aatma ka ghaat hota nahin। woh to amar hai। yeh sab dhaaran kar baap ki yaad mein rehna hai, sabse mamatva mitaana hai। yeh puraana shareer hai, saakshi hokar rehna padta hai। ab vaapis jaana hai। yahaan koi maja nahin hai। earthquake mein sab mar jaayenge। marne ke pahle apni avastha achhi banaani hai।

tum sab shiv shaktiyaan ho। mel female donon mehnat karte hain, shivbaaba se shakti lene ki। maataaon ka maan jaasti hai। tum sab kanyaayen ho। brahmaakumaari to kanyaayen bhi hain, adharkumaariyaan bhi hain। woh nirvikaari rehti hain। woh bheeshmapitaamah aadi gaaye hue hain। aise bhi bahut hain jo chhotepan se brahmachaari rehte hain। jo kaam baba 5 hajaar varsha pahle karke gaye hain, so ab kar rahe hain। yeh mandir ab tootenge phir bhakti maarga mein banenge। yeh sab baaten dhaaran karne ki hain। yeh apne saath baaten karni hain। isko kaha jaata hai vichaar saagar manthan karna। bhagvaanuvaach, tumko nar se naaraayan banaata hoon। manushya koi bhi yeh gyaan nahin de sakte। inki aatma bhi sun rahi hai। yeh ghadi-ghadi tum bhool jaate ho। kachhue ka, bhramri ka misaal bhi tumhaare liye hai। baap ka parichay sabko dena hai। shiv ki pooja bigar occupation jaane karna, yeh to kuchh nahin hai। ham bhi pooja karte the parantu abhi jaante hain। shivbaaba hamko manushya se devta bana rahe hain। baap kehte hain tum kaudiyon ke pichhaadi maatha kyon maarte ho, yeh to sab bhasma ho jaana hai। potre potriyaan koi bhi rahenge nahin। sab marne vaale hain। tum ho kalyaankaari baap ke bachche, sabka kalyaan karne vaale। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh ka abhimaan chhod baap samaan ashareeri banna hai। puraana shareer hai, ise saakshi ho chalaana hai। shri shri ki shreshtha mat par chal paavan banna hai।

2) dharmaraaj ki kadi sajaaon se bachne ke liye abhi se aisi avastha banaani hai jo ant ghadi mein ek baap ke sivaae koi bhi yaad na aaye। buddhi kahaan bhi latki hui na ho।

vardaan:- sva aur seva ke balance dvaara duaayen lene aur dene vaale sada saphaltaamoorta bhav

jaise seva mein bahut aage badh rahe ho aise svaunnati par bhi poora attention rahe। jinko yeh balance rakhna aata hai ve sada duaayen lete aur duaayen dete hain। balance ki praapti hi hai blessing। balance vaale ko blessing nahin mile - yeh ho nahin sakta। maat-pita aur parivaar ki duaaon se sada aage badhte chalo। yeh duaayen hi paalna hain। sirf duaayen lete chalo aur sabko duaayen dete chalo to sahaj saphaltaamoorta ban jaayenge।

slogan:- gunmoorta banna aur sarva ko gunmoorta banaana - yahi mahaadaan hai।