मंगलवार 3 मई 2022 की दैनिक मुरली

03-05-2022 praatahmurli om shanti "baapdaada"' madhuban

“meethe bachche - tumhein baap samaan meetha banna hai, kisi ko duhkh nahin dena hai, kabhi krodh nahin karna hai”

prashn:- karmo ki guhya gati ko jaante hue tum bachche kaun sa paap karma nahin kar sakte?

uttar:- aaj din tak daan ko punya karma samajhte the, lekin ab samajhte ho daan karne se bhi kai baar paap banta hai kyonki agar kisi aise ko paisa diya jo paise se paap kare, uska asar bhi tumhaari avastha par avashya hi padega isliye daan bhi samajhkar karna hai।

geet:- is paap ki duniya se…

om shanti। abhi tum bachche saamne baithe ho। baap kehte hain he jeev ki aatmaayen sunti ho। aatmaon se baat karte hain। aatmaayen jaanti hain - hamaara behad ka baap hamko le chalte hain, jahaan duhkh ka naam nahin। geet mein bhi kehte hain is paap ki duniya se paavan duniya mein le chalo। patit duniya kisko kaha jaata hai, yeh duniya nahin jaanti। dekho, aajkal manushyon mein kaam, krodh kitna teekha hai। krodh ke vasheebhoot hokar kehte hain ham iske desh ko naash karenge। kehte bhi hain he bhagwan hamko ghor andhiyaare se ghor sojhre mein le chalo kyonki puraani duniya hai। kaliyug ko puraana yug, satayug ko naya yug kaha jaata hai। baap bigar naya yug koi bana na sake। hamaara meetha baba hamko ab duhkhadhaam se sukhdhaam mein le chalte hain। baba aapke sivaae hamko koi bhi svarga mein le ja nahin sakte। baba kitna achhi reeti samjhaate hain। phir bhi kiski buddhi mein baithta nahin hai। is samay baba ki shreshtha mat milti hai। shreshtha mat se ham shreshtha bante hain। yahaan shreshtha banenge to shreshtha duniya mein oonch pad paayenge। yeh to hai bhrashtaachaari raavan ki duniya। apni mat par chalne ko manmat kaha jaata hai। baap kehte hain shreemat par chalo। tumko phir ghadi-ghadi aasuri mat narka mein dhakelti hai। krodh karna aasuri mat hai। baba kehte hain ek do par krodh nahin karo। prem se chalo। har ek ko apne liye raay leni hai। baap kehte hain bachche paap kyon karte ho, punya se kaam chalaao। apna kharcha kam kar do। teertho par dhakka khaana, sannyaasiyon ke paas dhakka khaana, in sab karmakaanda par kitna kharcha karte hain। woh sab chhuda dete hain। shaadi mein manushya kitna shaadmaana karte hain, karja lekar bhi shaadi karaate hain। ek to karja uthaate, doosra patit bante। so bhi jo patit banne chaahte hain jaakar banen। jo shreemat par chal pavitra bante hain unko kyon rokna chaahiye। mitra sambandhi aadi jhagda karenge to sahan karna hi padega। meera ne bhi sab kuchh sahan kiya na। behad ka baap aaya hai raajayog sikhlaae bhagwan bhagavti pad praapta karaate hain। lakshmi bhagavti, naaraayan bhagwan kaha jaata hai। kaliyug ant mein to sabhi patit hain phir unhon ko kisne change kiya। ab tum bachche jaante ho baba kaise aakar svarga athva raam-raajya ki sthaapna karaate hain। ham sooryavanshi athva chandravanshi pad paane ke liye yahaan aaye hain। jo sooryavanshi sapoot bachche honge woh to achhi tarah padhaai padhenge।

baap sabko samjhaate hain - purushaartha kar tum maa baap ko follow karo। aisa purushaartha karo jo inke vaaris bankar dikhaao। mama baba kehte ho to bhavishya takhtansheen hokar dikhaao। baap to kehte hain itna padho jo hamse oonch jaao। aise bahut bachche hote hain jo baap se oonch chale jaate hain। behad ka baap kehte hain ham tumko vishwa ka maalik banaata hoon। main thode hi banta hoon। kitna meetha baap hai। unki shreemat mashhoor hai। tum shreshtha devi-devta the phir 84 janma lete-lete abhi patit ban pade ho। haar aur jeet ka khel hai। maaya se haare haar, maaya se jeete jeet। man akshar kehna wrong hai। man, aman thode hi ho sakta hai। man to sankalp karega। ham chaahen sankalp rahit hokar baith jaaen parantu kab tak? karma to karna hai na। woh samajhte hain grihastha dharma mein rehna, yeh karma nahin karna hai। in hathayog sannyaasiyon ka bhi part hai। unka bhi ek yeh nivritti maarga vaalon ka dharma hai aur koi dharma mein ghar-ghaat chhod jangal mein nahin jaate hain। agar koi ne chhoda bhi hai to bhi sannyaasiyon ko dekhkar। baba koi ghar se vairaagya nahin dilaate। baap kehte hain bhal ghar mein raho parantu pavitra bano। puraani duniya ko bhoolte jaao। tumhaare liye nai duniya bana raha hoon। shankaraachaarya sannyaasiyon ko aise nahin kehte ki tumhaare liye nai duniya banaata hoon, unka hai had ka sannyaas, jisse alpakaal ka sukh milta hai। apvitra log jaakar maatha tekte hain। pavitrata ka dekho kitna maan hai। abhi to dekho kitne bade-bade flat aadi banaate hain। manushya daan karte hain ab ismen punya to kuchh hua nahin। manushya samajhte hain ham jo kuchh eeshvar arth karte hain woh punya hai। baap kehte hain mere arth tum kis-kis kaarya mein lagaate ho! daan unko dena chaahiye - jo paap na karen। agar paap kiya to tumhaare oopar unka asar pad jaayega kyonki tumne paise diye। patiton ko dete-dete tum kangaal ho gaye ho। paise hi sab barbaad ho gaye hain। karke alpakaal ka sukh mil jaata hai, yeh bhi drama। abhi tum baap ki shreemat par paavan ban rahe ho - paise bhi tumhaare paas vahaan dher honge। vahaan koi patit hote nahin hain। yeh badi samajhne ki baaten hain। tum ho eeshvareey aulaad। tumhaare mein badi royalty honi chaahiye। kehte hain guru ke nindak thaur na paayen। unhon mein baap teacher guru alag hai। yahaan to baap teacher satguru ek hi hai। agar tum koi ulti chalan chale to teenon ke nindak ban padenge। sat baap, sat teacher, satguru ki mat par chalne se hi tum shreshtha ban jaate ho। shareer to chhodna hi hai to kyon na ise eeshvareey, alaukik seva mein lagaakar baap se varsa le leven। baap kehte hain main ise lekar kya karoonga। main tumko svarga ki baadshaahi deta hoon। vahaan bhi main mahlon mein nahin rehta, yahaan bhi main mahlon mein nahin rehta hoon। gaate hain bam bam mahaadev.. bhar de meri jholi। parantu woh kab aur kaise jholi bharte, yeh koi bhi nahin jaante hain। jholi bhari thi to zaroor chaitanya mein the। 21 janma ke liye tum bade sukhi, saahookaar ban jaate ho। aise baap ki mat par kadam-kadam chalna chaahiye। badi manzil hai। agar koi kahe main nahin chal sakta। baba kahenge - tum phir baba kyon kehte ho! shreemat par nahin chalenge to bahut dande khaayenge। pad bhi bhrashta hoga। geet mein bhi suna - kehte hain mujhe aisi duniya mein le chalo jahaan sukh aur shanti ho। so to baap de sakta hai। baap ki mat par nahin chalenge to apne ko hi ghaata daalenge। yahaan koi kharche aadi ki baat nahin hai। aise thode hi kehte guru ke aage naariyal bataashe aadi le aao va school mein fee bharo। kuchh bhi nahin। paise bhal apne paas rakho। tum sirf knowledge padho। bhavishya sudhaar karne mein koi nuksaan to nahin hai। yahaan maatha bhi nahin tekna sikhaaya jaata। aadhaakalpa to tum paisa rakhte, maatha jhukaate-jhukaate kangaal ban pade ho। ab baap phir tumko le jaate hain shantidham। vahaan se sukhdhaam mein bhej denge। ab navayug, nai duniya aane vaali hai। navayug satayug ko kahenge phir kalaayen kamti hoti jaati hain। abhi baap tumko laayak bana rahe hain। naarad ka misaal....। agar koi bhi bhoot hoga to tum lakshmi ko var nahin sakenge। yeh to bachche tumhein apna ghar baar bhi sambhaalna hai aur service bhi karni hai। pahle yeh bhaage iseelie kyonki inhon par bahut maar padi। bahut atyaachaar hue। maar ki bhi inhon ko parvaah nahin thi। bhatthi mein koi pakke, koi kachche nikal gaye। drama ki bhaavi aisi thi। jo hua so hua phir bhi hoga। gaaliyaan bhi denge। sabse bade te badi gaali khaate hain parampita paramatma shiv। kah dete hain paramatma sarvavyaapi hai, kutte, billi, kachchha-machchha sabmen hai। baap kehte hain main to paropkaari hoon। tumko vishwa ka maalik banaata hoon। shreekrishna svarga ka prince hai na। unke liye phir kehte hain sarpa ne dasa, kaala ho gaya। ab vahaan sarpa kaise dasega। krishnapuri mein bhala kans kahaan se aaya? yeh sab hain danta kathaayen। bhakti maarga ki yeh saamagri hai, jisse tum neeche utarte aaye ho। baba to tumko gul-gul (phool) banaate hain। koi-koi to bahut bade kaante hain। O god father kehte hain, parantu jaante kuchh bhi nahin hain। father to hai parantu father se kya varsa milega, kuchh bhi maaloom nahin hai। behad ka baap kehte hain main tumko behad ka varsa dene aaya hoon। tumhaara ek hai laukik father, doosra hai alaukik prajaapita brahma, teesra hai paarlaukik shiv। tumko 3 father hue। tum jaante ho ham daade se brahma dvaara varsa lete hain, to shreemat par chalna pade, tab hi shreshtha banenge। satayug mein tum praalabdha bhogte ho। vahaan na prajaapita brahma ko, na shiv ko jaante ho। vahaan sirf laukik father ko jaante ho। satayug mein ek baap hai। bhakti mein hain do baap। laukik aur paarlaukik baap। is sangam par 3 baap hain। yeh baaten aur koi samjha na sake। to nishchay baithna chaahiye। aise nahin abhi-abhi nishchay phir abhi-abhi sanshay। abhi-abhi janma liya phir abhi-abhi mar jaana। mar gaya to varsa khatma। aise baap ko phaarakti nahin dena chaahiye। jitna nirantar yaad karenge, service karenge utna oonch pad paayenge। baap yeh bhi batlaate hain meri mat par chalo to bach jaayenge। nahin to khoob saja khaani padegi। sab saakshaatkaar karaayenge, yeh tumne paap kiya। shreemat par nahin chale। sookshm shareer dhaaran karaae saja di jaati hai। garbha jel mein bhi saakshaatkaar karaate hain। yeh paap karma kiya hai ab khaao saja। jhaad vriddhi ko paata jaayega। jo is dharma ke the aur-aur dharma mein ghus gaye hain, woh sab nikal aayenge। baaki apne-apne section mein chale jaayenge। alag-alag section hain। jhaad dekho kaise badhta hai। chhoti-chhoti taaliyaan nikalti jaayengi।

tum jaante ho meetha baba aaya hua hai hamko vaapis le jaane, isliye unko liberator kehte hain। duhkh harta sukh karta hai। guide ban phir sukhdhaam mein le jaayenge। kehte bhi hain 5 hajaar varsha pahle tumko sukh ke sambandh mein bheja tha। tumne 84 janma liye। ab baap se varsa le lo। shreekrishna ke saath to sabki preet hai। lakshmi-naaraayan se itni nahin, jitni krishna ke saath hai। manushyon ko yeh maaloom nahin hai। raadhe-krishna hi lakshmi-naaraayan bante hain। koi bhi is baat ko nahin jaante hain। ab tum jaante ho ki raadhe krishna alag-alag raajdhaani ke the phir svayanvar ke baad lakshmi-naaraayan bane। woh to krishna ko dvaapar mein le gaye hain। krishna ko patit-paavan koi kah na sake। regular padhne bigar oonch pad koi pa na sake। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni chalan bahut royal rakhni hai, bahut kam aur meetha bolna hai। sajaaon se bachne ke liye kadam-kadam par baap ki shreemat par chalna hai।

2) padhaai bahut dhyaan se achhi tarah padhni hai। maa baap ko follow kar takhtansheen, vaaris banna hai। krodh ke vash hokar duhkh nahin dena hai।

vardaan:- saadhaaran karma karte bhi shreshtha smriti va sthiti ki jhalak dikhaane vaale purooshottam sevaadhaari bhav

jaise asli heera kitna bhi dhool mein chhipa hua ho lekin apni chamak zaroor dikhaayega, aise aapki jeevan heere tulya hai। to kaise bhi vaataavran mein, kaise bhi sangathan mein aapki chamak arthaat woh jhalak aur phalak sabko dikhaai de। bhal kaam saadhaaran karte ho lekin smriti aur sthiti aisi shreshtha ho jo dekhte hi mahsoos karen ki yeh koi saadhaaran vyakti nahin hain, yeh sevaadhaari hote bhi purooshottam hain।

slogan:- sachcha raajarishi woh hai jiska sankalp maatra bhi kahaan par lagaav nahin hai।