बुधवार 4 मई 2022 की दैनिक मुरली

04-05-2022 praatahmurli om shanti "baapdaada"' madhuban

“meethe bachche - shreemat par pavitra bano to dharmaraaj ki sazaaon se chhoot jaayenge, heere jaisa banna hai to gyaan amrit piyo, vish ko chhodo''

prashn:- satayugi pad ka saara madaar kis baat par hai?

uttar:- pavitrata par। tumhein yaad mein rah pavitra zaroor banna hai। pavitra banne se hi sadgati hogi। jo pavitra nahin bante ve saja khaakar apne dharma mein chale jaate hain। tum bhal ghar mein raho parantu kisi dehdhaari ko yaad nahin karo, pavitra raho to oonch pad mil jaayega।

geet:- tumhein paake hamne jahaan pa liya hai…

om shanti। shiv bhagvaanuvaach aur koi ko bhi bhagwan nahin kaha jaata, ek niraakaar parampita paramatma ko hi shivbaaba kaha jaata hai। woh hai sabhi aatmaon ka baap। pahle-pahle yeh nishchay hona chaahiye - ham shivbaaba ke bachche zaroor hain। duhkh ke samay kehte hain paramatma sahaayta karo, raham karo। yeh bhi nahin jaante hain ki hamaari aatma paramatma ko yaad karti hai। aham aatma ka baap woh hai। is samay saari duniya hai patit aatmaon ki। gaate hain ham paapi neech hain, aap sampoorn nirvikaari hain। parantu phir bhi apne ko samajhte nahin hain। baap samjhaate hain ki jab tum kehte ho bhagwan baap ek hai to tum sab aapas mein bhaai-bhaai ho gaye। phir shareer ke naate sab bhaai behen thahre। shivbaaba ke bachche phir prajaapita brahma ke bhi bachche thahre। yeh tumhaara behad ka baap, teacher, guru hai। yeh kehte hain main tumko patit nahin banaata hoon। main to aaya hoon paavan banaane। agar meri mat par chalenge to। yahaan to sab manushya raavan mat par hain। sabmen 5 vikaar hain। baap kehte hain bachche ab nirvikaari bano, shreemat par chalo। parantu vikaaron ko chhodte hi nahin hain। to svarga ke maalik bante nahin। sab ajaamil jaise paapi ban gaye hain। raavan sampradaay hain, yeh shok vaatika hai, kitna duhkhi hain। baap aakar phir raamraajya banaate hain। to tum bachche jaante ho ki yeh sachcha-sachcha yuddha ka maidaan hai। geeta mein bhagwan kehte hain kaam mahaashatru hai, un par jeet pahno। so to pahante nahin hain। abhi baap baith samjhaate hain। tumhaari aatma in organs dvaara sunti hai phir sunaati hai, act aatma karti hai। ham aatma hain shareer dhaaran kar part bajaate hain। parantu manushya aatma-abhimaani ke badle deh-abhimaani ban pade hain। ab baap kehte hain dehi-abhimaani bano। satayug mein aatma-abhimaani rehte hain। paramatma ko nahin jaante hain। yahaan tum deh-abhimaani ho aur paramatma ko bhi nahin jaante ho isliye tumhaari aisi durgati ho gai hai। durgati ko bhi samajhte nahin। jinke paas dhan bahut hai woh to samajhte hain ham svarga mein baithe hain। baap kehte hain yeh sab gareeb ban jaate hain kyonki vinaash hona hai। vinaash hona to achha hai na। ham phir muktidhaam mein chale jaayenge, ismen to khush hona chaahiye। tum marne ke liye taiyaari kar rahe ho। manushya to marne se darte hain। baap tumko vaikuntha le chalne ke liye laayak bana rahe hain। patit to patit duniya mein hi janma lete rehte hain। svargavaasi koi bhi nahin hote। mool baat baap kehte hain pavitra bano। pavitra banne bigar pavitra duniya mein chal nahin sakenge। pavitrata par hi ablaaon par maar padti hai। vish ko amrit samajhte hain। baap kehte hain gyaan amrit se tumko heere jaisa banaata hoon, phir tum vish khaakar kaudi jaise kyon bante ho। aadhaakalpa tumne vish khaaya ab meri aagya maano। nahin to dharmaraaj ke dande khaane padenge। laukik baap bhi kehte hain bachche aisa kaam nahin karo jo kul ka naam badnaam ho। behad ka baap kehte hain shreemat par chalo। pavitra bano। agar kaam chita par baithe to tumhaara munh kaala to hai aur hi kaala ho jaayega। abhi tumko gyaan chita par bithaae gora banaate hain। kaam chita par baithne se svarga ka munh bhi nahin dekh sakenge isliye baap kehte hain ab shreemat par chalo। baap to bachchon se hi baat karenge na। bachche hi jaante hain - baap hamko svarga ka varsa dene aaye hain। kaliyug ab poora hona hai। jo baap ki shreemat par chalenge unki hi sadgati hogi। pavitra nahin banenge to saja khaakar apne dharma mein chale jaayenge। bhaaratvaasi hi svargavaasi the। ab patit ban pade hain। svarga ka pata hi nahin hai। to baap kehte hain tum meri shreemat par na chal auron ki mat par chal vikaar mein gaye to mare, phir bhal pichhaadi mein svarga mein aayenge parantu pad bahut halka paayenge। abhi jo saahookaar hain woh gareeb ban jaate hain। jo yahaan gareeb hain woh saahookaar banenge। baap gareeb-nivaaz hai। saara madaar pavitrata par hai। baap ke saath yog lagaane se tum paavan banenge। baap bachchon ko samjhaate hain main tumko raajayog sikhaata hoon। main gharbaar nahin chhudaata hoon। bhal ghar mein raho parantu vikaar mein mat jaao aur koi bhi dehdhaari ko yaad nahin karo। is samay sab patit hain। satayug mein paavan devta the। is samay woh bhi patit ban pade hain। punarjanma lete-lete ab antim janma ho gaya hai।

tum sab paarvatiyaan ho, tumko ab amarnaath baap amraktha suna rahe hain, amarpuri ka maalik banaane। to ab amarnaath baap ko yaad karo। yaad se hi tumhaare vikarma vinaash honge। baaki shiv, shankar va paarvati koi pahaadon par nahin baithe hain। yeh sab bhakti maarga ke dhakke hain। aadhaakalpa bahut dhakke khaaye hain, ab baba kehte hain main tumko svarga mein le jaaoonga। satayug mein sukh hi sukh hai। na dhakke khaate, na girte। mukhya baat hai hi pavitra rahne ki। yahaan jab bahut atyaachaar karte hain to paap ka ghada bhar jaata hai aur vinaash hota hai। ab ek janma pavitra bano to pavitra duniya ke maalik ban jaayenge। ab jo shreemat par chale। agar kalpa pahle shreemat par nahin chale hain to abhi bhi nahin chalenge, na pad paayenge। ek baap ke tum bachche ho। tum to aapas mein bhaai-behen ho gaye। parantu baap ka bankar agar gire to aur bhi rasaatal mein chale jaayenge aur hi paap aatma ban jaayenge। yeh hai eeshvareey government। agar meri mat par pavitra nahin banen to dharmaraaj dvaara bahut kadi saja khaani padegi। janma-janmaantar ke jo paap kie hain un sabki saja khaakar hisaab-kitaab chuktu karna hoga। ya to yogbal se vikarmon ko bhasma karna hoga ya to bahut kadi saja khaani padegi। kitne dher brahmaakumaar aur kumaariyaan hain, sab pavitra rehte hain, bhaarat ko svarga banaate hain। tum ho shiv shakti paandav sena, gop gopiyaan, ismen donon aa jaate hain। bhagwan tumko padhaate hain। lakshmi-naaraayan ko bhagavti bhagwan kehte hain। unhon ko zaroor bhagwan ne hi varsa diya hoga। bhagwan hi aakar tumko devta banaate hain। satayug mein yatha raaja raani tatha praja rehte hain। sab shreshthaachaari the, ab raavan raajya hai। agar raamraajya mein chalna hai to pavitra bano aur raam ki mat par chalo। raavan ki mat se to tumhaari durgati hoti hai। gaaya hua bhi hai kinki dabi rahegi dhool mein.... sona aadi jameen mein, deevaaron mein chhipaate hain। achaanak marenge to sab kuchh vahaan hi rah jaayega। vinaash to hona hi hai। arth quake aadi jab hoti hai to chor log bhi bahut nikal padte hain। ab dhani baap aaya hai, tumko apna banaakar vishwa ka maalik banaane। aajkal vaanaprastha avastha mein bhi vikaar bigar rah nahin sakte, bilkul hi tamopradhaan ho gaye hain। baap ko pahchaante hi nahin। baap kehte hain main pavitra banaane aaya hoon। agar vikaar mein jaayenge to badi kadi saja khaani padegi। main pavitra banaae pavitra duniya sthaapan karne aaya hoon। tum phir patit ban vighna daalte ho! svarga ki rachna karne mein baadha daalte ho, to bahut kadi saja khaani padegi। main aaya hoon tumko svargavaasi banaane ke liye। agar vikaar nahin chhodge to dharmaraaj dvaara bahut maare jaayenge। bahut traahi-traahi karni padegi। yeh indra sabha hai। kahaani hai na - vahaan gyaan pariyaan theen, kisi patit ko le aai to unka vibration aata tha। yahaan sabha mein kisi patit ko nahin bithaaya jaata hai। pavitrata ki pratigya karne bigar bithaaya nahin jaata, nahin to phir le aane vaale par bhi dosh pad jaata hai। baap to jaante hain phir bhi le aate hain to shiksha di jaati hai। shivbaaba ko yaad karne se aatma shuddh ho jaati hai। vaayumandal mein silence ho jaati hai। baap hi baith parichay dete hain ki main tumhaara baap hoon। 5 hajaar varsha pahle muaaphik tumko manushya se devta banaane aaya hoon। behad ke baap se behad sukh ka varsa lena hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog bal dvaara vikarmo ke sab hisaab-kitaab chuktu kar aatma ko shuddh aur vaayumandal ko shant banaana hai।

2) baap ki shreemat par sampoorn paavan banne ki pratigya karni hai। vikaaron ke vash hokar svarga ki rachna mein vighna roop nahin banna hai।

vardaan:- man-buddhi ki svachchhata dvaara yathaartha nirnay karne vaale saphalta sampanna bhav

kisi bhi kaarya mein saphalta tab praapta hoti hai jab samay par buddhi yathaartha nirnay deti hai। lekin nirnay shakti kaam tab karti hai jab man-buddhi svachchha ho, koi bhi kichda na ho। isliye yog agni dvaara kichde ko khatma kar buddhi ko svachchha banaao। kisi bhi prakaar ki kamjori - yeh gandagi hai। jara sa vyartha sankalp bhi kichda hai, jab yeh kichda samaapta ho tab bephikra rahenge aur svachchha buddhi hone se har kaarya mein saphalta praapta hogi।

slogan:- sada shreshtha aur shuddh sankalp emerge rahen to vyartha svatah merge ho jaayenge।

maateshvari ji ke madhur mahaavaakya

is kaliyugi sansaar ko asaar sansaar kyon kehte hain? kyonki is duniya mein koi saar nahin hai maana koi bhi vastu mein woh taakat athva sukh, shanti, pavitrata nahin hai। is srishti par koi samay sukh shanti pavitrata thi, abhi woh nahin hai kyonki abhi har ek mein 5 bhooton ki praveshta hai isliye hi is srishti ko bhay ka saagar athva karmabandhan ka saagar kehte hain, ismen har ek duhkhi ho paramatma ko pukaar rahe hain, paramatma hamko bhav saagar se paar karo, isse siddha hai ki jarur koi abhay arthaat nirbhayta ka bhi sansaar hai jismen chalna chaahte hain isliye is sansaar ko paap ka saagar kehte hain, jisse paar kar punya aatma vaali duniya mein chalna chaahte hain। to duniyaayen do hain, ek satayugi saar vaali duniya, doosri hai kaliyugi asaar ki duniya। donon duniyaayen is srishti par hoti hain।

manushya kehte hain he prabhu humein is bhav saagar se us paar le chalo, us paar ka matlab kya hai? log samajhte hain us paar ka matlab hai janma maran ke chakra mein na aana arthaat mukta ho jaana। ab yeh to hua manushyon ka kehna parantu paramatma kehte hain bachchon, sachmuch jahaan sukh shanti hai, duhkh ashaanti se door hai, us duniya mein main tumko le chalta hoon। jab tum sukh chaahte ho to zaroor vo is jeevan mein hona chaahiye। ab vo to satayugi vaikuntha ke devtaaon ki duniya thi, jahaan sarvada sukhi jeevan thi, un devtaaon ko amar kehte the। ab amar ka bhi koi arth nahin hai, aise to nahin devtaaon ki aayu itni badi thi jo kabhi marte nahin the, ab yeh kehna unhon ka wrong hai kyonki aise hai nahin। unki aayu koi satayug treta tak nahin chalti hai, parantu devi devtaaon ke janma satayug treta mein bahut hue hain, 21 janma to unhonne achha raajya chalaaya hai aur phir 63 janma dvaapar se kaliyug ke ant tak total unhon ke janma chadhti kala vaale 21 hue aur utarti kala vaale 63 hue, total manushya 84 janma lete hain। baaki yeh jo manushya samajhte hain ki manushya 84 laakh yoniyaan bhogte hain, yeh kehna bhool hai। agar manushya apni yoni mein sukh duhkh donon part bhog sakte hain to phir jaanvar yoni mein bhogne ki jarurat hi kya hai। baaki total srishti par jaanvar pashu, panchhi aadi 84 laakh yoniyaan ho sakti hain kyonki anek kisma ki paidaais hai। lekin manushya, manushya yoni mein hi apna paap punya bhog rahe hain aur jaanvar apni yoniyon mein bhog rahe hain। na manushya jaanvar ki yoni leta aur na jaanvar manushya yoni mein aata hai। manushya ko apni yoni mein hi bhogna bhogni padti hai, isliye use manushya jeevan mein hi sukh, duhkh ki mahsoosta hoti hai। aise hi jaanvar ko bhi apni yoni mein sukh duhkh bhogna hai। magar unhon mein yeh buddhi nahin ki yeh bhogna kis karma se hui hai? unhon ki bhogna ko bhi manushya feel karta hai kyonki manushya hai buddhivaan, baaki aise nahin manushya koi 84 laakh yoniyaan bhogte hain। yeh to manushyon ko daraane ke liye kah dete hain, ki agar galat karma karoge to pashu yoni mein janma milega। ham bhi abhi is sangam samay par apni jeevan ko paltaae paapaatma se punyaatma ban rahe hain। achha - om shanti।