शुक्रवार 13 मई 2022 की दैनिक मुरली

13-05-2022 praatahmurli om shanti "baapdaada"' madhuban

“meethe bachche - baap ne roodra gyaan yagya racha hai - tum brahman is yagya ki sambhaal karne vaale ho isliye tumhein pavitra zaroor rehna hai''

prashn:- ant samay mein baap kin bachchon ko sahaayta dete hain?

uttar:- jo achhi reeti service karte hain unhein ant mein jab bahut aaphten aayengi us samay sahaayta milegi। zaroor jo baap ke madadgaar bane, baap unhein madad karenge।

prashn:- wonderful mukhda kaun sa hai? uska yaadgaar kis roop mein hai?

uttar:- shivbaaba jise apna mukhda nahin, woh jab is mukhde ka aadhaar lete hain to yeh ho jaata hai wonderful mukhda isliye tum bachche sammukh mukhda dekhne ke liye aate ho। iska yaadgaar runda maala mein mukhda dikhaate hain।

geet:- kitna meetha kitna pyaara…

om shanti। behad ka baap kehte hain main ek hi baar 5 hajaar varsha baad bachchon ka mukhda dekhta hoon। baap ko apna mukhda to hai nahin। shivbaaba bhi puraane shareer ka loan lete hain। to tum baapdaada donon ka mukhda dekhte ho। tab kehte hain baapdaada ka yaadapyaar sveekaar ho। ab runda maala bachchon ne dekhi hai, unmein mukhda dikhlaate hain। runda maala banaai jaati hai to shiv-baba ka bhi aise mukhda dekhenge। yeh koi ko pata nahin hai ki shivbaaba bhi aakar shareer ka loan lete hain। shivbaaba is brahma mukh se bolte hain। to yeh unka mukh ho gaya na। is samay ek hi baar baap aakar bachchon ka mukhda dekhte hain। bachche jaante hain shivbaaba ne yeh mukhda kiraaye par loan liya hua hai। aise baap ko apna makaan kiraaye par dene se kitna phaayda hota hai। pahle-pahle inke kaan sunte hain। bhal phat se tum sunte ho parantu to bhi sabse najdeek inke kaan hain। tumhaari aatma to door baithi hai na। aatma kaan dvaara sunengi to thoda farka rehta hai। tum bachche yahaan aate ho sammukh mukhda dekhne। yeh hai wonderful mukhda। shivraatri manaate hain to zaroor shivbaaba jo niraakaar hai woh yahaan aakar pravesh karte hain to unka bhi yeh bhaarat desh hua। bhaarat hai avinaashi parampita paramatma ka birth place। parantu unka birth anya manushyon sadrishya nahin hai। svayan kehte hain main aakar inmen pravesh karta hoon aur phir bachchon ko gyaan sunaata hoon aur sabhi aatmaon ka apna-apna shareer hai। mera koi shareer nahin hai। shiv ka hamesha ling roop dikhaayenge। roodra yagya jab rachte hain to mitti ke gol-gol ling banaate hain। saaligraam chhote-chhote banaate hain, shivling bada banaate hain। vaastav mein chhote bade hain nahin। sirf dikhaane ke liye ki woh baap hai, woh bachche hain। pooja bhi donon ki alag-alag karte hain। samajhte bhi hain woh shiv hai, woh saaligraam hai। aise to nahin kehte sabhi shiv hi shiv hain। nahin, shivling bada banaate hain aur saaligraam chhote-chhote banaate hain। yeh sab bachche hain unke saath। baba ne samjhaaya hai in saaligraamon ki pooja kyon karte hain? kyonki tum sab aatmaayen ho na। tum is shareer ke saath bhaarat ko shreshthaachaari bana rahe ho। shivbaaba ki shreemat saaligraam le rahe hain। yeh bhi gyaan yagya racha hua hai - roodra shivbaaba ka। shivbaaba bolte hain, saaligraam bhi bolte hain। yeh amraktha, satya naaraayan ki katha hai। manushya ko nar se naaraayan banaate hain। sabse oonch pooja unki hui na। aatma koi bahut badi nahin hai। bilkul bindi misal hai। unmein kitna knowledge hai, kitna part bhara hua hai। itni chhoti si aatma kehti hai main shareer mein pravesh kar part bajaata hoon। shareer kitna bada hai। shareer mein aatma pravesh hone se chhotepan se hi part bajaane lag padti hai। anaadi avinaashi part mila hua hai। shareer to jad hai। unmein jab chaitanya aatma pravesh karti hai, unke baad garbha mein sajaayen khaane lagti hai। sajaayen bhi kaise khaati hai। bhinna-bhinna shareer dhaaran kar, jis-jis ko jis roop se duhkh diya hai to woh saakshaatkaar karte jaate hain। danda milta jaata hai। traahi-traahi karte hain, isliye garbha jel kehte hain। drama kaise achha bana hua hai। kitna part bajaate hain। aatma anjaam (vaayda) karti hai। main kabhi paap nahin karoongi। itni chhoti aatma ko kitna avinaashi part mila hua hai। 84 janmon ka part bajaakar phir repeat karte hain। wonder hai na। yeh baap baith samjhaate hain। bachche bhi samajhte hain - yeh to yathaartha baat hai। itni chhoti bindi mein kitna part hai। aatma ka bahuton ko saakshaatkaar hota hai। gaate bhi hain aatma star hai jo is bhrakuti ke beech mein rehti hai। kitna part bajaati hain, isko kaha jaata hai kudrat। tum to jaante ho ham aatma ek shareer chhod doosra lete hain। kitna part bajaate hain। hamko baba aakar samjhaate hain। kitni oonch knowledge hai। duniya mein koi ko yeh knowledge nahin hai। yeh bhi to manushya tha na, inmen ab baap ne pravesh kiya hai। aise nahin ki guru gosaai ka chela hoga। usse riddhi siddhi seekhe hain। koi-koi samajhte hain guru ka vardaan athva guru ki shakti mili hui hai। yeh to baaten hi nyaari hain। sammukh sunne se tumko bahut maja aata hai। jaante ho hamko baba sammukh samjha rahe hain। baba bhi itna chhota hai, jitna ham aatma chhoti hain। unko kaha jaata hai - parampita paramatma, param maana supreme। pare te pare paramdham mein rahne vaale। pare te pare tum bachche bhi rehte ho। baap kitni maheen baaten sunaate hain। shurooaat mein thode hi samjhaate the। dinapratidin tum bachchon ko kitni gambheer knowledge milti rehti hai। kaun dete hain? oonch te oonch bhagwan। woh aakar kehte hain bachche.. aatma kaise organs dvaara baat karti hai। kehte bhi hain vo bhrakuti ke beech chamakti hai। parantu sirf kahne maatra kehte hain, kiski buddhi mein nahin aata hai। kisko yeh knowledge hai nahin jo samjhaave। tumhaare mein bhi yeh baaten bahut kam samajhte hain। jo samajhte hain woh achhi reeti phir dhaaran karte hain aur phir dhaaran karaate hain arthaat varnan karte hain। parampita paramatma kehte ho to pita se zaroor varsa milna chaahiye na। svarga ke maalik hone chaahiye। unhon ko zaroor baap se svarga ka varsa mila hoga। kahaan varsa diya? kya satayug mein diya? zaroor past ke karma hain। abhi tum karmo ki theory ko samajhte ho। tumko baba aise karma sikhlaate hain jisse tum aise ban sakte ho। jab tum brahma mukh vanshaavli bane ho tab shivbaaba brahma mukh se tumko yeh knowledge sunaate hain। kitna raat-din ka farka hai। kitna ghor andhiyaara ho gaya hai। koi bhi baap ko jaante nahin, jisse roshni mile। kehte hain ham actors part bajaane aaye hain, is karmakshetra par। parantu ham kaun hain, hamaara baba kaun hai - kuchh bhi pata nahin। srishti chakra kaise phirta hai, kuchh bhi nahin jaante। gaaya bhi hua hai ahilyaayen, kubjaayen, ganikaayen jo hain unko aakar padhaate hain। pradarshani mein bahut bade-bade aadmi bhi aate hain। parantu unki takdeer mein hai nahin। baap hai hi gareeb nivaaj। 100 mein se mushkil koi ek saahookaar niklega। so bhi oonch pad paane ka purushaartha koi virla hi karte hain। tum ho gareeb। maataaon ke paas bahut paise aadi thode hi rehte hain। kanyaaon ke paas kahaan se aaye। woh to phir bhi half partner hain। kanya ko to kuchh bhi milta nahin hai। woh vahaan chali jaati hai half partner banti hai, varsa nahin le sakti hai। bachche to full maalik hote hain। to aisi kanyaaon ko hi pahle-pahle baap apna banaate hain। ek to padhaai ki brahmachaari life hai, gareeb hain, pavitra hain, inki hi pooja hoti hai। hain saari is samay ki baaten। is samay tumhaari act chalti hai jo phir pooji jaati hai। shiv jayanti bigar krishna jayanti ho na sake। tum jaante ho shiv jayanti phir krishna ki, raam ki jayanti। shiv jayanti se jagat amba, jagat pita ka bhi janma hota hai। to zaroor jagat ka hi varsa milega। saare jagat ka maalik tum bante ho। jagat maata hai jagat ki maalik। jagat amba ka bahut mela lagta hai। brahma ko itna nahin poojte hain। to baap maataaon ko aage rakhte hain। shiv shaktiyaan maataaon ko sabne thokren maari hain, khaas patiyon ne। yeh to patiyon ka pati hai। kanyaaon ko samjhaate hain, yeh jagat amba ki bachchiyaan master jagat amba hui na। yeh bachchiyaan bhi maa jaise kaarya kar rahi hain।

mama misal tum bhi trikaaldarshi ho। mel female donon hain। pravritti maarga hai na। majority maataaon ki hai। naam bhi inhon ka baala hai। brahma ka itna baala nahin hai। saarsiddha brahman brahma ko poojte hain। do prakaar ke brahman hote hain - saarsiddha aur pushkarni। shaastra sunaane vaale alag hote hain। yeh sab baaten baap baith samjhaate hain। kaise yeh chakra phirta hai। kaise main aata hoon। vaayda to hai na ki main phir se 5 hajaar varsha ke baad gyaan sunaaoonga। geet mein bhi hai na। jo past ho jaata hai vo phir bhakti maarga mein gaaya jaata hai। yeh to anaadi drama hai। kabhi shoot nahin hota, inka koi aadi-madhya-ant nahin hai। chalta hi aata hai। baap aakar samjhaate hain - yeh drama kaise chalta hai। 84 janma tumko hi bhogna padta hai। tum hi brahman, devta, kshatriy aadi varna mein aate ho। shivbaaba aur brahman donon ko gum kar diya hai। brahma dvaara tum brahman bante ho। brahman hi yagya sambhaalte hain। patit to yagya ki sambhaal kar na saken। yagya jab rachte hain to vikaar mein nahin jaate। yaatra par bhi vikaar mein nahin jaate hain। tum ho roohaani yaatra par, to vikaar mein ja nahin sakte ho। nahin to vighna pad jaayega। tumhaari hai roohaani yaatra। baba kehte hain main aata hoon tum bachchon ko le jaane। machchharon sadrishya le jaaoonga। vahaan ham aatmaayen rehti hain। woh hai paramdham, jahaan aatmaayen nivaas karti hain। phir ham aate hain devta, kshatriy, vaishya, shoodra bante hain। abhi phir brahman bane hain। jo brahman banega vahi svarga mein chalega। vahaan bhi jhoolon mein jhoolte hain na। vahaan to tum ratan-jadit jhoolon mein jhoolenge। shreekrishna ka jhoola kitna achha shrringaarte hain। unke saath sabka pyaar hai। gaate hain na - bhajo raadhe govinda chalo vrindaavan.. abhi tum practical mein vahaan chalne ke liye taiyaar ho rahe ho। jaante ho hamaari manokaamnaayen poori hoti hain। abhi tum eeshvareey puri mein chalte ho। jaante ho baba sabko kaise le jaate hain। makkhan se baal। baap tumko koi bhi takleeph nahin dete hain। kaise sahaj baadshaahi dete hain। baap kehte hain jahaan chalna hai us apni krishnapuri ko yaad karo। pahle-pahle zaroor baba tumko ghar le jaayega। phir vahaan se bhej denge svarga mein। abhi tum shreekrishnapuri mein ja rahe ho via shantidham। jaise via dehli jaana hota hai। ab samajhte ho vaapis jaate hain, phir aayenge krishnapuri mein। ham shreemat par chal rahe hain to baap ko yaad karna hai, pavitra banna hai। yaatra par hamesha pavitra rehte hain। padhaai bhi brahmacharya mein padhte hain। pavitrata zaroor chaahiye। baap phir bhi bachchon ko purushaartha karaate hain। is samay ka purushaartha tumhaara kalpa-kalpa ka ban jaayega। purushaartha to karna chaahiye na। yeh school hai bahut bada to zaroor padhna chaahiye। bhagwan khud padhaate hain। ek din bhi miss nahin karna chaahiye। most valuable padhaai hai। yeh baba kabhi bhi miss nahin karega। yahaan tum bachche sammukh khajaane se jholi bhar sakte ho। jitna padhenge utna nasha chadhega। bandhan nahin hai to phir thahar sakte hain। parantu maaya aisi hai jo bandhan mein baandh deti hai। bahut hain jinko chhutti bhi milti hai। baba kehte hain poora refresh ho jaao। baahar jaane se phir woh nasha nahin rehta hai। bahuton ko sirf murli padhne se bhi nasha chadh jaata hai। badi aaphten aani hain। madad unko milegi jo madadgaar banenge, achhi reeti service karenge। to unko ant mein sahaayta bhi to milti hai na। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai most valuable hai। svayan bhagwan padhaate hain isliye ek din bhi miss nahin karni hai। gyaan khajaane se roz jholi bharni hai।

2) yeh padhaai ka samay hai, yaatra par chal rahe hain। roodra yagya ki sambhaal karni hai, isliye pavitra zaroor rehna hai। kisi bhi vikaar ke vash ho vighna nahin daalna hai।

vardaan:- bhaagyavidhaata baap dvaara mile hue bhaagya ko baantane aur badhaane vaale khushanseeb bhav

sabse badi khushanseebi yeh hai - jo bhaagyavidhaata baap ne apna bana liya! duniya vaale tadaphte hain ki bhagwan ki ek second bhi najar pad jaae aur aap sada naynon mein samaaye hue ho। isko kaha jaata hai khushanseeb। bhaagya aapka varsa hai। saare kalpa mein aisa bhaagya abhi hi milta hai। to bhaagya ko badhaate chalo। badhaane ka saadhan hai baantana। jitna auron ko baantenge arthaat bhaagyavaan banaayenge utna bhaagya badhta jaayega।

slogan:- nirvighna aur ekras sthiti ka anubhav karna hai to ekaagrata ka abhyaas badhaao।