शुक्रवार 27 मई 2022 की दैनिक मुरली

27-05-2022 praatahmurli om shanti "baapdaada"' madhuban

“meethe bachche - vichaar saagar manthan kar bhaarat ki history-geography aur nai duniya ka sanvat siddha kar bataao to kalpa ki aayu siddha ho jaayegi''

prashn:- tum bachchon ko abhi kaun si dhun lagi hui hai jo manushyon se bhinna hai?

uttar:- tumhein dhun hai ki vishwa ka beda jo dooba hua hai use ham salvage karen। sabko sachchi-sachchi satya naaraayan ki katha va amraktha sunaayen jisse sabki unnati ho। itne bade-bade mahal, bijli aadi sab kuchh hai parantu unhein yeh pata nahin hai ki yeh sab artificial jhoothi unnati hai। sachchi unnati to satayug mein thi, jo ab baap aakar karte hain।

geet:- aakhir woh din aaya aaj…

om shanti। gareebnivaaz aaya to sahi, parantu koi sahi tithi taareekh nahin likhte hain। koi date, sanvat to hona chaahiye na। jaise bataate hain ki aaj phalaani taareekh, phalaana maas, phalaana sanvat hai। gareeb nivaaz kab aaya? yeh likha nahin hai। jaise lakshmi-naaraayan satayug aadi mein the to unka bhi sanvat hona chaahiye। inka phalaane savant mein raajya tha। lakshmi-naaraayan ka bhi sanvat hai aur bhi sabke apne-apne sanvat hain। guroonaanak ka bhi likha hoga ki phalaane sanvat mein janma liya। sanvat bigar pata nahin padta। yeh lakshmi-naaraayan bhaarat mein raajya karte the, to zaroor sanvat hona chaahiye, inka sanvat maana svarga ka sanvat। lakshmi-naaraayan ne satayug mein raajya kiya, kis sanvat se kis sanvat tak kahen, to bhi 5 hajaar varsha hi kahenge। geeta jayanti ka thoda farka karna padta hai। shiv jayanti aur geeta jayanti mein farka nahin hai। krishna jayanti ka farka padega। lakshmi-naaraayan ka vahi sanvat likhna hoga। yeh bhi vichaar saagar manthan karna hota hai। public ko yeh kaise bataayen। lakshmi-naaraayan ka kyon nahin sanvat dikhaate hain। vikram sanvat dikhaate hain, baaki vikarmaajeet sanvat kahaan! abhi tum bachchon ko achhi tarah maaloom hai। bhaarat ki history-geography nai duniya ka sanvat bhi dikhaana chaahiye। nai duniya mein raajya tha aadi sanaatan devi-devtaaon ka, to unka sanvat bhi kahenge। hisaab karenge to unko 5 hajaar varsha hua। yeh siddha kar bataane se kalpa ki aayu siddha ho jaayegi aur laakhon varsha jo likha hai woh jhootha ho jaayega। yeh baaten baap aakar samjhaate hain। jo manushya srishti ka beejroop hai, srishti ke aadi madhya ant ko jaanne vaala hai। lakshmi-naaraayan ki dynasty ko 5 hajaar varsha hua aur 3750 varsha hue raam-seeta ko, phir aage unki dynasty chali। phir vikram sanvat shuru hota hai। vikram raaja ka jo sanvat hai woh bhi right nahin hai, beech mein kuchh varsha gum hain। hona chaahiye 2500 varsha। islaami, bauddhi ka bhi thoda samay peechhe shuru hota hai। inhonne do hajaar varsha se apna sanvat diya hai।

tum jaante ho ham sabhi devi-devta the, jo chakra lagaakar ab brahman bane hain। yeh history-geography achhi tarah samjhaani hai। brahman se phir devta bante hain। history-geography samajhte ho to sanvat bhi samajhna pade। seedhi ke chitra mein sanvat likha hua hai। bhaarat ka sanvat hi gum ho gaya hai। jo poojya the, unka sanvat hi gum kar diya hai। pujaariyon ka sanvat shuru ho gaya hai। dekho, ashok pillar kehte hain। dvaapar mein ashok (shok rahit) to koi hai nahin। ashok pillar to aadhaakalpa satayug treta tak chalta hai। unki yeh mahima hai। shok pillar ki mahima nahin hai। yahaan to duhkh hi duhkh hai। ashoka hotel naam rakha hai, parantu hai nahin। aadhaakalpa kshanbhangur sukh ko ashok kah dete hain। yahaan ashok kuchh hai nahin। maas-madira, ganda khaate rehte hain। kuchh bhi samajhte nahin ki ham duhkhi kaise hue? kaaran kya hai?

abhi tum samajhte ho yeh baaten sunenge vahi jo kalpa pahle svarga mein sukhi the। jo vahaan the nahin, woh sunenge bhi nahin। jinhonne bhakti poori ki hogi woh kuchh na kuchh aakar shiksha lenge। knowledge ko sunkar log khush honge। chitra bhi clear hain। sanvat bhi likha hua hai। brahma vishnu ka janma bhi to yahaan hona chaahiye। baaki shankar to sookshm vatan ka hai aur shiv hai mool vatan mein। sookshm, mool ko bhi jaante nahin, isliye shiv shankar ko mila diya hai। shiv hai parampita paramatma, shankar hai devta। donon ko mila na saken। abhi tum bachchon ko kitni samajh mili hai। kitna nasha chadhta hai। raat-din yahi taat lagi rahe ki logon ko kaise samjhaaven। besmajh ko hi samjhaaya jaata hai। tum samajhte ho ki bhaarat pahle kya tha phir downfall kaise hua hai। duniya to samajhti hamne bahut unnati ki hai। aage to itne bade mahal, bijli aadi kuchh nahin tha। abhi to bahut unnati mein ja raha hai kyonki unhon ko to yeh pata hi nahin hai ki yeh artificial jhoothi hai। sachchi unnati to satayug mein thi। yeh samjhaana hai, ve apni dhun mein hain, tumhaari dhun apni hi hai। tumko khushi hai to vishwa ka beda jo dooba hua tha, unko ham baba ki knowledge dvaara salvage kar rahe hain। baba humein satya naaraayan ki katha va amar katha phir se sunaate hain। bhakti maarga mein to anek kathaayen sunaate hain। tum samajhte ho ki ve sab jhoothi kathaayen hain jisse koi phaayda nahin। yeh shaastra aadi padhte aaye hain phir bhi srishti to tamopradhaan hoti hi jaati hai। seedhi utarte aaye phaayda kya hua? sikkha logon ka bhi mela lagta hai। vahaan taalaab mein snaan karte hain। woh ganga jamuna aadi ko nahin maante hain। kumbha ke mele par sikkha log nahin jaate hain। woh apne taalaab par jaate honge। unka phir khaas programme hota hai। kabhi unko saaph karne bhi jaate hain। satayug mein to yeh baaten hoti nahin। satayug mein to nadiyaan aadi bilkul saaph ho jaayengi। vahaan kabhi ganga, jamuna mein ganda, kichda nahin padta। vahaan ke ganga jal aur yahaan ke ganga jal mein raat-din ka farka hai। yahaan to bahut kichda padta hai। vahaan to har ek cheez first class hoti hai।

tum bachchon ko ab bahut khushi hai ki hamaari raajdhaani aisi hogi। ham phir se 5 hajaar varsha baad shreemat par svarga ki sthaapna kar rahe hain। naam hi hai svarga, baikuntha, jismen lakshmi-naaraayan ka raajya tha। shantidham athva nirvaandhaam ek hi hai। tum jaante ho ki ham shantidham mein kaise rehte hain। oopar mein hai shivbaaba phir brahma-vishnu-shankar, phir devtaaon ki maala phir kshatriy, vaishya, shudra। niraakaari jhaad se aatmaayen nambarvaar aati rehti hain। jo satayug mein aane vaale nahin hain, ve padhne ke liye kabhi aayenge nahin। hindu dharma hi jaise alag ho pada hai। kisko pata nahin ki aadi sanaatan devi-devta dharma tha। woh dharma kaise aur kab sthaapan hua, kisko pata nahin hai। tumko yeh knowledge ab di gai hai ki doosron ko bhi samjhaao। chitra to bahut sahaj hain। koi ko bhi samjha sakte ho ki inhonne yeh raajya kab aur kaise liya? aur kitna samay tak raajya kiya? raam-seeta ka bhi hona chaahiye ki phalaane sanvat se phalaane sanvat tak inhonne raajya kiya। peechhe phir patit raajaayen shuru ho jaate hain। yeh devtaayen hain mukhya, jinki pooja hoti hai। vaastav mein mahima saari ek poojya ki honi chaahiye। bhakti maarga mein to sabko poojte rehte hain। apne-apne samay par har ek ki mahima hoti hai। mandiron mein jaakar pooja aadi karte hain, parantu unko jaante bilkul hi nahin। abhi tum samjhaate ho to sunkar khush hote hain, tab to centres kholte hain। samajhte hain ki is knowledge se ham so devta banenge। baap ne gareebon ko aakar saahookaar banaaya hai। baap aakar bachchon ko samjhaate hain, bachche phir auron ko samjhaakar unhon ka bhaagya kholen। world ki history-geography abhi tum baap dvaara sunte ho। woh samajhne se tum sab kuchh jaan jaate ho। world ki history-geography to zaroor world ka rachayita beejroop hi sunaayenge। vahi knowledgeful hai। woh hai niraakaar shiv। dehdhaari ko bhagwan rachayita kah nahin sakte। niraakaar hi sabhi aatmaon ka pita hai। woh baith aatmaon ko samjhaate hain। main paramdham mein rahne vaala hoon। abhi main is shareer mein aaya hoon। main bhi aatma hoon। main beejroop, knowledgeful hone kaaran tum bachchon ko samjhaata hoon। ismen aasheervaad, kripa aadi ki koi baat nahin hai। na alpakaal sukh ki baat hai। alpa-kaal ka sukh to log de dete hain। ek ko kuchh phaayda hua to bas naam chadh jaata hai। tumhaari praapti to 21 janma ke liye hai। so to sivaae baap ke aisi praapti koi kara na sake। 21 janmon ke liye nirogi kaaya koi bana na sake। bhakti maarga mein manushyon ko thoda bhi sukh milta hai to khush ho jaate hain। yahaan to 21 janma ke liye praalabdha paate hain। to bhi bahut hain jo purushaartha nahin karte। unhon ki takdeer mein nahin hai। tadbeer to sabhi ko ek samaan hi karaate hain। us padhaai mein to kabhi alag teacher bhi mil jaate hain। yeh to ek hi teacher hai। bhal tum khaas baith samjhaate honge। lekin knowledge to ek hai, sirf har ek ke uthaane par madaar hai। yeh bhi ek kahaani hai, jismen saara raaz aa jaata hai। baba satya naaraayan ki katha sunaate hain। tum ange akhre (tithi-taareekh) sab suna sakte ho। koi-koi satya naaraayan ki katha sunaane vaale naameegraami honge। unko saari katha kantha ho jaati hai। tum phir yeh sachchi satya naaraayan ki katha kantha kar lo। bahut sahaj hai। baap pahle to kehte hain manmanaabhav, phir baith history samjhaao। in lakshmi-naaraayan ka to sanvat bata sakte ho na। aao to ham aapko samjhaaven ki baap kaise sangamayug par aata hai। brahma tan mein aakar sunaate hain। kisko? brahma mukhvanshaavli ko। jo phir devta bante hain, 84 janma ki kahaani hai। brahman so devta bante hain। poori knowledge hai, yeh sunkar phir baithkar repeat karo to buddhi mein sab aa jaayega ki ham devta the phir aise chakra lagaaya। yeh hai satya naaraayan ki katha। kitni sahaj hai, kaise raajya liya phir kaise gavoya .. kitna samay raajya kiya। lakshmi-naaraayan aur unka kul, gharaana tha na। sooryavanshi gharaana, phir chandravanshi gharaana phir sangam par baap aakar shoodravanshiyon ko brahman vanshi banaate hain। yeh sachchi-sachchi katha tum sun rahe ho। satayug mein lakshmi-naaraayan ke heere javaahron ke mahal the। abhi to kya hai। baap ne yeh to katha sunaai hai na।

ab baap kehte hain ki mujhe yaad karo to khaad nikal jaayegi। jitna khaad niklegi utna oonch pad paayenge। nambarvaar samajhte hain। baba jaante hain ki kaun-kaun achhi reeti buddhi mein dhaaran kar sakte hain। samjhaane mein koi takleeph nahin hai। bilkul sahaj hai। manushya se devta banna to mashhoor hai। ghadi-ghadi yahi satya naaraayan ki katha sunaate raho। woh hai jhoothi, yeh hai sachchi। centre par bhi satya-naaraayan ki katha sunaate raho va murli sunaate raho to bahut sahaj hai। koi bhi centre chala sakte hain। parantu phir lakshan bhi achhe chaahiye। ek do mein loonpaani nahin hona chaahiye। aapas mein meethe hokar nahin chalte hain to aabru (ijjat) ganvaate hain। baap kehte hain ki meri ninda karaayenge to oonch pad nahin pa sakenge। un gurooon ne phir apne liye kah diya hai। ab to woh koi thaur bataate nahin। thaur bataane vaala to ek hi hai, uski ninda karaayenge to nuksaan ke bhaagi ban jaayenge। phir pad bhi bhrashta ho padta hai। kaala munh karte hain to apni satyaanaash karte hain। aise bhi hain jo haar kha lete hain phir koi to sachchaai se likhte hain, koi jhooth bhi bolte hain। agar sachchi katha sunaate rahen to buddhi se jhooth nikal jaaye। aisi chalan nahin chalni chaahiye jisse baap ki ninda ho। jinki aisi avastha hai woh jahaan bhi jaate hain to aisi hi chalan chalte hain। khud bhi samajhte hain ki ham sudhar nahin sakenge to phir raay di jaati hai - ghar grihastha mein raho, jab dhaarna ho jaaye tab phir service karna। ghar mein rahenge to tumhaare oopar itna paap nahin chadhega। yahaan phir aisi common chalan chalte hain to ninda kara dete hain, isse to grihastha vyavhaar mein kamal phool samaan rehna achha hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar se jhooth nikal jaaye uske liye sada satya naaraayan ki katha sunni aur sunaani hai। kabhi aisi chalan nahin chalni hai jo baap ki ninda ho।

2) aapas mein bahut meetha hokar rehna hai, kabhi loonpaani nahin hona hai। achhe lakshan dhaaran kar phir seva karni hai।

vardaan:- brahman jeevan mein badhaaeeyon ki paalna dvaara sada vriddhi ko praapta karne vaale padmaapdam bhaagyavaan bhav

sangamayug par vishesh khushiyon bhari badhaaeeyon se hi sarva brahman vriddhi ko praapta kar rahe hain। brahman jeevan ki paalna ka aadhaar badhaaeeyaan hain। baap ke swaroop mein har samay badhaaeeyaan hain, shikshak ke swaroop mein har samay shaabaas-shaabaas ka bol paas with honour bana raha hai, sadguru ke roop mein har shreshtha karma ki duaayen sahaj aur mauj vaali jeevan anubhav kara rahi hain, isliye padmaapdam bhaagyavaan ho jo bhaagyavidhaata bhagwan ke bachche, sampoorn bhaagya ke adhikaari ban gaye।

slogan:- sachchi seva dvaara sarva ki aasheervaad praapta karne vaale hi takdeervaan hain।