बुधवार 12 अक्टूबर 2022 की दैनिक मुरली

12-10-2022 praatahmurli om shanti "baapdaada"' madhuban

“meethe bachche - tumhein roohaani kamaai mein bahut-bahut dhyaan dena hai, sir par vikarmo ka bojha bahut hai, isliye samay vesta nahin karna hai''

prashn:- jin bachchon ka dhyaan roohaani kamaai mein hoga, unki nishaani kya hogi?

uttar:- woh kabhi bhi jharmui jhagmui mein apna samay barbaad nahin karenge। shareer nirvaah karte hue bhi roohaani kamaai mein samay lagaayenge। subah uthkar bahut-bahut pyaar se baap ko yaad karenge। yaad se aatma udti rahegi। 2. woh baap samaan merciful ban apne oopar aur sarva ke oopar raham karenge। sabko baap ka parichay denge।

geet:- tumheen ho maata pita tumheen ho…

om shanti। bachchon ne geet mein maat-pita ki mahima suni, jaise koi ghar mein bachche rehte hain to maat-pita, daada hota hai na। daade se varsa milta hai - baap dvaara, kyonki daade ki milkiyat badon ki milkiyat hoti hai। to yeh bhi sabse bada hai। duniya vaalon ko to pata hi nahin। bachchon ko pata hai। tumheen ho maata pita ... to yeh daade ke liye shabd hain। to unka parichay dena pade। chaahe sammukh ho, chaahe chitron dvaara, chaahe projector dvaara to daade ka parichay dena bahut zaroori hai। jismaani daada saakaar hota hai। ab tumhaari buddhi mein pahle kaun aaya? daada। bhal projector dvaara samjhaao, woh bhi nambarvaar chitra dikhaana hai। pahle-pahle parampita paramatma ki samjhaani deni hai। to parampita paramatma se tumhaara kya sambandh hai? aur phir prajaapita brahma se kya sambandh hai? to pahle-pahle shiv ka chitra dikhaana chaahiye phir hai likhat, jo pradarshani par samjhaate hain va magazine bhi banaate hain to pahle-pahle parichay dena hai। geeta mein likha hua hai bhagvaanuvaach। to pahle bhagwan ka parichay dena chaahiye। tum sabki buddhi chali gai hai oopar। sabse ooncha hai parampita paramatma niraakaar shivbaaba। phir brahma, vishnu, shankar phir yahaan aao to jaise ghar mein maat-pita aur daada baithe hote hain। woh hai had ka, yeh hai behad ka। chitra sahit saari likhte honi chaahiye। farka bhi bataana chaahiye ki anek manushya hathayog sikhaate aaye hain aur ek paramatma raajayog sikhaate hain, jisse mukti jeevanmukti mil rahi hai। yahaan hai hi ek niraakaar parampita paramatma shiv bhagvaanuvaach ki baat। jaise laukik maa-baap, daada bachchon ki buddhi mein yaad padte hain। hoobhu tumhaari buddhi mein bhi aise hai। yeh sirf paarlaukik hai, woh hai laukik। tumko nishchay hai ki yeh hai shivbaaba। hamaara baap hai to unko yaad karna chaahiye, parantu bachche bhool jaate hain। time bahut vesta karte hain। vesta time nahin karna chaahiye kyonki vikarmon ka bojha sir par bahut hai। aatma mein khaad pad gai hai। to likhna chaahiye paramatma kaun hai? paramatma ke chitra aur shreekrishna ke chitra par ghadi-ghadi samjhaana chaahiye। svarga aur narka ke gole bade achhe mashhoor hain। narka ke gole par likh dena chaahiye ki yeh hai raavan raajya, bhrashtaachaari duniya aur svarga ke gole par likho ki yeh hai shreshthaachaari duniya, to time likhna chaahiye svarga itna samay, narka itna samay। dekho chadhti kala, utarti kala ka bhi chitra hai kyonki utarti kala mein 5 hajaar varsha aur chadhti kala ek second mein, to yeh jump ho gaya। yeh mukhya baat samjhaane ki hai, phir hai viraat roop, jismen brahman choti eeshvareey sampradaay hain। brahma mukh dvaara racha hua tumhaara brahman kul mashhoor hai, sarvottam hai। to sabko samjhaane ke liye yeh chitra bahut zaroori hain। variety dharmon ka jhaad hai, woh bhi achha hai। bachchon ko svadarshan chakradhaari banna hai। to chakra ka bhi gyaan dena hai ki chakra kaise phirta hai। brahma-sarasvati ka hero heroine ka part kaise hai। to gole ka bhi chitra bada hona chaahiye। bahut mein bahut ek dedh ghanta projector dikhaana chaahiye kyonki manushya in baaton mein thak jaate hain। stori to koi nahin - yeh to gyaan ki baat hai। pahle jab likhe tab andar mein aa sake। to dikhaane ke liye ticket rakhna chaahiye। paise vaali ticket nahin, parantu entrypass ho, bade-bade aadmiyon ko to nimantran de bulaana chaahiye kyonki badon-badon se opinion likhaana hai। jhunda ke jhunda mein kaise likhaayenge aur kaise dikhaayenge kyonki samjhaana bhi hai isliye pahle-pahle bade aadmiyon ko bulaakar likhaana hai phir general kar dena chaahiye। pradarshani mein bhi aise to projector mein bhi aise, magazine mein bhi in achhe-achhe chitron ko banaakar saath-saath samjhaani likho phir kisko present de dena chaahiye। hathayog aur raajayog ka contrast bhi achhi tarah likhna chaahiye। hathayog bhi ek prakaar ki hinsa hai kyonki shareer ko kashta dete hain, takleeph dete hain। tumhaara yeh hai ahinsak yog jo ati sahaj hai। chalte-phirte baap ko yaad karte raho। hinsak aur ahinsak ko bhi siddha karna hai। kai to shareer ki tandaroosti ke liye kriya karte hain। woh koi phir paramatma se nahin milte, hathayog ko bhi yog kah dete hain। yogaashram hai na। yeh hai phir sahaj raajayog। eeshvar ka sikhaaya hua yog। to yeh bahut achhi tarah se samjhaana chaahiye। jinka buddhiyog saara din jharmui, jhagmui mein hoga woh kya samjha sakenge। jinki buddhi mein hoga ki service karni hai, woh karenge। 8 ghanta dhandha kiya phir yeh kamaai karni chaahiye। woh hai jismaani kamaai, yeh hai roohaani kamaai। to is kamaai mein bahut dhyaan dena chaahiye। yog mein bahut practice karni chaahiye। subah uth baap ko bade pyaar se yaad karna chaahiye। jinko baap ek do number mein rakhte, woh bhi yaad nahin karte hain। bhaashan to bahut achha kar lete hain parantu yaad mein nahin rehte। aatma to yaad se hi udegi, gyaan se thode hi udegi। dhyaan mein bhi yaad se hi jaate hain। gyaan ki to ismen koi baat hi nahin। dhyaan to ek paai paise ki baat ho jaati hai। kaeeyon ko to phat se shreekrishna ka saakshaatkaar ho jaata hai। kai bachchiyaan likhti hain ki baba hamne aapko pahchaana hai। woh dhyaan mein brahma ko bhi dekhti hain aur prerna bhi milti hai। to phir unko nishchay ho jaata hai। jisne baba ko kabhi dekha bhi nahin hai woh bhi likhti hain ham baba ko bahut yaad karte hain। ham aapse varsa lekar hi chhodenge। aap to jaante hain ham yaad karte hain। jab kehti hain aap... to shivbaaba hi yaad aata hai। to baandheli bachchiyaan bahut yaad karti hain, utna saamne vaale bhi yaad nahin karte। ek baat hai yaad ki। phir gaandhi ji kehte the ki raamraajya ho। abhi to raavanraajya hai। is par tum samjha sakte ho। chadhti kala to paramatma hi kara sakte hain। baaki to sab ek do ko giraate hi rehte hain। devtaayen bhi girte jaate hain। bhal sukh mein hi hain parantu kala to kam hoti jaati hai na। joon ki tarah girte jaate hain kyonki drama bhi joon ke misal chalta hi rehta hai। to chadhti kala ek ke hi dvaara hoti hai। samjhaane ke liye projector bahut achha hai। centre bhi bahut badhte jaayenge। baba kehte hain ki har ek bhaasha mein slides banaate jaao। parantu kaam karne vaala aisa koi hai nahin। baba yukti to bata dete hain। parantu kaam karne vaala chaahiye to service bahut badh sakti hai।

bachchon ko apne bhaai-bahinon par bahut raham karna chaahiye। baba merciful hai na। mera aana bhi bhaarat mein hi hota hai, aur jagah aana mera nahin hota। shivjayanti bhi bhaarat mein manaai jaati hai। parantu jaante nahin hain, samjho Christ ki jayanti manaate hain to unke kartavya ko jaante hain। parantu shiv ka kartavya nahin jaante। vahi patit-paavan hai। bhaarat bade te bada teertha hai। geeta mein shreekrishna ka naam daalne se itne bade teertha bhaarat ki mahima gum ho gai hai। dekho, muhammad gajanvi ne mandir loota tha, agar unko yeh maaloom hota ki yeh hamaare baba ka mandir hai to lootte thode hi। allaah ke mandir ko kaun lootega, jisne svarga ki sthaapna ki। agar shivbaaba ko jaane to kabhi mandir ko haath na lagaayen। bhal woh shiv ko maatha tekte hain parantu jaan gaye to kabhi na looten। sirf geeta mein shreekrishna ka naam daalne se yeh sab kuchh hua hai। geeta khandan hone se dekho kya haal hua hai। agar shiv ka naam hota ki vahi gati sadgati daata hai। yeh ek ki hi mahima hai। agar woh na aata to paavan kaise bante? bhaarat ko kaise svarga bana sakte। yeh gupta baat hai na। jaante hain ham durgati mein the। ab yahaan baithe hain parantu ja rahe hain। bachchon ko bahut khushi honi chaahiye ki ham apne liye raajaai sthaapan kar rahe hain, to auron ko bhi raasta dikhaakar praja banaani chaahiye। badi mehnat karni chaahiye। hai to bahut sahaj। sirf baap aur varse ko yaad karo। svarga ko yaad karo, yeh to narka hai। ham so ka arth bhi baba ne samjhaaya hai, ham so devta, ham so kshatriy...... aur koi to in sab baaton ko samajhte nahin। to viraat roop mein yeh samjhaana hai ki ham so devta.... bante hain। abhi ham svarga mein gaye ki gaye। bahut log poochhte hain kitni deri hai? baba kehte hain tum ab taiyaar kahaan hue ho jo svarga mein ja sako। drama to bana hua hai। jitni-jitni sthaapna hoti ja rahi hai to vinaash jvaala bhi dheere-dheere badhti ja rahi hai। dharmon mein jhagda shuru hota ja raha hai। pahle partition thode hi tha। tum jaante ho pahle ek devta dharma tha। geet hai na - aap mile to ham svarga ka raajya, yog bal se le rahe hain। baahubal se koi le nahin sakta। unke paas baahubal hai। Russia, America aapas mein mil jaaen to saara raajya le sakte hain। parantu aisa hota nahin hai। jab devtaaon ka raajya hai to vahaan christian, bauddhi nahin hote। ab devta dharma ki sthaapna ho rahi hai। bhaarat avinaashi khanda hai। baap bhi yahaan aaye hain na। drama mein aise hi hai ki yogbal se raajaai milti hai। bhaarat ka praacheen yog mashhoor hai, parantu yog sikhaaya kisne aur kaise, woh nahin jaante। shreekrishna ne to yog nahin sikhaaya। parampita paramatma hi yog sikhla rahe hain। yeh kitni atapti baat hai jo buddhi se khisak jaati hai। kai to jaante bhi chhod dete hain। tab baap kehte hain samajhdaar dekhna ho to yahaan dekho... samajhdaar varsa lete hain। besmajh chhod dete hain। svarga ka varsa ganva dete hain। mahaan moorkha, mahaan sujaan dekhna ho to yahaan dekho। svarga mein woh bhi jaayenge parantu praja mein jaayenge। tum jaante ho sooryavanshi, chandravanshi praja kaise banti hai। baap ki god yahaan milti hai। mool vatan mein god ka hisaab nahin hai। bachcha jab paida hota hai to guru ki god mein dete hain। samajhte hain guru ki god mein nahin gaya to durgati ko paayega। chhote bachche ko bhi guru kara dete hain। guru bigar gati nahin, yeh gurooon ne samjhaaya hai। pata nahin kab shareer chhoot jaae। vahaan to janma le phir guru ke paas jaate hain। yahaan teenon combined hain। yeh koi shaastron mein likha nahin hai ki vahi baap teacher guru ki god hai। baap ne poochha shivbaaba ko baap hai? kehte hain haan। achha shivbaaba ko teacher hai? guru hai? nahin। sirf maa baap milte hain। yeh guhya hisaab hai। baap bachchon par bachche baap par balihaar jaate hain। laukik mein bachche baap par balihaar nahin jaate hain, baap jaate hain। to yeh samajhne ki baat hai ki barobar paramatma baap, teacher, satguru hai, unse hi varsa milta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svadarshan chakradhaari banna hai। ham brahman choti hain, eeshvareey sampradaay ke hain, is nashe mein rehna hai।

2) apna samay baap ki yaad mein saphal karna hai। roohaani service mein busy rehna hai। baap par poora-poora balihaar jaana hai।

vardaan:- ekras sthiti ke aasan par man-buddhi ko bithaane vaale sachche tapasvi bhav

tapasvi sada aasandhaari hote hain, ve koi na koi aasan par baithkar tapasya karte hain। aap tapasvi bachchon ka aasan hai - ekras sthiti, pharishta sthiti। inheen shreshtha sthitiyon ke aasan par sthit hokar tapasya karo। jaise sthool aasan par shareer baithta hai aise shreshtha sthiti ke aasan par man-buddhi ko bitha do aur jitna samay chaaho, jab chaaho-aasan par baith jaao। is samay shreshtha sthiti ke aasan par baithne vaalon ko bhavishya mein raajya ka sinhaasan praapta hota hai।

slogan:- doosre ke vichaaron ko apne vichaaron se milaakar sarva ko sammaan dena hi maanneey banne ka saadhan hai।