गुरुवार 13 अक्टूबर 2022 की दैनिक मुरली

13-10-2022 praatahmurli om shanti "baapdaada"' madhuban

“meethe bachche - ab tumhaari dil mein khushi ki shahnaai bajni chaahiye kyonki baap aaye hain haath mein haath dekar saath le jaane, ab tumhaare sukh ke din aaye ki aaye''

prashn:- abhi naye jhaad ka kalam lag raha hai isliye kaun si khabardaari avashya rakhni hai?

uttar:- naye jhaad ko toofaan bahut lagte hain। aise-aise toofaan aate hain jo sab phool phal aadi gir jaate hain। yahaan bhi tumhaare naye jhaad ka jo kalam lag raha hai use bhi maaya jor se hilaayegi। anek toofaan aayenge। maaya sanshaybuddhi bana degi। buddhi mein baap ki yaad nahin hogi to murjha jaayenge, gir bhi padenge isliye baba kehte bachche maaya se bachne ke liye mukh mein muhalra daal do arthaat dhandha aadi bhal karo lekin buddhi se baap ko yaad karte raho। yahi hai mehnat।

geet:- om namo shivaae …

om shanti। tum bachchon ko achhi tarah nishchay ho gaya hai ki baba aakar nai duniya rachte hain jo ham patit hain unko paavan banaane। aise nahin ki srishti hai nahin aur baap aakar rachte hain। baap ko bulaate hain ki ham jo patit hain unko aakar paavan banaao। duniya to hai hi। baaki puraani ko nai karte hain। yeh gyaan manushyon ke liye hai, jaanavron ke liye nahin hai kyonki manushya padhkar martaba paate hain। abhi jo duhkh dene ki saamagri hai, ismen sab aa gaye - deh, deh ke dharma aadi। to baap is duhkh ki saamagri ko sukh ka banaate hain tab baap ne kaha hai main duhkhadhaam ko sukhdhaam banaata hoon, main hoon hi duhkhaharta sukhkarta। ab tumhaare andar shahnaai bajni chaahiye ki hamaare sukh ke din saamne aa rahe hain। jaante ho ki baap kalpa ke baad milte hain aur koi aise kiske liye nahin kehte। bhagwan aate hi hain bhakton ki sadgati karne। apne saath haath mein haath dekar le chalta hoon। aise nahin ki sukhdhaam mein jaakar tumko chhodta hoon। nahin, is samay ke purooshaartha anusaar aapehi jaakar praalabdha bhogte ho। jitna jo auron ko samjhaate hain utna unko drama pakka ho jaata hai। manushya koi drama dekhkar aate hain to kuchh din tak pakka ho jaata hai। to tumko yeh bhi pakka ho jaata hai kyonki yeh behad ka drama hai। satayug se lekar is samay tak drama buddhi mein hai। centre par aate hain to saavdhaani milti hai। to yeh yaad aa jaata hai। yahaan bhi baithe ho to yaad hai। srishti to behad ka drama hai। parantu hai second ka kaam। samjhaate hain to jhat drama buddhi mein aa jaata hai। jaante hain ki kaun-kaun aakar dharma sthaapan karte hain। mool vatan ko yaad karna bhi second ka kaam hai। doosra number hai sookshm vatan। to vahaan bhi koi badi baat nahin hai kyonki vahaan bhi sirf brahma, vishnu, shankar dikhaaya hai। woh bhi jhat buddhi mein aa jaata hai। phir hai sthoolavtan। ismen 4 yugon ka chakra aa jaata hai। yeh hai baap ki rachna, aise nahin ki sirf tum svarga ko yaad karte ho। nahin, svarga se lekar kaliyug ant tak ka tumhaari buddhi mein raaz hai to tumko auron ko bhi samjhaana hai। yeh jhaad aur gole (srishti chakra) ka chitra sabke ghar mein rehna chaahiye। jo koi aave unko baith samjhaana chaahiye। merciful aur mahaadaani banna hai isko avinaashi gyaan ratna kaha jaata hai। is samay tum bhavishya ke liye dhanvaan bano।

baap samjhaate hain bachche ab tak tumne jo kuchh padha aur suna hai un sabko bhool jaao। manushya marne samay sab kuchh bhool jaate hain na। to yahaan bhi tum jeete ji marte ho। to baap kehte hain main nai duniya ke liye jo baaten sunaata hoon vahi yaad karo। abhi ham amarlok mein jaate hain aur amarnaath dvaara amraktha sun rahe hai। koi poochhte hain mrityulok kab shuru hota hai? bolo, jab raavan raajya shuru hota hai। amarlok kab shuru hota hai? jab raamraajya shuru hota hai। bhakti ki saamagri to aise phaili hai jaise jhaad phaila hua ho। ab naye jhaad ka kalam lag raha hai to aise jhaad ko maaya ke toofaan dekho kitne lagte hain। jab toofaan lagta hai to bageeche mein jaakar dekho kitne phal phool gire hue hote hain। thode bach jaate hain। yahaan bhi aise hai ki maaya ke toofaan aane se aur baba ki yaad na rahne se murjha jaate hain। koi to gir padte hain। haatamtaai ka khel hai na ki mukh mein muhalra daalte the। agar buddhi mein baba yaad ho to maaya ka asar nahin hota hai। baba yeh thode hi kehte hain ki dhandha aadi na karo। dhandha aadi karte baap ko yaad karo - ismen mehnat hai। raajaai lena, koi kam baat hai kya! koi had ki raajaai lete hain to bhi kitni mehnat karni padti hai। yeh to satayug ki raajaai lete ho। mehnat zaroor karni pade। paramatma ko gyaan ka saagar kaha jaata hai, jaani jaananhaar nahin। jaani-jaananhaar maana thought reader, yaani andar ko jaanne vaala। vaastav mein yeh bhi ek riddhi-siddhi hai, usse praapti kuchh nahin। agar ulta bhi latak jaayen to bhi praapti kuchh nahin। aajkal to aag se bhi paar karte hain। ek sannyaasi tha usne aag se paar kiya। suna hai seeta ne aag se paar kiya to yeh bhi aag se paar karte hain। ab yeh sab danta kathaayen hain। woh kah dete shaastra anaadi hain। kab se? taareekh to koi hai nahin। doosre dharmon ki taareekh hai, usse hisaab lagaaya ja sakta hai। jaise kehte hain Christ ke 3000 varsha pahle bhaarat heaven tha। parantu heaven mein kya tha, yeh nahin jaante। jhaad ka raaz tumhaari buddhi mein hai। tum varnan kar sakte ho ki is vriksha ka foundation kaise laga, phir kaise vriddhi ko paaya। jab flower vase (phooldaan) banaate hain, to oopar mein phool banaate hain। yeh bhi aise hai। pahle devi-devta dharma ka tana tha। peechhe yeh sab dharma tane se nikalte hain arthaat unki praja ka flower dikhaate hain। ab vichaar karo har ek dharma jab aata hai to phoolon ka bageecha tha। girti kala peechhe aati hai arthaat pahle golden, silver, copper ab iron mein hain। padhaai tumhaari buddhi mein honi chaahiye। knowledgeful baap baith vriksha aur drama ka full knowledge dete hain। is kaaran paramatma ko gyaan ka saagar, beejroop kaha jaata hai। yeh manushya srishti ka beejroop hai jo oopar mein rehta hai। jo incorporeal world aatmaon ki hai, unko brahmaanda, brahm lok kehte hain। jahaan aatmaayen ande misal rehti hain। saakshaatkaar bhi karte hain aatma bindi roop hai। jaise firefly (jugnu) jab ikatthe udte hain to jagmag hoti hai, parantu woh light kam hai। to aatmaayen bhi ikatthi udengi। is chhoti si bindi mein 84 janmon ka part bhara hua hai। baba tumko saare drama ka saakshaatkaar karaate hain। jis drama ke andar aatma actor hai aur actors ko is drama ka pata nahin hai। tumko yaad karna hai ek baba ko, doosra knowledge ko। gyaan to second ka bahut simple hai। parantu gyaan shuru kab se hua, vistaar karna padta hai kyonki bhool jaata hai। maaya ke vighna bhi padte hain। shaareerik beemaari aa jaati hai। aage kabhi bukhaar nahin hua hoga, gyaan mein aane ke baad bukhaar ho jaata hai to sanshay pad jaata hai ki gyaan mein to bandhan khalaas hone chaahiye। parantu baba to kah dete yeh beemaari aur aayengi, hisaab-kitaab bhi chuktu karna hai।

bhakti mein manushya 9 ratnon ki angoothi pahante hain। beech mein valuable ratna lagaate hain। aajoobaaju kam keemat vaale। koi ratna hajaar vaala hota hai, koi 100 vaala ...... baba kehte hain ki yeh heere jaisi amoolya jeevan hai। to sooryavanshi mein janma lena chaahiye। satayug ka mahaaraaja, mahaaraani aur treta ke ant ka raaja raani kitna farka hoga। yeh drama ki kahaani auron ko bhi samjhaani hai। aao to ham aapko samjhaayen ki 5 hajaar varsha pahle ek bahut achha devtaaon ka raajya tha। unhonne yeh pad kaise paaya! lakshmi-naaraayan jo satayug ki raajaai lete hain, unhon ke 84 janmon ki history-geography sunaayen। aise-aise temptation (pralobhan) dekar unhon ko andar le aana chaahiye। second ki kahaani hai। parantu hai padmon ki। kahaan bhi tum ja sakte ho। college mein, university mein, hospital mein jaao to kehna chaahiye ki tum kitna beemaar padte ho। ham aapko aisi davaai denge jo 21 janma beemaar hi nahin padenge। aapne suna hai ki paramatma ne kaha hai manamnaabhav। tum baap ko yaad karenge to vikarma vinaash honge aur koi naye vikarma honge hi nahin। tum ever healthy, wealthy ban jaayenge। aao to ham parampita paramatma ki biography bataayen। paramatma ko sarvavyaapi kehna koi yeh biography thode hi hai। aise-aise samjhaana chaahiye।

achha - aaj to bhog hai। geet:- dharti ko aakaash pukaare... isko kaha jaata hai puraani jhoothi duniya। isko raurav narka kaha jaata hai। geet bhi achha hai ki aana hi hoga, prem ki duniya mein। sookshm vatan mein bhi prem hai na। dekho, dhyaan mein khushi-khushi jaate hain। satayug mein bhi sukh hai, yahaan to kuchh nahin hai। to is duniya se vairaagya aana chaahiye। sannyaasiyon ka to hai had ka vairaagya। tumhaara to hai behad ka vairaagya। tumhein to saari duniya ko bhulaana hai। baba ne baambe mein ek patra likha tha। baba sirf baambe vaalon ko hi nahin kehte parantu sab centres vaalon ke liye baba ki raay nikalti hai। tumko bhaashan karna hota hai subah aur shaam ko। to har ek shahar mein bade-bade haal to hote hi hain aur bahuton ke mitra-sambandhi bhi hote hain, to advertise karni hai ki hamko parampita paramatma ka parichay dena hai। taaki sabhi paramatma se apna birthright le saken। hamko sirf dedh ghanta subah, dedh ghanta shaam ke liye haal chaahiye। koi hangaama nahin hoga, baaja-gaaja nahin। to koi vaajib kiraaye par deve to ham le sakte hain। area ko bhi dekhna hai, ghar ko bhi dekhna hai ki achha hai। achha aadmi hoga to achhe jigyaasuon ko lekar aayega। aise-aise 4-5 jagah bhaashan karna chaahiye। bade-bade shahron mein agar first floor na mile to second floor, nahin to laachaari haalat mein third floor bhi le sakte ho। aise hi gaanv-gaanv mein bhi। jaisa gaanv ho। bhale koi chhota makaan ho। poora makaan to chaahiye nahin। sirf 3 pair prithvi chaahiye। sabko apne sambandhiyon se baat karte rehna chaahiye to koi na koi de denge। to aise centres kholte rehna chaahiye। koi to kiraaya bhi nahin lenge। aur koi lete-lete agar teer lag gaya to woh bhi lena banda kar denge। jo vishaalbuddhi honge woh achha samajhkar dhaaran karenge। jinki vishaalbuddhi hai, unko mahaarthi kaha jaata hai। woh to ek do ke pichhaadi centres kholte jaayenge। bachche jaante hain ki ham apna raajya shreemat par gupta hi gupta sthaapan kar rahe hain। aur koi jaan nahin sakte ki kaise sthaapan karte hain? bas pavitra rehna hai। to baba ne kaha hai ki maaya ne duhkh diya hai, isko chhodo। maaya jeete jagat-jeet bano। man ko jeetne ki baat nahin। man to shant, shantidham mein rehta hai। yahaan shareer hai to shant rah na sake। to shanti-dhaam hai paramdham। yahaan samjhaani milti hai to chintan bhi chalta rahe। vahaan centre par aaya, katha suni aur dhandhe mein lag gaye khalaas। yahaan taaja-taaja rehta hai isliye bachche refresh hone ke liye aate hain। duniya vaalon ki buddhi mein nahin rehta ki bhaarat paramatma ka birth place (janma-sthaan) hai। yahaan sunne se tumko nasha rehta hai ki ham shareer chhod amarlok mein jaayenge। satayug mein yeh nahin hoga ki phalaana mar gaya। nahin, jab puraana chola chhodenge, naya lenge to khushi hogi na। baaja bajega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is behad ki duniya se vairaagya rakh ise buddhi se bhoolna hai। avinaashi gyaan ratna dhaaran kar bhavishya ke liye dhanvaan banna hai।

2) nai duniya ke liye baap jo baaten sunaate hain woh yaad rakhni hai। baaki sab padha hua bhool jaana hai, aisa jeete ji marna hai।

vardaan:- kalyaankaari yug mein svayan ka aur sarva ka kalyaan karne vaale prakritijeet, maayaajeet bhav

is kalyaankaari yug mein, kalyaankaari baap ke saath-saath aap bachche bhi kalyaankaari ho। aapki challenge hai ki ham vishwa parivartak hain। duniya vaalon ko sirf vinaash dikhaai deta isliye samajhte hain - yeh akalyaan ka samay hai lekin aapke saamne vinaash ke saath sthaapna bhi spashta hai aur man mein yahi shubh bhaavna hai ki ab sarva ka kalyaan ho। manushyaatmaayen to kya prakriti ka bhi kalyaan karne vaale hi prakritijeet, maayaajeet kahlaate hain, unke liye prakriti sukhdaai ban jaati hai।

slogan:- nyaare-pyaare hokar karma karne vaale hi sankalpon par second mein fullstop laga sakte hain।