सोमवार 31 अक्टूबर 2022 की दैनिक मुरली

31-10-2022 praatahmurli om shanti "baapdaada"' madhuban

“meethe bachche - maaya ke vighna gyaan mein nahin, yog mein padte hain, yog ke bina padhaai ki dhaarna nahin ho sakti, isliye jitna ho sake yog mein rahne ka purooshaartha karo''

prashn:- baba gire hue bachchon ko kis vidhi se oopar utha lete hain?

uttar:- baba un bachchon ki class mein mahima karta, puchkaar “pyaar'' deta, himmat dilaata। bachche tum to bahut achhe ho। tum to gyaan ganga ban sakte ho। tum vishwa ka maalik banne vaale ho। main to tumhein muphta baadshaahi dene aaya hoon। tum phir kyon nahin lete? raahu ka grahan laga hai kya? murli padho, yog mein raho to grahan utar jaayega। aise himmat dilaane se bachche phir se yaad aur padhaai mein lag jaate hain। is vidhi se kai bachchon ki grahchaari utar jaati hai।

geet:- door desh ka rahne vaala…

om shanti। bhagvaanuvaach - do hi akshar geeta ke bataate hain, jo sunte aate hain। bhagvaanuvaach, kya kehte? bachche, manamnaabhav। akshar vahi sanskrit bolte hain jo tum sunte aaye ho। parantu uska arth koi bhi nahin samajhte। aate hi kehte hain manamnaabhav। agar kahe shreekrishna bhagvaanuvaach, to shreekrishna kahenge kya ki mujh paramatma ko yaad karo? yeh to jhooth ho gaya na। yahaan parampita paramatma shiv kehte hain saaligraamon ko ki manamnaabhav, mujh paramatma ko yaad karo kyonki ab sabka maut hai। guru log, bhaai-bandhu sab jab koi marne ki haalat mein hote hain to kehte hain raam kaho, krishna kaho ya chitra saamne rakh dete hain, raam ka, krishna ka, hanoomaan ka, guru aadi ka। yahaan to saare manushya maatra ka maut hai। sabhi vaanaprastha avastha mein hain। chhote bade sabko vaani se pare paramdham, silence world mein jaana hai। usko niraakaari duniya bhi kehte hain। woh hai aham aatma ki duniya। yahaan jab aate hain to aatma saakaari banti hai। vahaan chola nahin hai। yahaan chola dhaaran kar part bajaati hai। ab baap kehte hain tum bachchon ko vaapis le chalne aaya hoon। main kaalon ka kaal hoon। amritsar mein ek akaaltakhta bhi rakha hai। akaal jisko kaal kha na sake। ab kaalon ka kaal kehte hain, main tumko vaapis le jaata hoon। tumko phir part bajaane aana hai। srishti ke aadi mein pahle kiska part chala? kyonki yeh srishti variety dharmo ka jhaad hai। sab nambarvaar aate hain pahle hai devta dharma। ab woh dharma praayahlop hai, uska gyaan bhi lop hai। to shaastron mein kahaan se aaya? jis sahaj raajayog se woh devta bane woh bhi gum hai। baaki yeh geeta aadi hai bhakti ki saamagri kyonki yeh gyaan tumko yahaan hi milta hai। phir uska shaastra satayug treta mein hota nahin। to dvaapar mein kahaan se aaye? vahaan koi tumhaari sachchi geeta aadi nahin hoti hai। vahaan phir drama anusaar vahi bhakti maarga ki geeta aadi banaate hain। kehte hain aage saadhu mahaatmaaon ki buddhi achhi thi। to unhon ne baith yeh shaastra aadi banaaye। drama anusaar banne hi the। us samay real cheez kahaan se aaye। jaise gaandhi ke saath moteelaal aadi ka part tha। ab agar uska naatak banaayen to woh kahaan se aayen। woh aise hi artificial banaayenge। ab brahma ka sthaapna ka part chal raha hai। kis cheez ki sthaapna? bachche jaante hain devi-devta dharma ki sthaapna satayug ke liye ho rahi hai isliye baap kehte hain mujhe yaad karo to mere paas aa jaayenge। yahaan baithe ho to baithkar tape sunni chaahiye ya murli repeat karni chaahiye ya yog mein baithna chaahiye to vikarma vinaash hon। saara din to kaam mein rehte ho। vahaan yog mein mushkil rehte honge। ismen maaya vighna bahut daalti hai। maaya gyaan se nahin hataati, yog se hataati hai। sankalp-vikalpa yog mein rahne nahin dete। padhaai mein itne vighna nahin padte hain। haan agar yog mein nahin hoga to padhaai ki dhaarna nahin hogi। gyaan se yog sahaj bhi hai। boodhi maataayen jo kehti hain hamaari buddhi mein itni points nahin baithti hain। to baba kehte hain achha meri yaad mein raho।

baap kehte hain he bhakton, bhagat to sab hain। parantu tum sikeeldhe bhagat ho, jinhonne poora aadhaakalpa bhakti ki hai। sab to poori bhakti nahin karte। kal tak jo aate rahenge, woh itna samay hi bhakti karenge। parantu tum hi poojya aur pujaari bante ho। woh bhi bachchon se maaloom pad jaata hai। jo bachche bante hain, shreemat par chalte hain। samajhte hain yeh hamaare kul ke hain, jinko poora nishchay hai ki hamko paramatma padhaate hain woh hain sage bachche। sage bachche bali chadhte, lage bali nahin chadhte। ismen darna nahin hai। bhakti mein to bali chadhte aaye ho, kuchh na kuchh eeshvar arth daan karte aaye ho। yeh bhi bali chadhna hua। phir kehte ho paramatma ne putra diya, dhan diya। parantu manushya iska arth nahin samajhte hain। tum ab jaante ho ki yeh bhi baap bhakti ka return alpakaal ke liye dete aaye hain। satayug mein aise nahin hota। tum bhakti mein jo karte aaye ho woh satayug mein hota nahi। na koi gareeb hota jisko daan karen। na koi shaastra hote, na mandir hote। yeh sab bhakti maarga ki saamagri hai, jo satayug mein hoti nahin। yeh gyaan bhi praayah lop ho jaata hai। vahaan koi purooshaartha nahin, jiski praalabdha mile। saari praalabdha is samay ke purooshaartha ki hai। islaami, bauddhiyon ki knowledge to parampara chalti hai kyonki unki sthaapna peechhe vinaash nahin hai। to unko sab pata rehta hai। parantu tumhaare peechhe vinaash hota hai to ismen sab khalaas ho jaata hai। phir dvaapar mein vahi ved shaastra aadi niklenge। yeh sab geeta ke baal bachche hain। un sabko dharma shaastra nahin kahenge, kyonki dharmashaastra use kaha jaata hai jisse dharma ki sthaapna ho। jaise Christ ke mahaavaakyon ko kehte hain yeh messenger ke mahaavaakya hain। Christ ko god father nahin kahenge, unko god ka san (bachcha) samajhte hain। kehte hain god ne Christian dharma sthaapan karne ke liye bheja। to unko apne dharma ki paalna bhi karni hai। sato, rajo, tamo mein aana hi hai। yeh gyaan unko nahin hai ki vaapis koi nahin ja sakte।

achha - baba samjhaate the ki unhonne geeta bhal banaai hai, yaadgaar hai। devta dharma ka shaastra hai। parantu unko jhootha bana diya hai। sach to aate mein namak misal hai kyonki peechhe baith banaaye hain। satayug treta mein kisko gyaan hai nahin। woh thode hi samajhte hain satayug ke itne sone heere ke mahal kahaan chale gaye? kyon gaye? kehte hain dvaarika neeche saagar mein chali gai। parantu saagar mein nahin jaati। earthquake aadi mein sab khalaas ho jaate hain। phir svarga ka naamnishaan nahin rehta। praalabdha bhogkar khalaas kar di to unka naamnishaan nahin rehta। na history rehti। jaise mandir bante hain to unki history hai। pooja kab se shuru hui? mohammad gajanvi kab aaya? kaise bhaarat ka dhan loota, yeh sab gyaan hai buddhi ke liye bhojan। parantu yog theek nahin hoga to sunne samay khush hoga parantu thahrega nahin, pavitra nahin hoga to thahrega nahin। ismen kiska vash nahin। yeh shaastron ka gyaan nahin hai। woh to sabhi kantha kar lete hain। yeh to padhaai hai 21 janmon ke liye। vahaan bhal baap ke takhta par baithenge parantu woh bhi yahaan ki kamaai ki praalabdha hai। devtaayen ek do ko varsa nahin dete, isliye baap kehte hain mujhe yaad karo। maut saamne khada hai। tumko mama baba ko follow karna hai। woh sannyaasi ke naam maatra followers bante hain। vahaan god goddess ka raajya hai। yatha raaja raani bhagavti bhagwan tatha praja, iske liye father padha rahe hain। aise nahin aasheervaad karenge। unka padhaana hi blessing hai। teacher ko kahenge kya aasheervaad karo to 100 marks mil jaayen। baba to padhaate hain, yeh padhaai sabke liye hai। Christian ho, bauddhi ho - kehte hain sarva dharmaani... yeh sab deh ke dharma hain na। kehte hain in sabko bhool apne ko aatma nishchay karo। aatma to sabhi immortal hain। ek baap ke bachche hain na isliye kehte hain jo deh ke dharma hain maama, kaaka chhod apne ko akela aatma nishchay karo aur mere ko yaad karo to vikarma vinaash ho jaayenge aur koi raasta nahin, isko yog agni kehte hain।

baba ke patron mein to chit-chat hoti hai jo madhuban mein raat ko sunaai jaati hai। madhuban mein baba hansaayenge bhi, umang bhi dilaayenge, kahenge tum badi achhi ho, gyaan ganga ban sakti ho। kya telephone office mein naukri karti ho? tum to mahaaraani banne vaali ho। girne vaale ko bhi uthaayenge। baba kehte hain main jaanta hoon ki bahuton ko raahu ka grahan lagta hai। samaachaar aate hain to baba unko uthaate hain। muphta baadshaahi dene aaya hoon, tumhaare ko kya hua hai! raahu ka grahan laga hua hai। yog mein raho, murli suno। aise patra likhne padte hain। bahut prakaar ke patra aate hain। koi ki koi saath dil lag jaati hai to aapas mein plan banaate hain achha ham aapas mein gandharvi vivaah karenge। main tumko bachaata hoon, bandhan se chhudaata hoon। baba kahe tum kaise bacha sakte ho? pahle tum maaya se bache ho? baba se raay li hai? shreemat li nahin hai aur aapas mein sagaai ki baaten karte ho! to murde, maaya ghaseet kar le jaayegi। sookshm mein dil lag jaati hai to aisi-aisi baaten karte hain। baba samajh jaate hain yeh rasaatal mein ja raha hai। sagaai to maata-pita karte hain, tum mutthe aapas mein hi sagaai kar rahe ho - gupchup mein। tumko pata nahin ki aise-aise vighna aate hain। gud jaane gud ki gothri jaane। baba to sabhi bachchon ko jaante hain, koi bhi poochh sakte hain - baba main maatela hoon va sautela hoon! ab shareer chhoot jaaye to kya pad milega? shareer par kiska bharosa nahin hai। steamer doob jaata hai, aeroplane gir jaata hai to kya gati hoti hai! maut to sabke sir par khada hai, isliye aaj ka kaam kal par nahin rakhna hai। nahin to dharmaraajpuri mein saakshaatkaar hoga। dekho, kal-kal karte kaal kha gaya। shreemat par na chale to raajya pad ganva liya। thoda bhi sunne vaala ho to svarga mein aa jaayega। phir jo jitni sthaapna mein madad karenge to utna pad paayenge। jaise gaandhi ji ko madad ki, kitne jel mein gaye। kitne mare, return mein kya mila? koi saahookaar kaangresi ke paas jaakar janma liya hoga। ab samay baaki kitna thoda hai। phir kya sukh mila? gyaan sunkar jaate to vyartha nahin jaayega। yahaan kuchh chhudaaya nahin jaata hai। yeh to unhonne tang kiya, vikaaron ke liye, tab laachaari mein unko chhodna pada। nahin to kya karen! to baap ko sharan deni padi। aise to ab tak bhi sharan lete rehte hain, ismen bhagaane ki to baat hi nahin। yeh to drama anusaar gaooshaala banni thi। hain to bachche, parantu unhonne naam gaooshaala daala hai। kehte hain krishna ne nadi paar ki to gaooon ne bhi paar ki hogi। hai saari baat is samay ki। in sab baaton se pahle gyaan lo aur baap se varsa lo। bhal dhandha karo, saath-saath yeh second course uthaao। vilaayat mein rehte bhi murli zaroor padho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh ke sambandhon ko bhool apne ko akeli aatma samajhna hai। baap par poora-poora bali chadhna hai, ismen darna nahin hai।

2) dharmaraaz ki sajaaon se bachne ke liye aaj ka kaam kal par nahin chhodna hai। padhaai ke aadhaar se baap ki blessing lete rehna hai।

vardaan:- man se dridh pratigya kar manamnaabhav ke mantra ko yantra banaane vaale sada shaktishaali bhav

jo bachche sachche man se pratigya karte hain to man manmanaabhav ho jaata hai aur yeh manmanaabhav ka mantra kisi bhi paristhiti ko paar karne mein yantra ban jaata hai। lekin man mein aaye ki mujhe yeh karna hi hai। yahi sankalp ho ki jo baap ne kaha woh hua hi pada hai isliye koi bhi pratigya man se karo aur dridh karo to shaktishaali ban jaayenge। baar-baar apne ko check karo ki pratigya powerful hai ya pareeksha powerful hai? pareeksha pratigya ko kamjor na kar de।

slogan:- jo svamaan mein rahne vaali shreshtha aatma hain unhein apmaan ki feeling nahin aa sakti।