शुक्रवार 4 नवंबर 2022 की दैनिक मुरली

04-11-2022 praatahmurli om shanti "baapdaada"' madhuban

“meethe bachche - baap ka pharmaan hai svadarshan chakra phiraate apna buddhiyog ek baap se lagaao, isse vikarma vinaash honge, sir se paapon ka bojha utar jaayega''

prashn:- is purushottam sangamayug ki visheshtaayen kaun-kaun si hain?

uttar:- yeh sangamayug hi kalyaankaari yug hai - ismen hi aatma aur paramatma ka sachcha mela lagta hai jise kumbha ka mela kehte hain। 2- is samay hi tum sachche-sachche brahman bante ho। 3- is sangam par tum duhkhadhaam se sukhdhaam mein jaate ho। duhkhon se chhootte ho। 4- is samay tumhein gyaan saagar baap dvaara srishti ke aadi-madhya-ant ka poora gyaan milta hai। nai duniya ke liye naya gyaan baap dete hain। 5- tum saanvare se gora bante ho।

geet:- is paap ki duniya se…

om shanti। meethe-meethe bachchon ne geet suna aur bachchon ki buddhi mein yeh baitha hua hai ki barobar kaliyug paap ki duniya hai। is samay sab paap hi karte rehte hain। baap aakar tum bachchon ko kalpa-kalpa gati sadgati dete hain, jab patit duniya ko paavan banaana hota hai tab patit-paavan baap aate hain, aakar bachchon ko aap samaan banaate hain। baap mein kaun sa gyaan hai? saare srishti chakra ka gyaan hai। tum bachche bhi is srishti chakra ko jaante ho। yeh saara chakra kaise phirta hai, yeh baap mein gyaan hai, isliye unko gyaan ka saagar kaha jaata hai। vahi patit-paavan hai। is chakra ko samajhne se, svadarshan chakradhaari banne se tum phir svarga ke chakravarti raaja raani bante ho। to buddhi mein saara din yeh chakra phirna chahie to tumhaare vikarma vinaash ho jaayenge। phir satayug mein to tum yeh chakra nahin phiraayenge। vahaan sva arthaat aatma ko srishti chakra ka gyaan nahin hota। na satayug mein, na kaliyug mein, yeh gyaan sirf sangamayug par tumko milta hai। sangam ki bahut mahima hai। kumbha ka mela karte hain na। vaastav mein yeh hai gyaan saagar aur nadiyon ka mela arthaat param aatma aur aatmaon ka mela। woh kumbha ka mela bhakti maarga ka hai। yeh aatma aur paramatma ka mela is suhaavne kalyaankaari sangamayug par hi hota hai, jabki tum duhkhon se chhoot sukh mein jaate ho isliye baap ko duhkh harta sukh karta kaha jaata hai। aadhaakalpa sukh aur aadhaakalpa duhkh chalta hai। din aur raat aadha-aadha hai। makaan bhi naya puraana hota hai। naye ghar mein sukh, puraane ghar mein duhkh hota hai। duniya bhi nai aur puraani hoti hai। aadhaakalpa sukh rehta hai phir madhya se duhkh shuru hota hai। duhkh ke baad phir sukh hota hai। duhkhadhaam se phir sukhdhaam kaise banta hai, kaun banaate hain। yeh duniya bhar mein koi nahin jaante। manushya to ghor andhiyaare mein hain। satayug ko bahut lamba samay de diya hai। agar satayug ki aayu badi ho to aadmi kitne hone chaahiye। vaapis to koi bhi ja nahin sakte। sabko ikttha hona hi hai। vaapis to tab jaayen jab baap aakar ghar ka raasta bataaye। itni sab aatmaon ko baap sangamayug par aakar poora raasta bataate hain, tum jaante ho ham 84 janmon ka chakra lagaakar aaye hain। satayug, treta mein hamne kitne janma liye hain, vahaan kitne varsha kaun-kaun raajya karte hain। saara tumhaari buddhi mein hai। satayug mein hain 16 kala sampoorn, phir 14 kala phir utarti kala hoti hai। is samay bahut duhkh hai। duhkh hota hi hai puraani duniya mein। satayug ko nai duniya, kaliyug ko puraani duniya kaha jaata hai। abhi hai sangam। ab puraani duniya ka vinaash hota hai, baap nai duniya bana rahe hain। tum puraani duniya se nikal jaae naye ghar mein baithenge। tum kahenge ham naye ghar ke liye purushaartha kar rahe hain ki ham nai duniya mein oonch pad paayen। baap sirf kehte hain mujhe yaad karo aur koi takleeph nahin dete। kaise bhi time nikaal pharmaan maanna chaahiye। parantu maaya aisi hai jo pharmaan maanne nahin deti। baap se buddhiyog lagaane nahin deti। parantu tum bachchon ne kalpa pahle bhi purushaartha kar is maaya roopi raavan par jeet paai hai tab to satayug ki sthaapna hoti hai। jitna jo madadgaar banta hai unko utna izaapha bhi milta hai। to bachchon ko yeh knowledge mitra sambandhiyon ko bhi deni hai। baap ka pharmaan hai ki mujhe yaad karo kyonki aadhaakalpa ke vikarmo ka bojha sir par hai, unko bhasma karne ka koi upaay nahin sivaae yaad ke। bhal ganga jamuna ko patit-paavni kehte hain, samajhte hain ham paavan ho jaayenge parantu paani se paap kaise katenge। yeh hai patit duniya tab sab pukaarte hain he patit-paavan aakar satayug ki sthaapna karo। so to sivaae baap ke koi sthaapan kar na sake। to yeh hai nai duniya ke liye naya gyaan। dene vaala ek hi baap hai, shreekrishna ne gyaan nahin diya, shreekrishna ko patit-paavan nahin kaha jaata। patit-paavan to ek hi parampita paramatma hai, jo punarjanma rahit hai।

tum jaante ho- shreekrishnapuri ko hi vishnupuri kaha jaata hai। shreekrishna ki raajdhaani apni, raadhe ki raajdhaani apni phir unhon ki aapas mein sagaai hoti hai। raadhe krishna koi bhaai behen nahin the। bhaai behen ki aapas mein shaadi nahin hoti। ab tumhaari buddhi mein yeh baaten tapakti rehti hain। pahle yeh nahin jaante the। ab maaloom pada hai ki raadhe-krishna hi phir lakshmi-naaraayan bante hain। svarga ke mahaaraaja aur mahaaraani, prince aur princess raadhe krishna gaaye hue hain। unhon ke maa baap ka itna uncha martaba nahin hai। yeh kyon hua? kyonki unhon ke maa baap kam padhe hue hain। raadhe krishna ka jitna naam hai, unhon ke maa baap ka to jaise naam hai nahin। vaastav mein jisne janma diya unhon ka naam bahut hona chaahiye। parantu nahin, raadhe krishna sabse oonch hain। unhon ke oopar to koi hai nahin। raadhe krishna pahle number mein gaye hain phir pahle number mein mahaaraaja mahaaraani bhi bane hain। bhal janma maa baap se liya hai parantu naam unhon ka ooncha hai। yeh buddhi mein achhi tarah bithaana hai। jabki tum yahaan baithe ho to yeh svadarshan chakra phiraate raho। is chakra phiraane se tumhaare paap bhasma hote hain arthaat raavan ka sir katta hai। yeh satayug, treta... ka chakra hai na। ham pahle so devta the phir kshatriy, vaishya.... banen। ab phir ham brahman bane hain। phir ham so devta banenge। baba ne om ka arth alag samjhaaya hai, ham so ka arth alag hai। shaastron mein ek hi kar diya hai। woh samajhte hain om arthaat ham aatma so paramatma। paramatma so aatma - yeh hai ulta। baap samjhaate hain om arthaat ham aatma hain, parampita paramatma ki santaan hain। main bhagwan, yeh koi om ka arth nahin hai। ham aatma niraakaar hain। hamaara baap bhi niraakaar hai। saakaar shareer ka baap bhi saakaar hai। ham paramatma ki santaan hain to hamko svarga ki raajdhaani zaroor chaahiye। baap hamko svarga ka varsa dene aaye hain। raavan phir aadhaakalpa ke baad shraap dete hain to tum duhkhi tamopradhaan ban jaate ho। phir baap aakar sukhi banne ka var dete hain। aise nahin kehte chiranjeevi bhav। parantu kehte hain mujhe yaad karo to is janma sahit jo bhi janma janmaantar ke paap hain woh bhasma ho jaayenge, isko yog agni kaha jaata hai। raavanraajya mein sabko patit zaroor banna hai। patit aur paavan aatma banti hai, paramatma to sadaiv paavan hai, woh sabko paavan banaate hain। patit banaate hain raavan। satayug mein vikaar hote nahin। woh hai sampoorn nirvikaari duniya, tab to devtaaon ke aage jaakar gaate hain - aap sarvagun sampanna..... yeh mahima shiv ke aage nahin gaayenge। devtaayen jo paavan hain so patit bante hain, yeh khel hai। baap sukhdhaam banaate hain, shiv ko baap kehte hain। saaligraam alag hain, rudra yagya mein ek bada ling banaate hain, baaki chhote-chhote saaligraam banaate hain। ham aatma 84 janma lete hain, doosre dharma vaalon ke liye 84 janma nahin kahenge। sikkha dharma vaale 500 varsha mein kitne janma lete honge? ham kitne lete hain? yeh baap samjhaate hain, braahmanon ki hi choti mashhoor hai। sachche brahman hote hi hain sangam par। yeh kalyaankaari yug hai। yahaan hi tum sabka kalyaan hota hai। raavan akalyaan karte hain, baap aakar kalyaan karte hain। to baap ki mat par chal kalyaan karna chaahiye na। shreemat shiv bhagvaanuvaach - shivbaaba janma nahin lete, woh pravesh karte hain। janma tab kahen jab paalna leven। woh kabhi paalna nahin lete hain। sirf kehte hain meri shreemat par chalo। svarga ke tum maalik bano। mujhe to banna nahin hai, main to abhokta hoon।

to samajhna chaahiye baba ham aatmaon ko samjha rahe hain, aatma hi samajhti hai na। aatma hi barrister, engineer banti hai। main phalaana hoon। aatma ne kaha - ham devta the, phir ham 8 janma baad kshatriy bane, phir 12 janma liye, phir main patit banta hoon। ab baap kehte hain bachche, aatma-abhimaani bhav। yeh samajhne ki baaten hain। aatma kehti hai ham satayug mein the to mahaan aatma the phir kaliyug mein mahaan paap aatma hain। sabse mahaan te mahaan, mahaan aatma hai ek paramatma, jo sadaiv pavitra hai। yahaan to manushya sadaiv pavitra rehte nahin। sadaiv pavitra to sukhdhaam mein rehte hain। treta mein bhi kuchh kala kam hoti jaati hain। abhi hamaari chadhti kala hai। ham svarga ke maalik bante hain। phir treta mein aayenge to 2 kala kam ho jaayengi phir dvaapar mein 5 vikaaron ka grahan lagne se kaale hote jaate hain। abhi baap kehte hain in 5 vikaaron ka daan do to grahan utar jaaye, phir tum satayugi sampoorn devta ban jaayenge। pahle-pahle deh-abhimaan chhodo, kaam vikaar ka daan do। ant mein aakar nashtomoha banna hota hai। abhi tum aatmaon ko smriti aai hai ki hamne barobar 84 janma bhoge hain। dvaapar se raavan ne shraapit kiya hai, isliye sab duhkhi hain। kya dvaapar ke raaja raani aadi beemaar nahin padte honge? yeh bhi duhkh hua na। yeh hai hi duhkh ki duniya, satayug hi hai sukhdhaam। to bhagwan ki shreemat maanni chaahiye na। behad ke baap ki jo mat nahin maante unhein mahaan kapoot kaha jaata hai। kapoot bachche ko baap se kya varsa milega! sapoot bachche varsa bhi achha lete hain। jo khud pavitra ban auron ko pavitra banaate hain। behad ka baap aatmaon ko padhaate hain he aatmaayen kaanon se sunti ho? kehte hain haan baba ham aapki shreemat par chal zaroor shreshtha banenge। oonch te oonch bhagwan hai to zaroor pad bhi oonch te oonch denge na। svarga ka varsa dete hain aadhaakalpa ke liye। laukik baap se to had ka varsa milta hai, alpakaal ka sukh। kaliyug mein hai kaag vishtha samaan sukh isliye sannyaasi gharbaar chhod dete hain। woh grihastha dharma ko nahin maante hain। grihastha dharma satayug mein hai na।

tum jaante ho is padhaai se ham vishnupuri mein jaate hain uske liye parampita paramatma hamko padha rahe hain। bhakton ko pata hi nahin hai ki bhagwan kaun hai, unka kartavya kaun sa hai? kaise woh patit se paavan banaate hain? abhi tum paavan ban rahe ho। duniya us patit-paavan baap ko yaad kar rahi hai। abhi tum sangamayug par khade ho, baaki sab kaliyug mein hain। woh samajhte hain ki kaliyug to ajun bachcha hai। tum jaante ho ki kaliyug ka ab vinaash hone par hai। ab tumhein satayug mein jaana hai। baap ne tumhein smriti dilaai hai - main kalpa-kalpa tumko varsa deta hoon। to varsa poora lena chaahiye na। to baap aise thode hi kehte hain ki yahaan baith jaao। bhal ghar grihastha mein raho sirf yeh svadarshan chakra phiraate raho aur nashtomoha ho jaao। ek shivbaaba doosra na koi, ham jaante hain ki ab hamaara naya sambandh jut raha hai, to puraane mein mamatva nahin rehna chaahiye। nai duniya, nai raajdhaani se mamatva rakhna hai। ab to maut bilkul sir par savaar hai। taiyaariyaan hoti rehti hain। satayug mein akaale mrityu hoti nahin। samay par ek puraani khaal chhod nai le lete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svadarshan chakra phiraate poora-poora nashtomoha banna hai। maut sir par hai isliye sabse mamatva nikaal dena hai।

2) baap se varsa lene ke liye poora shreemat par chalna hai। aatma-abhimaani ban sapoot bachcha banna hai।

vardaan:- man aur buddhi ko sada seva mein busy rakhne vaale nirvighna sevaadhaari bhav

jo jitna seva ka umang-utsaah rakhte hain utna nirvighna rehte hain kyonki seva mein buddhi busy rehti hai। khaali rahne se kisi aur ko aane ka chance hai aur busy rahne se sahaj nirvighna ban jaate hain। man aur buddhi ko busy rakhne ke liye uska time-table banaao। seva va svayan ke prati jo lakshya rakhte ho us lakshya ko practical mein laane ke liye beech-beech mein attention zaroor chaahiye। attention kabhi tension mein badli na ho, jahaan tension hota hai vahaan mushkil ho jaata hai।

slogan:- seva se jo duaayen milti hain - vahi tandaroosta rahne ka saadhan hain।