शनिवार 5 नवंबर 2022 की दैनिक मुरली

05-11-2022 praatahmurli om shanti "baapdaada"' madhuban

meethe bachche - tumhein grihastha vyavhaar mein rehte sabhi se tod nibhaana hai , ek baar behad ka sannyaas kar 21 janma ki praalabdha banaani hai

prashn:- chalte-phirte kaun si ek baat yaad rahe to bhi tum roohaani yaatra par ho?

uttar:- chalte phirte yaad rahe ki ham actor hain, hamko ab vaapis ghar jaana hai। baap yahi yaad dilaate hain। bachche main tumhein vaapis le jaane aaya hoon, is smriti mein rehna hi manamnaabhav, madhyaaji bhav hai। yahi roohaani yaatra hai jo tumhein baap sikhlaate hain।

prashn:- sadgati ke lakshan kaun se hain?

uttar:- sarvagun sampanna 16 kala sampoorn… yeh jo mahima hai yahi sadgati ke lakshan hain, jo tumhein baap dvaara praapta hote hain।

geet:- dheeraj dhar manuva...

om shanti। bachche nambarvaar purushaartha anusaar jaante hain ki ab puraana naatak poora hota hai। duhkh ke din baaki kuchh ghadiya hain aur phir sada sukh hi sukh hoga। jab sukh ka pata padta hai tab samjha jaata hai yeh duhkhadhaam hai, donon mein bahut antar hai। abhi sukh ke liye tum purushaartha kar rahe ho athva shreemat par chal rahe ho। koi ko bhi ye samjhaana bahut sahaj hai। abhi baba ke paas jaana hai। baba lene aaya hai। grihastha vyavhaar mein rehte kamal phool samaan pavitra rehna hai। tod zaroor nibhaana hai। agar tod na nibhaaya to jaise sannyaasiyon misal ho gaye। jo tod nahin nibhaate hain unko nivritti maarga athva hathayog kaha jaata hai। abhi bhagwan raajayog sikhlaate hain jo ham seekhte hain। bhaarat ka dharma shaastra hai geeta।sannyaasiyon ka hai hathayog, gharbaar chhod jangal mein chale jaana। unhon ko janma by janma sannyaas karna padta hai। tum grihastha vyavhaar mein rehte ek baar sannyaas karte ho phir 21 janma unki praalabdha paate ho। unhon ka hai had ka sannyaas, tumhaara hai behad ka sannyaas। tumhaare raajayog ka to bahut gaayan hai। bhagwan ne raajayog sikhaaya tha। bhagwan oonche te oonche ko hi kaha jaata hai। shreekrishna bhagwan ho na sake। behad ka baap hai hi niraakaar। behad ki baadshaahi vahi de sakte hain। yahaan grihastha vyavhaar se naphrat nahin ki jaati hai। baap kehte hain yeh antim janma grihastha vyavhaar mein rehte pavitra bano। patit-paavan koi sannyaasi ko kah nahin sakte। woh bhi paavan duniya chaahte hain। woh duniya hai ek, jiske liye patit-paavan baap ko bulaate hain। jabki woh grihastha vyavhaar mein hi nahin hain to devtaaon ko bhi nahin maanenge। woh kabhi raajayog sikhla na saken। na baap kabhi hathayog sikhla sake। yeh samajhne ki baaten hain।

ab dehli mein world conference honi hai। vahaan yeh samjhaana hai, likhat mein dena hai। likhat mein hoga to sab samajh jaayenge। ab ham hain oonche te oonch brahman kul ke। woh hain shoodra kul ke। ham hain aastik। woh hain naastik। woh hain eeshvar ko na jaanne vaale। ham hain eeshvar se yog rakhne vaale। to matbhed hai na। baap hi aakar aastik banaate hain। baap ka banne se baap ka varsa mil jaata hai। yeh badi pecheeli baaten hain। pahle-pahle to buddhi mein bithaana hai ki geeta ka bhagwan parampita paramatma hai। usne hi aadi sanaatan devi-devta dharma sthaapan kiya tha। bhaarat ka devi-devta dharma hi mukhya hai। bhaarat-vaasi apne dharma ko bhool gaye hain। yeh bhi tum jaante ho, bhaaratvaasiyon ko drama-anusaar apna dharma bhoolna hi hai, tab to baap aakar phir sthaapan kare। nahin to baap aaye kaise? kehte hain jab-jab devi-devta dharma praayahlop ho jaata hai, tab main aata hoon। praayahlop bhi zaroor hona hai। kehte hain bail ki ek taang toot gai hai, baaki 3 taangon par duniya khadi hai। mukhya hain hi 4 dharma। abhi devta dharma ki taang tooti hui hai arthaat woh dharma gum ho gaya hai isliye bad ke jhaad ka misaal dete hain ki foundation sad gaya baaki taal taaliyaan khadi hain। to inmen bhi foundation devta dharma ka hai nahin। baaki math panth aadi bahut khade hain। tumhaari buddhi mein ab saari roshni hai।

baap kehte hain tum bachche is drama ke raaz ko jaan gaye ho ki saara jhaad puraana ho gaya hai। kaliyug ke baad satayug ko aana hai zaroor, chakra ko phirna hai zaroor। buddhi mein rakhna hai ki ab naatak poora hua hai, ham ja rahe hain। chalte-phirte yeh yaad rahe ki ab hamko vaapis jaana hai। manamnaabhav, madhyaaji bhav ka bhi yahi arth hai। koi bhi badi sabha mein bhaashan aadi karna hai, to yahi samjhaana hai ki parampita paramatma phir se kehte hain he bachche, deh sahit deh ke sab dharma tyaag apne ko aatma samajh baap ko yaad karo to paap dagdha honge। main tumko raajayog sikhlaata hoon। grihastha vyavhaar mein rehte kamal phool samaan ban mujhe yaad karo। pavitra raho, knowledge ko bhi dhaaran karo। abhi sab durgati mein hain। satayug mein devtaayen sadgati mein the। phir baba aakar sadgati karte hain। sarvagun sampanna 16 kala sampoorn... yeh hai sadgati ke lakshan। yeh lakshan kaun dete hain? baap। unke phir lakshan kya hain? woh gyaan ka saagar, shanti ka saagar... hai। unki mahima bilkul alag hai। aise nahin sab ek hi ek hai। ek baap hai, ham sab aatmaayen bachche hain। ab nai rachna rachi jaati hai। ham prajaapita brahma ki sab aulaad hain। parantu vo log in baaton ko samajh nahin sakte। brahman varna sabse oonch hai। bhaarat ke hi varna gaaye jaate hain। 84 janma lene mein in varno se paas karna hota hai। brahman hain hi sangam par।

achha silence to bahut achhi hai। shanti ka haar to gale mein pada hai। ek raani ki kahaani hai। ab shantidham apna ghar bahut yaad padta hai। chaahte sab hain shanti ghar mein jaayen parantu raasta kaun bataaye? shanti ke saagar baap ke sivaae koi bata na sake। baap ki mahima achhi hai। shanti ka saagar, aanand ka saagar... manushya srishti ka beejroop, kitna raat din ka farka hai। krishna ko srishti ka beejroop kah na saken। baap ki mahima hi alag hai। sarvavyaapi kahne se mahima siddha nahin hoti। aise bhi nahin paramatma baith apni pooja karenge। paramatma sadaiv poojya hai, woh kabhi pujaari nahin banta। oopar se jo bhi aate hain woh poojya se pujaari bante hain। points to bahut hain। ab dekho, aate to kitne dher hain। parantu nikalte koton mein koi hain kyonki manzil oonchi hai। praja to dher banti rahegi। parantu koton mein koi maala ka daana bante hain। naarad ka misaal...... tum apni shakla dekho lakshmi ko varne laayak bane ho? raaja to thode banenge। ek raaja ki dher praja banti hai। purushaartha karna chaahiye - oonch banne ka। raajaaon mein bhi koi bada raaja, koi chhota। bhaarat ke kitne raajaayen hain, kitni raajaaeeyaan chali aati hain। satayug mein bhi bahut raajaayen, mahaaraajaayen hote hain, mahaaraajaaon ke phir prince princess bhi hote, unke paas bahut property hoti hai, raajaaon ke paas kam property hoti। abhi hai praja ka praja par raajya। abhi raajdhaani sthaapan ho rahi hai। yeh hai shri lakshmi-naaraayan banne ki knowledge। uske liye hi tum purushaartha kar rahe ho। poochhte hain lakshmi-naaraayan ka pad paayenge va raam seeta ka? to sab kehte hain lakshmi-naaraayan ka। baap se poora varsa lenge। wonderful baaten hain aur koi jagah yeh baaten nahin hain। na koi shaastra mein hi hain। ab tumhaari buddhi ka taala khul gaya hai। baap samjhaate hain chalte phirte apne ko actor samjho। ab hamko vaapis jaana hai, yeh sadaiv yaad rahe - isko hi manamnaabhav, madhyaaji bhav kaha jaata hai। baap ghadi-ghadi yaad dilaate hain, bachche tumko vaapis le jaane aaya hoon। yeh hai roohaani yaatra। yeh baap ke sivaae aur koi kara nahin sakte। bhaarat ki mahima bhi karni hai। yeh bhaarat holiest land hai। sarva ke duhkh harta sukh karta, sabke sadgati daata baap ka birth place hai। vahi baap sabka liberator bhi hai। yeh bade te bada teertha sthaan hai। bhaaratvaasi bhal shiv ke mandir mein jaate hain parantu woh baap ko jaante nahin hain। gaandhi ko jaante hain, samajhte hain woh bahut achha tha, isliye un par jaakar phool chadhaate hain। laakhon kharcha karte hain। ab is samay hai unhon ka raajya। jo chaahe so kar sakte hain। yeh to baap baith gupta dharma ki sthaapna karte hain। bhaarat mein pahle devtaaon ka raajya tha। dikhaate hain asuron aur devtaaon ki ladaai lagi। parantu aisi baat hai nahin। yahaan yuddha ke maidaan mein maaya par jeet paai jaati hai। maaya par jeet to zaroor sarvashaktimaan baap hi pahnaayenge। baap hi raavan raajya se chhudaae raamraajya ki sthaapna kar rahe hain। baaki vahaan ladaai aadi ki baat hoti nahin। abhi dekho manushyon mein shaktivaan Christian log hain। woh sab par jeet pahan sakte hain। parantu woh vishwa ka maalik banen, yeh kaayda nahin hai। is raaz ko tum hi jaante ho। is samay sarvashaktimaan raajdhaani Christian ki hai। nahin to unhon ki sankhya sabse kam honi chaahiye kyonki last mein aaye hain, parantu teenon dharmo mein yeh sabse teekha hai। sabko haath mein kar baithe hain। yeh bhi drama bana hua hai। in dvaara hi phir hamko raajdhaani milni hai। kahaani bhi hai do bandar lade maakhan teesre ko mil jaata hai। woh aapas mein ladte hain - maakhan bhaaratvaasiyon ko mil jaata hai। kahaani to paai paise ki hai। arth kitna bada hai। manushya actor hote bhi drama ko nahin jaante। is gyaan ko samajhte phir bhi gareeb hain। saahookaar log kuchh bhi nahin samajhte। gareeb-nivaaz patit-paavan baap hi gaaya hua hai। ab practical mein part baja rahe hain। badi-badi sabhaaon mein tumko samjhaana hai। vivek kehta hai ki dheere-dheere vaah-vaah niklegi। last moment mein danka bajna hai। abhi to bachchon par grihchaari baithti rehti hai। line clear nahin hai। vighna padte rehte hain। jitna purushaartha karenge utni oonch praalabdha milegi। paandavon ko 3 pair prithvi ke nahin milte the - abhi ka yeh gaayan hai। parantu yeh kisko pata nahin hai ki vahi phir vishwa ke maalik banenge। practical mein tum bachche ab jaante ho, ismen aphsos nahin kiya jaata hai। kalpa pahle bhi aise hua tha। drama ke patte par khada rehna hai। hilna nahin chaahiye। ab naatak poora hota hai। chalte hain sukhdhaam mein। padhaai aisi padhen jo oonch pad pa leven। achha!

meethe-meethe sikeeldhe roohaani bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi bhi baat ka aphsos nahin karna hai। apni buddhi ki line sada clear rakhni hai। grihchaari se apni sambhaal karni hai।

2) grihastha vyavhaar se tod nibhaana hai, naphrat nahin karni hai। kamal phool samaan rehna hai। aastik ban sabko aastik banaana hai।

vardaan:- badi dil rakh seva ka pratyakshaphal nikaalne vaale vishwa kalyaankaari bhav

jo bachche badi dil rakhkar seva karte hain to seva ka pratyakshaphal bhi bada nikalta hai। koi bhi kaarya karo to svayan karne mein bhi badi dil aur doosron ko sahayogi banaane mein bhi badi dil ho। svayan prati va saathi sahayogi aatmaon prati sankuchit dil nahin rakho। badi dil rakhne se mitti bhi sona ho jaati hai, kamjor saathi bhi shaktishaali ban jaate hain, asambhav saphalta sambhav ho jaati hai। iske liye main-main ki bali chadha do to badi dil vaale vishwa kalyaankaari ban jaayenge।

slogan:- kaaran ko nivaaran mein parivartan karna hi shubh-chintak banna hai।

maateshvari ji ke anmol mahaavaakya

tum maat pita ham baalak tere, tumhari kripa se sukh ghanere... ab yeh mahima kiske liye gaai hui hai? avashya par-maatma ke liye gaayan hai kyonki paramatma khud maata pita roop mein aae is srishti ko apaar sukh deta hai। zaroor paramatma ne kab sukh ki srishti banaai hai tabhi to unko maata pita kahkar bulaate hain। parantu manushyon ko yeh pata hi nahin ki sukh kya cheez hai? jab is srishti par apaar sukh the tab srishti par shanti thi, parantu ab vo sukh nahin hain। ab manushya ko yeh chaahna uthti avashya hai ki vo sukh humein chaahiye, phir koi dhan padaartha maangate hain, koi bachche maangate hain, koi to phir aise bhi maangate hain ki ham pativrata naari banen। har ek ki chaahna to sukh ki hi rehti hai na। to paramatma bhi koi samay unhon ki aash avashya poorn karenge। to satayug ke samay jab srishti par svarga hai to vahaan sada sukh hai, jahaan stri kabhi vidhva nahin banti, to vo aash satayug mein poorn hoti hai, jahaan apaar sukh hai। baaki to is samay hai hi kaliyug। is samay to manushya duhkh hi duhkh bhogte hain। baaki jab manushya ati duhkh bhogte hain to kah dete hain ki prabhu ka bhaana meetha karke bhogna hai। parantu jab svayan paramatma aakar hamaare saare karmon ka khaata chuktu karta hai, tab hi ham kahenge tum maata pita.. achha। om shanti।